İsmayıllı Rayon Məhkəməsi Qətnamə — İş №e-2(037)-810/2025

Azərbaycan Respublikası adından QƏTNAMƏ İsmayıllı rayonu İş № e-2(037)-810/2025 13.06.2025 İSMAYILLI RAYON MƏHKƏMƏSİ İsmayıllı Rayon Məhkəməsinin hakimi Hüseynov İlqar Vidayət oğlu İddiaçı Cavabdeh qarşı borcun ödənilməsi tələbinə dair iddia ərizəsi üzrə mülki işə kiçik iddialara dair sadələşdirilmiş icraat qaydasında baxaraq, müəyyən etdi: İddiaçı (bundan sonra iddiaçı) iddia ərizəsi ilə müraciət edərək Cavabdeh (bundan sonra cavabdeh) 10 aprel 2025-ci il tarixinə yaranmış 07 iyul 2023-cü il tarixli ********* saylı müddətli (nisyə) alqı-satqı müqaviləsi üzrə 196,7 manat əsas, 29,5 manat cərimə, 23 mart 2024-ci il tarixli ********* saylı müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə və 23 mart 2024-ci il tarixli ********* saylı müddətli (nisyə) alqısatqı müqaviləsi üzrə 123,9 manat əsas, 18,5 manat cərimə olmaqla ümumilikdə üç müqavilə üzrə cəmi 511 manat borcun və 30 manat ödənilmiş dövlət rüsumunun alınaraq iddiaçının hesabına ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, tərəflər arasında bağlanmış 07 iyul 2023cü il tarixli ********* nömrəli nisyə alqı-satqı müqaviləsinə əsasən cavabdeh aldığı “Xiaomi” markalı telefon və qulaqcığa görə 18 ay ödəniş cədvəli üzrə hər ay 50 manat olmaqla, cəmi 896,7 manat, 23 mart 2024-ci il tarixli ********* nömrəli nisyə alqı-satqı müqaviləsinə əsasən cavabdeh aldığı “Samsung” markalı tozsovurana görə 24 ay ödəniş cədvəli üzrə hər ay 6 manat olmaqla, cəmi 159,9 manat, 23 mart 2024-ci il tarixli ********* nömrəli nisyə alqı-satqı müqaviləsinə əsasən cavabdeh aldığı ütüyə görə 24 ay ödəniş cədvəli üzrə hər ay 6 manat olmaqla, cəmi 159,9 manat ödəməyi öhdəsinə götürmüşdür. Lakin cavabdeh müqavilələrin şərtlərini pozaraq sonuncu dəfə müvafiq olaraq 08 sentyabr 2024-cü il tarixdə 50 manat, 05 mart 2025-ci il tarixdə 2 manat və 2 manat ödəniş etmişdir. Nisyə alqı-satqı müqavilələrinin 1 saylı əlavəsinin şərtlərinə uyğun olaraq gecikdirilən borc məbləğinin 1% dərəcəsi ilə gündəlik dəbbə pulu hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu ********* nömrəli nisyə alqısatqı müqaviləsi üzrə 295 manat, ********* nömrəli nisyə alqı-satqı müqaviləsi üzrə 185 manat və ********* nömrəli nisyə alqı-satqı müqaviləsi üzrə 185 manat təşkil edir. Hesablanmış cərimə məbləğlərinin 90%-i iddiaçı tərəfindən güzəşt edilmiş, yalnız 10%-i yəni 29,5 manat, 18,5 manat və 18,5 manat cavabdehdən tələb olunur. Cavabdeh borcun ödənilməsinə dair xəbərdarlıq edilməsinə baxmayaraq müqavilə üzrə yaranmış borcu ödəməkdən yayınmışdır. İddiaçı 10 aprel 2025-ci il tarixinə yaranmış 07 iyul 2023-cü il tarixli ********* saylı müddətli (nisyə) alqı-satqı müqaviləsi üzrə 196,7 manat əsas, 29,5 manat cərimə, 23 mart 2024-ci il tarixli ********* saylı müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə və 23 mart 2024-ci il tarixli ********* saylı müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə olmaqla ümumilikdə üç müqavilə üzrə cəmi 511 manat borcun və 30 manat ödənilmiş dövlət rüsumunun alınaraq iddiaçının hesabına ödənilməsi barədə qətnamə çıxarılmasını xahiş edir. Azərbaycan Respublikası Mülki-Prosessual Məcəlləsinin (bundan sonra - MPM) 284-5.1-ci maddəsinə uyğun olaraq cavabdehə rəsmi qaydada bildiriş 14 may 2025-ci il tarixdə göndərilmişdir. MPM-in 284-5.2-ci maddəsinə əsasən cavabdehin iddiaya qarşı hər hansı əsaslandırılmış etirazı məhkəməyə daxil olmamışdır. Məhkəmə iş materiallarını araşdırıb, sübutlara məcmu halda obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq hesab edir ki, iddia tələbi təmin edilməlidir. Belə ki, iş materiallarında olan və məhkəmə tərəfindən tədqiq edilmiş - 07 iyul 2023-cü il tarixli nisyə alqı-satqı müqaviləsinin və müqaviləyə əlavənin surətlərindən görünür ki, həmin tarixdə iddiaçı tərəfindən cavabdehə 18 ay müddətinə hər ay 50 manat olmaqla cəmi 896,78 manat dəyərində “X1” markalı telefon və qulaqcıq satılmışdır. - 10 aprel 2025-ci il tarixli maliyyə arayışının surətindən görünür ki, cavabdehin 07 iyul 2023-cü il tarixli müqavilə üzrə 196,7 manat əsas, 295 manat cərimə olmaqla cəmi 491,7 manat borcu vardır. - 23 mart 2024-cü il tarixli nisyə alqı-satqı müqaviləsinin və müqaviləyə əlavənin surətlərindən görünür ki, həmin tarixdə iddiaçı tərəfindən cavabdehə 24 ay müddətinə hər ay 6 manat olmaqla cəmi 159,99 manat dəyərində əşya satılmışdır. - 10 aprel 2025-ci il tarixli maliyyə arayışının surətindən görünür ki, cavabdehin 23 mart 2024-cü il tarixli müqavilə üzrə 123,9 manat əsas, 185 manat cərimə olmaqla cəmi 308,9 manat borcu vardır. - 23 mart 2024-cü il tarixli nisyə alqı-satqı müqaviləsinin və müqaviləyə əlavənin surətlərindən görünür ki, həmin tarixdə iddiaçı tərəfindən cavabdehə 24 ay müddətinə hər ay 6 manat olmaqla cəmi 159,99 manat dəyərində Samsung markalı tozsovuran satılmışdır. - 10 aprel 2025-ci il tarixli maliyyə arayışının surətindən görünür ki, cavabdehin 23 mart 2024-cü il tarixli müqavilə üzrə 123,9 manat əsas, 185 manat cərimə olmaqla cəmi 308,9 manat borcu vardır. - 14 aprel 2025-ci il tarixli xəbərdarlığın surətindən görünür ki, cavabdehdən hər üç müqavilə üzrə yaranmış borcun ödənilməsi tələb olunmuş, əks halda aidiyyatı üzrə məhkəməyə müraciət olunacağı barədə xəbərdar edilmişdir. - 07 may 2025-ci il tarixli 74024597 nömrəli görünür ki, iddiaçı tərəfindən həmin tarixdə 30 manat dövlət rüsumu ödənilmişdir. Məhkəmə tərəfindən tədqiq olunmuş sübutlarla müəyyən edilmişdir ki, tərəflər arasında bağlanmış 07 iyul 2023-cü il tarixli ********* nömrəli nisyə alqı-satqı müqaviləsinə əsasən cavabdeh aldığı “Xiaomi” markalı telefon və qulaqcığa görə 18 ay ödəniş cədvəli üzrə hər ay 50 manat olmaqla, cəmi 896,7 manat, 23 mart 2024-ci il tarixli ********* nömrəli nisyə alqı-satqı müqaviləsinə əsasən cavabdeh aldığı “Samsung” markalı tozsovurana görə 24 ay ödəniş cədvəli üzrə hər ay 6 manat olmaqla, cəmi 159,9 manat, 23 mart 2024ci il tarixli ********* nömrəli nisyə alqı-satqı müqaviləsinə əsasən cavabdeh aldığı ütüyə görə 24 ay ödəniş cədvəli üzrə hər ay 6 manat olmaqla, cəmi 159,9 manat ödəməyi öhdəsinə götürmüşdür. Lakin cavabdeh müqavilələrin şərtlərini pozaraq sonuncu dəfə müvafiq olaraq 08 sentyabr 2024-cü il tarixdə 50 manat, 05 mart 2025-ci il tarixdə 2 manat və 2 manat ödəniş etmişdir. Nisyə alqı-satqı müqaviləsinin 1 saylı əlavəsinin şərtlərinə uyğun olaraq gecikdirilən borc məbləğinin 1% dərəcəsi ilə gündəlik dəbbə pulu hesablanır və alıcı tərəfindən satıcıya ödənilir. Cavabdehin gecikdirdiyi günlərin faktiki cərimə borcu ********* nömrəli nisyə alqı-satqı müqaviləsi üzrə 295 manat, ********* nömrəli nisyə alqısatqı müqaviləsi üzrə 185 manat və ********* nömrəli nisyə alqı-satqı müqaviləsi üzrə 185 manat təşkil edir. Hesablanmış cərimə məbləğlərinin 90%-i iddiaçı tərəfindən güzəşt edilmiş, yalnız 10%-i - yəni 29,5 manat, 18,5 manat və 18,5 manat cavabdehdən tələb olunur. Cavabdehə borcun ödənilməsinə dair xəbərdarlıq edilməsinə baxmayaraq borcu ödəməkdən yayınmışdır. İddiaçı 10 aprel 2025-ci il tarixinə yaranmış 07 iyul 2023-cü il tarixli ********* saylı müddətli (nisyə) alqı-satqı müqaviləsi üzrə 196,7 manat əsas, 29,5 manat cərimə, 23 mart 2024-ci il tarixli ********* saylı müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə və 23 mart 2024-ci il tarixli ********* saylı müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə olmaqla ümumilikdə üç müqavilə üzrə cəmi 511 manat borcun və 30 manat ödənilmiş dövlət rüsumunun alınaraq iddiaçının hesabına ödənilməsi barədə qətnamə çıxarılmasını xahiş edir. Cavabdeh tərəfindən iddiaçının tələbinə dair münasibət bildirilməmişdir. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, əmlak verməli, iş görməli, xidmətlər göstərməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Həmin Məcəllənin 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Həmin Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən kiçik iddialara dair ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə belə nəticəyə gəlir ki, iddia tələbi təmin edilməli, Cavabdeh 07 iyul 2023cü il tarixli müddətli (nisyə) alqı-satqı müqaviləsi üzrə 196,7 manat əsas, 29,5 manat cərimə, 23 mart 2024-ci il tarixli müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə və 23 mart 2024-ci il tarixli müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə və 30 manat ödənilmiş dövlət rüsumu olmaqla cəmi 541 manat məbləği alınaraq iddiaçı «İrşad Electronics” Məhdud Məsuliyyətli Cəmiyyətinin hesabına ödənilməlidir. Qeyd olanlara əsasən və Azərbaycan Respublikası MPM-nin 119, 284-6-cı maddələrini rəhbər tutaraq, məhkəmə qət etdi: İddia tələbi təmin edilsin. Cavabdeh 07 iyul 2023-cü il tarixli müddətli (nisyə) alqı-satqı müqaviləsi üzrə 196,7 manat əsas, 29,5 manat cərimə, 23 mart 2024-ci il tarixli müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə və 23 mart 2024-ci il tarixli müddətli (nisyə) alqı-satqı müqaviləsi üzrə 123,9 manat əsas, 18,5 manat cərimə və 30 manat ödənilmiş dövlət rüsumu olmaqla cəmi 541 (beş yüz qırx bir) manat məbləği alınaraq iddiaçı «İrşad Electronics” Məhdud Məsuliyyətli Cəmiyyətinin hesabına ödənilsin. Qətnamədən rəsmi qaydada verildiyi gündən 1 (bir) ay müddətində İsmayıllı Rayon Məhkəməsi vasitəsi ilə elektron qaydada Şəki Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Sədrlik edən İlqar Hüseynov