Kəlbəcər Rayon Məhkəməsi Qətnamə — İş №e-2(040)-1510/2025

Azərbaycan Respublikası adından QƏTNAMƏ Göygöl rayonu İş № e-2(040)-1510/2025 23.12.2025 KƏLBƏCƏR RAYON MƏHKƏMƏSİ Hakim Qəniyev Həsən Salman oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı “Nisyə alqı-satqı müqaviləsindən yaranmış borcun ödənilməsi” ərizəsi üzrə mülki işə Kəlbəcər Rayon Məhkəməsinin binasında kiçik iddialara dair işlər üzrə sadələşdirilmiş icraat qaydasında, məhkəmə iclası keçirmədən baxaraq, müəyyənеtdim: İddiaçı "xxxx" Məhdud Məsuliyyətli Cəmiyyəti Cavabdeh qarşı kiçik iddialara dair işlər üzrə sadələşdirilmiş icraat qaydasında ərizə ilə Kəlbəcər Rayon Məhkəməsinə müraciət edərək, 1) 29 dekabr 2024-cü il tarixli müqaviləyə əsasən, İMEİ kodu **********26354 İphone 15, Apple Adapter üçün 2202,40 AZN (iki min iki yüz iki manat 40 qəpik) ödənilməmiş hissə, X1 ödənilən 23,60 AZN (iyirmi üç manat 60 qəpik) rüsum, 220,24 AZN (iki yüz iyirmi manat 24 qəpik) cərimə, 2) 03 fevral 2025-ci il tarixli müqaviləyə əsasən, Apple Airpods 4 qulaqlıq üçün 318,62 AZN (üç yüz on səkkiz manat 62 qəpik) ödənilməmiş hissə, 31,86 AZN (otuz bir manat 86 qəpik) cərimə olmaqla, ümumilikdə 2796,72 AZN (iki min yeddi yüz doxsan altı manat 72 qəpik) borc və 47,97 AZN (qırx yeddi manat 97 qəpik) ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. Ərizə onunla əsaslandırılmışdır ki, cavabdeh ilə "xxxx" MMC arasında bağlanmış 29 dekabr 2024-cü il, 03 fevral 2025-ci il tarixli müqavilələrə əsasən İmei kod **********26354 İphone 15, Apple Adapter, Apple Aırpods 4 qulaqlıq almış və nəticədə 2796,72 (iki min yeddi yüz doxsan altı manat 72 qəpik) manat borc yaranmışdır. Cavabdeh müqavilənin şərtlərini pozmuş və nəticədə 29 dekabr 2024-cü il tarixli müqaviləyə əsasən, alqı-satqı qiyməti 2642,88 (iki min altı yüz qırx iki manat 88 qəpik) manat (24 ay x 110,12 manat + 0 manat ilkin ödəniş) olan İmei kod **********26354 İphone 15, Apple Adapter üçün ümumilikdə, 2446,24 (iki min dörd yüz qırx altı mnat 24 qəpik) manat olmaqla ondan, 2202,40 (iki min iki yüz manat 40 qəpik) manat ödənilməmiş hissə, İnnovativ Layihələr Mərkəzinə ödənilən 23,60 (iyirmi üç manat, 60 qəpik) manat rüsum, güzəşt olunaraq 220,24 (iki yüz iyirmi manat 24 qəpik) manat cərimə; 03 fevral 2025-ci il tarixli müqaviləyə əsasən, alqı-satqı qiyməti 424,92 (dörd yüz iyirmi dörd manat 92 qəpik) manat (12 ay x 35,44 manat + 0 manat ilkin ödəniş) olan Apple Aırpods 4 qulaqlıq üçün ümumilikdə, 350,48 (üç yüz əli manat 48 qəpik) manat olmaqla ondan, 318,62 (üç yüz on səkki zmanat 62 qəpik) manat ödənilməmiş hissə, güzəşt olunaraq 31,86 (otuzbir manat 86 qəpik) manat cərimə miqdarında borc yaranmışdır. Cavabdehin cəmi ödədiyi məbləğ 546,78 manat təşkil edir. Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində mübahisəsiz olaraq penya ödəyir. Cavabdehlə aramızda bağlanılmış 29 dekabr 2024-cü il, 03 fevral 2025-ci il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aramızda olan telefon danışığı, həmçinin göndərdiyimiz 24 oktyabr 2025-ci il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsəkdə, qarşı tərəf müqavilə ilə təsbit olunmuş öhdəlikləri icra etməmişdir. Tələbimizin əsaslığını və əmlakın dəyərini sübut edən sənədlər: tərəflər arasında bağlanılmış Müqavilə, onun əlavəsi, bildirişi, əşyaların təhvil-təslimaktı və ödəniş cədvəlindən ibarətdir. Azərbaycan Respublikası Mülki Prosessual Məcəlləsinin (bundan sonra: Mülki Prosessual Məcəllə): 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. 284-5.3-ci maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Cavabdeh yazılı məhkəmə bildirişi göndərilmiş, bildirişdə iddiaçının tələbinə dair əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Lakin cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədlərini məhkəməyə təqdim etməmişdir. Hakim mülki işin materiallarını araşdıraraq hesab edir ki, iş materiallarında olan sənədlər əsasında yekun məhkəmə aktı qəbul edilə bilər. Belə ki, iş materiallarında olan: 29 dekabr 2024-cü il tarixli 525076 nömrəli müqavilə və müqaviləyə əlavədən görünür ki, Cavabdeh "xxxx" Məhdud Məsuliyyətli Cəmiyyətindən alqı-satqı qiyməti 2642,88 (iki min altı yüz qırx iki manat 88 qəpik) manat olan İMEİ kodu **********26354 İphone 15, Apple Adapter əldə edərək ilkin ödəniş etmədən 24 (iyirmi dörd) ay müddətinə hər ay 110,12 (bir yüz on manat 12 qəpik) manat olmaqla "xxxx" MMC-yə ödəməyi öhdəsinə götürmüşdür. İş materiallarında olan: "xxxx" MMC tərəfindən verilmiş 28 oktyabr 2025-ci il tarixli “Maliyyə və ödəniş cədvəli”ndən görünür ki, Cavabdeh 29 dekabr 2024-cü il tarixli müqavilə üzrə 440,48 AZN manat ödəniş etmiş, onun 2202,40 AZN ödənilməmiş hissə, X1 ödənilən 23,60 AZN rüsum, 220,24 AZN cərimə borcu olmaqla, ümumilikdə 2446,24 AZN borcu vardır. İş materiallarında olan: 29 dekabr 2024-cü il tarixli əşyaların təhvil-təslim aktından görünür ki, Cavabdeh "xxxx" Məhdud Məsuliyyətli Cəmiyyətindən İMEİ kodu **********26354 İphone 15, Apple Adapteri tam qüsursuz halda təhvil almışdır. İş materiallarında olan: 03 fevral 2025-ci il tarixli 525076 nömrəli müqavilədən və müqaviləyə əlavədən görünür ki, Cavabdeh "xxxx" Məhdud Məsuliyyətli Cəmiyyətindən alqı-satqı qiyməti 424,92 (dörd yüz iyirmi dörd manat 92 qəpik) manat olan Apple Airpods 4 qulaqlıq əldə edərək ilkin ödəniş etmədən 12 (on iki) ay müddətinə hər ay 35,44 (otuz beş manat 44 qəpik) manat olmaqla "xxxx" MMC-yə ödəməyi öhdəsinə götürmüşdür. İş materiallarında olan: "xxxx" MMC tərəfindən verilmiş 28 oktyabr 2025-ci il tarixli “Maliyyə və ödəniş cədvəli”ndən görünür ki, Cavabdeh 03 fevral 2025-ci il tarixli müqavilə üzrə 106,30 AZN ödəniş etmiş, onun 318,62 AZN ödənilməmiş hissə, 31,86 AZN cərimə borcu olmaqla, ümumilikdə 350,48 AZN borcu vardır. İş materiallarında olan: 03 fevral 2025-ci il tarixli əşyaların təhvil-təslim aktından görünür ki, Cavabdeh "xxxx" Məhdud Məsuliyyətli Cəmiyyətindən Apple Airpods 4 qulaqlıqı tam qüsursuz halda təhvil almışdır. İş materiallarında olan: cavabdehə göndərilmiş (poçt qəbzi var) 24 oktyabr 2025-ci il tarixli xəbərdarlıq məktubundan görünür ki, Cavabdeh "xxxx" Məhdud Məsuliyyətli Cəmiyyətinə olan borcu barədə məlumat verilmişdir. Azərbaycan Respublikasının Mülki Məcəlləsinin 567-ci maddəsinə əsasən, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. -600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; -601.1-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər, hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun; -600.4-cü maddəsinə əsasən, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; -385.1-ci maddəsinə əsasən, öhdəliyə əsasən, bir şəxs (borclu) başqa şəxsin (kreditorun)xeyrinə müəyyən hərəkətlər etməlidir, məsələn, pul ödəməli, xidmətlər göstərməli, əmlak verməli, iş görməli və i.a. və ya müəyyən hərəkətdən çəkinməlidir,kreditorun isə borcludan vəzifəsinin icrasını tələb etmək hüququ vardır; -442-ci maddəsinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; -448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. -465.2-ci maddəsinə əsasən, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. -467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Mülki Prosessual Məcəllənin 14.2, 217.4 və 218.3-cü maddələrinə əsasən, məhkəmə yalnız tərəflərin təqdim etdikləri sübutları araşdıraraq, onlardan istifadə edərək, yalnız məhkəmə iclasında tədqiq olunmuş sübutlara əsaslanaraq, iddia tələblərinin hədlərindən kənara çıxmadan işdə iştirak edən şəxslərin verdiyi tələblər üzrə qətnamə çıxarır. Sadalanan qanunvericilik normalarına əsasən hakim hesab edir ki, iddia qismən təmin edilməlidir. Belə ki, Cavabdeh alqı-satqı müqavilələri əsasında əşyanı almaq hüququna malik olduğu kimi, eyni zamanda göstərilən müqavilələr əsasında pul məbləğini iddiaçıya qaytarmalı olmasına dair vəzifənin daşıyıcısı olmuşdur. Lakin cavabdeh müqavilələr üzrə öhdəliklərini icra etməyərək, pul öhdəliyini lazımınca yerinə yetirməmişdir. Odur ki, iddiaçı cavabdehdən 1) 29 dekabr 2024-cü il tarixli müqavilə üzrə yaranmış 2202,40 AZN (iki min iki yüz iki manat 40 qəpik), 2) 03 fevral 2025-ci il tarixli müqavilə üzrə yaranmış 318,62 AZN (üç yüz on səkkiz manat 62 qəpik) əsas borcun ödənilməsini tələb etməkdə haqlıdır. Bundan başqa, iddianın cəriməyə aid hissəsi ilə bağlı hakim hesab edir ki, cavabdehə 1) 29 dekabr 2024-cü il tarixli müqavilə üzrə hesablanmış 220,24 AZN (iki yüz iyirmi manat 24 qəpik) məbləğində cərimə borcu azaldılmalı (Mülki Məcəllənin 467-ci maddəsinə əsasən), cavabdehin üzərində 22,02 AZN (iyirmi iki manat 02 qəpik), 2) 03 fevral 2025-ci il tarixli müqavilə üzrə hesablanmış 31,86 AZN (otuz bir manat 86 qəpik) cərimə borcu azaldılmalı (Mülki Məcəllənin 467-ci maddəsinə əsasən), cavabdehin üzərində 3,18 AZN (üç manat 18 qəpik) məbləğində dəbbə pulu borcu saxlanmalıdır. İddia qalan hissədə - iki müqavilənin cəmi üzrə 226,90 AZN (iki yüz iyirmi altı manat 90 qəpik) cərimə borcu hissəsində Mülki Məcəllənin 467-ci maddəsi tətbiq edildiyindən həmçinin İnnovativ Layihələr Mərkəzinə ödənilmiş 23,60 AZN (iyirmi üç manat 60 qəpik) rüsum hissəsində əsassız olduğundan, həmin hissələrdə iddia təmin edilməməlidir. Mülki Prosessual Məcəllənin 119.1-ci maddəsinə görə, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Buna görə iş üzrə iddiaçı tərəfindən iddia ərizəsinin verilməsi ilə əlaqədar ödənilmiş 47,97 AZN (qırx yeddi manat 97 qəpik) dövlət rüsumunun 45,46 AZN (qırx beş manat 46 qəpik) hissəsinin pul əvəzi cavabdehdən iddiaçının xeyrinə tutulmalıdır. Beləliklə, Cavabdeh 1) 29 dekabr 2024-cü il tarixli müqavilə üzrə 2202,40 AZN (iki min iki yüz iki manat 40 qəpik) əsas borc, 22,02 AZN (iyirmi iki manat 02 qəpik) cərimə olmaqla, cəmi 2224,42 AZN (iki min iki yüz iyirmi dörd manat 42 qəpik) borc; 2) 03 fevral 2025-ci il tarixli müqavilə üzrə 318,62 AZN (üç yüz on səkkiz manat 62 qəpik) əsas borc, 3,18 AZN (üç manat 18 qəpik) cərimə olmaqla, cəmi 321,80 AZN (üç yüz iyirmi bir manat 80 qəpik) borc, iki müqavilə üzrə cəmi 2546,22 AZN (iki min beş yüz qırx altı manat 22 qəpik) borc və ödənilmiş 45,46 AZN (qırx beş manat 46 qəpik) dövlət rüsumunun pul əvəzi olmaqla, ümumilikdə 2591,68 AZN (iki min beş yüz doxsan bir manat 68 qəpik) məbləğdə pul vəsaiti tutularaq iddiaçı "xxxx" Məhdud Məsuliyyətli Cəmiyyətinə ödənilməlidir. Şərh olunanlara əsasən və Azərbaycan Respublikasının Мülki Prosessual Мəcəlləsinin 216-220, 284-6.1 və 360-cı maddələrini rəhbər tutaraq, qətеtdim: İddia qismən təmin edilsin. Cavabdeh 1) 29 dekabr 2024-cü il tarixli müqavilə üzrə 2202,40 AZN (iki min iki yüz iki manat 40 qəpik) əsas borc, 22,02 AZN (iyirmi iki manat 02 qəpik) cərimə olmaqla, cəmi 2224,42 AZN (iki min iki yüz iyirmi dörd manat 42 qəpik) borc; 2) 03 fevral 2025-ci il tarixli müqavilə üzrə 318,62 AZN (üç yüz on səkkiz manat 62 qəpik) əsas borc, 3,18 AZN (üç manat 18 qəpik) cərimə olmaqla, cəmi 321,80 AZN (üç yüz iyirmi bir manat 80 qəpik) borc, iki müqavilə üzrə cəmi 2546,22 AZN (iki min beş yüz qırx altı manat 22 qəpik) borc və ödənilmiş 45,46 AZN (qırx beş manat 46 qəpik) dövlət rüsumunun pul əvəzi olmaqla, ümumilikdə 2591,68 AZN (iki min beş yüz doxsan bir manat 68 qəpik) məbləğdə pul vəsaiti tutularaq iddiaçı "xxxx" Məhdud Məsuliyyətli Cəmiyyətinə ödənilsin. İddia qalan hissədə təmin edilməsin. Qətnamədən, surəti rəsmi qaydada verildiyi gündən 1 (bir) ay müddətində Kəlbəcər Rayon Məhkəməsi vasitəsilə (“Elektron məhkəmə” informasiya sistemində yaradılan elektron kabinet vasitəsilə) Gəncə Apellyasiya Məhkəməsinin Mülki kollegiyasına apellyasiya şikayəti verilə bilər. Hakim: Həsən Qəniyev