Göyçay Rayon Məhkəməsi Qətnamə — İş №e-2(046)-1812/2024

Azərbaycan Respublikası adından QƏTNAMƏ Göyçay rayonu İş № e-2(046)-1812/2024 04.10.2024 GÖYÇAY RAYON MƏHKƏMƏSİ Giriş hissə: Hakim Qurbanova Gülnaz İntiqam qızı, İddiaçı Cavabdeh qarşı borc tələbi barədə kiçik iddialara dair işlər üzrə ərizəsinə baxaraq, MÜƏYYƏN ETDİ: Təsviri hissə: İddiaçı iddia ərizəsi ilə məhkəməyə müraciət edərək, Cavabdeh xx.xx.2021-ci il tarixli C9790028/21 saylı müqavilə üzrə 484 manat əsas, 45 manat cərimə, cəmi 529 manat və xx.xx.2021-ci il tarixli C9790098/21 saylı müqavilə üzrə 561 manat əsas, 50 manat cərimə, cəmi 611 manat və xx.xx.2020-ci il tarixli C9790272/20 saylı müqavilə üzrə 243 manat əsas, 24 manat cərimə, cəmi 267 manat, ümumilikdə üç müqavilə üzrə cəmi 1407 manat pulun və 35.40 manat dövlət rüsumunun tutulması barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, İddiaçı ilə Cavabdeh arasında xx.xx.2021-ci il tarixli C9790028/21 saylı, xx.xx.2021-ci il tarixli C9790098/21 saylı və xx.xx.2020-ci il tarixli C9790272/20 saylı nisyə alqı-satqı müqavilələri bağlanmışdır. xx.xx.2021-ci il tarixli C9790028/21 saylı müqaviləyə əsasən sonuncu «Samsung RT32K5132» markalı soyuducu və «Samsung WF8590NLW» markalı paltaryuyan müqabilində hər ayın 28-dən gec olmamaqla 12 ay müddətində ayda 123 manat, ödəməyi öhdəsinə götürmüşdür. xx.xx.2021-ci il tarixli C9790098/21 saylı nisyə alqı-satqı müqaviləsinə əsasən aldığı «Samsung TV 43TU7140» markalı televizor müqabilində hər ayın 16-dan gec olmamaqla 11 ay müddətində 92 manat, sonuncu ay üçün 87 manat ödəməyi öhdəsinə götürmüşdür. xx.xx.2020-ci il tarixli C9790272/20 saylı nisyə alqı-satqı müqaviləsinə əsasən aldığı «Epson L3101CİS » markalı məhsul müqabilində hər ayın 16-dan gec olmamaqla 12 ay müddətində ayda 120.17 manat ödəməyi öhdəsinə götürmüşdür. İddiaçı avadanlığı təhvil verməklə müqaviləyə əsasən öz öhdəliklərini yerinə yetirsə də, cavabdeh alıdığı malların dəyərini razılaşdırılmış qayadada ödəməmiş və nəticədə üç müqavilə üzrə 1407 manat borcu yaranmışdır. Cavabdeh borcunu ödəmədiyi təqdirdə məhkəməyə müraciət olunacağı barədə xəbərdar edilmişdir. Məhkəmə Azərbaycan Respublikası Mülki Prosessual Məcəlləsinin 23-1-ci fəslində təsbit edilmiş müddəaları rəhbər tutaraq, iddianın qiymətini nəzərə alıb, ərizəyə kiçik iddialara dair işlər üzrə sadələşdirilmiş icraat qaydasında tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxmışdır. Məhkəmə iddia ərizəsini iş materialları ilə birlikdə araşdıraraq, işdə olan sənədləri tədqiq edərək və sübutları qiymətləndirərək qeyd edir ki, işdə olan sənədlər iş üzrə yekun qərarın çıxarılması üçün kifayət edir və iş üzrə əlavə araşdırmanın, o cümlədən tərəfləri çağıraraq izahatlarının alınması, yaxud şahidlərdən ifadələrin və ya ekspertlərdən rəyin alınması zərurəti yoxdur. Yazılı sübut qismində iş materiallarına əlavə edilmiş sənədlərdən görünür ki Cavabdeh ilə İddiaçı arasında xx.xx.2021-ci il tarixli C9790028/21 saylı nisyə alqısatqı müqaviləsi bağlanmışdır. Həmin müqaviləyə əsasən cavabdeh dəyəri 1676 manat olan «Samsung RT32K5132» markalı soyuducu və «Samsung WF8590NLW » markalı paltaryuyan müqabilində hər ayın 28-dən gec olmamaqla 12 ay müddətində ayda 123 manat pulu ödəməyi öhdəsinə götürmüşdür. Cavabdeh ilə İddiaçı arasında xx.xx.2021-ci il tarixli C9790098/21 saylı nisyə alqısatqı müqaviləsi bağlanmışdır. Həmin müqaviləyə əsasən cavabdeh dəyəri 1099 manat «Samsung TV 43TU7140 » markalı televizor müqabilində hər ayın 16-dan gec olmamaqla 11 ay müddətində 92 manat, sonuncu ay üçün 87 manat pulu ödəməyi öhdəsinə götürmüşdür. Cavabdeh ilə İddiaçı arasında xx.xx.2020-ci il tarixli C9790272/20 saylı nisyə alqısatqı müqaviləsi bağlanmışdır. Həmin müqaviləyə əsasən cavabdeh dəyəri 1592 manat olan «Epson L3101CİS » markalı məhsul müqabilində hər ayın 16-dan gec olmamaqla 12 ay müddətində ayda 120.17 manat pulu ödəməyi öhdəsinə götürmüşdür. Müqavilələr hər iki tərəfin imzası və iddiaçının möhürü ilə təsdiq edilmişdir. Cavabdehə borcunu ödəmədiyi təqdirdə məhkəməyə müraciət ediləcəyi barədə xəbərdarlıq məktubu göndərilmişdir. Cavabdeh xx.xx.2021-ci il tarixli C9790028/21 saylı nisyə alqı-satqı müqaviləsi üzrə 484 manat əsas, 45 manat cərimə, cəmi 529 manat borcunun olmasına dair xx.xx.2024-cü tarixli maliyyə arayışı tərtib olunmuşdur. Cavabdeh xx.xx.2021-ci il tarixli C9790098/21 saylı nisyə alqı-satqı müqaviləsi üzrə 561 manat əsas, 50 manat cərimə, cəmi 611 manat borcunun olmasına dair xx.xx.2024-cü tarixli maliyyə arayışı tərtib olunmuşdur. Cavabdeh xx.xx.2020-ci il tarixli C9790272/20 saylı nisyə alqı-satqı müqaviləsi üzrə 243 manat əsas, 24 manat cərimə, cəmi 267 manat borcunun olmasına dair xx.xx.2024-cü tarixli maliyyə arayışı tərtib olunmuşdur. ********** saylı qəbzinə əsasən iddia ərizəsinin verilməsi üçün 35 manat dövlət rüsumu ödənilmişdir. Əsaslandırıcı hissə: Azərbaycan Respublikası Mülki Məcəlləsinin 600.1-ci maddəsinə əsasən alğı-satğı müqaviləsində əşya alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. 601.1-ci maddəsinə görə isə, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satğı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. 385.1, 442, 443.1 və 448.1-ci maddələrinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Öhdəliyini icra etməyən borclu kreditora dəymiş zərərin əvəzini ödəməyə borcludur. Borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Məhkəmə araşdırması zamanı müəyyən edildi ki, İddiaçıilə Cavabdeh arasında xx.xx.2021-ci il tarixli C9790028/21 saylı və xx.xx.2021-ci il tarixli C9790098/21 saylı və xx.xx.2020-ci il tarixli C9790272/20 saylı nisyə alqı-satqı müqavilələrindən irəli gələn öhdəlik hüquq münasibətləri yaranmışdır. İddiaçı alqı-satqı müqaviləsinə əsasən üzərinə götürdüyü öhdəlikləri lazımi qaydada icra edərək avadanlıqları cavabdehə təqdim etmişdir. Cavabdeh isə aldığı mallarn dəyərini müəyyən edilmiş müddət ərzində ödəməməklə, uzərinə düşən öhdəlikləri pozmuşdur. Beləliklə, iddia tələbi əsas borcun tutulması hissəsində əsaslı olduğundan təmin edilməlidir. Azərbaycan Respublikası Mülki Məcəlləsinin 462.1-ci maddəsinə əsasən dəbbə pulu (cərimə, penya) qanun və ya müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. 463.1-ci maddəsinə əsasən dəbbə pulu haqqında razılaşma əsas öhdəliyin formasından asılı olmayaraq yazılı formada bağlanmalıdır. Göründüyü kimi Cavabdeh nisyə alqı-satqı müqavilər üzrə öhdəliklərini lazımi qaydada icra etməməsi işin yuxarıda göstərilən halları ilə müəyyən edildiyindən və tərəflər arasında bağlanmış müqavilələrdə öhdəliklərin lazımi qaydada icra edilməməsinə görə dəbbə pulu ödənilməsi nəzərdə tutulduğundan cavabdehdən iddiaçının xeyrinə dəbbə pulu tutulması üçün əsaslar mövcuddur. Mülki Prosessual Məcəlləsinin 119.1-ci maddəsinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Odur ki, hazırkı qətnamə ilə iddia təmin edildiyindən iddia tərəfindən ödənilmiş 35.40 (otuz beş manat qırx qəpik) manat məbləğində pul vəsaiti cavabdehdən tutularaq iddiaçıya ödənilməlidir. Nəticə: Yuxarıda şərh olunanlara əsasən və Azərbaycan Respublikası MPM-in 119, 284-5, 284-6, 357, 358, 360 və 362-ci maddələrini rəhbər tutaraq, QƏT ETDİ: İddia tələbi təmin edilsin. Cavabdeh xx.xx.2021-ci il tarixli C9790028/21 saylı müqavilə üzrə 484 manat əsas, 45 manat cərimə və xx.xx.2021-ci il tarixli C9790098/21 saylı müqavilə üzrə 561 manat əsas, 50 manat cərimə və xx.xx.2020-ci il tarixli C9790272/20 saylı müqavilə üzrə 243 manat əsas, 24 manat cərimə, ümumilikdə 1407 (min dörd yüz yeddi) manat məbləğində pul tutularaq İddiaçı ödənilsin. Cavabdeh dövlət rüsumu üçün ödənilmiş 35.40 (otuz beş manat qırx qəpik) manat məbləğində pul alınaraq İddiaçı verilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Göyçay Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Hakim: Gülnaz Qurbanova