Göyçay Rayon Məhkəməsi Qətnamə — İş №e-2(046)-225/2025

Azərbaycan Respublikası adından QƏTNAMƏ Göyçay rayonu İş № e-2(046)-225/2025 21.02.2025 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi, İddiaçı MMC-nin Cavabdeh qarşı kredit borcunun ödənilməsi tələbinə dair mülki işə Göyçay şəhərində açıq məhkəmə iclasında baxaraq, məhkəmə MÜƏYYƏNETDİ: İddiaçı MMC ərizə ilə məhkəməyə müraciət edərək Cavabdeh 25 avqust 2022-ci il 8MKK6245775 saylı nisyə alqı-satqı müqaviləsinə əsasən 1144 manat əsas borc, 05 dekabr 2022-ci il GYK6174190-O saylı nisyə alqı-satqı müqaviləsinə əsasən 200 manat əsas borc, 05 dekabr 2022-ci il tarixli GYK6174189-O saylı nisyə alqı-satqı müqaviləsinə əsasən 952 manat əsas borc, 22 noyabr 2022-ci il tarixli 8MKK6270741 saylı nisyə alqısatqı müqaviləsinə əsasən 896 manat əsas borc, 26 dekabr 2022-ci il tarixli GYK6174305 saylı nisyə alqı-satqı müqaviləsinə əsasən 639 manat əsas borc və 59 manat məbləğində dövlət rüsumun tutularaq İddiaçı MMC-nin xeyrinə ödənilməsi barədə qətnamə qəbul edilməsini xahiş etmişdir. İddiaçı MMC-nin nümayəndəsi məhkəməyə ərizə ilə müraciət edərək məhkəmə iclasının nümayəndənin iştirakı olmadan keçirilərək iddia tələbinin təmin edilməsi barədə qətnamə qəbul edilməsini xahiş etmişdir. İş üzrə İddiaçı MMC-nin iddia ərizəsində tələbini belə əsaslandırmışdır ki, Cavabdeh İddiaçı MMC ilə müddəti15 ay olmaqla 25 avqust 2022-ci il 8MKK6245775 saylı tarixli nisyə alqı-satqı müqaviləsi bağlamış, həmin müqaviləyə əsasən cavabdeh iddiaçıdan dəyəri 2209 manat olan məişət avadanlığı əldə etmiş, cavabdehin müqavilə üzrə ödənişlər etdikdən sonra iddiaçıya 1144 manat əsas borcu qalmışdır. Bundan başqa, Cavabdeh İddiaçı MMC ilə müddəti 12 ay olmaqla 05 dekabr 2022-ci il GYK6174190-O saylıtarixli nisyə alqı-satqı müqaviləsi bağlamış, həmin müqaviləyə əsasən cavabdeh iddiaçıdan dəyəri 329 manat olan məişət avadanlığı əldə etmi, cavabdehin müqavilə üzrə ödənişlər etdikdən sonra iddiaçıya 200 manat əsas borcu qalmışdır. Bundan başqa Cavabdeh İddiaçı MMC ilə müddəti 12 ay olmaqla 05 dekabr 2022-ci il tarixli GYK6174189-O saylınisyə alqı-satqı müqaviləsi bağlamış, həmin müqaviləyə əsasən cavabdeh iddiaçıdan dəyəri 1579 manat olan məişət avadanlığı əldə etmiş, cavabdehin müqavilə üzrə ödənişlər etdikdən sonra iddiaçıya 952 manat əsas borcu qalmışdır. Bundan başqa Cavabdeh İddiaçı MMC ilə müddəti 12 ay olmaqla 22 noyabr 2022-ci il tarixli 8MKK6270741 saylı nisyə alqı-satqı müqaviləsi bağlamış, həmin müqaviləyə əsasən cavabdeh iddiaçıdan dəyəri 1409 manat olan məişət avadanlığı əldə etmiş, cavabdehin müqavilə üzrə ödənişlər etdikdən sonra iddiaçıya 896 manat əsas borcu qalmışdır. Bundan başqa Cavabdeh İddiaçı MMC ilə müddəti 12 ay olmaqla 26 dekabr 2022-ci il tarixli GYK6174305 saylı nisyə alqı-satqı müqaviləsi bağlamış, həmin müqaviləyə əsasən cavabdeh iddiaçıdan dəyəri 936 manat olan məişət avadanlığı əldə etmiş, cavabdehin müqavilə üzrə ödənişlər etdikdən sonra iddiaçıya 639 manat əsas borcu qalmışdır. Yuxarıda göstərilənləri nəzərə alaraq, Cavabdeh 25 avqust 2022-ci il 8MKK6245775saylı nisyə alqı-satqı müqaviləsinə əsasən 1144 manat əsas borc, 05 dekabr 2022-ci il GYK6174190-O saylı nisyə alqı-satqı müqaviləsinə əsasən 200 manat əsas borc, 05 dekabr 2022-ci il tarixli GYK6174189-O saylı nisyə alqı-satqı müqaviləsinə əsasən 952 manat əsas borc, 22 noyabr 2022-ci il tarixli 8MKK6270741 saylı nisyə alqı-satqı müqaviləsinə əsasən 896 manat əsas borc, 26 dekabr 2022-ci il tarixli GYK6174305saylı nisyə alqı-satqı müqaviləsinə əsasən 639 manat əsas borc və 59 manat məbləğində ödənilmiş dövlət rüsumunun, cəmi 3890 (üç min səkkiz yüz doxsan) manat pul vəsaitinin alınaraq İddiaçı MMC-yə ödənilməsi barədə qətnamə çıxarılması zəruridir. İş üzrə cavabdehə məhkəmənin yeri və vaxtı barədə qanunvericilikdə nəzərdə tutulmuş qaydada məhkəmə bildirişləri vasitəsilə məlumat verilmiş, lakin üzrlü səbəb olmadan məhkəmə baxışında iştirak etməmişdir. Azərbaycan Respublikası Mülki Prosessual Məcəlləsinin 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda…məhkəmə işə baxmağa haqlıdır. Məhkəmə cavabdehin iştirakı olmadan işə baxılmasını mümkün hesab etmişdir. İş üzrə təqdim edilmiş sübutlara hüquqi qiymət verən məhkəmə hesab edir ki, iddia tələbi təmin edilməlidir. Məhkəməyə təqdim edilmiş 25 avqust 2022-ci il tarixli 8MKK6245775 saylı nisyə alqı-satqı müqaviləsindən görünür ki, Cavabdeh 15 ay müddətinə 2209 manat dəyərində məişət avadanlığı satılmışdır. Məhkəməyə təqdim edilmiş 05 dekabr 2022-ci il tarixli GYK6174190-O saylı nisyə alqı-satqı müqaviləsindən görünür ki, Cavabdeh 12 ay müddətinə 329 manat dəyərində məişət avadanlığı satılmışdır. Məhkəməyə təqdim edilmiş 05 dekabr 2022-ci il tarixli GYK6174189-O saylı nisyə alqı-satqı müqaviləsindən görünür ki, Cavabdeh 12 ay müddətinə 1579 manat dəyərində məişət avadanlığı satılmışdır. Məhkəməyə təqdim edilmiş 22 noyabr 2022-ci il tarixli 8MKK6270741 saylı nisyə alqı-satqı müqaviləsindən görünür ki, Cavabdeh 12 ay müddətinə 1409 manat dəyərində məişət avadanlığı satılmışdır. Məhkəməyə təqdim edilmiş 26 dekabr 2022-ci il tarixli GYK6174305 saylı nisyə alqı-satqı müqaviləsindən görünür ki, Cavabdeh 12 ay müddətinə 936 manat dəyərində məişət avadanlığı satılmışdır. Məhkəməyə təqdim edilmiş maliyyə arayışından görünür ki, Cavabdehnun İddiaçı MMC-yə 3831 manat əsas borc təşkil edir. Təqdim edilmiş sübutlarla müəyyən edilir ki, Cavabdeh ilə İddiaçı MMC arasında bağlanmış nisyə-alqı satqı müqavilə üzrə məişət avadanlığı almışdır. Cavabdeh müqavilə üzrə üzərinə düşən öhdəlikləri vaxtında və lazımi qaydada yerinə yetirməmiş, öhdəliyin icrasından yayınmış, nəticədə Cavabdehnun iddiaçıya borcu yaranmışdır. Azərbaycan Respublikası Mülki Məcəlləsinin 448.1-ci maddəsinə əsasən əgər bu məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Azərbaycan Respublikası Mülki Məcəlləsinin 385-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətlər etməli, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 600.1-ci maddəsinə əsasən alqı-satqı müqaviləsində əşya alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 601.1-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. İddiaçı iddia ərizəsi ilə məhkəməyə müraciət etdiyi zaman 59 manat məbləğində dövlət rüsumu ödəmişdir. Azərbaycan Respublikasının MPM-nın 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Belə olan halda 59 manat dövlət rüsumu Cavabdeh alınaraq İddiaçı MMC-nin hesabına keçirilməlidir. Sadalananlara əsasən məhkəmə hesab edir ki, İddiaçı MMC-nin iddiası təmin qismən edilməli, Cavabdeh 3831 manat borc və iddiaçı tərəfindən ödənilmiş 59 manat dövlət rüsumu tutularaq İddiaçı MMC-nə qaytarılmalıdır. Şərh edilənlərə əsasən və Azərbaycan Respublikası MPM-nin 216-220-ci maddələrini rəhbər tutaraq, məhkəmə Q Ə T E T D İ: İddia qismən təmin edilsin. Cavabdeh 3831 manat borc və iddiaçı tərəfindən ödənilmiş 59 manat dövlət rüsumu tutularaq İddiaçı MMC-nin hesabına keçirilsin. Qətnamənin icrası Cavabdehnun yaşadığı ərazi üzrə Göyçay rayon İcra və Probasiya şöbəsinə həvalə edilsin. Qətnamədən rəsmi qaydada verildiyi gündən 1 ay müddətində Göyçay Rayon Məhkəməsi vasitəsi ilə ("Elektron məhkəmə" informasiya sistemində yaradılmış elektron kabinetdən istifadə edilməklə) Şəki Apellyasiya Məhkəməsinə apellyasiya şikayəti verilə bilər. Qətnamədən apelyasiya şikayəti verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: İbrahim Fəttahov