Lənkəran Rayon Məhkəməsi Qətnamə — İş №e-2(049)-1861/2024

Azərbaycan Respublikası adından QƏTNAMƏ Lənkəran şəhəri İş № e-2(049)-1861/2024 21.06.2024 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi Süleymanov Kamran Şakir oğlunun sədrliyi, Abbaszadə Fərid Şahüseyn oğlunun katibliyi ilə, İddiaçı "xxxx" Məhdud Məsuliyyətli Cəmiyyətinin Cavabdeh qarşı borcun ödənilməsi tələbinə dair mülki işə Lənkəran Rayon Məhkəməsinin inzibati binasında açıq məhkəmə iclasında baxaraq məhkəmə, m ü ə y y ə n e t d i: İddiaçı "xxxx" Məhdud Məsuliyyətli Cəmiyyəti Cavabdeh qarşı sadələşdirilmiş icraat qaydasında iddia ərizəsi ilə məhkəməyə müraciət edərək xx.xx.2023-ci il tarixli ********* nömrəli müqavilə üzrə 559.70 manat əsas 83.90 manat cərimə, cəmi 643.60 manat borc, xx.xx.2023-ci il tarixli ********* nömrəli müqavilə üzrə 81 manat əsas 12.10 manat cərimə, cəmi 93.10 manat borc, xx.xx.2023-ci il tarixli ********* nömrəli müqavilə üzrə 102.40 manat əsas, 15.30 manat cərimə, cəmi 117.70 manat borc, ümumilikdə üç müqavilə üzrə cəmi 854.40 manat borc və 30.00 manat dövlət rüsumu məbləğinin cavabdehdən tutularaq iddiaçının hesabına ödənilməsi barədə qətnamə çıxarılmasını məhkəmədən xahiş etmişdir. İddia ərizəsi və ona əlavə edilmiş sənədlərin surətləri xx.xx.2024-cü il tarixdə cavabdehlərə rəsmi qaydada göndərilməklə izah edilmişdir ki, iddiaçının tələbinə dair əsaslandırılmış etirazı olduğu halda, bildirişi rəsmi qaydada aldığı gündən 10 (on) iş günü müddətində öz dəlillərini və onları təsdiq edən sənədləri məhkəməyə təqdim etməlidir. Eyni zamanda, cavabdehə izah edilmişdir ki, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılacaq və həmin işin həllinə dair qətnamə çıxarılacaqdır. Cavabdeh bildirişi xx.xx.2024-cü il tarixdə almış, lakin iddia tələbinə dair etirazlarını, dəlillərini, onları təsdiq edən sənədləri indiyədək məhkəməyə təqdim etməmişdir. İddiaçı öz iddia tələbini onunla əsaslandırmışdır ki, cavabdeh onunla iddiaçı arasında bağlanmış xx.xx.2023-cü il tarixli ********* nömrəli müqaviləyə əsasən həmin tarixdə dəyəri 1362.90 manat, xx.xx.2023-ci il tarixli ********* nömrəli müqaviləyə əsasən həmin tarixdə dəyəri 249.40 manat və xx.xx.2023-ci il tarixli ********* nömrəli müqaviləyə əsasən həmin tarixdə dəyəri 269.40 manat olan əşyaları iddiaçıdan satın almışdır. xx.xx.2023-cü il tarixli ********* nömrəli müqavilənin şərtlərinə əsasən cavabdeh aldığı əmlakın dəyərini hər ay 114 manat, xx.xx.2023-ci il tarixli ********* nömrəli müqavilənin şərtlərinə əsasən cavabdeh aldığı əmlakın dəyərini hər ay 21 manat və xx.xx.2023-ci il tarixli ********* nömrəli müqavilənin şərtlərinə əsasən cavabdeh aldığı əmlakın dəyərini hər ay 23 manat olmaqla 12 ay ərzində hissə-hissə ödəməyi öhdəsinə götürmüşdür. Lakin cavabdeh müqavilələrin şərtlərini pozaraq aylıq ödənişləri gecikdirmiş, onun iddiaçıya üç müqavilə üzrə cəmi 743.10 manat ödənilməmiş borcu qalmış və borcun gecikdirilməsinə görə 111.30 manat cərimə hesablanmışdır. Cavabdehə şifahi və yazılı qaydada xəbərdarlıqlar edilməsinə baxmayaraq o, borcun ödənilməsini təmin etməmiş, onunla iddiaçı arasında bağlanmış müqavilələrdən irəli gələn öhdəlikləri icra etməmişdir. Cavabdeh müqavilə öhdəliyini vaxtında və lazımi qaydada icra etmədiyinə görə iddia ərizəsi ilə məhkəməyə müraciət edilmiş, məhkəməyə müraciət etmək üçün 30.00 manat dövlət rüsumu ödənilmişdir. Hazırda iddiaçı cavabdehdən üç müqavilə üzrə cəmi 854.40 manat borc və 30.00 manat dövlət rüsumu məbləğinin ödənilməsini tələb edir. Məhkəmə iş materiallarını nəzərdən keçirərək hesab edir ki, iddia tələbi təmin edilməlidir. Belə ki, məhkəmə araşdırması zamanı iş materialları ilə müəyyən edildi ki, cavabdeh onunla iddiaçı arasında bağlanmış xx.xx.2023-cü il tarixli ********* nömrəli, xx.xx.2023-ci il tarixli ********* nömrəli və xx.xx.2023-ci il tarixli ********* nömrəli müqavilələrə əsasən həmin tarixlərdə dəyəri 1362.90 manat, 249.40 manat və 269.40 manat olan əşyaları iddiaçıdan satın almışdır. Həmin müqavilələrin şərtlərinə əsasən cavabdeh aldığı əmlakların dəyərini hər ay hissə-hissə ödəməyi öhdəsinə götürmüşdür. Cavabdeh onunla iddiaçı arasında bağlanmış müqavilələrdən irəli gələn öhdəliklərini vaxtında və lazımi qaydada icra etmədiyinə görə borcun ödənilməsi tələbi ilə iddiaçı tərəfindən məhkəməyə müraciət edilmiş, məhkəməyə müraciət etmək üçün 30.00 manat dövlət rüsumu ödənilmişdir. Hazırda iddiaçı cavabdehin xx.xx.2023-ci il tarixli ********* nömrəli müqavilə üzrə 559.70 manat əsas 83.90 manat cərimə, xx.xx.2023-ci il tarixli ********* nömrəli müqavilə üzrə 81 manat əsas 12.10 manat cərimə, xx.xx.2023-ci il tarixli ********* nömrəli müqavilə üzrə 102.40 manat əsas, 15.30 manat cərimə, ümumilikdə üç müqavilə üzrə 854.40 manat ödənilməmiş borcu qaldığını bildirərək cavabdehdən cəmi 854.40 manat borc və 30.00 manat dövlət rüsumu məbləğinin ödənilməsini tələb edir. Cavabdeh iddiaçının tələbinə dair hər hansı etirazını, dəlillərini və onları təsdiq edən sənədləri indiyədək məhkəməyə təqdim etməmişdir. Azərbaycan Respublikası Mülki Məcəlləsinin 567-ci maddəsinə əsasən alqısatqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir.. Azərbaycan Respublikası Mülki Məcəlləsinin 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Qeyd olunan əsaslara görə məhkəmə qərara gəlir ki, iddia tələbinin xx.xx.2023-ci il tarixli ********* nömrəli müqavilə üzrə 559.70 manat əsas 83.90 manat cərimə, xx.xx.2023-ci il tarixli ********* nömrəli müqavilə üzrə 81 manat əsas 12.10 manat cərimə, xx.xx.2023-ci il tarixli ********* nömrəli müqavilə üzrə 102.40 manat əsas, 15.30 manat cərimə, ümumilikdə üç müqavilə üzrə cəmi 854.40 manat məbləğinin cavabdehdən tutulmasına dair hissəsi təmin edilməlidir. Azərbaycan Respublikası Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Qeyd olunan əsaslara görə məhkəmə qərara gəlir ki, iddia tələbinin cavabdehdən 30.00 manat dövlət rüsumu məbləği tutulmasına dair hissəsi də təmin edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq məhkəmə, q ə t e t d i: İddia tələbi təmin edilsin. Cavabdeh xx.xx.2023-ci il tarixli ********* nömrəli müqavilə üzrə 559.70 manat əsas 83.90 manat cərimə, cəmi 643.60 manat borc, xx.xx.2023-ci il tarixli ********* nömrəli müqavilə üzrə 81 manat əsas 12.10 manat cərimə, cəmi 93.10 manat borc, xx.xx.2023-ci il tarixli ********* nömrəli müqavilə üzrə 102.40 manat əsas, 15.30 manat cərimə, cəmi 117.70 manat borc, ümumilikdə üç müqavilə üzrə 854.40 manat və 30.00 manat dövlət rüsumu - cəmi 884.40 manat tutularaq iddiaçı "xxxx" Məhdud Məsuliyyətli Cəmiyyətinin hesabına ödənilsin. Məhkəmə qətnaməsi rəsmi qaydada verildiyi gündən 1 (bir) ay müddətində qətnamədən Lənkəran Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Kamran Süleymanov