Lənkəran Rayon Məhkəməsi Qətnamə — İş №e-2(049)-2606/2022

Azərbaycan Respublikası adından QƏTNAMƏ Lənkəran şəhəri İş № e-2(049)-2606/2022 29.08.2022 LƏNKƏRAN RAYON MƏHKƏMƏSİ Lənkəran Rayon Məhkəməsinin hakimi Aslanov Murad Şamxal oğlu İddiaçı cavabdehlər Cavabdeh və Zamin qarşı alqı-satqı müqaviləsi üzrə borc tələbinə dair kiçik iddialara dair işlər üzrə sadələşdirilmiş icraat qaydasında ərizəsinə və ona əlavə edilmiş sənədlərə baxaraq, müəyyən etdi: İddiaçı cavabdehlər Cavabdeh və Zamin qarşı borc tələbinə dair ərizə ilə məhkəməyə müraciət edərək, cavabdehlər Cavabdeh və Zamin müştərək qaydada 79 manat məbləğində əsas borcun, 20 manat cərimə borcunun, cəmi 99 manat borcun və 30 manat məbləğində ödənilmiş dövlət rüsumunun, ümumilikdə 129,00 manat borcun alınaraq, İddiaçı xeyrinə (ERA-Electronics mağazası) ödənilməsi barədə qətnamə çıxarılmasını xahiş etmişdir. İddia ərizəsini onunla əsaslandırılmışdır ki, cavabdehlər Cavabdeh və Zamin müştərək qaydada İddiaçı ERA-Electronics mağazasında imzalanmış xx.xx.2019-cu il tarixli, 18394 saylı, alğı-satqı müqaviləsi üzrə hər ay 34 manat məbləğ ödəmək şərti ilə, 16 ay müddətinə, dəyəri 529, manat olan məişət avadanlığı nisyə əldə etmişlər. Müqavilədə göstərilən 529 manatın 20 manatını cavabdehlər ilkin ödəniş etmişlər. Qalan ödəniləcək 509 manat borc məbləğini müqavilə şərtlərinə uyğun olaraq ödəməyi öhdələrinə götürmüşlər. Lakin, cavabdehlər müqavilə üzrə ödəniş şərtini pozaraq ödənişləri vaxtıvaxtında və lazımı qaydada ödəməmiş, bu səbəblə də iddiaçı cavabdehlərdən müştərək qaydada 79 manat məbləğində əsas borcun, 20 manat cərimə borcunun, cəmi 99 manat borcun və 30 manat məbləğində ödənilmiş dövlət rüsumunun, ümumilikdə 129 manat borcun alınaraq, İddiaçı (ERA-Electronics mağazası) ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 iş günü ərzində cavabdehə rəsmi qaydada bildiriş göndərilmişdir. Azərbaycan Respublikası Mülki Prosessual Məcəlləsinin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Cavabdehlər iddiaya qarşı əsaslandırılmış etirazını məhkəməyə göndərməmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi təmin olunmalıdır. İş materiallarında olan aylıq ödəniş cədvəlindən görünür ki, cavabdehlər müştərək qaydada bu müqavilə üzrə hər ay 34 manat məbləğ ödəmək şərti ilə 16 ay müddətinə dəyəri 529 manat olan məişət avadanlığı nisyə əldə etmişlər. Cavabdehlər müqavilə üzrə yaranmış cəmi 529 manat borcu ödəmək öhdəliyi götürmüşlər. İş materiallarında olan ERA-Electronics mağazasının alğı-satqı müqaviləsindən görünür ki, Cavabdeh xx.xx.2019-cu il tarixli, 18394 saylı, alğı-satqı müqaviləsi üzrə 79 manat məbləğində əsas borcu, 20 manat cərimə borcu, cəmi 99 manat borcu və 30 manat məbləğində ödənilmiş dövlət rüsumu, ümumilikdə 129 manat məbləğində borcu qalmaqdadır. Zamin isə müqavilə üzrə zamindir. İş materiallarında olan ödniş qrafiki, maliyyə arayışı və digər sənədlərdən də görünür ki, xx.xx.2019-cu il tarixli, 18394 saylı, alğı-satqı müqaviləsi üzrə Cavabdeh 79 manat məbləğində əsas borcun, 20 manat cərimə borcunun, cəmi 99 manat borc qalmışdır. Azərbaycan Respublikasının Mülki Məcəlləsinin 600.1 və 600.4-cü maddələrinə görə alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427ci maddəsinə uyğun müəyyənləşdirilmiş müddətdə həyata keçirməlidir. Əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Həmin Məcəllənin 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Azərbaycan Respublikasının Mülki Məcəlləsinin 442-ci maddəsinə əsasən Öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Azərbaycan Respublikasının Mülki Məcəlləsinin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Azərbaycan Respublikasının Mülki Məcəlləsinin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə qət etdi: İddia təmin edilsin. Cavabdehlər Cavabdeh və Zamin müştərək qaydada 79 manat məbləğində əsas borc, 20 manat cərimə borcu, cəmi 99 manat borc və 30 manat məbləğində ödənilmiş dövlət rüsumu, ümumilikdə 129 manat məbləğində borc alınaraq, İddiaçı xeyrinə (ERA- Electronics) ödənilsin. Qətnamədən rəsmi qaydada verildiyi gündən 1 (bir) ay müddətində Lənkəran rayon məhkəməsi vasitəsilə Şirvan Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim Murad Aslanov