Masallı Rayon Məhkəməsi Qətnamə — İş №e-2(050)-1399/2025

Azərbaycan Respublikası adından QƏTNAMƏ Masallı rayonu İş № e-2(050)-1399/2025 30.04.2025 MASALLI RAYON MƏHKƏMƏSİ Mən, Masallı Rayon Məhkəməsinin hakimi Hüseynov Elşən Təbrizoviç İddiaçı MMC-nin Cavabdeh qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq MÜƏYYƏN ETDİM: Tərəflər: İddiaçı "xxxx" MMC. Cavabdeh. Tərəflər arasında bağlanmış müqavilə: 17 fevral 2024-cü il tarixli müqaviləyə əsasən “LG” markalı paltaryuyan. 25 avqust 2023-cü il tarixli müqaviləyə əsasən İMEİ kod **********00467 olan “Huawei Nova Y70” markalı telefon, “Akami Case”, “Rowent” markalı fen. 11 sentyabr 2023-cü il tarixli müqaviləyə əsasən İMEİ kod **********34913 olan “Honorx8A” markalı telefon. Müqavilənin predmeti - nisyə alğı-satqı müqavilələri. Tələb olunan məbləğ: 17 fevral 2024-cü il tarixli müqaviləyə əsasən 1141,30 manat əsas borc, 114,13 manat cərimə, 25 avqust 2023-cü il tarixli müqaviləyə əsasən 225,50 manat əsas borc, 22,55 manat cərimə, 11 sentyabr 2023-cü il tarixli müqaviləyə əsasən 74,40 manat əsas borc, 7,44 manat cərimə, Ümumilikdə 1585,32 manat borc və 35,86 manat ödənilmiş dövlət rüsumu. Sübutlar: Alğı-satqı müqavilələri, ödəniş cədvəllər, əşyaların təhvil-təslim aktları, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunmasına dəlalət edən bildiriş. Tətbiq olunmalı maddi və prosessual hüquq normaları: Azərbaycan Respublikası Mülki Məcəlləsinin 567-ci, 600.1-ci, 601.1-ci və 443.1-ci, 462.1-ci, 465.2-ci və 467-ci maddələri. Hesab edirəm ki, iddia qismən əsaslıdır. İş materiallarına əsasən müəyyən olundu ki, Cavabdeh İddiaçı MMC-dən 17 fevral 2024-cü il tarixli müqaviləyə əsasən “LG” markalı paltaryuyan, 25 avqust 2023-cü il tarixli müqaviləyə əsasən İMEİ kod **********00467 olan “Huawei Nova Y70” markalı telefon, “Akami Case”, “Rowent” markalı fen, 11 sentyabr 2023-cü il tarixli müqaviləyə əsasən İMEİ kod **********34913 olan “Honorx8A” markalı telefon almış, lakin borcunu müqavilələr ilə nəzərdə tutulan qaydada ödəməmişdir. İşin hallarını nəzərə alaraq hesab edirəm ki, iddiaçının 17 fevral 2024-cü il və 25 avqust 2023-cü il tarixli nisyə alğı-satqı müqavilələri üzrə tələb etdiyi cərimə (dəbbə pulu) əsas borca münasibətdə tənasübsüz surətdə yüksəkdir və həmin məbləğ azaldılmalıdır. Məhkəmə təqdim edilən sənədlərin qərar çıxarılması üçün kifayət etdiyini, cavabdehin qanunla müəyyən olunan müddət ərzində iddiaya qarşı əsaslandırılmış etirazı və ona əlavə olunmuş sənədləri məhkəməyə daxil olmadığını nəzərə alaraq hesab edir ki, iddia qismən təmin edilərək borc məbləği və digər xərclər cavabdehdən iddiaçının xeyrinə tutulmalıdır. İddia tələbi digər hissədə təmin edilməməlidir. Yuxarıda qeyd olunanlara əsaslanaraq və Azərbaycan Respublikası MPM-nin 284- 5, 284-6, 216-220-ci maddələrini rəhbər tutaraq QƏT ETDİM: İddia tələbi qismən təmin edilsin. Cavabdeh 17 fevral 2024-cü il tarixli müqaviləyə əsasən 1141,30 manat əsas borc, 20 manat cərimə, 25 avqust 2023-cü il tarixli müqaviləyə əsasən 225,50 manat əsas borc, 10 manat cərimə, 11 sentyabr 2023-cü il tarixli müqaviləyə əsasən 74,40 manat əsas borc və 7,44 manat cərimə, ümumilikdə 1478,64 (min dörd yüz yetmiş səkkiz manat altmış dörd qəpik) manat məbləğində borc və 35,86 manat ödənilmiş manat dövlət rüsumunun əvəzi İddiaçı MMC-nin xeyrinə tutulsun. İddia tələbi digər hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Masallı Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Elşən Hüseynov