Masallı Rayon Məhkəməsi Qərardad — İş №e-2(050)-1512/2024

Azərbaycan Respublikası adından QƏRARDAD Masallı rayonu İş № e-2(050)-1512/2024 13.08.2024 MASALLI RAYON MƏHKƏMƏSİ hakim Zeynalov Zeynal Ağabala oğlunun sədrliyi, Qasımov Xanbaba Alxas oğlunun katibliyi, İddiaçı QSC-nin Cavabdeh qarşı alğı-satqı müqaviləsinin ləğvi və fərdi yaşayış evinin boşaldılması tələbi üzrə mülki işə məhkəmə iclasında baxaraq, məhkəmə MÜƏYYƏN ETDİ: İddiaçı QSC Cavabdeh qarşı alğı-satqı müqaviləsinin ləğvi və fərdi yaşayış evinin boşaldılması tələbi ilə məhkəməyə müraciət edərək qətnamə çıxarılmasını xahiş etmişdir. İddiaçının nümayəndəsi məhkəməyə yazılı ərizə ünvanlayaraq iddia ərizəsinin baxılmamış saxlanılmasını, iddia ərizəsinin və ona əlavə edilmiş sənədlərin geri qaytarılmasını xahiş etmişdir. Cavabdehə məhkəmə iclasının yeri və vaxtı barədə məlumat verilməsinə baxmayaraq məhkəmə iclasına gəlməmişdir. Azərbaycan Respublikası Mülki Prosessual Məcəlləsinin (bundan sonra - MPM) 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. MPM-in 260.1 və 260.6-cı maddələrinə görə iddianın baxılmamış saxlanılması haqqında məhkəmə qərardad çıxarır və həmin qərardaddan şikayət verilə bilər. Azərbaycan Respublikası Mülki Prosessual Məcəlləsinin 114.1.5-ci maddəsinin tələbinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa ödənilmiş dövlət rüsumu qaytarılmalıdır. Odur ki, İddiaçı QSC-nin Cavabdeh qarşı alğı-satqı müqaviləsinin ləğvi və fərdi yaşayış evinin boşaldılması tələbi barədə iddia ərizəsi baxılmamış saxlanılmalı, həmçinin İddiaçı QSC tərəfindən EPUL ilə ödənilmiş (xx.xx.2024-cü il tarixli, çek nömrəsi: 56455437, mədaxil qəbzi: **********, xidmət istifadəçisi kodu ********) 100 manat məbləğində dövlət rüsumu İddiaçı-yə qaytarılmalıdır. Göstərilənlərə əsasən və MPM-in 114, 259, 260, 263-264, 267-268-ci maddələrini rəhbər tutaraq, məhkəmə QƏRARA ALDİ: İddiaçı QSC-nin Cavabdeh qarşı alğı-satqı müqaviləsinin ləğvi və fərdi yaşayış evinin boşaldılması tələbinə dair iddia ərizəsi baxılmamış saxlanılsın. İddiaçı QSC tərəfindən EPUL ilə ödənilmiş (xx.xx.2024-cü il tarixli, çek nömrəsi: 56455437, mədaxil qəbzi: **********, xidmət istifadəçisi kodu ********) 100 manat məbləğində dövlət rüsumu İddiaçı-yə qaytarılın. Qərardad tərəfə rəsmi qaydada verildikdən sonra 10 gün müddətində Masallı Rayon Məhkəməsinə şikayət verilə bilər. Sədrlik edən: Zeynal Zeynalov