Masallı Rayon Məhkəməsi Qətnamə — İş №e-2(050)-1890/2025

Azərbaycan Respublikası adından QƏTNAMƏ Masallı rayonu İş № e-2(050)-1890/2025 11.06.2025 MASALLI RAYON MƏHKƏMƏSİ Mən, Masallı Rayon Məhkəməsinin hakimi Hüseynov Elşən Təbrizoviç İddiaçı MMC-nin Cavabdeh qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq MÜƏYYƏN ETDİM: İddiaçı - İddiaçı MMC. Cavabdeh - Cavabdeh. Tərəflər arasında bağlanmış müqavilələr: 11 oktyabr 2022-ci il tarixli YYK ******* nömrəli müqavilə (məişət avadanlığı) 16 fevral 2023-cü il tarixli YYK ******* nömrəli müqavilə (məişət avadanlığı) 01 may 2023-cü il tarixli YYK ******* nömrəli müqavilə (məişət avadanlığı) Müqavilələrin predmet – borc müqavilələri Tələb olunan məbləğ: 11 oktyabr 2022-ci il tarixli YYK ******* nömrəli müqavilə üzrə 200 manat əsas borc, 16 fevral 2023-cü il tarixli YYK ******* nömrəli müqavilə üzrə 408 manat əsas borc, 01 may 2023-cü il tarixli YYK ******* nömrəli müqavilə üzrə 664 manat əsas borc, ümumilikdə üç müqavilə üzrə 1272 manat borc və 33 manat dövlət rüsumu, Sübutlar: borc müqavilələri, maliyyə arayışı, dövlət rüsumunun ödənilməsi barədə qəbz. Tətbiq olunmalı maddi və prosessual hüquq normaları. Azərbaycan Respublikası Mülki Məcəlləsinin 567-ci, 600.1-ci, 601.1-ci və 443.1-ci, 462.1-ci, 465.2-ci və 467-ci maddələri. Hesab edirəm ki, iddia əsaslıdır. İş materiallarına əsasən müəyyən olundu ki, Cavabdeh İddiaçı MMC-dən 11 oktyabr 2022-ci il tarixli, 16 fevral 2023-cü il tarixli və 01 may 2023-cü il tarixli borc müqavilələri üzrə məişət avadanlıqları almış, lakin borcunu müqavilələr ilə nəzərdə tutulan qaydada ödəməmişdir. Məhkəmə təqdim edilən sənədlərin qərar çıxarılması üçün kifayət etdiyini, cavabdehin qanunla müəyyən olunan müddət ərzində iddiaya qarşı əsaslandırılmış etirazı və ona əlavə olunmuş sənədləri məhkəməyə daxil olmadığını nəzərə alaraq hesab edir ki, iddia təmin edilərək borc məbləği və digər xərclər cavabdehdən iddiaçının xeyrinə tutulmalıdır. Yuxarıda qeyd olunanlara əsaslanaraq və Azərbaycan Respublikası MPM-nin 284- 5, 284-6, 216-220-ci maddələrini rəhbər tutaraq QƏT ETDİM: İddia tələbi təmin edilsin. Cavabdeh 11 oktyabr 2022-ci il tarixli YYK ******* nömrəli müqavilə üzrə 200 manat əsas borc, 16 fevral 2023-cü il tarixli YYK ******* nömrəli müqavilə üzrə 408 manat əsas borc, 01 may 2023-cü il tarixli YYK ******* nömrəli müqavilə üzrə 664 manat əsas borc, ümumilikdə 1272 (min iki yüz yetmiş iki) manat məbləğində pul və ödənilmiş 33 manat dövlət rüsumunun əvəzi İddiaçı MMC-nin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Masallı Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Elşən Hüseynov