Masallı Rayon Məhkəməsi Qətnamə — İş №e-2(050)-3575/2025

Azərbaycan Respublikası adından QƏTNAMƏ Masallı rayonu İş № e-2(050)-3575/2025 13.11.2025 MASALLI RAYON MƏHKƏMƏSİ Mən, Masallı Rayon Məhkəməsinin hakimi Hüseynov Elşən Təbriz oğlu İddiaçı MMC-nin Cavabdeh qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq MÜƏYYƏN ETDİM: Tərəflər: İddiaçı MMC. Cavabdeh. Tərəflər arasında bağlanmış müqavilə: 06 fevral 2025-ci il tarixli müqaviləyə əsasən “Parma” trumo, “Parma” çarpayı, 2 ədəd yastıq “Tekstil”, 2 ədəd yataq dəsti, 2 ədət stul “Eko”, martas ”Flora” 4 ədəd zəmanət+1 il xidməti. 27 oktyabr 2024-cü il tarixli müqaviləyə əsasən “Huawei” freebuds. Müqavilənin predmeti - nisyə alğı-satqı müqavilələri. Tələb olunan məbləğ: 06 fevral 2025-ci il tarixli müqavilə üzrə 1101,64 manat əsas borc, 110,16 manat cərimə, cəmi 1211,80 manat borc, 27 oktyabr 2024-cü tarixli müqavilə üzrə 56,99 manat əsas borc, 5,70 manat cərimə, cəmi 62,69 manat borc, ümumilikdə iki müqavilə üzrə 1274,49 manat borc və 32,75 manat dövlət rüsumu. Sübutlar: Alğı-satqı müqavilələri, ödəniş cədvəlləri, əşyaların təhvil-təslim aktı, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunmasına dəlalət edən bildiriş. Tətbiq olunmalı maddi və prosessual hüquq normaları: Azərbaycan Respublikası Mülki Məcəlləsinin 567-ci, 600.1-ci, 601.1-ci və 443.1-ci, 462.1-ci, 465.2-ci və 467-ci maddələri. Hesab edirəm ki, iddia qismən əsaslıdır. İş materiallarına əsasən müəyyən olundu ki, Cavabdeh İddiaçı MMC-dən 06 fevral 2025-ci il tarixli müqaviləyə əsasən “Parma” trumo, “Parma” çarpayı, 2 ədəd yastıq “Tekstil”, 2 ədəd yataq dəsti, 2 ədət stul “Eko”, martas ”Flora” 4 ədəd zəmanət+1 il xidməti və 27 oktyabr 2024-cü il tarixli müqaviləyə əsasən “Huawei” freebuds almış, lakin borcunu müqavilələr ilə nəzərdə tutulan qaydada ödəməmişdir. İşin hallarını nəzərə alaraq hesab edirəm ki, iddiaçının 06 fevral 2025-ci il tarixli müqavilə üzrə tələb etdiyi cərimə (dəbbə pulu) əsas borca münasibətdə tənasübsüz surətdə yüksəkdir və həmin məbləğ azaldılmalıdır. Məhkəmə təqdim edilən sənədlərin qərar çıxarılması üçün kifayət etdiyini, cavabdehin qanunla müəyyən olunan müddət ərzində iddiaya qarşı əsaslandırılmış etirazı və ona əlavə olunmuş sənədləri məhkəməyə daxil olmadığını nəzərə alaraq hesab edir ki, iddia qismən təmin edilərək borc məbləği və digər xərclər cavabdehdən iddiaçının xeyrinə tutulmalıdır. İddia tələbi digər hissədə təmin edilməməlidir. Yuxarıda qeyd olunanlara əsaslanaraq və Azərbaycan Respublikası MPM-nin 284- 5, 284-6, 216-220-ci maddələrini rəhbər tutaraq QƏT ETDİM İddia tələbi qismən təmin edilsin. Cavabdeh 06 fevral 2025-ci il tarixli müqavilə üzrə 1101,64 manat əsas borc, 20 manat cərimə borcu, 27 oktyabr 2024-cü il tarixli müqavilə üzrə 56,99 manat əsas borc, 5,70 manat cərimə, ümumilikdə iki müqavilə üzərə 1184,33 (min yüz səksən dörd manat otuz üç qəpik) manat məbləğində pul və ödənilmiş 32,75 manat dövlət rüsumunun əvəzi İddiaçı MMC-nin xeyrinə tutulsun. İddia tələbi digər hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Masallı Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Elşən Hüseynov