Masallı Rayon Məhkəməsi Qətnamə — İş №e-2(050)-3875/2025

Azərbaycan Respublikası adından QƏTNAMƏ Masallı rayonu İş № e-2(050)-3875/2025 11.12.2025 MASALLI RAYON MƏHKƏMƏSİ Mən, Masallı Rayon Məhkəməsinin hakimi Hüseynov Elşən Təbriz oğlu İddiaçı MMC-nin cavabdeh X1 qızına qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq MÜƏYYƏN ETDİM: İddiaçı - İddiaçı MMC. Cavabdeh - X1 qızı. Tərəflər arasında bağlanmış müqavilələr: 26 iyun 2021-ci il tarixli MLK5983073 nömrəli müqavilə (məişət avadanlığı) 05 iyul 2021-ci il tarixli MLK5983166 nömrəli müqavilə (məişət avadanlığı) Müqavilələrin predmet – borc müqavilələri Tələb olunan məbləğ: 26 iyun 2021-ci il tarixli MLK5983073 müqavilə üzrə 200 manat əsas borc, 05 iyul 2021-ci il tarixli MLK5983166 müqavilə üzrə 267 manat əsas borc, ümumilikdə iki müqavilə üzrə 467 manat məbləğində borc və 30 manat dövlət rüsumu. Sübutlar: borc müqavilələri, maliyyə arayışı, dövlət rüsumunun ödənilməsi barədə qəbz. Tətbiq olunmalı maddi və prosessual hüquq normaları. Azərbaycan Respublikası Mülki Məcəlləsinin 567-ci, 600.1-ci, 601.1-ci və 443.1-ci, 462.1-ci, 465.2-ci və 467-ci maddələri. Hesab edirəm ki, iddia əsaslıdır. İş materiallarına əsasən müəyyən olundu ki, cavabdeh X1 qızı İddiaçı MMC-dən 26 iyun 2021-ci il tarixli MLK5983073 nömrəli və 05 iyul 2021-ci il tarixli MLK5983166 nömrəli borc müqavilələri üzrə məişət avadanlıqları almış, lakin borcunu müqavilələr ilə nəzərdə tutulan qaydada ödəməmişdir. Məhkəmə təqdim edilən sənədlərin qərar çıxarılması üçün kifayət etdiyini, cavabdehin qanunla müəyyən olunan müddət ərzində iddiaya qarşı əsaslandırılmış etirazı və ona əlavə olunmuş sənədləri məhkəməyə daxil olmadığını nəzərə alaraq hesab edir ki, iddia təmin edilərək borc məbləği və digər xərclər cavabdehdən iddiaçının xeyrinə tutulmalıdır. Yuxarıda qeyd olunanlara əsaslanaraq və Azərbaycan Respublikası MPM-nin 284- 5, 284-6, 216-220-ci maddələrini rəhbər tutaraq QƏT ETDİM: İddia tələbi təmin edilsin. Cavabdeh X1 qızından 26 iyun 2021-ci il tarixli MLK5983073 müqavilə üzrə 200 manat əsas borc, 05 iyul 2021-ci il tarixli MLK5983166 müqavilə üzrə 267 manat əsas borc, ümumilikdə iki müqavilə üzrə 467 (dörd yüz altmış yeddi) manat məbləğində pul və ödənilmiş 30 manat dövlət rüsumunun əvəzi İddiaçı MMC-nin xeyrinə tutulsun. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Masallı Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim: Elşən Hüseynov