Masallı Rayon Məhkəməsi Qətnamə — İş №e-2(050)-915/2025

Azərbaycan Respublikası adından QƏTNAMƏ Masallı rayonu İş № e-2(050)-915/2025 05.03.2025 MASALLI RAYON MƏHKƏMƏSİ Mən, Masallı Rayon Məhkəməsinin hakimi Hüseynov Elşən Təbrizoviç İddiaçı MMC-nin Cavabdeh qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq MÜƏYYƏN ETDİM: Tərəflər: İddiaçı MMC. Cavabdeh. Tərəflər arasında bağlanmış müqavilə: 17 iyun 2024-cü il tarixli müqaviləyə əsasən “LG” markalı kondisioner. 24 iyun 2024-cü il tarixli müqaviləyə əsasən İMEİ kodu **********55279 olan “Honor X9B” markalı telefon. Müqavilənin predmeti - nisyə alğı-satqı müqavilələri. Tələb olunan məbləğ: 17 iyun 2024-cü il tarixli müqavilə üzrə 1612,70 manat əsas borc, 483,81 manat cərimə, 24 iyun 2024-cü il tarixli müqavilə üzrə 445 manat əsas borc, 23,60 İnnovativ Layihələr Mərkəzinə ödənilən rüsum, 133,50 manat cərimə, ümumilikdə iki müqavilə üzrə 2698,61 manat borc və 46,99 manat dövlət rüsumu. Sübutlar: Alğı-satqı müqavilələri, ödəniş cədvəlləri, əşyaların təhvil-təslim aktı, maliyyə arayışı, dövlət rüsumunun ödənilməsi barədə qəbz, pretenziya qaydasına əməl olunmasına dəlalət edən bildiriş. Tətbiq olunmalı maddi və prosessual hüquq normaları: Azərbaycan Respublikası Mülki Məcəlləsinin 567-ci, 600.1-ci, 601.1-ci və 443.1-ci, 462.1-ci, 465.2-ci və 467-ci maddələri. Hesab edirəm ki, iddia qismən əsaslıdır. İş materiallarına əsasən müəyyən olundu ki, Cavabdeh İddiaçı MMC-dən 17 iyun 2024-cü il tarixli nisyə alğı-satqı müqaviləsi üzrə “LG” markalı kondisioner, 24 iyun 2024-cü il tarixli nisyə alğı-satqı müqaviləsi üzrə İMEİ kodu **********55279 olan “Honor X9B” markalı telefon almış, lakin borcunu müqavilələr ilə nəzərdə tutulan qaydada ödəməmişdir. İşin hallarını nəzərə alaraq hesab edirəm ki, iddiaçının 17 iyun 2024-cü il və 24 iyun 2024-cü tarixli müqavilələri üzrə tələb etdiyi cərimə (dəbbə pulu) əsas borca münasibətdə tənasübsüz surətdə yüksəkdir və həmin məbləğ azaldılmalıdır. Məhkəmə təqdim edilən sənədlərin qərar çıxarılması üçün kifayət etdiyini, cavabdehin qanunla müəyyən olunan müddət ərzində iddiaya qarşı əsaslandırılmış etirazı və ona əlavə olunmuş sənədləri məhkəməyə daxil olmadığını nəzərə alaraq hesab edir ki, iddia qismən təmin edilərək borc məbləği və digər xərclər cavabdehdən iddiaçının xeyrinə tutulmalıdır. İddia tələbi digər hissədə təmin edilməməlidir. Yuxarıda qeyd olunanlara əsaslanaraq və Azərbaycan Respublikası MPM-nin 284- 5, 284-6, 216-220-ci maddələrini rəhbər tutaraq QƏT ETDİM: İddia tələbi qismən təmin edilsin. Cavabdeh 17 iyun 2024-cü il tarixli müqavilə üzrə 1612,70 manat əsas borc, 50 manat cərimə borcu, 24 iyun 2024-cü il tarixli müqavilə üzrə 445 manat əsas borc, 23,60 İnnovativ Layihələr Mərkəzinə ödənilən rüsum, 30 manat cərimə, ümumilikdə 2161,30 (iki min yüz altmış bir manat otuz qəpik) manat məbləğində pul və ödənilmiş 46,99 manat dövlət rüsumunun əvəzi İddiaçı MMC-nin xeyrinə tutulsun. İddia tələbi digər hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində “Elektron məhkəmə” informasiya sistemində yaradılmış elektron kabinet üzərindən Masallı Rayon Məhkəməsi vasitəsi ilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Elşən Hüseynov