Oğuz Rayon Məhkəməsi Qərardad — İş №e-2(054)-474/2022

Azərbaycan Respublikası adından QƏRARDAD Oğuz rayonu İş № e-2(054)-474/2022 20.09.2022 OĞUZ RAYON MƏHKƏMƏSİ Oğuz Rayon Məhkəməsinin hakimi Süleymanov Kamran Şakir oğlu, İddiaçı Cavabdeh qarşı borcun ödənilməsi tələbinə dair iddia ərizəsini və ona əlavə edilmiş sənədləri Oğuz Rayon Məhkəməsinin inzibati binasında nəzərdən keçirərək, m ü ə y y ə n e t d i m: İddiaçı Cavabdeh qarşı borcun ödənilməsi tələbi barədə kiçik iddialara dair işlər üzrə sadələşdirilmiş icraat qaydasında iddia ərizəsi ilə məhkəməyə müraciət edərək 7875 manat əsas borc, 1890 manat faiz borcu, 30 manat dövlət rüsumu və 50 manat məhkəmə xərclərinin - cəmi 9845 manat pulun cavabdehdən tutularaq İddiaçı MMC-nə ödənilməsi barədə qətnamə qəbul edilməsini məhkəmədən xahiş etmişdir. Azərbaycan Respublikası Mülki Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-4.1.2-ci maddəsinə əsasən verilmiş tələb bu Məcəllənin 284-1-ci maddəsinə uyğun deyildirsə, məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Qeyd olunan hüquq normalarının məzmunundan görünür ki, iddianın qiyməti on min manatdan az olan iddialar yalnız kommersiya mübahisələrinə dair işlər olduqda həmin işlərə sadələşdirilmiş icraat qaydasında baxılmasına yol verilir. Hazırki iddia tələbi kommersiya mübahisələrinə dair iş olduğu halda isə həmin işə rayon (şəhər) məhkəməsində deyil, kommersiya məhkəməsində baxılmalıdır. Eyni zamanda, hazırki ərizədən və iş materiallarında olan, tərəflər arasında bağlanmış alqı-satqı müqaviləsinin məzmunundan Cavabdeh sahibkarlıq fəaliyyəti ilə məşğul olan şəxs olub-olmadığı, tərəflər arasında olan mübahisənin sahibkarlıq fəaliyyətinin həyata keçirilməsi ilə əlaqədar olan mübahisələrə (kommersiya mübahisələrinə) aid olub-olmadığı müəyyən edilmir. Elektron məhkəmə informasiya sistemindən əldə edilmiş çıxarışdan isə görünür ki, cavabdeh xx.xx.2004-cü il tarixdə vergi ödəyicisi kimi (VÖEN **********) vergi orqanında qeydiyyata alınmışdır. Azərbaycan Respublikası Mülki Prosessual Məcəlləsinin 26.1-ci maddəsinə əsasən sahibkarlıq fəaliyyətinin həyata keçirilməsi ilə əlaqədar olan mübahisələrə (kommersiya mübahisələrinə) dair işlərə mülki məhkəmə icraatı qaydasında kommersiya məhkəmələri baxır. Həmin Məcəllənin 32.1-ci maddəsinə əsasən işdə iştirak edən şəxs, mübahisənin bu və ya başqa məhkəməyə aidiyyətinin dəyişdirilməsi barədə ərizə verə bilər. Həmin Məcəllənin 32.3-cü maddəsinə əsasən hakimin özü də mübahisənin məhkəməyə aidiyyəti olmamasını aşkara çıxara bilər. Tərəflər arasında olan hazırki mübahisə sahibkarlıq fəaliyyətinin həyata keçirilməsi ilə əlaqədar olan mübahisələrə aid olacağı təqdirdə hazırki işə kommersiya məhkəməsi tərəfindən baxılmalıdır. Hazırki vəziyyətdə isə təqdim olunan sənədlər əsasında işin məhkəmə aidiyyətinin müəyyən edilməsi mümkün deyildir. Qeyd olunanlara əsasən hazırki tələb Azərbaycan Respublikası Mülki Prosessual Məcəlləsinin 284-1-ci maddəsinə uyğun olmadığından, ərizənin qəbul olunmasından imtina edilməli, ərizə və ona əlavə edilmiş sənədlər geri qaytarılmalıdır. Eyni zamanda, iddiaçıya izah edilir ki, ərizə və ona əlavə edilmiş sənədlərin qaytarılması sonradan sadələşdirilmiş icraat və ya iddia icraatı qaydasında yenidən aidiyyəti üzrə məhkəməyə müraciət edilməsinə mane olmur. Qeyd olunanlara əsasən və Azərbaycan Respublikası Mülki Prosessual Məcəlləsinin 26, 32, 263, 264, 266-268, 284-1, 284-4-cü maddələrinin tələblərini rəhbər tutaraq, q ə r a r a a l d ı m: İddiaçı "xxxx" Məhdud Məsuliyyətli Cəmiyyətinin Cavabdeh qarşı borcun ödənilməsi tələbinə dair iddia ərizəsinin qəbul olunmasından imtina edilsin. İddia ərizəsi və ona əlavə edilmiş sənədlər İddiaçınə qaytarılsın. Hakim : Kamran Süleymanov