Saatlı Rayon Məhkəməsi Qətnamə — İş №e-2(055)-1393/2025

Azərbaycan Respublikası adından QƏTNAMƏ Saatlı rayonu İş № e-2(055)-1393/2025 09.10.2025 SAATLI RAYON MƏHKƏMƏSİ Hakim Abuşov İxtiyar Əliyar oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı borc tələbi barədə kiçik iddia ərizəsinə dair işə baxaraq Müəyyənetdi: İddiaçı "xxxx" Məhdud Məsuliyyətli Cəmiyyəti Cavabdeh qarşı kiçik iddia ərizəsi ilə məhkəməyə müraciət edərək 25 iyul 2024-cü il, 03 noyabr 2024-cü il, 28 noyabr 2024-cü il tarixli müqavilələr üzrə ümumi olaraq 1944,70 manat əsas borcun, 194,47 manat cərimənin və innovativ layihələr mərkəzinə ödənilmiş 23,60 manat olmaqla, cəmi 2162,77 manat ümumu borcun və 41,63 manat ödənilmiş dövlət rüsumunun cavabdehdən alınıb iddiaçının xeyrinə ödənilməsi barədə qətnamə çıxarılmasını məhkəmədən xahiş etmişdir. İddiaçı "xxxx" Məhdud Məsuliyyətli Cəmiyyəti tələbini onunla əsaslandırmışdır ki, iddiaçı "xxxx" Məhdud Məsuliyyətli Cəmiyyəti ilə Cavabdeh arasında bağlanmış 25 iyul 2024-cü il tarixli müqaviləyə əsasən 18 ay müddətinə hər ay 112 manat ödəməklə zəmanət və xidmət daxil olmaqla ümumi dəyəri 2016 manat məbləğində bir ədəd “SAMSUNG” markalı soyuducu, 03 noyabr 2024-cü il tarixli müqaviləyə əsasən 12 ay müddətinə hər ay 7,16 manat ödəməklə zəmanət və xidmət daxil olmaqla ümumi dəyəri 85,92 manat məbləğində bir ədəd “KUMTEL” markalı soba və 28 noyabr 2024-cü il tarixli müqaviləyə əsasən 12 ay müddətinə hər ay 42 manat ödəməklə zəmanət və xidmət daxil olmaqla ümumi dəyəri 504 manat məbləğində bir ədəd İMEİ KODU **********58413 olan “OPPO A40M” markalı telefon almışdır. Lakin Cavabdeh müqavilələr üzrə cəmi 661,22 manat ödəniş etmiş və nəticədə 25 iyul 2024-cü il, 03 noyabr 2024-cü il və 28 noyabr 2024-cü tarixli müqavilələr üzrə ümumi olaraq 1944.70 manat əsas borcu ödəməkdən yayınmışdır. Müqaviləyə əsasən İMEİ KODU **********58413 olan “OPPO A40M” markalı telefonun açılıb bağlanılması xidmətinə görə "xxxx" Məhdud Məsuliyyətli Cəmiyyəti tərəfindən İnnovativ Layihələr Mərkəzinə 23,60 manat ödənilmişdir. Edilmiş xəbərdarlıqlara baxmayaraq cavabdeh müqavilələr üzrə üzərinə götürdüyü öhdəliyi yerinə yetirmədiyindən ona müqavilələr üzrə ümumilikdə 194,47 manat cərimə hesablanmışdır. Ona görə də Cavabdeh 25 iyul 2024-cü il, 03 noyabr 2024-cü il və 28 noyabr 2024-cü tarixli müqavilələr üzrə ümumilikdə 1944.70 manat əsas borc, 194,47 manat cərimə, innovativ layihələr mərkəzinə ödənilmiş 23,60 manat olmaqla cəmi 2162,77 manat borcun və 41,63 manat ödənilmiş dövlət rüsumunun alınaraq iddiaçı "xxxx" Məhdud Məsuliyyətli Cəmiyyətinin xeyrinə tutulması barədə qətnamə çıxarılmasını məhkəmədən xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehə rəsmi qaydada bildiriş göndərilərək iddiaçının tələbinə dair əsaslandırılmış etirazının olduğu halda 10 iş günü müddətində öz dəlillərini və onları təsdiq edən sənədləri təqdim etməli olduğu bildirilmişdir. Lakin cavabdehdən ərizəyə dair etiraz daxil olmamışdır. Məhkəmə Azərbaycan Respublikası Mülki Prosessual Məcəlləsinin 284-5.3-cü maddəsinə əsasən işə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmasını mümkün hesab edir. İşdə olan 25 iyul 2024-cü il tarixli müqavilədən görünür ki, 18 ay müddətinə hər ay 112 manat ödəməklə zəmanət və xidmət daxil olmaqla ümumi dəyəri 2016 manat məbləğində bir ədəd “SAMSUNG” markalı soyuducu, 03 noyabr 2024-cü il tarixli müqavilədən görünür ki, 12 ay müddətinə hər ay 7,16 manat ödəməklə zəmanət və xidmət daxil olmaqla ümumi dəyəri 85,92 manat məbləğində bir ədəd “KUMTEL” markalı soba və 28 noyabr 2024-cü il tarixli müqavilədən görünür ki, 12 ay müddətinə hər ay 42 manat ödəməklə zəmanət və xidmət daxil olmaqla ümumi dəyəri 504 manat məbləğində bir ədəd İMEİ KODU **********58413 olan “OPPO A40M” markalı telefonun alınması ilə əlaqədar iddiaçı "xxxx" Məhdud Məsuliyyətli Cəmiyyəti ilə Cavabdeh arasında bağlanmışdır. İşdə olan 16 avqust 2025-ci il tarixli xəbərdarlıq məktubundan görünür ki, iddiaçı tərəfindən cavabdehdən 25 iyul 2024-cü il, 03 noyabr 2024-cü il, 28 noyabr 2024-cü tarixli müqavilələr üzrə öhdəliyini yerinə yetirmək tələb edilmişdir. İşdə olan İnnovativ Layihələr Mərkəzinin 04 avqust 2025-ci il tarixli təhvil-təslim aktından və 25 avqust 2025-ci il tarixli arayışdan görünür ki, "xxxx" Məhdud Məsuliyyətli Cəmiyyəti tərəfindən Cavabdeh müqavilə əsasında satılmış İMEİ KODU **********58413 olan “OPPO A40M” markalı telefonun açılıb bağlanması xidmətinə görə İnnovativ Layihələr Mərkəzinə 23,60 manat ödənilmişdir. İşdə olan 25 avqust 2025-ci il tarixli maliyyə və ödəniş cədvəlindən görünür ki, Cavabdeh 25 iyul 2024-cü il tarixli müqavilə üzrə 1405,38 manat əsas borc, 140,54 manat cərimə olmaqla cəmi 1545,92 manat, 03 noyabr 2024-cü il tarixli müqavilə üzrə 77,92 manat əsas borc, 7,79 manat cərimə olmaqla, cəmi 85,71 manat və 28 noyabr 2024-cü tarixli müqavilə üzrə 461,40 manat əsas borc, innovativ layihələr mərkəzinə ödənilmiş 23,60 manat və 46,14 manat cərimə, cəmi 531,14 manat borc olmaqla hər üç müqvilə üzrə 1944,70 manat əsas borc, 194,47 manat cərimə və innovativ layihələr mərkəzinə ödənilmiş 23,60 manat olmaqla ümumilikdə 2162,77 manat borcu vardır. Cavabdeh hər üç müqvilə üzrə cəmi 661,22 manat ödəniş etmişdir. Məhkəmə iş materiallarını tam, hərtərəfli və obyektiv araşdırıb hesab edir ki, iddia qismən təmin edilməlidir. Azərbaycan Respublikası Mülki Məcəlləsinin 385.1-ci maddəsinə görə kreditorun borcludan vəzifəsinin icrasını tələb etmək hüququ vardır və həmin məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Həmin Məcəllənin 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənəşdirilmiş pul məbləğini (qiyməti) ödəməyi öhdəsinə götürür. İş materialları araşdırılarkən müəyyən olundu ki, iddiaçı "xxxx" Məhdud Məsuliyyətli Cəmiyyəti ilə Cavabdeh arasında bağlanmış 25 iyul 2024-cü il tarixli müqaviləyə əsasən 18 ay müddətinə hər ay 112 manat ödəməklə zəmanət və xidmət daxil olmaqla ümumi dəyəri 2016 manat məbləğində bir ədəd “SAMSUNG” markalı soyuducu, 03 noyabr 2024cü il tarixli müqaviləyə əsasən 12 ay müddətinə hər ay 7,16 manat ödəməklə zəmanət və xidmət daxil olmaqla ümumi dəyəri 85,92 manat məbləğində bir ədəd “KUMTEL” markalı soba və 28 noyabr 2024-cü il tarixli müqaviləyə əsasən 12 ay müddətinə hər ay 42 manat ödəməklə zəmanət və xidmət daxil olmaqla ümumi dəyəri 504 manat məbləğində bir ədəd İMEİ KODU **********58413 olan “OPPO A40M” markalı telefon almışdır. Lakin Cavabdeh müqavilələr üzrə cəmi 661,22 manat ödəniş etmiş və nəticədə 25 iyul 2024-cü il, 03 noyabr 2024-cü il və 28 noyabr 2024-cü tarixli müqavilələr üzrə ümumi olaraq 1944.70 manat əsas borcu ödəməkdən yayınmışdır. Müqaviləyə əsasən İMEİ KODU **********58413 olan “OPPO A40M” markalı telefonun açılıb bağlanılması xidmətinə görə "xxxx" Məhdud Məsuliyyətli Cəmiyyəti tərəfindən İnnovativ Layihələr Mərkəzinə 23,60 manat ödənilmişdir. Edilmiş xəbərdarlıqlara baxmayaraq cavabdeh müqavilələr üzrə üzərinə götürdüyü öhdəliyi yerinə yetirmədiyindən ona müqavilələr üzrə ümumilikdə 194,47 manat cərimə hesablanmışdır. Ona görə də Cavabdeh 25 iyul 2024-cü il, 03 noyabr 2024-cü il və 28 noyabr 2024-cü tarixli müqavilələr üzrə ümumilikdə 1944.70 manat əsas borc, 194,47 manat cərimə, innovativ layihələr mərkəzinə ödənilmiş 23,60 manat olmaqla cəmi 2162,77 manat borcun və 41,63 manat ödənilmiş dövlət rüsumunun alınaraq iddiaçı "xxxx" Məhdud Məsuliyyətli Cəmiyyətinin xeyrinə tutulması barədə qətnamə çıxarılmasını məhkəmədən xahiş etmişdir. Qeyd olunanlardan görünür ki, iddiaçı "xxxx" Məhdud Məsuliyyətli Cəmiyyəti Cavabdeh 25 iyul 2024-cü il, 03 noyabr 2024-cü il, 28 noyabr 2024-cü tarixli müqavilələr üzrə 1944.70 manat əsas borcun və 194,47 manat cərimənin və innovativ layihələr mərkəzinə ödənilmiş 23,60 manat olmaqla, cəmi 2162,77 manat borcun alınmasını tələb etməkdə haqlıdır. Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə cavabdehdən tələb olunan 194,47 manat məbləğində dəbbə pulunun (cərimənin) tənasübsüz surətdə yüksək olduğunu nəzərə alaraq hesab edir ki, dəbbə pulunun miqdarı 90 manatadək azaldılmalıdır. Azərbaycan Respublikası Mülki Prosessual Məcəlləsinin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Şərh olunanları nəzərə alaraq məhkəmə belə nəticəyə gəlir ki, iddia qismən təmin edilərək Cavabdeh 25 iyul 2024-cü il, 03 noyabr 2024-cü il və 28 noyabr 2024-cü il tarixli müqavilələr üzrə 1944,70 manat əsas borc və 90 manat cərimə və innovativ layihələr mərkəzinə ödənilmiş 23,60 manat olmaqla cəmi 2058,30 manat borc alınaraq iddiaçı "xxxx" Məhdud Məsuliyyətli Cəmiyyətinə ödənilməli, iddia qalan hissədə təmin edilməməlidir. İşdə olan 27 avqust 2025-ci il tarixli mədaxil qəbzindən görünür ki, "xxxx" Məhdud Məsuliyyətli Cəmiyyəti tərəfindən 41,63 manat dövlət rüsumu ödənilmişdir. Azərbaycan Respublikasının Mülki Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Göstərilən maddənin tələbinə uyğun olaraq məhkəmə hesab edir ki, məhkəmədə iddia qaldırmaq üçün ödənilmiş 41,63 manat dövlət rüsumu cavabdehdən alınaraq iddiaçının xeyrinə ödənilməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 284-6-cı maddəsinə əsasən, məhkəmə Q ə t e t d i: İddia qismən təmin edilsin. Cavabdeh 25 iyul 2024-cü il, 03 noyabr 2024-cü il və 28 noyabr 2024-cü tarixli müqavilələrə əsasən 1944,70 manat əsas borc, 90 manat cərimə və innovativ layihələr mərkəzinə ödənilmiş 23,60 manat olmaqla, cəmi 2058 (iki min əlli səkkiz) manat 30 (otuz) qəpik alınaraq iddiaçı "xxxx" Məhdud Məsuliyyətli Cəmiyyətinə ödənilsin. İddia qalan hissədə təmin edilməsin. Məhkəmədə iddia qaldırmaq üçün ödənilmiş 41 (qırx bir) manat 63 (altmış üç) qəpik dövlət rüsumu cavabdehdən alınaraq iddiaçının xeyrinə ödənilsin. Qətnamədən rəsmi qaydada verildiyi vaxtdan bir ay müddətində Saatlı Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir.