Saatlı Rayon Məhkəməsi Qətnamə — İş №e-2(055)-1403/2025

Azərbaycan Respublikası adından QƏTNAMƏ Saatlı rayonu İş № e-2(055)-1403/2025 13.10.2025 SAATLI RAYON MƏHKƏMƏSİ Hakim Abuşov İxtiyar Əliyar oğlu, İddiaçı "xxxx" Məhdud Məsuliyyətli Cəmiyyətinin Cavabdeh qarşı borc tələbi barədə kiçik iddia ərizəsinə dair işə baxaraq Müəyyənetdi: İddiaçı "xxxx" Məhdud Məsuliyyətli Cəmiyyəti Cavabdeh qarşı kiçik iddia ərizəsi ilə məhkəməyə müraciət edərək 15 may 2024-cü il tarixli müqavilə üzrə ümumi olaraq 2142,76 manat əsas borcun, 214,28 manat cərimənin, cəmi 2357,04 manat borcun və 43,58 manat ödənilmiş dövlət rüsumunun cavabdehdən alınıb iddiaçının xeyrinə ödənilməsi barədə qətnamə çıxarılmasını məhkəmədən xahiş etmişdir. İddiaçı "xxxx" Məhdud Məsuliyyətli Cəmiyyəti tələbini onunla əsaslandırmışdır ki, iddiaçı "xxxx" Məhdud Məsuliyyətli Cəmiyyəti ilə Cavabdeh arasında bağlanmış 15 may 2024-cü il tarixli müqaviləyə əsasən cavabdeh iddiacıdan 800 manat ilkin ödəniş edərək 18 ay müddətinə hər ay 192,88 manat ödəniş etməyi öhdəsinə götürərək zəmanət və xidmət daxil olmaqla ümumi dəyəri 4271,84 manat məbləğində bir ədəd “APPLE MACBOOK AİR 13” markalı kompüter almışdır. Lakin Cavabdeh müqavilə üzrə ödəniş etməmiş və nəticədə 15 may 2024-cü il tarixli müqavilə üzrə 2142,76 manat əsas borcu ödəməkdən yayınmışdır. Edilmiş xəbərdarlıqlara baxmayaraq cavabdeh üzərinə götürdüyü öhdəliyi yerinə yetirmədiyindən ona 214,28 manat cərimə hesablanmışdır. Ona görə də Cavabdeh 15 may 2024-cü il tarixli müqavilə üzrə 2142,76 manat əsas borc, 214,28 manat cərimə cəmi 2357,04 manat borcun və 43,58 manat ödənilmiş dövlət rüsumunun alınaraq iddiaçı "xxxx" Məhdud Məsuliyyətli Cəmiyyətinin xeyrinə tutulması barədə qətnamə çıxarılmasını məhkəmədən xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehə rəsmi qaydada bildiriş göndərilərək iddiaçının tələbinə dair əsaslandırılmış etirazının olduğu halda 10 iş günü müddətində öz dəlillərini və onları təsdiq edən sənədləri təqdim etməli olduğu bildirilmişdir. Lakin cavabdehdən ərizəyə dair etiraz daxil olmamışdır. Məhkəmə Azərbaycan Respublikası Mülki Prosessual Məcəlləsinin 284-5.3-cü maddəsinə əsasən işə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmasını mümkün hesab edir. İşdə olan 15 may 2024-cü il tarixli müqavilədən görünür ki, cavabdeh iddiacıdan 800 manat ilkin ödəniş edərək 18 ay müddətinə hər ay 192,88 manat ödəniş etməyi öhdəsinə götürməklə ümumi dəyəri 4271,84 manat məbləğində bir ədəd “APPLE MACBOOK AİR 13” markalı kompüter alınması ilə əlaqədar iddiaçı "xxxx" Məhdud Məsuliyyətli Cəmiyyəti ilə Cavabdeh arasında bağlanmışdır. İşdə olan 26 avqust 2025-ci il tarixli xəbərdarlıq məktubundan görünür ki, iddiaçı tərəfindən cavabdehdən 15 may 2024-cü il tarixli müqaviləyə əsasən öhdəliyini yerinə yetirmək tələb edilmişdir. İşdə olan 28 avqust 2025-ci il tarixli maliyyə və ödəniş cədvəlindən görünür ki, Cavabdehnın 15 may 2024-cü il tarixli müqavilə üzrə bir ədəd “APPLE MACBOOK AİR 13” markalı kompüterin alınması üçün 2142,76 manat əsas borc, 214,28 manat cərimə, cəmi 2357,04 manat borcu vardır. Cavabdeh müqavilə üzrə tam ödəniş etməmişdir. Məhkəmə iş materiallarını tam, hərtərəfli və obyektiv araşdırıb hesab edir ki, iddia qismən təmin edilməlidir. Belə ki, Azərbaycan Respublikası Mülki Məcəlləsinin 385.1-ci maddəsinə görə kreditorun borcludan vəzifəsinin icrasını tələb etmək hüququ vardır və həmin məcəllənin 448.2-ci maddəsinə əsasən borclu öz öhdəliklərinin hər bir təqsirli pozuntusu üçün məsuliyyət daşıyır. Həmin Məcəllənin 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənəşdirilmiş pul məbləğini (qiyməti) ödəməyi öhdəsinə götürür. İş materialları araşdırılarkən müəyyən olundu ki, iddiaçı "xxxx" Məhdud Məsuliyyətli Cəmiyyəti ilə Cavabdeh arasında bağlanmış 15 may 2024-cü il tarixli müqaviləyə əsasən cavabdeh iddiacıdan 800 manat ilkin ödəniş edərək 18 ay müddətinə hər ay 192,88 manat ödəniş etməyi öhdəsinə götürərək zəmanət və xidmət daxil olmaqla ümumi dəyəri 4271,84 manat məbləğində bir ədəd “APPLE MACBOOK AİR 13” markalı kompüter almışdır. Lakin Cavabdeh müqavilə üzrə ödəniş etməmiş və nəticədə 15 may 2024-cü il tarixli müqavilə üzrə 2142,76 manat əsas borcu ödəməkdən yayınmışdır. Edilmiş xəbərdarlıqlara baxmayaraq cavabdeh üzərinə götürdüyü öhdəliyi yerinə yetirmədiyindən ona 214,28 manat cərimə hesablanmışdır. Ona görə də Cavabdeh 15 may 2024-cü il tarixli müqavilə üzrə 2142,76 manat əsas borc, 214,28 manat cərimə cəmi 2357,04 manat borcun və 43,58 manat ödənilmiş dövlət rüsumunun alınaraq iddiaçı "xxxx" Məhdud Məsuliyyətli Cəmiyyətinin xeyrinə ödənilməsini tələb edir. Qeyd olunanlardan görünür ki, iddiaçı "xxxx" Məhdud Məsuliyyətli Cəmiyyəti Cavabdeh 15 may 2024-cü il tarixli müqavilə üzrə 2142,76 manat əsas borc, 214,28 manat cərimə, cəmi 2357,04 manat borcun alınmasını tələb etməkdə haqlıdır. Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə cavabdehdən tələb olunan 214,28 manat məbləğində dəbbə pulunun (cərimənin) tənasübsüz surətdə yüksək olduğunu nəzərə alaraq hesab edir ki, dəbbə pulunun miqdarı 100 manatadək azaldılmalıdır. Azərbaycan Respublikası Mülki Prosessual Məcəlləsinin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Şərh olunanları nəzərə alaraq məhkəmə belə nəticəyə gəlir ki, iddia qismən təmin edilərək Cavabdeh 15 may 2024-cü il tarixli müqavilə üzrə 2142,76 manat əsas borc və 100 manat cərimə olmaqla cəmi 2242,76 manat borc alınaraq iddiaçı "xxxx" Məhdud Məsuliyyətli Cəmiyyətinə ödənilməli, iddia qalan hissədə təmin edilməməlidir. İşdə olan 01 sentyabr 2025-ci il tarixli mədaxil qəbzindən görünür ki, "xxxx" Məhdud Məsuliyyətli Cəmiyyəti tərəfindən 43,58 manat dövlət rüsumu ödənilmişdir. Azərbaycan Respublikasının Mülki Prosessual Məcəlləsinin 119.1-ci maddəsinin tələbinə görə məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Göstərilən maddənin tələbinə uyğun olaraq məhkəmə hesab edir ki, məhkəmədə iddia qaldırmaq üçün ödənilmiş 43,58 manat dövlət rüsumu cavabdehdən alınaraq iddiaçının xeyrinə ödənilməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 284-6-cı maddəsinə əsasən, məhkəmə Q ə t e t d i: İddia qismən təmin edilsin. Cavabdeh 15 may 2024-cü il tarixli müqaviləyə əsasən 2142,76 manat əsas borc, 100 manat cərimə olmaqla, cəmi 2242 (iki min iki yüz qırx iki) manat 76 (yetmiş altı) qəpik alınaraq iddiaçı "xxxx" Məhdud Məsuliyyətli Cəmiyyətinə ödənilsin. İddia qalan hissədə təmin edilməsin. Məhkəmədə iddia qaldırmaq üçün ödənilmiş 30 (otuz) manat dövlət rüsumu cavabdehdən alınaraq iddiaçının xeyrinə ödənilsin. Qətnamədən rəsmi qaydada verildiyi vaxtdan bir ay müddətində Saatlı Rayon Məhkəməsi vasitəsi ilə “Elektron məhkəmə” informasiya sistemində yaradılan elektron kabinetdən istifadə etməklə Şirvan Apellyasiya Məhkəməsinə apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir.