Salyan Rayon Məhkəməsi Qətnamə — İş №e-2(057)-1758/2023

Azərbaycan Respublikası adından QƏTNAMƏ Salyan rayon İş № e-2(057)-1758/2023 26.10.2023 SALYAN RAYON MƏHKƏMƏSİ Hakim Məmmədli Ənnağı Əbdül oğlu, iddiaçı "xxxx" Məhdud Məsuliyyətli Cəmiyyətin Cavabdeh qarşı “borcun tutulması” tələbinə dair kiçik iddia ərizəsi üzrə mülki işə baxaraq, məhkəmə MÜƏYYƏN ETDİ: İddiaçı "xxxx" Məhdud Məsuliyyətli Cəmiyyət (bundan sonra "xxxx" MMC) Cavabdeh qarşı “borcun tutulması” tələbinə dair iddia ərizəsi ilə Salyan Rayon Məhkəməsinə müraciət edərək, Cavabdeh № 09641646 saylı, xx.xx.2022-ci il tarixli müqaviləyə əsasən İMEİ KODU **********92020 “XİAOMİ REDMİ NOTE 11” markalı telefon üçün 551.28 (beş yüz əlli bir manat iyirmi səkkiz qəpik) manat ödənilməmiş hissə, 55.72 (əlli beş manat yetmiş iki qəpik) manat cərimə, № 04072030 saylı, xx.xx.2022-ci il tarixli müqaviləyə əsasən, İMEİ KODU **********85917 “TCL 20E markalı telefon, “Philips” qulaqlıq üçün 450.32 (dörd yüz əlli manat otuz iki qəpik) manat ödənilməmiş hissə, 45.68 (qırx beş manat altmış səkkiz qəpik) manat cərimə ümumilikdə 1103 manat borc və 31.03 manat ödənilmiş dövlət rüsumu Cavabdeh alınaraq iddiaçı "xxxx" MMC-yə ödənilməsini xahiş etmişdir. İddiaçı tələbini onunla əsaslandırmışdır ki, Cavabdeh ilə "xxxx" MMC arasında bağlanmış xx.xx.2022-ci il tarixli və xx.xx.2022-ci il tarixli müqavilələrə əsasən, İMEİ KODU **********92020 ”XİAOMİ REDMİ NOTE 11” markalı telefon, İMEİ KODU **********85917 “TCL 20E markalı telefon, “Philips” qulaqlıq almış və nəticədə 1103 manat borc yaranmışdır. Cavabdeh müqavilənin şərtlərini pozmuş və nəticədə xx.xx.2022-ci il tarixli müqaviləyə əsasən, alqı-satqı qiyməti 623.52 manat (yəni 18 ay x 34.64 manat + 0 manat ilkin ödəniş) olan İMEİ KODU **********85917, “TCL 20E markalı telefon, “Philips” qulaqlıq üçün ümumilikdə 496 manat olmaqla, ondan, 450.32 manat ödənilməmiş hissə, 45.68 manat cərimə borcu; xx.xx.2022-ci il tarixli müqaviləyə əsasən, alqı-satqı qiyməti 584.28 manat (yəni 18 ay x 32.46 manat + 0 manat ilkin ödəniş) olan İMEİ KODU **********92020 ”XİAOMİ REDMİ NOTE 11” markalı telefon üçün ümumilikdə 607 manat olmaqla, ondan, 551.28 manat ödənilməmiş hissə, 55.72 manat cərimə borcu yaranmışdır. Cavabdehin cəmi ödədiyi məbləğ 206.2 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 %-i həcmində mübahisəsiz olaraq penya ödəyir. Tələbinin əsaslığını və əmlakın dəyərini sübut edən sənədlər: tərəflər arasında bağlanılmış müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Cavabdehlə aralarında bağlanılmış xx.xx.2022-ci il və xx.xx.2022-ci il tarixli Müqavilələrin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulları tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdiyi xx.xx.2023-cü il tarixli xəbərdarlıq məktubunda mübahisənin məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsədə, qarşı tərəf müqavilə ilə təsbit olunmuş öhdəlikləri icra etməmişdir. Odur ki, Cavabdeh xx.xx.2022-ci il tarixli müqaviləyə əsasən İMEİ KODU **********92020 “XİAOMİ REDMİ NOTE 11” markalı telefon üçün 551.28 (beş yüz əlli bir manat iyirmi səkkiz qəpik) manat ödənilməmiş hissə, 55.72 (əlli beş manat yetmiş iki qəpik) manat cərimə, xx.xx.2022-ci il tarixli müqaviləyə əsasən, İMEİ KODU **********85917 “TCL 20E markalı telefon, “Philips” qulaqlıq üçün 450.32 (dörd yüz əlli manat otuz iki qəpik) manat ödənilməmiş hissə, 45.68 (qırx beş manat altmış səkkiz qəpik) manat cərimə ümumilikdə 1103 manat borc və 31.03 manat ödənilmiş dövlət rüsumu Cavabdeh alınaraq iddiaçı "xxxx" MMC-yə ödənilməsini xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə uyğun olaraq cavabdehə rəsmi qaydada bildiriş göndərilmiş, cavabdeh həmin bildirişi qəbul etmiş, lakin cavabdeh tərəf bildirişi rəsmi qaydada aldığı gündən 10 (on) iş günü müddətində iddiaya qarşı etirazlarını göndərməməklə iddiaçının tələbinə dair hər hansı münasibət bildirməmişdir. Məhkəmə iddia ərizəsini və materiallarını araşdıraraq hesab edir ki, iddia qismən təmin edilməlidir. İş materiallarında olan, iddiaçı "xxxx" MMC ilə Cavabdeh arasında bağlanmış № 04072030 saylı, xx.xx.2022-ci il tarixli müqaviləyə əsasən, İMEİ KODU **********85917 “TCL 20E markalı telefon, “Philips” qulaqlıq satılmışdır. İş materiallarında olan, iddiaçı "xxxx" MMC ilə Cavabdeh arasında bağlanmış № 09641646 saylı, xx.xx.2022-ci il tarixli müqaviləyə əsasən, “İMEİ KODU **********92020 ”XİAOMİ REDMİ NOTE 11” markalı telefon satılmışdır. İddiaçı "xxxx" MMC-nin 29 avqust 2023-cü il tarixli maliyyə və ödəniş cədvəlindən görünür ki, Cavabdeh, ümumilikdə 1103 manat olmaqla, ondan, 1001.6 manat ödənilməmiş hissə, 101.4 manat cərimə pulu borc yaranmışdır. İş materiallarında olan xəbərdarlıqdan görünür ki, Cavabdeh iddiaçı "xxxx" MMC-nə gecikdirilmiş borcunun olması, ödənilməyəcəyi təqdirdə aidiyyəti üzrə dövlət qurumuna müraciət ediləcəyi barədə xəbərdar edilmişdir. İş materiallarında olan mədaxil qəbzindən görünür ki, iddiaçı "xxxx" MMC məhkəmədə iddia qaldırmaqla əlaqədar olaraq 31.03 manat dövlət rüsumu ödəmişdir. Azərbaycan Respublikası Mülki Məcəllənin 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 427.3-cü maddəsinə görə əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Həmin Məcəllənin 442-ci maddəsinə əsasən öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445.1-ci maddəsinə görə icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Aşağıdakı hallar borclunun icranı gecikdirməsi sayılır: öhdəliyin onun icrasıüçün müəyyənləşdirilmiş müddətdə icra edilməməsi; icra müddəti çatanadək kreditorun etdiyi xəbərdarlıqdan sonra da öhdəliyin icra edilməməsi. Həmin Məcəllənin 739-cu maddəsinə əsasən borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlüəşyalar şəklində borc verənə qaytarmağıöhdəsinə götürür. Borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər. Azərbaycan Respublikası Mülki Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-6.1-ci madəsinə əsasən işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Həmin Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Azərbaycan Respublikasının Mülki Məcəlləsinin 462.1-ci maddəsinə görə, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Həmin Məcəllənin 467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Məhkəmə işin hallarını nəzərə alaraq hesab edir ki, № 04072030 saylı, xx.xx.2022ci il tarixli müqavilə üçün tələb edilən 45.68 manat cərimə pulunun miqdarı yaranmış müqaviləsi üzrə kredit borcu 450.32 manata mütənasib olmadığından 45.68 manat məbləğində cərimə pulunun 04 manat və № 09641646 saylı, xx.xx.2022-ci il tarixli müqavilə üçün tələb edilən 55.72 manat cərimə pulunun miqdarı yaranmış üzrə kredit borcu 551.28 manata mütənasib olmadığından 55.72 manat məbləğində cərimə pulunun 05 manat məbləğinə azaldılması məqsədə uyğundur. Azərbaycan Respublikası Mülki Prosessual Məcəlləsinin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Həmin Məcəllənin 284-5.3-cü maddəsinə əsasən kiçik iddialara dair ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 119.1-ci maddəsinə görə, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Məhkəmə hesab edir ki, iddia qismən təmin edilərək, Cavabdeh № 04072030 saylı, xx.xx.2022-ci il tarixli müqaviləsinə əsasən, İMEİ KODU **********85917 “TCL 20E markalı telefon, “Philips” qulaqlıq üçün 450.32 manat ödənilməmiş hissə, 04 manat cərimə və № 09641646 saylı, xx.xx.2022-ci il tarixli müqaviləyə əsasən, “İMEİ KODU **********92020 ”XİAOMİ REDMİ NOTE 11” markalı telefon üçün 551.28 manat ödənilməmiş hissə, 05 manat cərimə borcu və 28.40 manat ödənilmiş dövlət rüsumu iddiaçı "xxxx" MMC-nin xeyrinə tutulmalıdır. Göstərilənlərə əsasən və Azərbaycan Respublikası MPM-nin 216-220, 227, 233 və 284-1-284-6-cı maddələrini rəhbər tutaraq, məhkəmə Q Ə T E T D İ: İddia qismən təmin edilsin. Cavabdeh № 04072030 saylı, xx.xx.2022-ci il tarixli müqaviləsinə əsasən, İMEİ KODU **********85917 “TCL 20E markalı telefon, “Philips” qulaqlıq üçün 450.32 manat ödənilməmiş hissə, 04 manat cərimə və № 09641646 saylı, xx.xx.2022-ci il tarixli müqaviləyə əsasən, “İMEİ KODU **********92020 ”XİAOMİ REDMİ NOTE 11” markalı telefon üçün 551.28 manat ödənilməmiş hissə, 05 manat cərimə borcu və 28.40 manat ödənilmiş dövlət rüsumu tutulub "xxxx" MMC-nin hesabına ödənilsin. Qətnamədən rəsmi qaydada verildiyi gündən 1 (bir) ay müddətində (“Elektron məhkəmə” informasiya sistemində yaradılan elektron kabinetdən istifadə edilməklə) Salyan Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Ənnağı Məmmədli İş № e-2(057)-1760/2023 Məhkəmə baxış iclasının PROTOKOLU Salyan Rayon Məhkəməsi 25 oktyabr 2023-cü il Salyan şəhəri Hakim Məmmədli Ənnağı Əbdül oğlu Tərəflərin iştirakı olmadan, İddiaçı "xxxx" MMC-nin Cavabdeh qarşı kiçik iddialara dair işlər üzrə sadələşdirilmiş icraat qaydasında müqavilə üzrə yaranmış borcun ödənilməsi tələbinə dair ərizəsi üzrə mülki işə Salyan Rayon Məhkəməsinin binasında baxılır. Prosessual hərəkət saat 11:10-da başlandı. Hakim iş materiallarını araşdıraraq qətnamə qəbul edir. Prosessual hərəkət saat 11:15-də qurtardı. Protokol 25 oktyabr 2023-cü il tarixdə tərtib edildi. Hakim: Ənnağı Məmmədli