Salyan Rayon Məhkəməsi Qətnamə — İş №e-2(057)-3269/2025

Azərbaycan Respublikası adından QƏTNAMƏ Salyan rayon İş № e-2(057)-3269/2025 12.12.2025 SALYAN RAYON MƏHKƏMƏSİ Hakim Kələntərov Şahəddin Əhməd oğlu, İddiaçı "xxxx" Məhdud Məsuliyyətli Cəmiyyətin Cavabdeh qarşı “borcun tutulması” tələbinə dair kiçik iddia ərizəsi üzrə mülki işə baxaraq, MÜƏYYƏN ETDİ: İddiaçı "xxxx" Məhdud Məsuliyyətli Cəmiyyəti (bundan sonra - "xxxx" MMC və ya iddiaçı) Cavabdeh qarşı “borcun tutulması” tələbinə dair iddia ərizəsi ilə Salyan Rayon Məhkəməsinə müraciət edərək, xx.xx.2024-cü il tarixli müqaviləyə əsasən, ASUS notbuk, MİCROSOFT OFFİCE üçün , 919.59 (doqquz yüz on doqquz manat 59 qəpik) manat ödənilməmiş hissə, 91.96 (doxsan bir manat 96 qəpik) manat cərimə; xx.xx.2024-cü il, tarixli müqaviləyə əsasən, İmei kod **********39708 SAMSUNG GALAXY A24, SAMSUNG 25W adapter, QİZİL ZƏMANƏT ULTRA2 İL xidməti üçün, 398.56 (üç yüz doxsan səkkiz manat, 56 qəpik) manat ödənilməmiş hissə, 39.86 (otuz doqquz manat, 86 qəpik) manat cərimə; xx.xx.2024-ci il tarixli müqaviləyə əsasən, VELOSİPED VİSTA üçün, 227.20 (iki yüz iyirmi yeddi manat, 20 qəpik) manat ödənilməmiş hissə, 22.72 (iyirmi iki manat 72 qəpik) manat cərimə miqdarında borc, ümumilikdə 1699.89 manat borc, 37.00 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılmasını xahiş etmişdir. İddiaçı tələbini onunla əsaslandırmışdır ki, cavabdeh ilə "xxxx" MMC arasında bağlanmış xx.xx.2024-cü il, xx.xx.2024-cü il, xx.xx.2024-ci il tarixli müqavilələrə əsasən, ASUS notbuk, MİCROSOFT OFFİCE , İmei kod **********39708 SAMSUNG GALAXY A24, SAMSUNG 25W adapter, QİZİL ZƏMANƏT ULTRA 2 İL xidməti , VELOSİPED VİSTlA almış və nəticədə 1699.89 manat borc yaranmışdır. Cavabdeh müqavilənin şərtlərini pozmuş və nəticədə xx.xx.2024-cü il tarixli müqaviləyə əsasən, alqı-satqı qiyməti 1440.24 manat (18 ay x 76.68 manat + 60 manat ilkin ödəniş) olan ASUS notbuk, MİCROSOFT OFFİCEüçün ümumilikdə, 1011.55 (bir min on bir manat, 55 qəpik ) manat olmaqla ondan, 919.59 (doqquz yüz on doqquz manat 59 qəpik) manat ödənilməmiş hissə, müştəriyə güzəşt olunaraq 91.96 (doxsan bir manat 96 qəpik) manat cərimə. xx.xx.2024-cü il, tarixli müqaviləyə əsasən, alqı-satqı qiyməti 653.68 (altı yüz əlli üç manat 68 qəpik) manat (18 ay x 33.26 manat + 55 manat ilkin ödəniş) olan İmei kod **********39708 SAMSUNG GALAXYA24, SAMSUNG 25W adapter, QİZİL ZƏMANƏT ULTRA2 İL xidməti üçün ümumilikdə, 438.42 olmaqla ondan, 398.56 manat ödənilməmiş hissə, müştəriyə güzəşt olunaraq 39.86 manat cərimə; xx.xx.2024-ci il tarixli müqaviləyə əsasən, alqı-satqı qiyməti 430 manat (18 ay x 17.50 manat + 115 manat ilkin ödəniş) olan VELOSİPED VİSTA üçün ümumilikdə, 249.92 manat olmaqla ondan, 227.20 manat ödənilməmiş hissə, müştəriyə güzəşt olunaraq 22.72 manat cərimə miqdarında borc yaranmışdır. Cavabdehin cəmi ödədiyi məbləğ 978.57 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə aralarında bağlanılmış xx.xx.2024-cü il, xx.xx.2024-cü il, xx.xx.2024-ci il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdiyimiz xx.xx.2025-ci il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsələr də, qarşı tərəf müqavilə ilə təsbit olunmuş öhdəlikləri icra etməmişdir. Tələblərinin əsaslığını və əmlakın dəyərini sübut edən sənədlər; tərəflər arasında bağlanılmış Müqavilə, onun əlavəsi, bildirişi, əşyaların təhviltəslimaktı və ödəniş cədvəlindən ibarətdir. Azərbaycan Respublikası Mülki Prosessual Məcəlləsinin (bundan sonra - MPM) 284-5.1-ci maddəsinə uyğun olaraq cavabdehə rəsmi qaydada bildiriş göndərilmişdir. Məhkəmə iş materiallarını araşdırıb, sübutlara məcmi halda obyektiv, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq hesab edir ki, iddia tələbi təmin edilməlidir. Belə ki, iş materiallarında müqavilələrdən görünür ki, cavabdeh xx.xx.2024-cü il tarixli müqaviləyə əsasən, ASUS notbuk, MİCROSOFT OFFİCE; xx.xx.2024-cü il tarixli müqaviləyə əsasən, İmei kod **********39708 SAMSUNG GALAXY A24, SAMSUNG 25W adapter, QİZİL ZƏMANƏT ULTRA2 İL xidməti; xx.xx.2024-ci il tarixli müqaviləyə əsasən, VELOSİPED VİSTA almışdır. İş materiallarında olan iddiaçının maliyyə və ödəniş cədvəlindən görünür ki, cavabdehin xx.xx.2024-cü il tarixli müqaviləyə əsasən, ASUS notbuk, MİCROSOFT OFFİCE üçün , 919.59 (doqquz yüz on doqquz manat 59 qəpik) manat ödənilməmiş hissə, 91.96 (doxsan bir manat 96 qəpik) manat cərimə; xx.xx.2024-cü il, tarixli müqaviləyə əsasən, İmei kod **********39708 SAMSUNG GALAXY A24, SAMSUNG 25W adapter, QİZİL ZƏMANƏT ULTRA2 İL xidməti üçün, 398.56 (üç yüz doxsan səkkiz manat, 56 qəpik) manat ödənilməmiş hissə, 39.86 (otuz doqquz manat, 86 qəpik) manat cərimə; xx.xx.2024-ci il tarixli müqaviləyə əsasən, VELOSİPED VİSTA üçün, 227.20 (iki yüz iyirmi yeddi manat, 20 qəpik) manat ödənilməmiş hissə, 22.72 (iyirmi iki manat 72 qəpik) manat cərimə miqdarında borc, ümumilikdə 1699.89 manat borcu yaranmışdır. İş materiallarında olan xəbərdarlıqdan görünür ki, Cavabdeh İddiaçıya gecikdirilmiş borcunun olması, ödənilməyəcəyi təqdirdə aidiyyəti üzrə dövlət qurumuna müraciət ediləcəyi barədə xəbərdar edilmişdir. İş materiallarında olan qəbzdən görünür ki, İddiaçı məhkəmədə iddia qaldırmaqla əlaqədar olaraq 37 manat dövlət rüsumu ödəmişdir. Azərbaycan Respublikası Mülki Məcəlləsinin (bundan sonra - Mülki Məcəllə) 385.1ci maddəsinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Mülki Məcəllənin 427.3-cü maddəsinə görə, əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. Mülki Məcəllənin 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Mülki Məcəllənin 567-ci maddəsinə əsasən, alğı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Mülki Məcəllənin 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. MPM-in 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. MPM-in 284-5.3-cü maddəsinə əsasən kiçik iddialara dair ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Mülki Məcəllənin 462.1-ci maddəsinə görə, dəbbə pulu (cərimə, penya) qanun və ya müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Mülki Məcəllənin 467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. MPM-in 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Beləliklə, məhkəmə hesab edir ki, iddia tələbi təmin edilərək, cavabdehdən xx.xx.2024-cü il tarixli müqaviləyə əsasən, 919.59 manat ödənilməmiş hissə, 91.96 manat cərimə; xx.xx.2024-cü il tarixli müqaviləyə əsasən, 398.56 manat ödənilməmiş hissə, 39.86 manat cərimə; xx.xx.2024-ci il tarixli müqaviləyə əsasən, 227.20 manat ödənilməmiş hissə, 22.72 manat cərimə miqdarında borc, ümumilikdə 1699.89 manat borc, 37 manat ödənilmiş dövlət rüsumunun əvəzi iddiaçının xeyrinə tutulmalıdır. Göstərilənlərə əsasən və MPM-in 216-220, 227, 233 və 284-1-284-6-cı maddələrini rəhbər tutaraq, Q Ə T E T D İ: İddia tələbi təmin edilsin. Cavabdeh xx.xx.2024-cü il tarixli müqaviləyə əsasən, 919.59 manat ödənilməmiş hissə, 91.96 manat cərimə; xx.xx.2024-cü il tarixli müqaviləyə əsasən, 398.56 manat ödənilməmiş hissə, 39.86 manat cərimə; xx.xx.2024-ci il tarixli müqaviləyə əsasən, 227.20 manat ödənilməmiş hissə, 22.72 manat cərimə miqdarında borc, ümumilikdə 1699.89 manat borc və 37 manat ödənilmiş dövlət rüsumunun əvəzi tutulub "xxxx" MMC-nin hesabına ödənilsin. Qətnamədən işdə iştirak edən şəxslərin “Elektron məhkəmə” informasiya sistemində yaradılan elektron kabinetinə yerləşdirildiyi tarixdən (elektron kabinet olmadığı təqdirdə poçt vasitəsilə çatdırıldığı tarixdən) 1 (bir) ay müddətində elektron kabinetdən istifadə edilməklə Salyan Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Hakim: Şahəddin Kələntərov