Sumqayıt Şəhər Məhkəməsi Qətnamə — İş №e-2(060)-2944/2022

Azərbaycan Respublikası adından QƏTNAMƏ Sumqayıt şəhəri İş № e-2(060)-2944/2022 06.05.2022 SUMQAYIT ŞƏHƏR MƏHKƏMƏSİ Hakim Hüseynov Elmir Xoşbəxt oğlu, Tərəflərin iştirakı olmadan, İddiaçı "xxxx" MMC-nin Cavabdeh qarşı pul tələbinə dair iddiası üzrə mülki işə Sumqayıt Şəhər Məhkəməsinin inzibati binasında, kiçik iddialara dair işlər üzrə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" MMC Cavabdeh qarşı kiçik iddialara dair sadələşdirilmiş qaydada ərizə ilə məhkəməyə müraciət edərək, 29.05.2019-cu il tarixli müqaviləyə əsasən, İMEİ kodu **********04404 olan Samsung Galaxy A50 markalı telefon və 2 ədəd aksesuar üçün 116 (yüz on altı) manat ödənilməmiş hissə, 0 (sıfır) manat cərimə, 26.10.2019-cu il tarixli müqaviləyə əsasən, 2 ədəd Xiaomi saat üçün 59 (əlli doqquz) manat ödənilməmiş hissə, 0 (sıfır) manat cərimə, 03.02.2020-ci il tarixli müqaviləyə əsasən, İMEİ kodu **********70107 olan X1 8 markalı telefon üçün 496 (dörd yüz doxsan altı) manat ödənilməmiş hissə, 0 (sıfır) manat cərimə, ümumilikdə 671 manat borc, 30 manat ödənilmiş dövlət rüsumunun əvəzinin Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, cavabdeh, "xxxx" MMC ilə 29.05.2019-cu il, 26.10.2019-cu il, 03.02.2020-ci il tarixli müqavilələrinə əsasən, İMEİ kodu **********04404 olan Samsung Galaxy A50 markalı telefon və 2 ədəd aksesuar, 2 ədəd Xiaomi saat, İMEİ kodu **********70107 olan X1 8 markalı telefon üçün 671 (altı yüz yetmiş bir) manat borc yaranmışdır. Cavabdeh müqavilənin şərtlərini pozmuş və nəticədə 29.05.2019-cu il tarixli müqaviləsinə əsasən, alqı-satqı qiyməti 930 (doqquz yüz otuz) manat (16 ay x 58 manat + 2 manat ilkin ödəniş) olan İMEİ kodu **********04404 olan Samsung Galaxy A50 markalı telefon və 2 ədəd aksesuar üçün ümumilikdə, 116 (yüz on altı) manat olmaqla ondan, 116 (yüz on altı) manat ödənilməmiş hissə, müştəriyə güzəşt olunaraq 0 (sıfır) manat cərimə miqdarında borc yaranmışdır. 26.10.2019-cu il tarixli müqaviləsinə əsasən, alqı-satqı qiyməti 240 (iki yüz qırx) manat (12 ay x 20 manat + 0 manat ilkin ödəniş) olan 2 ədəd Xiaomi saat üçün ümumilikdə, 59 (əlli doqquz) manat olmaqla ondan, 59 (əlli doqquz) manat ödənilməmiş hissə, müştəriyə güzəşt olunaraq 0 (sıfır) manat cərimə, 03.02.2020-ci il tarixli müqaviləsinə əsasən, alqı-satqı qiyməti 620 (altı yüz iyirmi manat (20 ay x 31 manat + 0 manat ilkin ödəniş) olan İMEİ kodu **********70107 olan X1 8 markalı telefonüçün ümumilikdə, 496 (dörd yüz doxsan altı) manat olmaqla ondan, 496 (dörd yüz doxsan altı) manat ödənilməmiş hissə, müştəriyə güzəşt olunaraq 0 (sıfır) manat cərimə; Cavabdehin cəmi ödədiyi məbləğ 1119 manat təşkil edir. Cavabdehlə aralarında bağlanılmış 29.05.2019-cu 26.10.2019-cu, 03.02.2020ci il Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri 22.02.2022-ci il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsələr də, qarşı tərəf müqavilə ilə təsbit olunmuş öhdəlikləri icra etməmişdir. Ödəniş cədvəlinin 2-ci bəndinə əsasən ödənişlərdə gecikmələr aşkarlanmışdırsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Tələblərinin əsaslığını və əmlakın dəyərini sübut sənədlər: tərəflər arasında bağlanılmış Müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Cavabdeh iddia tələbi barədə bildiriş göndərilmiş, lakin onun tərəfindən həmin iddia ilə bağlı nəzərdə tutulmuş müddət ərzində etiraz daxil olmamışdır. Məhkəmə iş materiallarını araşdıraraq və iş üzrə sübutlara hüquqi qiymət verərək hesab edir ki, iddia tələbi əsaslı olduğundan təmin edilməlidir. Belə ki, iş materiallarında olan: - "xxxx" MMC ilə Cavabdeh arasında bağlanmış 29.05.2019-cu il tarixli 00689069 saylı müqavilədən görünür ki, Cavabdeh ümumi dəyəri 930 (doqquz yüz otuz) manat İMEİ Kodu **********04404 olan Samsung galaxy A50 markalı telefon və 2 ədəd aksesuar almışdır. - "xxxx" MMC ilə Cavabdeh Adl qızı arasında bağlanmış 26.10.2019-cu il tarixli 01007456 saylı müqavilədən görünür ki, Cavabdeh ümumi dəyəri 240 (iki yüz qırx) manat olan 2 ədəd Xiaomi saat almışdır. - "xxxx" MMC ilə Cavabdeh arasında bağlanmış 03.02.2020-ci il tarixli 20078245 saylı müqavilədən görünür ki, Cavabdeh ümumi dəyəri 620 (altı yüz iyirmi) manat İMEİ kodu **********70107 olan X1 8 markalı telefon almışdır. - 29.05.2019-cu il tarixli əşyaların təhvil-təslim aktından görünür ki, İMEİ Kodu **********04404 olan Samsung galaxy A50 markalı telefon və 2 ədəd aksesuar Cavabdeh təhvil verilmişdir. - 26.10.2019-cu il tarixli əşyaların təhvil-təslim aktından görünür ki, 2 ədəd Xiaomi saat Cavabdeh təhvil verilmişdir. - 03.02.2020-ci il tarixli əşyaların təhvil-təslim aktından görünür ki, İMEİ kodu **********70107 olan X1 8 markalı telefon Cavabdeh təhvil verilmişdir. - ABC Telecom” MMC-nin maliyyə və ödəniş cədvəlindən görünür ki, Cavabdeh 16 ay müddətinə, ilkin 2 manat ödənişlə, aylıq ödəniş 58 manat olmaqla, İMEİ Kodu **********04404 olan Samsung galaxy A50 markalı telefon və 2 ədəd aksesuar, 12 ay müddətinə, ilkin 0 manat ödənişlə, aylıq ödəniş 20 manat olmaqla 2 ədəd Xiaomi saat, 20 ay müddətinə, ilkin 0 manat ödənişlə, aylıq ödəniş 31 manat olmaqla İMEİ kodu **********70107 olan X1 8 markalı telefon almış və 1119 manat ödəniş etmişdir. -"xxxx" MMC-nin cavabdehə ünvanlanan xəbərdarlıq məktubunun surətindən görünür ki, cavabdeh borcun qaytarılmasına dair xəbərdar edilmişdir. Beləliklə, məhkəmə araşdırması zamanı müəyyən edildi ki, Cavabdeh "xxxx"MMC ilə bağlanmış 29.05.2019-cu il, 26.10.2019-cu il və 03.02.2020-ci il tarixli müqavilələrə əsasən alınan malların 1790 manat olan ümumi dəyərindən cəmi 1119 manat ödəniş etmiş və nəticədə 671 manat borc yaranmışdır. Məhkəmə iddia tələbi ilə bağlı aşağıdakı hüquq normalarının qeyd edilməsini zəruri hesab edir. Azərbaycan Respublikasının Mülki Məcəlləsinin 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Həmin Məcəllənin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətlərdən çəkinməlidir, kreditorun isə borcludan vəzifəsinin icrasını tələb etmək hüququ vardır. Bu Məcəllənin 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş diqər şərtləri pozmaqla icra edilməsi) başa düşülür. Sözügedən Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Bu Məcəllənin 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi,alıcı isə əşyanı qəbul edib əvəzinə müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 631.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər.Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki,alqı-satqı müqaviləsinin digər mühüm şərtləri ilə yanaşı əşyanın qiyməti,ödənişlərin qaydası,müddətləri və məbləğləri nəzərdə tutulmuş olsun. Həmin Məcəlləsinin 5.3-cü maddəsinə əsasən, mülki hüquq münasibətlərinin subyektləri öz hüquq və vəzifələrini vicdanla həyata keçirməyə borcludurlar. Beləliklə, məhkəmə iş üzrə təqdim edilmiş sübutları məcmu halında qiymətləndirərək və sadalanan maddi hüquq normalarına əsaslanaraq, həmin maddələrin tələblərini işin faktiki hallarına tətbiq edərək belə nəticəyə gəlir ki, iddiaçı "xxxx" MMC ilə Cavabdeh arasında bağlanmış 29.05.2019-cu il, 26.10.2019-cu il və 03.02.2020-ci il tarixli əşyaların alqı satqısına dair müqavilələr mahiyyət etibarilə nisyə alqı-satqı müqavilələridir. Borclu götürdüyü əşyaya görə hər ay pul ödəməyinə dair öhdəlik götürmüş, lakin həmin öhdəlik cavabdeh tərəfindən lazımınca icra edilməmiş, malların 1790 manat ümumi dəyərindən cəmi 1119 manat ödəniş etmiş və nəticədə 671 manat borcu yaranmışdır. Ona görə də iddia tələbi əsaslı olduğundan təmin edilməlidir. Məhkəmə iddianın ödənilmiş dövlət rüsumunun tutulması ilə bağlı hissəsini araşdıraraq hesab edir ki, iddia təmin olunduğundan dövlət rüsumu ilə bağlı tələb də təmin edilməli, cavabdehdən ödənilmiş 30 manat dövlət rüsumunun əvəzi tutularaq iddiaçıya ödənilməlidir. Belə ki, Azərbaycan Respublikası MPM-nin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Azərbaycan Respublikasının Mülki Prosessual Məcəlləsinin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Azərbaycan Respublikası MPM-nin 77.1.-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 14.2.-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 217.4.-cü maddəsinə əsasən, məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Şərh olunanlara əsaslanaraq və Azərbaycan Respublikası MPM-nin 216-220-ci, 284-6-cı və 360-cı maddələrini rəhbər tutaraq, məhkəmə Q Ə T E T D İ: İddia tələbi təmin edilsin. 29.05.2019-cu il tarixli müqaviləyə əsasən İMEİ kodu **********04404 olan Samsung Galaxy A50 markalı telefon və 2 ədəd aksesuar üçün 116 (yüz on altı) manat ödənilməmiş hissə, 26.10.2019-cu il tarixli müqaviləyə əsasən 2 ədəd Xiaomi saat üçün 59 (əlli doqquz) manat ödənilməmiş hissə, 03.02.2020-ci il tarixli müqaviləyə əsasən İMEİ kodu **********70107 olan X1 8 markalı telefon üçün 496 (dörd yüz doxsan altı) manat ödənilməmiş hissə, ümumilikdə 671 manat borc və 30 manat ödənilmiş dövlət rüsumunun əvəzi Cavabdeh alınaraq "xxxx" Məhdud Məsuliyyətli Cəmiyyətinə ödənilsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə (Elektron Məhkəmə İnformasiya Sistemində yaradılan elektron kabinetdən istifadə edilməklə) Sumqayıt Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim Elmir Hüseynov