Sumqayıt Şəhər Məhkəməsi Qərardad — İş №e-2(060)-3149/2021

Azərbaycan Respublikası adından QƏRARDAD Sumqayıt şəhəri İş № e-2(060)-3149/2021 16.04.2021 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Əliyev Orxan Elşən oğlunun katibliyi, Ərizəçi, Onun nümayəndəsin və vəkili X1 iştirakı ilə, Ərizəçi maraqlı şəxs Sumqayıt şəhər 1 saylı Notariat ofisinə və Sumqayıt şəhər Qeydiyyat Şöbəsinə qarşı «hüquqmüəyyənedici sənədin şəxsə məxsus olması faktının müəyyən edilməsinə» dair ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: Ərizəçi maraqlı şəxs Sumqayıt şəhər 1 saylı Notariat ofisinə və Sumqayıt şəhər Qeydiyyat Şöbəsinə qarşı «hüquqmüəyyənedici sənədin şəxsə məxsus olması faktının müəyyən edilməsinə» dair ərizəsi ilə Sumqayıt şəhər Məhkəməsinə müraciət etmişdir. Ərizəçi və onun nümayəndəsin və vəkili X2 məhkəmə iclasında ərizə ilə məhkəməyə müraciət edərək, ərizə və ona əlavə edilmiş sənədlərin geri qaytarılmasını məhkəmədən xahiş etdilər. Məhkəmə, ərizəçini, onun nümayəndəsi və vəkilini dinləyib, ərizəni və iş materiallarını araşdıraraq Azərbaycan Respublikasının Mülki Prosessual Məcəlləsinin 259.0.11-ci maddəsinə əsasən hesab edir ki, ərizə baxılmamış saxlanılmalıdır. Belə ki, Azərbaycan Respublikasının Mülki Prosessual Məcəlləsinin qeyd olunan maddəsinin tələbinə əsasən iddiaçı iddia ərizəsinin qaytarılması barədə ərizə verdikdə cavabdeh isə işin mahiyyəti üzrə baxılmasını tələb etmədikdə, məhkəmə ərizəni baxılmamış saxlayır. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 260.1, 260.6, 263, 264 və 268-ci maddələrini rəhbər tutaraq, məhkəmə QƏRARA ALDİ: Ərizəçi maraqlı şəxs Sumqayıt şəhər 1 saylı Notariat ofisinə və Sumqayıt şəhər Qeydiyyat Şöbəsinə qarşı «hüquqmüəyyənedici sənədin şəxsə məxsus olması faktının müəyyən edilməsinə» dair ərizəsi baxılmamış saxlanılsın. Qərardaddan 10 (on) gün müddətində Sumqayıt şəhər Məhkəməsinə şikayət verilə bilər. HAKİM: AZƏR İSMAYİLOV