Sumqayıt Şəhər Məhkəməsi Qətnamə — İş №e-2(060)-985/2024

Azərbaycan Respublikası adından QƏTNAMƏ Sumqayıt şəhəri İş № e-2(060)-985/2024 29.01.2024 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Aynur Mirzalı qızı Behbudova İddiaçı "xxxx" Məhdud Məsuliyyətli Cəmiyyətinin Cavabdeh qarşı pul tələbi barədə kiçik iddialara dair işlər üzrə mülki işə sadələşdirilmiş icraat qaydasında baxaraq, MÜƏYYƏNETDİ: İddiaçı "xxxx" Məhdud Məsuliyyətli Cəmiyyəti Cavabdeh qarşı pul tələbi barədə kiçik iddialara dair iddia ərizəsi ilə məhkəməyə müraciət edərək, ümumillikdə 4083 manat borc və 60.83 manat dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, iddiaçı "xxxx" Məhdud Məsuliyyətli Cəmiyyəti ilə Cavabdeh arasında bağlanmış xx.xx.2022, xx.xx.2022, xx.xx.2022, xx.xx.2022 və xx.xx.2021-ci il tarixli müqavilələrə əsasən İmei kodu **********56920 olan İphone 13 Pro Max markalı telefon, APPLE 20W USB-C ADAPTER, LG markalı paltaryuyan, QCY G1 45MS Gaming Earbuds markalı qulaqlıq, İMEİ KODU **********80122 OLAN SAMSUNG GALAXY A53 markalı telefon və İmei kodu **********20656 olan Samsung Galaxy A52 markalı telefon almış və nəticədə 4083 manat borcu yaranmışdır. Cavabdeh müqavilənin şərtlərini pozmuş, nəticədə xx.xx.2022-ci il tarixli müqaviləyə əsasən alqı-satqı qiyməti 3996 manat olan İmei kodu **********56920 olan İphone 13 Pro Max markalı telefon, APPLE 20W USB-C ADAPTER-ə görə 1729 manat, xx.xx.2022-ci il tarixli müqaviləyə əsasən isə alqısatqı qiyməti 1450.08 manat təşkil edən LG markalı paltaryuyana görə 1062 manat, xx.xx.2022-ci il tarixli müqaviləyə əsasən alqı-satqı qiyməti 100.2 manat olan QCY G1 45MS Gaming Earbuds markalı qulaqlığa görə 39 manat, xx.xx.2022-ci il tarixli müqaviləyə əsasən isə alqı-satqı qiyməti 1070.04 manat təşkil edən İMEİ KODU **********80122 olan SAMSUNG GALAXY A53 markalı telefona görə 784 manat, xx.xx.2021-ci il tarixli müqaviləyə əsasən isə alqı-satqı qiyməti 954 manat təşkil edən İmei kodu **********20656 olan Samsung Galaxy A52 markalı telefona görə 469 manat borcu yaranmışdır. Cavabdehin cəmi ödədiyi məbləğ 3856.8 manat təşkil edir. Məhkəmə hazırkı iddianın qiymətinin 5000 (beş min) manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etdi. İş materiallarından görünür ki, iddia ərizəsi xx.xx.2023-cü il tarixdə məhkəməyə daxil olmuş və məhkəmə Cavabdeh prosessual hüquq və vəzifələrinin izahı barədə rəsmi qaydada bildiriş göndərmişdir. İş materiallarında olan “Poçt göndərişinin verilməsi haqqında” xəbərnamədən görünür ki, Cavabdeh xx.xx.2023-cü il tarixdə məhkəmə bildirişini qəbul etmiş, lakin həmin tarixdən 10 (on) iş günü müddət keçməsinə baxmayaraq iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməmişdir. Məhkəmə Cavabdeh qanunla müəyyən olunmuş qaydada prosessual hüquq və vəzifələrinin izah olduğunu, iddiaya qarşı etirazının olmamasını və iddia tələbinin kiçik iddialar kateqoriyasına aid edilməklə yanaşı mübahisə doğurmayan tələb olduğunu nəzərə alaraq hesab edir ki, mülki işin idda icraatına keçirməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdu, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Məhkəmə iddiaçının təqdim etdiyi sənədləri tədqiq edərək toplanmış sübutlara Azərbaycan Respublikası Mülki Prosessual Məcəlləsinin 88-ci maddəsinə əsasən məcmu halda qiymət verərək hesab edir ki, iddia tələbi qismən təmin edilməlidir. İş materiallarında olan 06 dekabr 2023-cü il tarixli maliyyə və ödəniş cədvəlindən görünür ki, Cavabdeh xx.xx.2022-ci il tarixli müqaviləyə əsasən ilkin ödəniş 1500 manat olmaqla, qalan məbləği 12 ay müddətində hər ay 208 manat ödəmək şərti ilə aldığı, alqısatqı qiyməti 3996 manat təşkil edən İmei kodu **********56920 olan İphone 13 Pro Max markalı telefon, APPLE 20W USB-C ADAPTER-ə görə 2424 manat ödəniş etmiş və 1729 manat ümumillikdə ödənilməmiş borcu qalmış, xx.xx.2022-ci il tarixli müqaviləyə əsasən ilkin ödəniş 0 manat olmaqla, qalan məbləği 18 ay müddətində hər ay 80.56 manat ödəmək şərti ilə aldığı, alqı-satqı qiyməti 1450.08 manat təşkil edən LG markalı paltaryuyana görə 484.2 manat ödəniş etmiş və 1062 manat ümumillikdə ödənilməmiş borcu qalmış, xx.xx.2022-ci il tarixli müqaviləyə əsasən ilkin ödəniş 9 manat olmaqla, qalan məbləği 6 ay müddətində hər ay 15.2 manat ödəmək şərti ilə aldığı, alqı-satqı qiyməti 100.2 manat təşkil edən QCY G1 45MS Gaming Earbuds markalı qulaqlığa görə 64.3 manat ödəniş etmiş və 39 manat ümumillikdə ödənilməmiş borcu qalmış, xx.xx.2022-ci il tarixli müqaviləyə əsasən 12 ay müddətində hər ay 89.17 manat ödəmək şərti ilə aldığı, alqı-satqı qiyməti 1070.04 manat təşkil edən İMEİ KODU **********80122 OLAN SAMSUNG GALAXY A53 markalı telefona görə 357.3 manat ödəniş etmiş və 784 manat ümummilikdə ödənilməmiş borcu qalmış, xx.xx.2021-ci il tarixli müqaviləyə əsasən 18 ay müddətində hər ay 53 manat ödəmək şərti ilə aldığı, alqı-satqı qiyməti 954 manat təşkil edən İmei kodu **********20656 olan Samsung Galaxy A52 markalı telefona görə 527 manat ödəniş etmiş və 469 manat ümumilikdə ödənilməmiş borcu qalmışdır. Ümumillikdə 4 müqavilə üzrə əsas borca ödənilmiş məbləğ 3856.8 manat təşkil etməklə, əsas borca ödənilməmiş məbləğ 3713.52 manat və cərimə 369.48 manat olmaqla ümumillikdə ödənilməmiş 4083 manat borcu qalmışdır. İş materiallarında olan Cavabdeh ilə "xxxx" MMC arasında bağlanmış xx.xx.2022-ci il tarixli müqavilədən görünür ki, müqaviləyə əsasən Cavabdeh "xxxx" MMC-dən İmei kodu **********56920 olan İphone 13 Pro Max markalı telefon, APPLE 20W USB-C ADAPTER almış, həmin tarixli bildiriş və əşyaların təhvil-təslim aktından görünür ki, Cavabdeh "xxxx" MMC-dən xx.xx.2022-ci il tarixli müqavilədə nəzərdə tutulmuş İmei kodu **********56920 olan İphone 13 Pro Max markalı telefon, APPLE 20W USB-C ADAPTER-i tam qüsursuz halda təhvil almış və ödəniş cədvəlinə əsasən 12 ay müddətində hər ay 208 manat ödəməyi öhdəsinə götürmüşdür. İş materiallarında olan Cavabdeh ilə "xxxx" MMC arasında bağlanmış xx.xx.2022-ci il tarixli müqavilədən görünür ki, müqaviləyə əsasən Cavabdeh "xxxx" MMC-dən LG markalı paltaryuyan almış, həmin tarixli bildiriş və əşyaların təhvil-təslim aktından görünür ki, Cavabdeh "xxxx" MMC-dən xx.xx.2022-ci il tarixli müqavilədə nəzərdə tutulmuş LG markalı paltaryuyanu tam qüsursuz halda təhvil almış və ödəniş cədvəlinə əsasən 18 ay müddətində hər ay 80.56 manat ödəməyi öhdəsinə götürmüşdür. İş materiallarında olan Cavabdeh ilə "xxxx" MMC arasında bağlanmış xx.xx.2022-ci il tarixli müqavilədən görünür ki, müqaviləyə əsasən Cavabdeh "xxxx" MMC-dən QCY G1 45MS Gaming Earbuds markalı qulaqlıq almış, həmin tarixli bildiriş və əşyaların təhvil-təslim aktından görünür ki, Cavabdeh "xxxx" MMC-dən xx.xx.2022-ci il tarixli müqavilədə nəzərdə tutulmuş QCY G1 45MS Gaming Earbuds markalı qulaqlığı tam qüsursuz halda təhvil almış və 6 ay müddətində hər ay 15.2 manat ödəməyi öhdəsinə götürmüşdür. İş materiallarında olan Cavabdeh ilə "xxxx" MMC arasında bağlanmış xx.xx.2022-ci il tarixli müqavilədən görünür ki, müqaviləyə əsasən Cavabdeh "xxxx" MMC-dən İMEİ KODU **********80122 OLAN SAMSUNG GALAXY A53 markalı telefon almış, həmin tarixli bildiriş və əşyaların təhvil-təslim aktından görünür ki, Cavabdeh "xxxx" MMC-dən xx.xx.2022-ci il tarixli müqavilədə nəzərdə tutulmuş İMEİ KODU **********80122 OLAN SAMSUNG GALAXY A53 markalı telefonu tam qüsursuz halda təhvil almış və ödəniş cədvəlinə əsasən 12 ay müddətində hər ay 89.17 manat ödəməyi öhdəsinə götürmüşdür. İş materiallarında olan Cavabdeh ilə "xxxx" MMC arasında bağlanmış xx.xx.2021-ci il tarixli müqavilədən görünür ki, müqaviləyə əsasən Cavabdeh "xxxx" MMC-İmei kodu **********20656 olan Samsung Galaxy A52 markalı telefon almış, həmin tarixli bildiriş və əşyaların təhvil-təslim aktından görünür ki, Cavabdeh "xxxx" MMC-dən xx.xx.2021-ci il tarixli müqavilədə nəzərdə tutulmuş İmei kodu **********20656 olan Samsung Galaxy A52 markalı telefonu tam qüsursuz halda təhvil almış və ödəniş cədvəlinə əsasən 18 ay müddətində hər ay 53 manat ödəməyi öhdəsinə götürmüşdür. İş materiallarına əlavə edilmiş "xxxx" MMC xx.xx.2023-cü il tarixli xəbərdarlıq məktubundan görünür ki, iddiaçı "xxxx" MMC tərəfindən Cavabdeh xx.xx.2022, xx.xx.2022, xx.xx.2022, xx.xx.2022 və xx.xx.2021-ci il tarixlərdə bağlanmış müqavilələrə əsasən yaranmış borcun ödənilməsi tələb edilmiş, cavabdehə müqavilələrin şərtlərini pozması barədə xəbərdarlıq olunaraq qısa müddət ərzində müqavilələr üzrə üzərinə götürdüyü öhdəlikləri yerinə yetirməsi tələb olunmuş, əks təqdirdə borcun məhkəmə qaydasında tələb ediləcəyi barədə xəbərdarlıq edilmişdir. İş materiallarından müəyyən edilir ki, Cavabdeh xx.xx.2022, xx.xx.2022, xx.xx.2022, xx.xx.2022 və xx.xx.2021-ci il tarixli müqavilələr ilə üzərinə götürdüyü öhdəlikləri lazımi qaydada icra etməmiş, nəticədə iddiaçı qarşısında icra edilməmiş öhdəlikləri yaranmışdır. Azərbaycan Respublikası Mülki Məcəlləsinin 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 425.1-ci maddəsində göstərilir ki, öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Həmin Məcəllənin 442-ci maddəsinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsində göstərilir ki, öhdəliyini icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 445.2.1-ci maddəsinə görə öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Məhkəmə hesab edir ki, iddiaçı tərəfindən müqavilə üzrə tənasübsüz surətdə yüksək miqdarda maliyyə sanksiyası tətbiq edilmiş və bu tərəflərin qarşılıqlı mənafeyinə uyğun gəlmir. Belə ki, Mülki Məcəlləsinin 467-ci maddəsində göstərilir ki, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Qanunun qeyd edilən tələbini nəzərə alaraq məhkəmə hesab edir ki, cavabdehdən xx.xx.2022-ci il tarixli müqavilə üzrə 30 manat, xx.xx.2022-ci il tarixli müqavilə üzrə 20 manat, xx.xx.2022-ci il tarixli müqavilə üzrə 1 manat, xx.xx.2022-ci il tarixli müqavilə üzrə isə 15 manat, xx.xx.2021-ci il tarixli müqavilə üzrə isə 10 manat məbləğində dəbbə pulunun tutulması tərəflərin maraqlarına uyğun və qanuna müvafiq hesab edilməlidir. Azərbaycan Respublikası Mülki Prosessual Məcəlləsinin 14.2-ci maddəsinə əsasən, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələb və etirazlarının əsası kimi istinad etdiyi halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Həmin Məcəllənin 284-1-ci maddəsinə əsasən mülki işlər üzrə iddianın qiyməti beş min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təstiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikası Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Yuxarıda qeyd olunan normalara əsaslanaraq məhkəmə hesab edir ki, iddia tələbi qismən təmin edilməli, Cavabdeh xx.xx.2022-ci il tarixli müqavilə üzrə 1572 manat ödənilməmiş hissə, 30 manat cərimə, xx.xx.2022-ci il tarixli müqavilə üzrə 965.88 manat ödənilməmiş hissə, 20 manat cərimə, xx.xx.2022-ci il tarixli müqavilə üzrə 35.9 manat ödənilməmiş hissə, 1 manat cərimə, xx.xx.2022-ci il tarixli müqavilə üzrə 712.74 manat ödənilməmiş hissə, 15 manat cərimə, xx.xx.2021-ci il tarixli müqavilə üzrə 427 manat ödənilməmiş hissə, 10 manat cərimə, ümumillikdə 3789.52 manat borc və ödənilmiş 57.9 manat dövlət rüsumu məbləğində pul tutulub İddiaçınə ödənilməli, iddia tələbi qalan hissədə təmin edilməməlidir. Azərbaycan Respublikası Mülki Prosessual Məcəlləsinin 119-cu maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Ona görə də iş üzrə ödənilmiş dövlət rüsumu cavabdehdən tutularaq iddiaçının xeyrinə keçirilməlidir. Məhkəmə cavabdehdən dövlət rüsumunun alınması məsələsinə qiymət verərək hesab edir ki, iddia tələbi qismən təmin edildiyindən ödənilmiş 57.9 manat məbləğində dövlət rüsumu cavabdehdən tutularaq iddiaçıya ödənilməlidir. Yuxarıda göstərilənlərə əsasən və Azərbaycan Respublikası MPM-in 284-1 – 284-6, 216-220-ci və 360-cı maddələrinin tələblərini rəhbər tutaraq, QƏTETDİ: İddia tələbi qismən təmin edilsin. Cavabdeh xx.xx.2022-ci il tarixli müqavilə üzrə 1572 manat ödənilməmiş hissə, 30 manat cərimə, xx.xx.2022-ci il tarixli müqavilə üzrə 965.88 manat ödənilməmiş hissə, 20 manat cərimə, xx.xx.2022-ci il tarixli müqavilə üzrə 35.9 manat ödənilməmiş hissə, 1 manat cərimə, xx.xx.2022-ci il tarixli müqavilə üzrə 712.74 manat ödənilməmiş hissə, 15 manat cərimə, xx.xx.2021-ci il tarixli müqavilə üzrə 427 manat ödənilməmiş hissə, 10 manat cərimə, ümumillikdə 3789.52 (üç min yeddi yüz səksən doqquz manat əlli iki qəpik) manat borc və ödənilmiş 57.9 (əlli yeddi manat doxsan qəpik) manat dövlət rüsumu məbləğində pul alınıb İddiaçınə ödənilsin. İddia tələbi qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə (MPM-nin 361-363-cü maddələrinə və əlavə 2 uyğun olaraq) elektron qaydada apellyasiya şikayəti verilə bilər. Hakim Aynur Behbudova