Tovuz Rayon Məhkəməsi Qətnamə — İş №e-2(062)-2015/2024

Azərbaycan Respublikası adından QƏTNAMƏ Tovuz rayon İş № e-2(062)-2015/2024 06.08.2024 TOVUZ RAYON MƏHKƏMƏSİ Tovuz Rayon Məhkəməsinin hakimi Hünmətov Zaur Adil oğlu, ABC X1 Cəmiyyətinin Cavabdeh qarşı borc tələbi barədə mülki işə məhkəmənin inzibati binasında kiçik iddialara dair işlər üzrə sadələşdirilmiş icraat qaydasında baxaraq MÜƏYYƏN ETDİM: ABC Telecom MMC Cavabdeh qarşı ərizə ilə məhkəməyə müraciət edərək cavabdehdən xx.xx.2023-cü il tarixli müqaviləsinə əsasən İMEİ kodu **********44639 OPPO A57S markalı telefon, 2 ədəd VİNİL MAT, CASE üçün 536,64 manat ödənilməmiş hissə, 53.36 manat cərimə, xx.xx.2023-cü il tarixli müqaviləsinə əsasən İMEİ kodu **********63543 SAMSUNG GALAXY A24 markalı telefon, VİNİL ŞƏFAF, SAMSUNG VİNİL MAT CHARGER üçün 724.11 manat ödənilməmiş hissə, 72.89 manat cərimə, ümumilikdə 1387 manat borc və 33.87 manat dövlət rüsumu alınaraq onun xeyrinə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, cavabdeh ABC Telecom MMC ilə bağladığı xx.xx.2023-ci il tarixli müqaviləsinə əsasən İMEİ kodu **********44639 OPPO A57S markalı telefon, 2 ədəd VİNİL MAT, CASE və xx.xx.2023-cü il tarixli müqaviləsinə əsasən İMEİ kodu **********63543 SAMSUNG GALAXY A24 markalı telefon, VİNİL ŞƏFAF, SAMSUNG VİNİL MAT CHARGER almış və nəticədə 1387 manat borc yaranmışdır. Cavabdeh müqavilənin şərtlərini pozmuş və nəticədə alqı-satqı qiyməti 804.96 manat (yəni 18 ay x 44.72 manat + 0 manat ilkin ödəniş) olan İMEİ kodu **********44639 OPPO A57S markalı telefon, 2 ədəd VİNİL MAT, CASE üçün ümumilikdə 590 manat olmaqla, ondan 536.64 manat ödənilməmiş hissə, müştəriyə güzəşt olunaraq 53.36 manat cərimə, xx.xx.2023-cü il tarixli müqaviləsinə əsasən alqı-satqı qiyməti 862.95 (yəni 15 ay x 57.53 manat + 0 manat ilkin ödəniş) olan İMEİ kodu **********63543 SAMSUNG GALAXY A24 markalı telefon, VİNİL ŞƏFAF, SAMSUNG VİNİL MAT CHARGER üçün ümumilikdə 797 manat olmaqla, ondan 724.11 manat ödənilməmiş hissə, müştəriyə güzəşt olunaraq 72.89 manat cərimə borc yaranmışdır. Cavabdehin cəmi ödədiyi 407.16 manat təşkil edir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehə rəsmi qaydada bildiriş, iddia ərizəsi və əlavə olunmuş sənədlər göndərilsə də, iddiaya qarşı etiraz daxil olmamışdır. Azərbaycan Respublikası Mülki Prosessual Məcəlləsinin 284.1, 284-5.3-cü maddələrinin tələblərini nəzərə alaraq hesab edirəm ki, təqdim olunmuş sənədlər əsasında işin həllinə dair qətnamə çıxarılması üçün əsaslar vardır. Ərizəyə əlavə olunmuş: -xx.xx.2023-cü il tarixli müqavilələrinin surətindən görünür ki, Cavabdeh İMEİ kodu **********44639 OPPO A57S markalı telefon, 2 ədəd VİNİL MAT, CASE-i 804.96 manata almışdır. -xx.xx.2023-cü il tarixli müqavilələrinin surətindən görünür ki, Cavabdeh İMEİ İMEİ kodu **********63543 SAMSUNG GALAXY A24 markalı telefon, VİNİL ŞƏFAF, SAMSUNG VİNİL MAT CHARGER -i 862.95 manata almışdır. - xx.xx.2024-cü il tarixli maliyyə arayışdan görünür ki, Cavabdeh borcu 1260.75 manat ödənilməmiş hissə 126.25 manat cərimə, ümumilikdə 1387 manat təşkil edir. Azərbaycan Respublikası Mülki Məcəlləsinin: - 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. - 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, təqdim edilmiş sənədlərlə təsdiq olunur ki, tərəflər arasında nisyə alqısatqı barədə müqavilə bağlandıqdan sonra, cavabdeh müqavilə üzrə pul öhdəliyini lazımınca yerinə yetirməmişdir, onun iddiaçı qarşısında icra edilməmiş pul öhdəliyi qalmışdır. Odur ki, iddiaçı cavabdehdən müqavilə üzrə yaranmış əsas borc məbləğinin ödənilməsini tələb etməkdə haqlıdır. Bundan başqa, iddiaçı cavabdehdən gecikdirilmiş ödənişlərə görə xx.xx.2023-cü il tarixli müqavilə üzrə 53,36 manat və xx.xx.2023-cü il tarixli müqavilə üzrə 72,89 manat cərimə tələb etmişdir. Məhkəmə, iddianın cərimənin ödənilməsi hissəsini də araşdıraraq hesab edir ki, iddia həmin hissədə qismən təmin edilməlidir. Belə ki, Mülki Məcəllənin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən isə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə nəzərə alır ki, dəbbə pulunun iddiada göstərilən həcmdə tutulması cavabdehin əmlak mənafelərinə ciddi xələl gətirə bilər. Dəbbə pulunun məbləğinin azaldılması kreditorun əmlak mənafelərinə əsaslı təsir etmir. Belə ki, kreditor borc verərkən dəbbə pulunu əldə edəcəyi gözlənilən qazanc kimi deyil, öhdəliyin icrasının təminatı üsulu kimi nəzərdə tutmuşdur. Məhkəmə cavabdehin üzərində əsas borc olaraq icra edilməmiş pul öhdəliyinin olmasını, bununla yanaşı əlavə olaraq yüksək məbləğdə cərimənin tətbiq edilməsinin onun vəziyyətini daha da ağırlaşdırdığını nəzərə alaraq hesab edir ki, tələb olunan dəbbə pulu (cərimə) əsas borca münasibətdə tənasübsüz surətdə yüksək olduğundan azaldılaraq xx.xx.2023-cü il tarixli müqavilə üzrə 5 manat və xx.xx.2023-cü il tarixli müqavilə üzrə 7 manat məbləğində müəyyən edilməlidir. Sadalanan xüsusatlara əsasən məhkəmə hesab edir ki, iddia qismən təmin edilməli, müqavilə üzrə əsas borc və azaldılmış xx.xx.2023-cü il tarixli müqavilə üzrə 5 manat və xx.xx.2023-cü il tarixli müqavilə üzrə 7 manat cərimə borcu cavabdehdən tutularaq iddiaçıya ödənilməlidir. Azərbaycan Respublikası MPM-nin 119.1-ci maddəsinə əsasən, ödənilmiş tələblərin məbləğinə mütənasib olaraq məhkəmə xərci olan dövlət rüsumunun əvəzi qismində 32.72 manat dövlət rüsumu da cavabdehdən iddiaçının xeyrinə tutulmalı, ödənilmiş dövlət rüsumu qalan hissədə iddiaçıya aid edilməlidir Şərh olunanlara əsaslanaraq və Azərbaycan Respublikası MPM-nin 216-220, 227, 284-6.1 və 360-cı maddələrini rəhbər tutaraq, məhkəmə QƏT ETDİM: İddia qismən təmin edilsin. Cavabdeh xx.xx.2023-cü il tarixli müqavilə üzrə 536,64 manat ödənilməmiş hissə, 5 manat cərimə, xx.xx.2023-cü il tarixli müqavilə üzrə 724,11 manat ödənilməmiş hissə, 7 manat cərimə ümumilikdə 1272 (min iki yüz yetmiş iki) manat 75 (yetmiş beş) qəpik məbləğində borc və 32.72 manat dövlət rüsumu tutularaq ABC X1 Cəmiyyətinə ödənilsin. İddia qalan hissədə təmin edilməsin. dənilmiş dövlət rüsumu qalan hissədə iddiaçıya aid edilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində “Elektron məhkəmə” informasiya sistemində yaradılan elektron kabinetdən istifadə edilməklə Tovuz Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Hakim: Zaur Hünmətov