Ucar Rayon Məhkəməsi Qətnamə — İş №e-2(063)-833/2024

Azərbaycan Respublikası adından QƏTNAMƏ Ucar rayonu İş № e-2(063)-833/2024 06.08.2024 UCAR RAYON MƏHKƏMƏSİ Ucar Rayon Məhkəməsinin hakimi X1, iddiaçı "xxxx" MMC-nin Cavabdeh qarşı "borcun tutulması" tələbinə dair iddiası üzrə mülki işə Ucar şəhərində, məhkəmənin binasında, sadələşdirilmiş icraat qaydasında baxaraq, müəyyənetdi: İddiaçı "xxxx" MMC “Elektron məhkəmə” informasiya sistemində yaradılmış elektron kabinet vasitəsi ilə sadələşdirilmiş icraat qaydasında Cavabdeh qarşı "borcun tutulması" tələbinə dair kiçik mübahisələr üzrə iddia ərizəsi ilə məhkəməyə müraciət edərək cavabdehdən iddiaçı MMC-nin xeyrinə 21 fevral 2023-cü il tarixli müddətli (nisyə) alqısatqı müqaviləsi üzrə 207,90 manat əsas, 31,10 manat cərimə olmaqla, cəmi 239 manat borcun, 10 iyun 2023-cü il tarixli müddətli (nisyə) alqı-satqı müqaviləsi üzrə 358,90 manat əsas, 53,80 manat cərimə olmaqla, cəmi 412,70 manat borcun, 14 iyul 2023-cü il tarixli müddətli (nisyə) alqı-satqı müqaviləsi üzrə 749,90 manat əsas, 112,40 manat cərimə olmaqla, cəmi 862,30 manat borcun, ümumilikdə isə üç müqavilə üzrə 1316,70 manat əsas, 197,30 manat cərimə olmaqla, cəmi 1514 manat borcun və 35,14 manat məbləğində ödənilmiş dövlət rüsumunun tutulması barədə qətnamə qəbul edilməsini xahiş etmişdir. İddia ərizəsi ona əlavə edilmiş sənədlərlə onunla əsaslandırılmışdır ki, iddiaçı MMC ilə cavabdeh arasında bağlanmış 21 fevral 2023-cü il, 10 iyun 2023-cü il və 14 iyul 2023cü il tarixli müddətli (nisyə) alqı-satqı müqavilələrinə əsasən cavabdeh aldığı “Xiaomi Pad 5” markalı planşetə görə 12 ay ərzində hər ay 75 manat, sonuncu ay 74,99 manat olmaqla, cəmi 899,99 manat, “İpad 9th” markalı planşetə görə 12 ay ərzində hər ay 59 manat, sonuncu ay 50,99 manat olmaqla, cəmi 699,99 manat və “İpad 10th” markalı mobil telefona görə 12 ay ərzində hər ay 95 manat, sonuncu ay 84,99 manat olmaqla, cəmi 1129,99 manat ödəməyi öhdəsinə götürmüşdür. Lakin, cavabdeh müqavilələrin şərtlərini pozaraq, 21 fevral 2023-cü il tarixli müddətli (nisyə) alqı-satqı müqaviləsi üzrə sonuncu dəfə 13 fevral 2024-cü il tarixdə 90 manat, 10 iyun 2023-cü il tarixli müddətli (nisyə) alqısatqı müqaviləsi üzrə sonuncu dəfə 31 dekabr 2023-cü il tarixdə 44 manat, 14 iyul 2023cü il tarixli müddətli (nisyə) alqı-satqı müqaviləsi üzrə sonuncu dəfə 05 may 2024-cü il tarixdə 90 manat ödədikdən sonra ödənişləri dayandırmış və hər üç müqavilə üzrə qalıq qalmış 1514 manat borcu qaytarmamışdır. Dəfələrlə xəbərdarlıq edilməsinə baxmayaraq, Cavabdeh borc öhdəliyini icra etməkdən boyun qaçırmışdır. Nəticədə, onun iddiaçı MMCyə hər üç müqavilə üzrə cəmi 1514 manat borcu yaranmışdır. Ona görə də iddiaçı tərəf iddianın təmin edilməsi barədə qətnamə çıxarılmasını xahiş etmişdir. Azərbaycan Respublikasının Mülki Prosessual Məcəlləsinin 284-5.1-ci və 284-5.2-ci maddəsinə əsasən iddiaya qarşı əsaslandırılmış etirazını və ona əlavə olunmuş sənədləri aldığı gündən 10 (on) iş günü müddətində məhkəməyə göndərə bilməsi üçün cavabdehə rəsmi qaydada bildirişin göndərilməsinə və sonuncuya bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını, eləcə də ona əlavə olunmuş sənədləri məhkəməyə göndərə biləcəyinin izah edilməsinə, habelə cavabdehin həmin bildirişi 17 iyul 2024-cü il tarixdə poçt xəbərnaməsinə şəxsən imza etməklə, qəbul etməsinə baxmayaraq, iddia tələbinə münasibətdə məhkəməyə cavabdehin etirazı daxil olmamışdır. İş materiallarını araşdırılaraq hesab edilir ki, iddia qismən təmin olunmalıdır. Belə ki, iş materiallarına əlavə edilmiş sənədlərdən görünür ki, verilmiş tələb Azərbaycan Respublikasının Mülki Prosessual Məcəlləsinin 284-1-ci maddəsinə uyğun olmaqla yanaşı, tələbi təsdiq edən sənədlər təqdim olunmuşdur və ərizənin əsaslandığı tələbetmə hüququ barədə mübahisə mövcud deyildir. Çünki, qeyd olunan sənədlərdən də göründüyü kimi iddiaçı MMC ilə cavabdeh arasında bağlanmış 21 fevral 2023-cü il, 10 iyun 2023-cü il və 14 iyul 2023-cü il tarixli müddətli (nisyə) alqı-satqı müqavilələrinə əsasən cavabdeh aldığı “Xiaomi Pad 5” markalı planşetə görə 12 ay ərzində hər ay 75 manat, sonuncu ay 74,99 manat olmaqla, cəmi 899,99 manat, “İpad 9th” markalı planşetə görə 12 ay ərzində hər ay 59 manat, sonuncu ay 50,99 manat olmaqla, cəmi 699,99 manat və “İpad 10th” markalı mobil telefona görə 12 ay ərzində hər ay 95 manat, sonuncu ay 84,99 manat olmaqla, cəmi 1129,99 manat ödəməyi öhdəsinə götürmüşdür. Lakin, cavabdeh müqavilələrin şərtlərini pozaraq, 21 fevral 2023-cü il tarixli müddətli (nisyə) alqısatqı müqaviləsi üzrə sonuncu dəfə 13 fevral 2024-cü il tarixdə 90 manat, 10 iyun 2023-cü il tarixli müddətli (nisyə) alqı-satqı müqaviləsi üzrə sonuncu dəfə 31 dekabr 2023-cü il tarixdə 44 manat, 14 iyul 2023-cü il tarixli müddətli (nisyə) alqı-satqı müqaviləsi üzrə sonuncu dəfə 05 may 2024-cü il tarixdə 90 manat ödədikdən sonra ödənişləri dayandırmış və hər üç müqavilə üzrə qalıq qalmış 1514 manat borcu qaytarmamışdır. Dəfələrlə xəbərdarlıq edilməsinə baxmayaraq, Cavabdeh borc öhdəliyini icra etməkdən boyun qaçırmışdır. Nəticədə, onun iddiaçı MMC-yə ümumilikdə üç müqavilə üzrə 1316,70 manat əsas, 197,30 manat cərimə olmaqla, cəmi 1514 manat borcu yaranmış, həmçinin iddiaçı MMC məhkəməyə müraciət edərkən 35,14 manat məbləğində dövlət rüsumu ödəmişdir. Azərbaycan Respublikasının Mülki Məcəlləsinin 600.1-ci maddəsinə əsasən, alqısatqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427ci maddəsinə uyğun müəyyənləşdirilmiş müddətdə həyata keçirməlidir. Azərbaycan Respublikasının Mülki Məcəlləsinin 600.4-ci maddəsinə sasən, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Mülki Məcəllənin Məcəllənin 443-cü maddəsinin tələbinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Həmin məcəllənin 445-ci maddəsinin tələbinə görə icranı gecikdirmiş borclu gecikdirmə nəticəsində kreditora vurduğu zərər üçün və gecikdirmə nəticəsində təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Mülki Məcəllənin Məcəllənin 448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Hesab edilir ki, Cavabdeh müddətli (nisyə) alqı-satqı müqavilələri üzrə öz riski ilə müqavilələri bağladığından həmin müqavilələr üzrə öhdəliklərə görə məsuliyyət daşıyır. Azərbaycan Respublikasının Mülki Məcəlləsinin 462.1-ci maddəsinə əsasən dəbbə pulu (cərimə, penya) qanun və ya müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Həmin Məcəllənin 465.2-ci maddəsinə əsasən, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Müddətli (nisyə) alqı-satqı müqavilələrinə 1 nömrəli əlavəyə əsasən, gecikdirilən aylıq borc məbləğinə cərimə kimi gündəlik 1 (bir) % dərəcəsi ilə (minimum 50 qəpik) dəbbə hesablanır və Alıcı tərəfindən Satıcıya ödənilir. Məhkəmə, iddiaçının "kredit müqaviləsi üzrə əsas borcun və hesablanmış faizlərin ödənilməsi" tələbini əsaslı hesab edir. Bununla belə, məhkəmə hesab edir ki, iddiaçının 21 fevral 2023-cü il tarixli müddətli (nisyə) alqı-satqı müqaviləsi üzrə 207,90 manat əsas kredit borcu üzrə 31,10 manat dəbbə pulu, 10 iyun 2023-cü il tarixli müddətli (nisyə) alqısatqı müqaviləsi üzrə 358,90 manat əsas kredit borcu üzrə 53,80 manat dəbbə pulu, 14 iyul 2023-cü il tarixli müddətli (nisyə) alqı-satqı müqaviləsi üzrə 749,90 manat əsas kredit borcu üzrə 112,40 manat dəbbə pulu hesablaması ədalətli deyildir. Azərbaycan Respublikasının Mülki Məcəlləsinin 467-ci maddəsinə əsasən də, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Bu səbəblə məhkəmə, 21 fevral 2023-cü il tarixli müddətli (nisyə) alqı-satqı müqaviləsi üzrə 31,10 manat məbləğində hesablanmış dəbbə məbləğinin 20,79 manat, 10 iyun 2023-cü il tarixli müddətli (nisyə) alqı-satqı müqaviləsi üzrə 53,80 manat məbləğində hesablanmış dəbbə məbləğinin 35,89 manat, 14 iyul 2023-cü il tarixli müddətli (nisyə) alqısatqı müqaviləsi üzrə 112,40 manat məbləğində hesablanmış dəbbə məbləğinin 74,99 manat həcmində müəyyənləşdirilməsini tərəflərin əmlak mənafeləri baxımından ədalətli hesab edir. Azərbaycan Respublikasının Mülki Prosessual Məcəlləsinin 222.2-ci maddəsinə əsasən Pul vəsaitlərinin tutulması haqqında iddianı təmin edərkən hakim əsas borcu, faiz borcunu, zərər və dəbbə pulunu (cərimə, penya) ayrı-ayrılıqda müəyyən etməklə, alınmalı olan ümumi məbləği qətnamədə göstərir. Azərbaycan Respublikasının Mülki Prosessual Məcəlləsinin 217.3-cü maddəsinə əsasən qətnamə iş üzrə müəyyən edilmiş hallara və tərəflərin qarşılıqlı münasibətinə uyğun əsaslandırılmalıdır. Həmin Məcəllənin 218.3-cü maddəsinə görə hakim işdə iştirak edən şəxslərin verdiyi tələblər üzrə qətnamə çıxarır. Azərbaycan Respublikasının Mülki Prosessual Məcəlləsinin 284-1-ci maddəsinə əsasən Mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Bu Məcəllənin 284- 5.3-cü maddəsinə görə Ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Qeyd olunan Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Azərbaycan Respublikasının Mülki Prosessual Məcəlləsinin 107-ci maddəsinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Həmin Məcəllənin 119.1-ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Qanunvericiliyin yuxarıda göstərilən tələblərinə əsasən iş üzrə toplanmış sübutlara məcmu halında hüquqi qiymət verilərək belə qənaətə gəlinir ki, iddia qismən əsaslı olduğundan qismən təmin edilməli, Cavabdeh iddiaçı "xxxx" MMC-nin xeyrinə 21 fevral 2023-cü il tarixli müddətli (nisyə) alqı-satqı müqaviləsi üzrə 207,90 manat əsas, 20,79 manat cərimə olmaqla, cəmi 228,69 manat borc, 10 iyun 2023-cü il tarixli müddətli (nisyə) alqı-satqı müqaviləsi üzrə 358,90 manat əsas, 35,89 manat cərimə olmaqla, cəmi 394,79 manat borc, 14 iyul 2023-cü il tarixli müddətli (nisyə) alqı-satqı müqaviləsi üzrə 749,90 manat əsas, 74,99 manat cərimə olmaqla, cəmi 824,89 manat borc, ümumilikdə isə üç müqavilə üzrə 1316,70 manat əsas,131,67 manat cərimə olmaqla, cəmi 1448,37 manat borc və ödənilmiş 35,14 manat məbləğində dövlət rüsumunun əvəzi tutulmalıdır. Şərh olunanlara və Azərbaycan Respublikasının MPM-in 119, 216-220, 227, 233, 284-1, 284-5,284-6 və 360-cı maddələrinə əsasən, məhkəmə q ə t e t d i: İddia qismən təmin edilsin. Cavabdeh iddiaçı "xxxx" MMC-nin xeyrinə 21 fevral 2023-cü il tarixli müddətli (nisyə) alqı-satqı müqaviləsi üzrə 207,90 manat əsas, 20,79 manat cərimə olmaqla, cəmi 228,69 manat borc, 10 iyun 2023-cü il tarixli müddətli (nisyə) alqı-satqı müqaviləsi üzrə 358,90 manat əsas, 35,89 manat cərimə olmaqla, cəmi 394,79 manat borc, 14 iyul 2023-cü il tarixli müddətli (nisyə) alqı-satqı müqaviləsi üzrə 749,90 manat əsas, 74,99 manat cərimə olmaqla, cəmi 824,89 manat borc, ümumilikdə isə üç müqavilə üzrə 1316,70 manat əsas,131,67 manat cərimə olmaqla, cəmi 1448,37 (bir min dörd yüz qırx səkkiz manat otuz yeddi qəpik) manat borc və ödənilmiş 35,14 (otuz beş manat on dörd qəpik) manat məbləğində dövlət rüsumunun əvəzi tutulsun. İddia qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Ucar Rayon Məhkəməsi vasitəsi ilə Şəki Apellyasiya Məhkəməsinə elektron qaydada apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən: Xəyal Bədəlov