Xaçmaz Rayon Məhkəməsi Qərardad — İş №e-2(067)-376/2024

Azərbaycan Respublikası adından QƏRARDAD Xaçmaz şəhəri İş № e-2(067)-376/2024 11.03.2024 XAÇMAZ RAYON MƏHKƏMƏSİ Hakim Səmədzadə Sərxan Akif oğlunun sədrliyi, Məhkəmə iclas katibi Nəcəfli Fuad Zeynal oğlunun katibliyi ilə İddiaçı “İcbari Sığorta Bürosu” X1 Cavabdeh qarşı subroqasiya qaydasında pul tələbinə dair iddia ərizəsi üzrə mülki işə açıq məhkəmə baxışı iclasında baxaraq müəyyən etdi: İddiaçı “İcbari Sığorta Bürosu” Hüquqi Şəxslər ittifaqı iddia ərizəsi ilə məhkəməyə müraciət edərək subroqasiya hüququ ilə əlaqədar 500 manat məbləğində pul və 30 manat dövlət rüsumu məbləğinin Cavabdeh alınaraq iddiaçı “Hüquqi Şəxslər ittifaqının” Hüquqi Şəxslər ittifaqına ödənilməsi barədə qətnamə çıxarılmasını xahiş etmişdir. İddiaçı “İcbari Sığorta Bürosu” X1 nümayəndəsi məhkəmə iclasının onun iştirakı olmadan keçirilməsi və iddianın təmin olunmasına dair məhkəməyə ərizə göndərmişdir. Məhkəmə iclasının vaxtı və yeri barəsində cavabdehə rəsmi qaydada xəbərdar edilməsinə baxmayaq məhkəmə iclasına gəlməmişdir. Məhkəmə iclasına gəlməməsinin səbəbi barəsində məhkəməyə məlumat verməmişdir. Məhkəmə işə onun iştirakı olmadan baxılmasını mümkün saymışdır. Məhkəmə İşlərinin Elektron İdarəetmə Sistemində qeydə alınmış Cavabdeh şəxsi məlumatlarından müəyyən olunur ki, o, xx.xx.2023-cü il tarixdə vəfat etmişdir. Azərbaycan Respublikasının Mülki Prosessual Məcəlləsinin 261.0.7.-ci maddəsinə əsasən iş üzrə tərəflərdən biri olan şəxs öldükdən sonra barəsində mübahisə edilən hüquq münasibəti hüquq varisliyinə yol verməzsə, iş üzrə hazırlıq icraatina xitam verilir. Məhkəmə hesab edir ki, Cavabdeh vəfat etdiyindən iş üzrə icraata xitam veriməlidir. Qeyd olunanlara əsasən və Azərbaycan Respublikasının Mülki Prosessual Məcəlləsinin 170, 261-264 və 267-268-ci maddələrini rəhbər tutaraq məhkəmə qərara aldı: İddiaçı “İcbari Sığorta Bürosu” X1 Cavabdeh qarşı subroqasiya qaydasında pul tələbinə dair iddia ərizəsi üzrə mülki işin icraatına xitam verilsin. Qərardaddan 10 gün müddətində Xaçmaz rayon məhkəməsinə şikayət verilə bilər. Hakim Sərxan Səmədzadə