Cəlilabad Rayon Məhkəməsi Qətnamə — İş №e-2(073)-2316/2023

Azərbaycan Respublikası adından QƏTNAMƏ Cəlilabad rayonu İş № e-2(073)-2316/2023 19.10.2023 CƏLİLABAD RAYON MƏHKƏMƏSİ Cəbrayılov Vüsal Adil oğlunun sədrliyi, Əkbərov Ramil Xudaşükür oğlunun katibliyi ilə, İddiaçı "xxxx" MMC-in Cavabdeh qarşı borcun ödənilməsi tələbi barədə kiçik iddiaya dair mülki işə sadələşdirilmiş icraat qaydasında Cəlilabad Rayon Məhkəməsinin binasında baxaraq, məhkəmə müəyyən etdi: İddiaçı "xxxx" MMC Cavabdeh qarşı borcun ödənilməsi barədə iddia verərək, Cavabdeh xx.xx.2022-ci il tarixli müqaviləsinə əsasən, AİWA qulaqlıq üçün 32 (otuz iki) manat borc, 3 (üç) manat cərimə borcu, xx.xx.2022-ci il tarixli müqaviləsinə əsasən İMEİ KOD **********20264 XİAOMİ REDMİ NOTE 11 markalı telefon üçün 672.06 (altı yüz yetmiş iki manat altı qəpik) manat borc, 67.94 (altmış yeddi manat doxsan dörd qəpik) manat cərimə borcu, xx.xx.2022-ci il tarixli müqaviləsinə əsasən İMEİ KODU **********11189 XİAOMİ REDMİ NOTE 11 markalı telefon üçün 519.08 (beş yüz on doquz manat səkkiz qəpik) manat borc, 51.92 (əlli bir manat doxsan iki qəpik) manat cərimə borcu və 33 (otuz üç) manat dövlət rüsumu tutularaq "xxxx" MMC-nin hesabına ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, Cavabdeh "xxxx" MMC-dən xx.xx.2022-ci il tarixdə AİWA qulaqlıq almış, aldığı əşyanın dəyərini 6 ay, xx.xx.2022-ci il tarixdə XİAOMİ REDMİ NOTE 11 markalı telefon almış, aldığı əşyanın dəyərini 18 ay, xx.xx.2022-ci il tarixdə XİAOMİ REDMİ NOTE 11 markalı telefon almış, aldığı əşyanın dəyərini 18 ay ərzində ödəməyi öhdəsinə götürmüşdür. Cavabdeh müqavilə üzrə öhdəliklərini lazımi qaydada icra etməmiş, pulu tam ödəməmiş, nəticədə hazırkı borcu yaranmışdır. İddiaçı tərəfindən cavabdehə xəbərdarlıq edilməsinə baxmayaraq o, borcu ödəməkdən imtina etmişdir. İddiaçı Cəmiyyət qeyd edilənləri nəzərə alaraq iddianın təmin olunması barədə qətnamə çıxarılmasını xahiş etmişdir. Məhkəmə iddia ərizəsini, işdə olan sənədləri tədqiq edib, toplanmış sübutların məcmusuna qiymət verərək, belə nəticəyə gəlir ki, iddia tələbi təmin olunmalıdır. Belə ki, işdə olan xx.xx.2022-ci il tarixli 03402034 saylı müqavilədən görünür ki, Cavabdeh "xxxx" MMC-dən 759,06 manat dəyərində İMEİ KOD **********20264 XİAOMİ REDMİ NOTE 11 markalı telefon almış, aldığı əşyanın dəyərini 18 ay ərzində hissə-hissə ödəməyi öhdəsinə götürmüşdür. Belə ki, işdə olan xx.xx.2022-ci il tarixli 03482536 saylı müqavilədən görünür ki, Cavabdeh "xxxx" MMC-dən 550,08 manat dəyərində İMEİ KODU **********11189 XİAOMİ REDMİ NOTE 11 markalı telefon almış, aldığı əşyanın dəyərini 18 ay ərzində hissə-hissə ödəməyi öhdəsinə götürmüşdür. Belə ki, işdə olan xx.xx.2022-ci il tarixli 03562274 saylı müqavilədən görünür ki, Cavabdeh "xxxx" MMC-dən 96 manat dəyərində AİWA markalı qulaqlıq almış, aldığı əşyanın dəyərini 6 ay ərzində hissə-hissə ödəməyi öhdəsinə götürmüşdür. İşdə olan xəbərdarlıq məktubundan görünür ki, iddiaçı cəmiyyət tərəfindən yaranmış borcun ödənilməsi cavabdehdən tələb edilmiş, əks təqdirdə məhkəməyə müraciət ediləcəyi barədə xəbərdarlıq edilmişdir. İşdə olan ödəniş qəbzindən görünür ki, iddiaçı tərəfindən hazırkı iddia ərizəsinin verilməsi üçün 33 (otuz üç) manat dövlət rüsumu ödənilmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, tərəflər arasında bağlanmış nisyə alqısatqı müqaviləsinə əsasən iddiaçı cəmiyyətə olan borc cavabdehdən alınaraq iddiaçı cəmiyyətə ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 33 (otuz üç) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin, qismən təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 33 (otuz üç) manat dövlət rüsumu onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə qət etdi: İddia təmin edilsin. Cavabdeh xx.xx.2022-ci il tarixli müqaviləsinə əsasən, AİWA qulaqlıq üçün 32 (otuz iki) manat borc, 3 (üç) manat cərimə borcu, xx.xx.2022-ci il tarixli müqaviləsinə əsasən İMEİ KOD **********20264 XİAOMİ REDMİ NOTE 11 markalı telefon üçün 672.06 (altı yüz yetmiş iki manat altı qəpik) manat borc, 67.94 (altmış yeddi manat doxsan dörd qəpik) manat cərimə borcu, xx.xx.2022-ci il tarixli müqaviləsinə əsasən İMEİ KODU **********11189 XİAOMİ REDMİ NOTE 11 markalı telefon üçün 519.08 (beş yüz on doquz manat səkkiz qəpik) manat borc, 51.92 (əlli bir manat doxsan iki qəpik) manat cərimə borcu və 33 (otuz üç) manat dövlət rüsumu tutularaq "xxxx" MMC-nin hesabına ödənilsin. Qətnamədən rəsmi qaydada verildiyi gündən 1 ay müddətində Cəlilabad Rayon Məhkəməsi vasitəsilə Şirvan Apellyasiya Məhkəməsinə apellyasiya şikayəti verilə bilər. Sədr: Vüsal Cəbrayılov