Cəlilabad Rayon Məhkəməsi Qətnamə — İş №e-2(073)-959/2024

Azərbaycan Respublikası adından QƏTNAMƏ Cəlilabad rayonu İş № e-2(073)-959/2024 01.04.2024 CƏLİLABAD RAYON MƏHKƏMƏSİ Cəbrayılov Vüsal Adil oğlunun sədrliyi, Əkbərov Ramil Xudaşükür oğlunun katibliyi ilə, İddiaçı "xxxx" MMC-in Cavabdeh qarşı borcun ödənilməsi tələbi barədə kiçik iddiaya dair mülki işə sadələşdirilmiş icraat qaydasında Cəlilabad Rayon Məhkəməsinin binasında baxaraq, məhkəmə müəyyən etdi: İddiaçı "xxxx" MMC Cavabdeh qarşı borcun ödənilməsi barədə iddia verərək, Cavabdeh xx.xx.2022-ci il tarixli müqaviləsinə əsasən SAMSUNG markalı LED TV üçün 665,66 (altı yüz altmış beş manat altmış altı qəpik) manat əsas borcun, 66,34 (altmış altı manat otuz dörd qəpik) manat cərimə borcun, xx.xx.2021-ci il tarixli müqaviləsinə əsasən İMEİ KOD **********61030 SAMSUNG GALAXY A10S markalı mobil telefon və SAMSUNG A10S ARAREE A COVER üçün 342,82 (üç yüz qırx iki manat səksən iki qəpik) manat borc, 34,18 (otuz dörd manat on səkkiz qəpik) manat cərimə borcun, xx.xx.2021-ci il tarixli müqaviləsinə əsasən İMEİ KOD **********36074 HONOR 8A PRİME markalı mobil telefon üçün 272,8 (iki yüz yetmiş iki manat səksən qəpik) manat borcun, 27,2 (iyirmi yeddi manat iyirmi qəpik) manat cərimə borcun və 34 (otuz dörd) manat dövlət rüsumunun tutularaq "xxxx" MMC-nin hesabına ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, Cavabdeh "xxxx" MMC-dən xx.xx.2022-ci il tarixli müqaviləyə əsasən SAMSUNG markalı LED TV almış, aldığı əşyanın dəyərini 18 ay ərzində ödəməyi öhdəsinə götürmüşdür. Cavabdeh müqavilə üzrə öhdəliklərini lazımi qaydada icra etməmiş, pulu tam ödəməmiş, nəticədə hazırkı borcu yaranmışdır. xx.xx.2021-ci il tarixli müqaviləyə əsasən İMEİ KOD **********61030 SAMSUNG GALAXY A10S markalı mobil telefon və SAMSUNG A10S ARAREE A COVER almış, aldığı əşyaların dəyərini 18 ay ərzində ödəməyi öhdəsinə götürmüşdür. Cavabdeh müqavilə üzrə öhdəliklərini lazımi qaydada icra etməmiş, pulu tam ödəməmiş, nəticədə hazırkı borcu yaranmışdır. xx.xx.2021-ci il tarixli müqaviləyə əsasən İMEİ KOD **********36074 HONOR 8A PRİME markalı mobil telefon almış, aldığı əşyanın dəyərini 18 ay ərzində ödəməyi öhdəsinə götürmüşdür. İddiaçı tərəfindən cavabdehə xəbərdarlıq edilməsinə baxmayaraq o, borcu ödəməkdən imtina etmişdir. İddiaçı Cəmiyyət qeyd edilənləri nəzərə alaraq iddianın təmin olunması barədə qətnamə çıxarılmasını xahiş etmişdir. Məhkəmə iddia ərizəsini, işdə olan sənədləri tədqiq edib, toplanmış sübutların məcmusuna qiymət verərək, belə nəticəyə gəlir ki, iddia tələbi təmin olunmalıdır. Belə ki, işdə olan xx.xx.2022-ci il tarixli müqavilədən görünür ki, Cavabdeh "xxxx" MMC-dən 1699,4 manat dəyərində SAMSUNG markalı LED TV almış, aldığı əşyanın dəyərini 18 ay ərzində hissə-hissə ödəməyi öhdəsinə götürmüşdür. Belə ki, işdə olan xx.xx.2021-ci il tarixli müqavilədən görünür ki, Cavabdeh "xxxx" MMC-dən 421,2 manat dəyərində İMEİ KOD **********61030 SAMSUNG GALAXY A10S markalı mobil telefon və SAMSUNG A10S ARAREE A COVER almış, aldığı əşyaların dəyərini 18 ay ərzində hissə-hissə ödəməyi öhdəsinə götürmüşdür. Belə ki, işdə olan xx.xx.2021-ci il tarixli müqavilədən görünür ki, Cavabdeh "xxxx" MMC-dən 446,4 manat dəyərində İMEİ KOD **********36074 HONOR 8A PRİME markalı mobil telefon almış, aldığı əşyanın dəyərini 18 ay ərzində hissə-hissə ödəməyi öhdəsinə götürmüşdür İşdə olan xəbərdarlıq məktubundan görünür ki, iddiaçı cəmiyyət tərəfindən yaranmış borcun ödənilməsi cavabdehdən tələb edilmiş, əks təqdirdə məhkəməyə müraciət ediləcəyi barədə xəbərdarlıq edilmişdir. İşdə olan ödəniş qəbzindən görünür ki, iddiaçı tərəfindən hazırkı iddia ərizəsinin verilməsi üçün 30 (otuz) manat dövlət rüsumu ödənilmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, tərəflər arasında bağlanmış nisyə alqısatqı müqaviləsinə əsasən iddiaçı cəmiyyətə olan borc cavabdehdən alınaraq iddiaçı cəmiyyətə ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin, qismən təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 34 (otuz dörd) manat dövlət rüsumu onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə qət etdi: İddia təmin edilsin. Cavabdeh xx.xx.2022-ci il tarixli müqaviləsinə əsasən SAMSUNG markalı LED TV üçün 665,66 (altı yüz altmış beş manat altmış altı qəpik) manat əsas borcun, 66,34 (altmış altı manat otuz dörd qəpik) manat cərimə borcun, xx.xx.2021-ci il tarixli müqaviləsinə əsasən İMEİ KOD **********61030 SAMSUNG GALAXY A10S markalı mobil telefon və SAMSUNG A10S ARAREE A COVER üçün 342,82 (üç yüz qırx iki manat səksən iki qəpik) manat borc, 34,18 (otuz dörd manat on səkkiz qəpik) manat cərimə borcun, xx.xx.2021-ci il tarixli müqaviləsinə əsasən İMEİ KOD **********36074 HONOR 8A PRİME markalı mobil telefon üçün 272,8 (iki yüz yetmiş iki manat səksən qəpik) manat borcun, 27,2 (iyirmi yeddi manat iyirmi qəpik) manat cərimə borcun və 30 (otuz) manat dövlət rüsumunun tutularaq "xxxx" MMC-nin hesabına ödənilsin. Qətnamədən rəsmi qaydada verildiyi gündən 1 (bir) ay müddətində Cəlilabad Rayon Məhkəməsi vasitəsi ilə («Elektron Məhkəmə» informasiya sistemində yaradılmış elektron kabinet vasitəsi ilə) Şirvan Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Sədrlik edən: Vüsal Cəbrayılov