Şəki Rayon Məhkəməsi Qətnamə — İş №e-2(075)-1062/2023

Azərbaycan Respublikası adından QƏTNAMƏ Şəki şəhəri İş № e-2(075)-1062/2023 22.05.2023 ŞƏKİ RAYON MƏHKƏMƏSİ Hakim Vəliyev Elşən Yaşar oğlunun sədrliyi ilə, İddiaçı "xxxx" MMC-nin Cavabdeh qarşı “borc” tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı "xxxx" MMC, Cavabdeh qarşı “borc” tələbinə dair iddia ərizə ilə məhkəməyə müraciət edərək, xx.xx.2020-cu il tarixli müqavilə üzrə Samsung Soyuducu üçün 1204 manat əsas manat əsas, 120 manat cərimə; xx.xx.2020-ci il tarixli müqavilə üzrə Kombi Hoffmann üçün 739 manat əsas, 73 manat cərimə; xx.xx.2020-cu il tarixli müqavilə üzrə İmei Kod **********20013 Samsung Galaxy A11 markalı telefon üçün 245 manat əsas, 24 cərimə borcu olmaqla, cəmi 2405 manat borcun və 44.05 manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılması xahiş etmişdir. Cavabdeh qanunvericiliyə uyğun rəsmi qaydada bildiriş göndərilmiş, qanunvericiliklə müəyyən edilmiş müddət ərzində cavabdeh tərəfindən iddiaya qarşı etiraz daxil olmamışdır. Məhkəmə iş materiallarını tədqiq edərək və iş üzrə sübutlara hüquqi qiymət verərək belə hesab edir ki, iddia qismən təmin edilməlidir. Belə ki, tədqiq edilmiş iddia ərizəsi və ona əlavə edilmiş sübutlarla müəyyən edildi ki,cavabdeh, "xxxx" MMC ilə xx.xx.2020-ci il , xx.xx.2020-cu il və xx.xx.2020-cu il tarixli müqavilələrə əsasən, Soyuducu Samsung, Kombi Hoffmann, İmei Kod **********20013 Samsung Galaxy A11 markalı telefon almış və nəticədə 2405 (iki min dörd yüz beş) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2020-ci il tarixli müqaviləyə əsasən, alqı-satqı qiyməti 1779 ( min yeddi yüz yetmiş doqquz) manat ( 18 ay x 96 manat + 51 manat ilkin ödəniş) Soyuducu Samsung,üçün ümumilikdə,1324 ( min üç yüz iyirmi dörd) manat olmaqla ondan, 1204 (min iki yüz dörd) manat ödənilməmiş hissə, müştəriyə güzəşt olunaraq 120(yüz iyirmi) manat cərimə miqdarında borc yaranmışdır. xx.xx.2020-ci il tarixli müqaviləyə əsasən, alqı-satqı qiyməti 1136.6 (min yüz otuz altı manat altmış qəp.) manat (18 ay x 53.7 manat + 170 manat ilkin ödəniş) Kombi Hoffmann üçün ümumilikdə, 812( səkkiz yüz on iki) manat olmaqla ondan 739(yeddi yüz otuz doqquz) manat ödənilməmiş hissə, müştəriyə güzəşt olunaraq 73 (yetmiş üç) manat cərimə; xx.xx.2020-ci il tarixli müqaviləyə əsasən, alqı-satqı qiyməti 453.6 (dörd yüz əlli üç manat altmış qəp.) manat (12 ay x 37.8 manat + 0 manat ilkin ödəniş) İmei Kod **********20013 Samsung Galaxy A11 markalı telefon üçün ümumilikdə, 269 (iki yüz altmış doqquz) manat olmaqla ondan, 245 (iki yüz qırx beş) manat ödənilməmiş hissə, müştəriyə güzəşt olunaraq 24 (iyirmi dörd) manat cərimə borcu yaranmışdır. Cavabdehin cəmi ödədiyi məbləğ 1181.2 manat təşkil edir.. Azərbaycan Respublikası MPM-nin 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Həmin Məcəllənin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. İddiaçı "xxxx" MMC-nin cavabdehə qarşı hazırkı iddia tələbinin 120 manat, 73 manat və 24 manat məbləğində cərimələrin ödənilməsi hissəsində məhkəmə hesab edir ki, cərimə məbləğləri tənasübsüz dərəcədə yüksək hesablanmışdır. Beləliklə Azərbaycan Respublikasının MM-nin 739.1, 739.2, 436, 438.1, 442, 445.1, 445.2.1-ci maddələrinə əsasən və eləcədə iş üzrə toplanmış sübutlara hüquqi qiymət verərək məhkəmə belə hesab edir ki, iddia tələbi qismən təmin edilməli, Cavabdeh xx.xx.2020-cu il tarixli müqavilə üzrə Samsung Soyuducu üçün 1204 (min iki yüz dörd) manat əsas, 50 (əlli) manat cərimə; xx.xx.2020-ci il tarixli müqavilə üzrə Kombi Hoffmann üçün 739 (yeddi yüz otuz doqquz) manat əsas, 20 (iyirmi) manat cərimə; xx.xx.2020-cu il tarixli müqavilə üzrə İmei Kod **********20013 Samsung Galaxy A11 markalı telefon üçün 245 ( iki yüz qırx beş) manat əsas, 5 (beş) manat cərimə borcu olmaqla, cəmi 2263 (iki min iki yüz altmış üç) manat borc və 44.05 (qırx dörd manat beş qəpik) manat ödənilmiş dövlət rüsumu alınaraq "xxxx" Məhdud Məsuliyyətli Cəmiyyətinə ödənilməlidir. Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilənlərə əsasən və Azərbaycan Respublikasının MPM-nin 216-220, 227, 358, 360 və 362-ci maddələrini rəhbər tutaraq, məhkəmə QƏT ETDİ: İddia qismən təmin edilsin. Cavabdeh xx.xx.2020-cu il tarixli müqavilə üzrə Samsung Soyuducu üçün 1204 (min iki yüz dörd) manat əsas, 50 (əlli) manat cərimə; xx.xx.2020-ci il tarixli müqavilə üzrə Kombi Hoffmann üçün 739 (yeddi yüz otuz doqquz) manat əsas, 20 (iyirmi) manat cərimə; xx.xx.2020-cu il tarixli müqavilə üzrə İmei Kod **********20013 Samsung Galaxy A11 markalı telefon üçün 245 ( iki yüz qırx beş) manat əsas, 5 (beş) manat cərimə borcu olmaqla, cəmi 2263 ( iki min iki yüz altmış üç) manat borc və 44.05 (qırx dörd manat beş qəpik) manat ödənilmiş dövlət rüsumu alınaraq "xxxx" Məhdud Məsuliyyətli Cəmiyyətinə ödənilsin. İddia qalan hissədə təmin edilməsin. Qətnamədən rəsmi qaydada verildiyi gündən 1 (bir) ay müddətində Şəki Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Sədrlik edən Elşən Vəliyev MƏHKƏMƏ İCLASİNDAN KƏNAR AYRİCA PROSESSUAL HƏRƏKƏT BARƏDƏ PROTOKOL Şəki Rayon Məhkəməsi 22 may 2023-cü il Şəki şəhəri Mən, Şəki Rayon Məhkəməsinin hakimi Vəliyev Elşən Yaşar oğlu, İddiaçı "xxxx" MMC-nin Cavabdeh qarşı “borc” tələbinə dair iddia ərizəsinə kiçik iddialara dair işlər üzrə sadələşdirilmiş icraat qaydasında Şəki Rayon Məhkəməsinin inzibati binasında baxaraq, məhkəmə iclasından kənar ayrıca prosessual hərəkət etdim. Prosessual hərəkət saat 15:10-da başlandı. İddia ərizəsi və ona əlavə olunmuş sənədləri nəzərdən keçirib iddianın təmin edilməsi haqqında qətnamə qəbul etdim. Prosessual hərəkət saat 15:20-də qurtardı. Hakim: Elşən Vəliyev