Şəki Rayon Məhkəməsi Qətnamə — İş №e-2(075)-2114/2024

Azərbaycan Respublikası adından QƏTNAMƏ Şəki şəhəri İş № e-2(075)-2114/2024 14.10.2024 ŞƏKİ RAYON MƏHKƏMƏSİ Hakim Musayev Kamran İbrahim oğlu, İddiaçı MMC-nin Cavabdeh qarşı “borcun ödənilməsi” tələbinə dair işə məhkəmənin inzibati binasında, kiçik iddialara dair işlər üzrə sadələşdirilmiş icraat qaydasında baxaraq, məhkəmə müəyyən etdi: İddiaçı MMC Cavabdeh qarşı iddia ərizəsi ilə məhkəməyə müraciət edərək, xx.xx.2023-cü il tarixli müqaviləsinə əsasən, İMEİ kodu **********00150 OPPO RENO 10 5 G markalı telefon üçün 1002.02 manat ödənilməmiş hissə, 100.98 manat cərimə pulu, xx.xx.2023-cü il tarixli müqaviləsinə əsasən, JBL TUNE qulaqlıq üçün ondan 117.92 manat ödənilməmiş hissə, 11.08 manat cərimə pulu, ümumilikdə 1232 manat borc və 32.32 manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə qəbul edilməsini xahiş etmişdir. İddia ərizəsi onunla əsaslandırılmışdır ki, xx.xx.2023-cü il və xx.xx.2023-cü il tarixlərindəki müqavilələrinə əsasən İMEİ kodu **********00150 OPPO RENO 10 5 G markalı telefon və JBL TUNE qulaqlıq almış və nəticədə 1232 (min iki yüz otuz iki) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2023-cü il tarixli müqaviləsinə əsasən, alqı-satqı qiyməti 1141.02 (min bir yüz qırx bir manat iki qəpik) manat (18 ay x 63.39 manat + 0 manat ilkin ödəniş) olan İMEİ kodu **********00150 OPPO RENO 10 5 G markalı telefon üçün ümumilikdə, 1103 (min bir yüz üç) manat olmaqla ondan 1002.02 (min iki manat iki qəpik) manat ödənilməmiş hissə, müştəriyə güzəşt edilərək, 100.98 (yüz manat doxsan səkkiz qəpik) manat cərimə pulu; xx.xx.2023-cü il tarixli müqaviləsinə əsasən, alqı-satqı qiyməti 127.98 (yüz iyirmi yeddi manat doxsan səkkiz qəpik) manat (18 ay x 7.11 manat + 0 manat ilkin ödəniş) olan JBL TUNE qulaqlıq üçün ümumilikdə, 129 (yüz iyirmi doqquz) manat olmaqla ondan 117.92 (yüz on yeddi manat doxsan iki qəpik) manat ödənilməmiş hissə, müştəriyə güzəşt edilərək, 11.08 (on bir manat səkkiz qəpik) manat cərimə pulu hesablanmışdır. Cavabdehin cəmi ödədiyi məbləğ 149.06 manat təşkil edir. Ödəniş cədvəlinin 2-ci bəndinə əsasən, ödəniş cədvəli üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Tələbin əsaslığını və əmlakın dəyərini sübut edən sənədlər: Tərəflər arasında bağlanılmış Müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Cavabdehlə bağlanılmış ilə xx.xx.2023-cü il və xx.xx.2023-cü il tarixli Müqavilələrinin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə olan telefon danışığı, həmçinin göndərilən xx.xx.2024-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirilsə də, qarşı tərəf müqavilə ilə təsbit olunmuş öhdəlikləri icra etməmişdir. Azərbaycan Respublikası Mülki Prosessual Məcəlləsinin 284-1, 284-5.1 və 284-5.3cü maddələrinə əsasən məhkəmə iddiaçının kiçik iddiaya dair işə sadələşdirilmiş qaydada baxılması barədə ərizə ilə məhkəmə müraciət etdiyini, eləcə də təqdim edilmiş sənədlərin iş üzrə yekun qərarın çıxarılması üçün kifayət etdiyini nəzərə alaraq hazırkı işə MPM-in yuxarıda göstərilən maddələrinin tələblərinə əsasən təqdim edilmiş sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan sadələşdirilmiş qaydada baxılmasını mümkün hesab etmişdir. Cavabdehə qanunvericiliyə uyğun rəsmi qaydada bildiriş göndərilmiş, qanunvericiliklə müəyyən edilmiş müddət ərzində cavabdeh tərəfindən iddiaya qarşı etiraz daxil olmamışdır. Məhkəmə iş materiallarını tədqiq edərək və iş üzrə sübutlara hüquqi qiymət verərək belə hesab edir ki, iddia təmin edilməlidir. İş materiallarından müəyyən edilir ki, tərəflər arasında bağlanmış xx.xx.2023-cü il tarixli müqaviləsinə əsasən, İMEİ kodu **********00150 OPPO RENO 10 5 G markalı markalı telefonu və xx.xx.2023-cü il tarixli müqaviləsinə əsasən, JBL TUNE qulaqlığı cavabdehə verməyi, cavabdeh isə öz növbəsində həmin malların dəyərini hissə-hissə ödəməyi öz öhdələrinə götürmüşlər. İddiaçı öz öhdəliyini yerinə yetirsə də cavabdeh öz öhdəliyini tam yerinə yetirməmişdir. Nəticədə cavabdehin iddiaçıya xx.xx.2023-cü il tarixli müqavilə üzrə 1002.02 manat əsas, müqavilənin 2.6-cı bəndinə əsasən 100.98 manat cərimə borcu və xx.xx.2023-cü il tarixli müqavilə üzrə isə 117.92 manat əsas, müqavilənin 2.6-cı bəndinə əsasən 11.08 manat cərimə borcu yaranmışdır. İddiaçı tərəfindən müqavilələrin 4.1-ci bəndinə əsasən borcun ödənilməsi ilə bağlı xəbərdarlıq göndərilmişdir. Məhkəmə, Mülki Məcəllənin 385.1, 399.1, 442, 445.1, 445.2.1, 465, 567, 600.1, 600.4-cü maddələrinə əsasən və eləcə də iş üzrə toplanmış sübutlara hüquqi qiymət verərək hesab edir ki, iddia tələbi təmin edilməli, İMEİ kodu **********00150 OPPO RENO 10 5 G markalı markalı telefon üçün 1002.02 manat əsas, 100.98 manat cərimə borcu, JBL TUNE QULAQLİQ üçün isə 117.92 manat əsas, 11.08 manat cərimə borcu Cavabdeh tutularaq iddiaçı "xxxx" MMC-yə ödənilməlidir. Mülki Prosessual Məcəllənin 119.1-ci maddəsinə əsasən ödənilmiş 32.32 manat dövlət rüsumunun əvəzi cavabdehdən tutularaq iddiaçıya ödənilməlidir. Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Göstərilənlərə əsasən və Azərbaycan Respublikasının MPM-nin 216-580, 587, 588, 360 və 362-ci maddələrini rəhbər tutaraq, məhkəmə qət etdi: İddia tələbi təmin edilsin. xx.xx.2023-cü il tarixli müqaviləsinə əsasən, İMEİ kodu **********00150 OPPO RENO 10 5 G markalı markalı telefon üçün 1002.02 (bir min iki manat iki qəpik) manat ödənilməmiş hissə, 100.98 (yüz manat doxsan səkkiz qəpik) manat cərimə pulu, xx.xx.2023-cü il tarixli müqaviləsinə əsasən, JBL TUNE qulaqlıq üçün ondan 117.92 (yüz on yeddi manat doxsan iki qəpik) manat ödənilməmiş hissə cərimə pulu, ümumilikdə 1232 (min iki yüz otuz iki manat) borc və 32.32 (otuz iki manat otuz iki qəpik) manat ödənilmiş dövlət rüsumunun əvəzi Cavabdeh tutularaq iddiaçı "xxxx" MMC-yə ödənilsin. Qətnamədən, rəsmi qaydada verildiyi gündən 1 (bir) ay müddətində Şəki Rayon Məhkəməsi vasitəsi ilə Şəki Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Kamran Musayev