Şəki Rayon Məhkəməsi Qətnamə — İş №e-2(075)-2510/2025

Azərbaycan Respublikası adından QƏTNAMƏ Şəki şəhəri İş № e-2(075)-2510/2025 28.11.2025 ŞƏKİ RAYON MƏHKƏMƏSİ Hakim Musayev Kamran İbrahim oğlu, İddiaçı MMC-nin Cavabdeh qarşı “borcun ödənilməsi” tələbinə dair işə məhkəmənin inzibati binasında, kiçik iddialara dair işlər üzrə sadələşdirilmiş icraat qaydasında baxaraq, məhkəmə müəyyən etdi: İddiaçı MMC Cavabdeh qarşı iddia ərizəsi ilə məhkəməyə müraciət edərək, tərəflər arasında imzalanmış 01 mart 2025-ci il tarixli müqaviləyə əsasən cavabdehə təqdim edilmiş “Apple İphone 16 Pro Max 512GB Natural Titanium” markalı cihazın qalıq borcu 3428,30 (üç min dörd yüz iyirmi səkkiz manat otuz qəpik) manat borc məbləğinin və ödənilmiş 54,28 (əlli dörd iyirmi səkkiz) manat dövlət rüsumunun Cavabdeh tutularaq İddiaçı MMC-nin xeyrinə ödənilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, İddiaçı MMC ilə Cavabdeh arasında imzalanmış 01 mart 2025-ci il tarixli müqaviləyə görə sonuncuya dəyəri 3860,91 (üç min səkkiz yüz altmış manat doxsan bir qəpik) manat təşkil edən “Apple İphone 16 Pro Max 512GB Natural Titanium”markalı telefon cihazı verilmişdir. Cavabdeh isə cihazın dəyərini aylıq 214.5 (iki yüz on dörd manat əlli qəpik) manat olmaqla, 18 ay müddətinə ödəməli olduğunuz halda cəmi 432,61 (dörd yüz otuz iki manat altmış bir qəpik) manat ödəniş etmiş, müqavilə üzrə öhdəliklərini yerinə yetirməmişdir. Hal-hazırda Cavabdeh İddiaçı MMC-yə borcu 3428.30 (üç min dörd yüz iyirmi səkkiz manat otuz qəpik) manat təşkil edir. Azərbaycan Respublikası Mülki Prosessual Məcəlləsinin 284-1, 284-5.1 və 284-5.3cü maddələrinə əsasən məhkəmə iddiaçının kiçik iddiaya dair işə sadələşdirilmiş qaydada baxılması barədə ərizə ilə məhkəmə müraciət etdiyini, eləcə də təqdim edilmiş sənədlərin iş üzrə yekun qərarın çıxarılması üçün kifayət etdiyini nəzərə alaraq hazırkı işə MPM-in yuxarıda göstərilən maddələrinin tələblərinə əsasən təqdim edilmiş sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan sadələşdirilmiş qaydada baxılmasını mümkün hesab etmişdir. Cavabdeh qanunvericiliyin tələblərinə uyğun olaraq rəsmi qaydada bildiriş göndərilmiş, lakin cavabdeh tərəfindən qanunvericiliklə müəyyən edilmiş müddət ərzində iddiaya qarşı etiraz məhkəməyə daxil olmamışdır. Buna görə də məhkəmə iddia üzrə məhkəmə baxışı keçirilmədən və tərəflər izahatları dinlənilmək üçün çağrılmadan baxılmasını və həmin işin həllinə dair qətnamə çıxarılmasını mümkün hesab edir. Məhkəmə iş materiallarını tədqiq edərək və iş üzrə sübutlara hüquqi qiymət verərək belə hesab edir ki, iddia təmin edilməlidir. Mülki işdə olan, İddiaçı MMC ilə Cavabdeh arasında bağlanmış 01 mart 2025-ci il tarixli müqavilədən görünür ki, İddiaçı MMC tərəfindən Cavabdeh 18 ay müddətinə ödəmək şərtilə 3860,91 manat məbləğində telefon verilmişdir. İşdə olan xx.xx.2025-ci il tarixli maliyyə arayışından görünür ki, 01 mart 2025-ci il tarixli müqavilə üzrə Cavabdeh İddiaçı MMC-yə ödənilməmiş 3428,30 manat borcu qalmışdır. Tədqiq edilmiş iddia ərizəsi və ona əlavə edilmiş sübutlarla müəyyən edildi ki, İddiaçı MMC ilə Cavabdeh arasında bağlanmış 01 mart 2025-ci il tarixli müqaviləyə əsasən İddiaçı MMC tərəfindən Cavabdeh 18 ay müddətində ödəmək şərti ilə 3860,91 manat məbləğində məişət avadanlığı verilmişdir. Cavabdeh 01 mart 2025-ci il tarixli müqavilə üzrə üzərinə götürdüyü öhdəliklərin tam şəkildə icrasını təmin etmədiyindən İddiaçı MMC hazırkı iddia ərizəsi ilə məhkəməyə müraciət etmişdir. Məhkəmə, Mülki Məcəllənin 385.1, 399.1, 442, 445.1, 445.2.1, 567, 200.1, 200.4-cü maddələrinə əsasən və eləcə də iş üzrə toplanmış sübutlara hüquqi qiymət verərək hesab edir ki, iddia tələbi borcun tutulması hissəsində təmin edilməli, müqaviləyə əsasən satılmış mallar üçün 3428,30 manat borc Cavabdeh tutularaq İddiaçı MMC-yə ödənilməlidir. Mülki Prosessual Məcəllənin 119.1-ci maddəsinə əsasən ödənilmiş 54,28 manat dövlət rüsumunun əvəzi cavabdehdən tutularaq iddiaçıya ödənilməlidir. Mülki Prosessual Məcəllənin 14.2-ci maddəsinə görə məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən isə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Göstərilənlərə əsasən və Azərbaycan Respublikasının MPM-nin 216-580, 587, 588, 360 və 362-ci maddələrini rəhbər tutaraq, məhkəmə qət etdi: İddia tələbi təmin edilsin. 01 mart 2025-ci il tarixli müqavilə üzrə 3428,30 (üç min dörd yüz iyirmi səkkiz manat otuz qəpik) manat əsas və 54,28 (əlli dörd manat iyirmi səkkiz qəpik) manat ödənilmiş dövlət rüsumunun əvəzi olmaqla, cəmi 3482,58 (üç min dörd yüz səksən iki manat əlli səkkiz qəpik) manat məbləğində pul vəsaiti Cavabdeh tutularaq İddiaçı MMC-yə ödənilsin. Qətnamədən, rəsmi qaydada verildiyi gündən 1 (bir) ay müddətində Şəki Rayon Məhkəməsi vasitəsi ilə Şəki Apellyasiya Məhkəməsinin Mülki Kollegiyasına apellyasiya şikayəti verilə bilər. Hakim: Kamran Musayev