Naxçıvan MR Naxçıvan Şəhər Məhkəməsi Qətnamə — İş №e-2(078)-1126/2023

Azərbaycan Respublikası adından QƏTNAMƏ Naxçıvan şəhəri İş № e-2(078)-1126/2023 08.09.2023 NAXÇIVAN MR NAXÇIVAN ŞƏHƏR MƏHKƏMƏSİ Mən, Naxçıvan Şəhər Məhkəməsinin hakimi Məmmədov Qabil Neymət oğlu, Bakı şəhəri, Yasamal rayonu, Moskva prospekti 73 A ünvanında yerləşən iddiaçı "xxxx" Məhdud Məsuliyyətli Cəmiyyətinin Cavabdeh qarşı borcun tutulması tələbi barədə kiçik iddialara dair işlər üzrə iddia ərizəsini və ona əlavə olunmuş sənədləri nəzərdən keçirərək m ü ə y y ə n e t d i m: "xxxx" Məhdud Məsuliyyətli Cəmiyyəti Cavabdeh qarşı iddia ərizəsi ilə məhkəməyə müraciət edərək, 19 mart 2022-ci il tarixli müqaviləyə əsasən İMEİ kodu **********29766 olan X1 11 markalı telefon üçün 659.90 (altı yüz əlli doqquz manat doxsan qəpik) manat ödənilməmiş hissənin, 65.10 (altmış beş manat on qəpik) manat cərimənin, 17 mart 2022-ci il tarixli müqaviləyə əsasən İMEİ kodu **********38080 olan X1 11 markalı telefon üçün 652 (altı yüz əlli iki manat altmış beş qəpik) manat ödənilməmiş hissənin, 65 (altmış beş) manat cərimənin, ümumilikdə 1442 (min dörd yüz qırx iki) manat borcun və 34.42 (otuz dörd manat qırx iki qəpik) manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. "xxxx" Məhdud Məsuliyyətli Cəmiyyəti iddia ərizəsini onunla əsaslandırmışdır ki, cavabdehin "xxxx" MMC ilə bağladığı 17 mart 2022-ci il və 19 mart 2022-ci il tarixli müqavilələrə əsasən İMEİ kodu **********38080 olan X1 11 markalı telefon və İMEİ kodu **********29766 olan X1 11 markalı telefon aldığını və nəticədə 1442 (min dörd yüz qırx iki) manat borcun yarandığını, cavabdehin müqavilənin şərtlərini pozduğunu və nəticədə 19 mart 2022-ci il tarixli müqaviləyə əsasən alqı-satqı qiyməti 774.40 (yeddi yüz yetmiş dörd manat qırx qəpik) manat (12 ay x 60 manat + 54.4 manat ilkin ödəniş) olan İMEİ kodu **********29766 olan X1 11 markalı telefon üçün ümumilikdə 725 (yeddi yüz iyirmi beş) manat olmaqla, ondan 659.90 (altı yüz əlli doqquz manat doxsan qəpik) manat ödənilməmiş hissə, müştəriyə güzəşt olunaraq 65.10 (altmış beş manat on qəpik) manat cərimə pulu, 17 mart 2022-ci il tarixli müqaviləyə əsasən alqı-satqı qiyməti 757 (yeddi yüz əlli yeddi) manat (18 ay x 42 manat + 1 manat ilkin ödəniş) olan İMEİ kodu **********38080 olan X1 11 markalı telefon üçün ümumilikdə 717 (yeddi yüz on yeddi) manat olmaqla, ondan 652 (altı yüz əlli iki manat altmış beş qəpik) manat ödənilməmiş hissə, müştəriyə güzəşt olunaraq 65 (altmış beş) manat cərimə pulu borcunun yarandığını, cavabdehin cəmi ödədiyi məbləğin 219.50 manat təşkil etdiyini, cavabdehlə aralarında bağlanmış 17 mart 2022-ci il və 19 mart 2022-ci il tarixli müqavilələrin ayrılmaz tərkib hissəsi olan əşyaların təhvil-təslim aktından cavabdehin əldə etdiyi məhsulu tam və qüsursuz şəkildə təhvil aldığının göründüyünü, cavabdehlə aralarında olan telefon danışığından, həmçinin göndərdikləri 04 may 2023-cü il tarixli xəbərdarlıq məktubundan mübahisənin məhkəmədənkənar həll olunmasını, onun üzərinə düşən öhdəlikləri lazımınca icra etməli olduğunu rəsmi qaydada bildirsələr də, qarşı tərəfin müqavilə ilə təsbit olunmuş öhdəlikləri icra etmədiyini, bunları nəzərə alaraq, 19 mart 2022-ci il tarixli müqaviləyə əsasən İMEİ kodu **********29766 olan X1 11 markalı telefon üçün 659.90 (altı yüz əlli doqquz manat doxsan qəpik) manat ödənilməmiş hissənin, 65.10 (altmış beş manat on qəpik) manat cərimənin, 17 mart 2022-ci il tarixli müqaviləyə əsasən İMEİ kodu **********38080 olan X1 11 markalı telefon üçün 652 (altı yüz əlli iki manat altmış beş qəpik) manat ödənilməmiş hissənin, 65 (altmış beş) manat cərimənin, ümumilikdə 1442 (min dörd yüz qırx iki) manat borcun və 34.42 (otuz dörd manat qırx iki qəpik) manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İş materiallarına əlavə edilmiş: Tərəflər arasında bağlanmış 17 mart 2022-ci il tarixli, 03061181 nömrəli və 19 mart 2022-ci il tarixli, 03011198 nömrəli Müqavilələrin 2.3, 2.4 və 2.5-ci bəndlərinə əsasən, "xxxx" MMC malı müştəriyə təqdim edir. Müştəri malı qəbul edir və malı istifadə etmək hüququ ona keçir. Müqavilənin bütün şərtləri tam və vaxtında yerinə yetirildiyi təqdirdə mala tam sahiblik hüququ müştəriyə keçir. 17 iyul 2023-cü il tarixli maliyyə və ödəniş cədvəlinə əsasən, Cavabdeh 19 mart 2022-ci il tarixli Müqavilə üzrə alqı-satqı qiyməti 774.4 manat olan İMEİ kodu **********29766 olan X1 11 markalı telefon üçün ilkin ödəniş 54.4 manat olmaqla, 12 ay müddətinə ayda 60 manat, 17 mart 2022-ci il tarixli Müqavilə üzrə alqı-satqı qiyməti 757 manat olan İMEİ kodu **********38080 olan X1 11 markalı telefon üçün ilkin ödəniş 1 manat olmaqla, 18 ay müddətinə ayda 42 manat ödəməyi öhdəsinə götürmüşdür. Məhkəmə sübutları obyektiv, qərəzsiz, qanunauyğun olaraq araşdırıb aşağıdakı nəticəyə gəlir. Azərbaycan Respublikası Mülki Məcəlləsinin: 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi başa düşülür. 443.1-ci maddəsinə əsasən, öhdəliyi icra etməyən borclu kreditora dəymiş zərərin əvəzini ödəməyə borcludur. 448.1-ci maddəsinə əsasən, əgər bu Məcəllə ilə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki-Prosessual Məcəlləsinin: 284-1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən, cavabdeh bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Məhkəmə 01 avqust 2023-cü il tarixdə daxil olmuş iddia ərizəsi üzrə 02 avqust 2023cü il tarixdə cavabdehə bildiriş göndərmişdir. Lakin cavabdeh 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməmişdir. Azərbaycan Respublikası Mülki-Prosessual Məcəlləsinin: 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmə hesab edir ki, təqdim edilmiş sənədlər iş üzrə yekun qərarın çıxarılması üçün kifayət etdiyindən, əlavə araşdırma aparılmasına zərurət yaranmadığından işə mahiyyəti üzrə baxılaraq qərar verilməlidir. İddia ərizəsini və ona əlavə olunmuş sənədləri nəzərdən keçirərək belə nəticəyə gəlirəm ki, iddia təmin edilməklə, Cavabdeh 17 mart 2022-ci il tarixli müqaviləyə əsasən 652 (altı yüz əlli iki manat altmış beş qəpik) manat ödənilməmiş hissə, 65 (altmış beş) manat cərimə borcu və 19 mart 2022-ci il tarixli müqaviləyə əsasən 659.90 (altı yüz əlli doqquz manat doxsan qəpik) manat ödənilməmiş hissə, 65.10 (altmış beş manat on qəpik) manat cərimə borcu olmaqla, cəmi 1442 (min dörd yüz qırx iki) manat məbləğində borc və 34.42 (otuz dörd manat qırx iki qəpik) manat məbləğində ödənilmiş dövlət rüsumunun əvəzi iddiaçı "xxxx" Məhdud Məsuliyyətli Cəmiyyətinin xeyrinə tutulmalıdır. Belə ki, tərəflər arasında bağlanmış 19 mart 2022-ci il tarixli, 03011198 nömrəli və 17 mart 2022-ci il tarixli, 03061181 nömrəli Müqavilələrin 2.3, 2.4 və 2.5-ci bəndlərinə əsasən, "xxxx" MMC malı müştəriyə təqdim edir. Müştəri malı qəbul edir və malı istifadə etmək hüququ ona keçir. Müqavilənin bütün şərtləri tam və vaxtında yerinə yetirildiyi təqdirdə mala tam sahiblik hüququ müştəriyə keçir. 17 iyul 2023-cü il tarixli maliyyə və ödəniş cədvəlinə əsasən, Cavabdeh 19 mart 2022-ci il tarixli Müqavilə üzrə alqı-satqı qiyməti 774.4 manat olan İMEİ kodu **********29766 olan X1 11 markalı telefon üçün ilkin ödəniş 54.4 manat olmaqla, 12 ay müddətinə ayda 60 manat, 17 mart 2022-ci il tarixli Müqavilə üzrə alqı-satqı qiyməti 757 manat olan İMEİ kodu **********38080 olan X1 11 markalı telefon üçün ilkin ödəniş 1 manat olmaqla, 18 ay müddətinə ayda 42 manat ödəməyi öhdəsinə götürmüşdür. Lakin Cavabdeh müqavilələrin qeyd olunan şərtlərini pozaraq borcunun ödənilməsini təmin etməməklə, müqavilələrdən irəli gələn öhdəlikləri yerinə yetirməmişdir. Azərbaycan Respublikası Mülki-Prosessual Məcəlləsinin: 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq, işdə iştirak edən şəxslərə aid edilir. 217.5-ci maddəsinə əsasən, bu Məcəllənin 10-1.3-cü maddəsində nəzərdə tutulmuş məhkəmə icraatında işə baxan məhkəmə öz qətnaməsini yalnız elektron məhkəmə icraatı materiallarına əlavə edilmiş və məhkəmə iclasında tədqiq olunmuş sübutlarla əsaslandırır. Məhkəmə yuxarıda göstərilənlərə əsasən və Azərbaycan Respublikası Mülki- Prosessual Məcəlləsinin 216-220, 284-1, 284-5, 284-6, 358.0.3 və 360-cı maddələrini rəhbər tutaraq q ə t e t d i: İddia təmin edilsin. Cavabdeh 17 mart 2022-ci il tarixli müqaviləyə əsasən 652 (altı yüz əlli iki manat altmış beş qəpik) manat ödənilməmiş hissə, 65 (altmış beş) manat cərimə borcu və 19 mart 2022-ci il tarixli müqaviləyə əsasən 659.90 (altı yüz əlli doqquz manat doxsan qəpik) manat ödənilməmiş hissə, 65.10 (altmış beş manat on qəpik) manat cərimə borcu olmaqla, cəmi 1442 (min dörd yüz qırx iki) manat məbləğində borc və 34.42 (otuz dörd manat qırx iki qəpik) manat məbləğində ödənilmiş dövlət rüsumunun əvəzi "xxxx" Məhdud Məsuliyyətli Cəmiyyətinin xeyrinə tutulsun. Tərəflər qətnamədən rəsmi qaydada verildiyi gündən 1 ay müddətində Naxçıvan Şəhər Məhkəməsi vasitəsilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti verə bilərlər. Hakim Qabil Məmmədov.