Naxçıvan MR Naxçıvan Şəhər Məhkəməsi Qərardad — İş №e-2(078)-1813/2023

Azərbaycan Respublikası adından QƏRARDAD Naxçıvan şəhəri İş № e-2(078)-1813/2023 13.12.2023 NAXÇIVAN MR NAXÇIVAN ŞƏHƏR MƏHKƏMƏSİ (Kiçik iddialara dair işlər üzrə sadələşdirilmiş icraat haqqında iddia ərizəsinin qəbul olunmasından imtina barədə) Mən, Naxçıvan Şəhər Məhkəməsinin hakimi Səfərəliyeva Gülnar Xanlar qızı, iddiaçı Nümayəndə Cavabdeh qarşı borcun qaytarılması tələbi barədə kiçik iddialara dair işlər üzrə idia ərizəsini və ərizəyə əlavə olunmuş sənədləri nəzərdən keçirərək, müəyyənetdim: İddiaçı Nümayəndə ərizə ilə məhkəməyə müraciət edərək Cavabdeh 730 manat əsas borcun, gecikdirilmiş peniya pulu olan 73 manatın, nəticə etibarı ilə ümumilikdə 803 (sekkiz yüz üç ) manat pulun və bundan əlavə iddia qaldırmaq üçün ödənilən 30 manat dövlət rüsumunun alınaraq ona qaytarılması barədə qətnamə qəbul edilməsini xahiş etmişdir. Azərbaycan Respublikası Mülki Prosessual Məcəlləsinin 151-ci maddəsinə əsasən iddia ərizəsinin mümkünlüyünə dair məsələ tərəfimdən araşdırılarkən ərizəni və ona əlavə olunmuş sənədləri nəzərdən keçirib müəyyən etdim ki, iddia ərizəsi Azərbaycan Respublikası Mülki-Prosessual Məcəlləsinin 152.1.2-ci maddəsinin tələblərinə əsasən iddia ərizəsinin icraata qəbul olunmasından imtina edilməlidir. Belə ki, həmin maddənin tələbinə əsasən iddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda, iddia ərizəsinə lazımi sübutlar əlavə edilmədikdə hakim ərizənin qəbul edilməsindən imtina haqqında qərardad çıxarır. İddiaçı Nümayəndə məhkəməyə təqdim etdiyi sənədlərdə iddia ərizəsini imzalamış və müqavilədə satıcı olaraq onun adından bağlanmışdır, lakin iddia ərizəsinə əlavə edilən sənədlərdə mağazanın “Ali Telekom” olması öz təsdiqini tapmışdır. Buna görə də iddia ya satıcı Nümayəndə adından verilməlidir ki, onun fərdi sahibkar statusu olmasını təsdiq edən sənəd mövcuddur, ya da qanuni təmsilçisi olduğu mağazanın hüquqmüəyyənedici sənədləri əlavə ediməli idi. Azərbaycan Respublikasının Mülki-Prosessual Məcəlləsinin 284-4.3-cü maddəsinə əsasən ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Yuxarıda göstərilənlərə əsasən və Azərbaycan Respublikasının MPM-in 264 və 276.2.2ci maddələrini rəhbər tutaraq, qəraraaldım: İddiaçı Nümayəndə Cavabdeh qarşı borcun qaytarılması tələbi barədə kiçik iddialara dair işlər üzrə iddia ərizəsi icraata qəbul olunmaqdan imtina olunsun. Bu qərardaddan şikayət verilə bilməz. Hakim: Gülnar Səfərəliyeva