Naxçıvan MR Şahbuz Rayon Məhkəməsi Qətnamə — İş №e-2(090)-167/2024

Azərbaycan Respublikası adından QƏTNAMƏ Şahbuz şəhəri İş № e-2(090)-167/2024 12.08.2024 NAXÇIVAN MR ŞAHBUZ RAYON MƏHKƏMƏSİ Hakim Səfərov Daşqın Yaqub oğlu, İddiaçı Cavabdeh qarşı borcun tutulması tələbinə dair mülki işə Şahbuz Rayon Məhkəməsinin inzibati binasında sadələşdirilmiş icraat qaydasında baxaraq, müəyyən etdi: İddiaçı iddia ərizəsi ilə Şahbuz Rayon Məhkəməsinə müraciət edərək xx.xx.2023-cü il tarixli müqaviləyə əsasən, İMEİ kodu **********17907 Xiaomi Poco M5 markalı telefon üçün 248.93 (iki yüz qırx səkkiz manat doxsan üç qəpik) manat ödənilməmiş hissə, 24.07 (iyirmi dörd manat yeddi qəpik) manat cərimə; xx.xx.2023-cü il tarixli müqaviləyə əsasən, İMEİ kodu **********95109 Xiaomi Redmi 10C markalı telefon, vinil şəffaf üçün 95.65 (doxsan beş manat altmış beş qəpik) manat ödənilməmiş hissə, 9.35 (doqquz manat otuz beş qəpik) manat cərimə; ümumilikdə 378 manat borc, 30 manat ödənilmiş dövlət rüsumu Cavabdeh alınaraq İddiaçınə ödənilməsi barədə qətnamə çıxarılmasını xahiş etmişdir. İddiaçı ərizəsini onunla əsaslandırmışdır ki, Cavabdeh ilə "xxxx" MMC arasında bağlanmış xx.xx.2023-cü il və xx.xx.2023-cü il tarixli müqavilələrinə əsasən, İMEİ kodu **********17907 Xiaomi Poco M5 markalı telefon, İMEİ kodu **********95109 Xiaomi Redmi 10C markalı telefon, vinil şəffaf almış və nəticədə 378 (üç yüz yetmiş səkkiz) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2023-ci il tarixli müqaviləsinə əsasən, alqı-satqı qiyməti 644.64 (altı yüz qırx dörd manat altmış dörd qəpik) manat (12 ay x 49.97 manat + 45 manat ilkin ödəniş) İMEİ kodu **********17907 Xiaomi Poco M5 markalı telefon üçün ümumilikdə, 273 (iki yüz yetmiş üç) manat olmaqla ondan, 248.93 (iki yüz qırx səkkiz manat doxsan üç qəpik) manat ödənilməmiş hissə, güzəşt olunaraq 24.07 (iyirmi dörd manat yeddi qəpik) manat cərimə; xx.xx.2023-cü il tarixli müqaviləsinə əsasən, alqı-satqı qiyməti 617.92 (altı yüz on yeddi manat doxsan iki qəpik) manat (12 ay x48.16 manat + 40 manat ilkin ödəniş) İMEİ kodu **********95109 Xiaomi Redmi 10C markalı telefon, vinil şəffaf üçün ümumilikdə, 105 (yüz beş) manat olmaqla ondan, 95.65 (doxsan beş manat altmış beş qəpik) manat ödənilməmiş hissə, güzəşt 9.35 (doqquz manat otuz beş qəpik) manat cərimə miqdarında borc yaranmışdır. Cavabdehin cəmi ödədiyi məbləğ 917.98 manat təşkil edir. Ödəniş cədvəlinin 2-ci bəndinə əsasən, ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə aramızda bağlanılmış xx.xx.2023-ci il və xx.xx.2023-ci il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aramızda olan telefon danışığı, həmçinin göndərdiyimiz xx.xx.2024-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsək də, qarşı tərəf müqavilə ilə təsbit olunmuş öhdəlikləri icra etməmişdir. Tələbimizin əsaslığını və əmlakın dəyərini sübut edən sənədlər: tərəflər arasında bağlanılmış Müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Məhkəmə İddiaçı ərizəsini və ona əlavə edilmiş sənədləri nəzərdən keçirərək belə hesab edir ki, tərəflərin təqdim etdiyi sənədlər iş üzrə yekun qərarın çıxarılmasına kifayət edir və həmin ərizəyə kiçik iddialara dair icraat qaydasında baxılaraq qətnamə qəbul edilməlidir. Belə ki, iş materiallarına əlavə olunmuş sənədlərdən aydın olur ki, həqiqətən də Cavabdeh İddiaçındən İMEİ kodu **********17907 Xiaomi Poco M5 markalı telefon, İMEİ kodu **********95109 Xiaomi Redmi 10C markalı telefon, vinil şəffaf almış, müqavilənin şərtlərinə görə İddiaçı tərəfindən Cavabdeh əşya və telefon quraşdırma xidməti göstərilmiş, Cavabdeh isə həmin müqavilə üzrə istifadə etdiyi əşyaların pulunu müqavilə ilə müəyyən edilmiş şərtlərlə, ödəniş cədvəlinə uyğun olaraq İddiaçınə qaytarmağı öhdəsinə götürmüşdür. Müqavilə üzrə İddiaçı üzərinə götürdüyü öhdəlikləri tam icra etmiş, lakin Cavabdeh müqavilənin şərtlərini pozaraq, ödəniləcək əsas məbləği və ona hesablanmış qalıq məbləğin hər növbəti təqvim gününə faizlərin ödənilməsini gecikdirmiş və İddiaçınə olan borcunu ödəməmişdir. Borcalana bu barədə şifahi və yazılı xəbərdarlıq edilməsinə baxmayaraq, öhdəliklərini icra etməmiş, borcunu ödəməmişdir. İş materiallarına əlavə edilmiş 26 yanvar 2023-cü il tarixli, 04073328 nömrəli və 26 aprel 2023-cü il tarixli, 04074074 nömrəli müqavilələrdən görünür ki, İddiaçı və Cavabdeh arasında İMEİ kodu **********17907 Xiaomi Poco M5 markalı telefon, İMEİ kodu **********95109 Xiaomi Redmi 10C markalı telefon, vinil şəffaf olan əşyaların alğı-satqısına dair müqavilələr imzalanmışdır. Müqavilələrin 1 və 2-ci fəslinə əsasən müqavilənin predmeti İMEİ kodu **********17907 Xiaomi Poco M5 markalı telefon, İMEİ kodu **********95109 Xiaomi Redmi 10C markalı telefon, vinil şəffaf olan əşyaların kreditorun müştəriyə verilməsinə dair, müştərinin isə bu müqavilələrdə nəzərdə tutulmuş şərtlərdə və qaydada kreditora ödənişlərin edilməsinə dair pul öhdəliyidir. Müqavilələrin 2.2-ci maddəsinə əsasən müqavilənin predmetini təşkil edən mala dair geniş məlumat və malın qiyməti bu müqavilənin ayrılmaz tərkib hissəsi olan müvafiq Əlavə ilə müəyyənləşdirilir. İş materiallarında olan müqaviləyə edilmiş Əlavələrdən isə aydın olur ki, həmin əlavələr tərəflər arasında bağlanmış müqavilələrin tərkib hissəsidir, həmin əlavələrə əsasən 26 yanvar 2023-cü il tarixli, 04073328 nömrəli müqavilənin ödəniş cədvəli üzrə müştəri xx.xx.2023-cü il tarixdən başlayaraq 12 ay ərzində İddiaçınə hər ay 48.16 manat ödəməyi, 26 aprel 2023-cü il tarixli, 04074074 nömrəli müqavilənin ödəniş cədvəli üzrə müştəri xx.xx.2023-cü il tarixdən başlayaraq 12 ay ərzində İddiaçınə hər ay 49.97 manat ödəməyi öhdəsinə götürür. Həmin Əlavələrdən görünür ki, 26 yanvar 2023-cü il tarixli, 04073328 nömrəli müqavilənin qiyməti 617.94 manat, 26 aprel 2023-cü il tarixli, 04074074 nömrəli müqavilənin qiyməti 644.69 manat təşkil edir, onun ödəmə qaydası müqavilənin ayrılmaz hissəsi olan ödəniş cədvəllərinə uyğun olaraq müştəri ödəməyi öhdəsinə götürmüşdür. Həmin əlavələrin 2-ci maddəsinə əsasən “ödəniş cədvəli” üzrə ödənişlərdə gecikmələr aşkarlandıqda, müddəti keçmiş məbləğin hər növbəti təqvim gününə hesablanmış 1%-dək həcmində müştəri mübahisəsiz olaraq penya ödəyir. Həmin əlavələrin 3-cü maddəsinə əsasən ödəniş edilən zaman hesablanmış penya aşkarlanarsa, İddiaçı müştərinin ödədiyi məbləğin 50%-nə qədər hissəsini penya ödənilməsinə yönəldə bilər. Həmin əlavələrin 5-ci maddəsinə əsasən müştəri ödəniş cədvəlinin tələblərini 3 aydan artıq müddətdə yerinə yetirmədikdə, İddiaçı 26 yanvar 2023-cü il tarixli, 04073328 nömrəli müqavilənin qiymətinin ödənilməmiş hissəsinin iki qatının (200%) və ya 61.79 AZN, 26 aprel 2023-cü il tarixli, 04074074 nömrəli müqavilənin qiymətinin ödənilməmiş hissəsinin iki qatının (200%) və ya 64.47 manat məbləğində cərimənin ödənilməsini müştəridən tələb edə bilər. İş materiallarında olan 26 yanvar 2023-cü il tarixli, 04073328 nömrəli müqavilə üzrə əşyaların təhvil-təslim aktından görünür ki, Cavabdeh İMEİ kodu **********17907 Xiaomi Poco M5 markalı telefon və vinil şəffaf, 26 aprel 2023-cü il tarixli, 04074074 nömrəli müqavilə üzrə əşyaların təhvil-təslim aktından görünür ki, Cavabdeh İMEİ kodu **********95109 Xiaomi Redmi 10C markalı telefon olan əşyaları iddiaçıdan təhvil alaraq bu barədə müvafiq imza etmişdir. Cavabdeh 18 iyun 2024-cü il tarixdə xəbərdarlıq məktubu göndərilməsinə baxmayaraq, iş materiallarına əlavə olunmuş 01 iyul 2024-cü il tarixli maliyyə və ödəniş cədvəlindən məlum olur ki, Cavabdehnun İddiaçınə 26 yanvar 2023-cü il tarixli, 04073328 nömrəli müqavilə üzrə İMEİ kodu **********17907 Xiaomi Poco M5 markalı telefonu və vinil şəffafı üçün 95.65 (doxsan beş manat, altmış beş qəpik) manat ödənilməmiş hissə və 9.35 (doqquz manat, otuz beş qəpik) manat cərimə borcu olmaqla, ümumilikdə 105 (bir yüz beş) manat, 26 aprel 2023-cü il tarixli, 04074074 nömrəli müqavilə üzrə İMEİ kodu **********95109 Xiaomi Redmi 10C markalı telefonu üçün 248.93 (iki yüz qırx səkkiz manat, doxsan üç qəpik) manat ödənilməmiş hissə və 24.07 (iyirmi dörd manat, yeddi qəpik) manat cərimə borcu olmaqla, ümumilikdə 273 (iki yüz yetmiş üç) manat məbləğində borcu mövcuddur. İş materiallarına əlavə edilmiş “Elektron Məhkəmə” İnformasiya Sistemində olan məlumata əsasən iş üzrə Cavabdeh Şahbuz rayonu, Biçənək kəndində qeydiyyatdadır. İddiaçının ərizəsini və ona əlavə edilmiş sənədləri maddi və prosessual qanunvericiliyin tələbləri daxilində tədqiq edən məhkəmə belə nəticəyə gəlir ki, iddiaçının tələbi qismən təmin edilməlidir. İlk olaraq iddiaçının tələbinə məhkəmə tələfindən kiçik iddialara dair sadələşdirilmiş icraat qaydasında baxıldığından məhkəmə tərəflərə izah edir ki, Azərbaycan Respublikası Mülki-Prosessual Məcəlləsinin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə görə işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Məhkəmənin gəldiyi nəticə ondan ibarətdir ki, İddiaçı öz tələbinin əsası kimi istinad etdiyi halları sübut edə bilmişdir və Cavabdeh İddiaçındən aldığı əşyalar üzrə əsas borcu və müqavilə ilə müəyyən edilmiş cərimə pulunu iddiaçıya qaytarmalı olmasına dair öhdəliklərin daşıyıcısı olmuşdur. Lakin cavabdeh müqavilənin öhdəliklərini icra etməyərək, iddiaçı qarşısında pul öhdəliyini yerinə yetirməmişdir. Buna görə də iddiaçının tələbi əsaslıdır. Cavabdeh müqavilə üzrə öhdəliklərin yerinə yetirilməsinə dair, habelə ona qarşı irəli sürülən iddianı təkzib edən sübutları məhkəməyə təqdim etməmişdir. Məhkəmə gəldiyi nəticəni aşağıda qeyd edilmiş hüquq normaları baxımından da qanuni hesab edir. Belə ki, Azərbaycan Respublikası Mülki Məcəlləsinin: 385.1-ci maddəsinə görə öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinə əsasən öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; 445.2-ci maddəsinə əsasən öhdəliyin onun icrası üçün müəyyənləşdirilmiş müddətdə icra edilməməsi və icra müddəti çatanadək kreditorun etdiyi xəbərdarlıqdan sonra da öhdəliyin icra edilməməsi borclunun icranı gecikdirməsi sayılır; 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir; 600.1-ci maddəsinə əsasən alğı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinə görə əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 600.5-ci maddəsinə əsasən alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alğı-satqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək bu Məcəllənin 449cu maddəsinə uyğun faizlər ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. İddiaçı cavabdehə qarşı iddia tələbində 26 yanvar 2023-cü il tarixli, 04073328 nömrəli müqavilə üzrə 95.65 (doxsan beş manat, altmış beş qəpik) manat ödənilməmiş hissə və 9.35 (doqquz manat, otuz beş qəpik) manat cərimə borcu, 26 aprel 2023-cü il tarixli, 04074074 nömrəli 248.93 (iki yüz qırx səkkiz manat, doxsan üç qəpik) manat ödənilməmiş hissə və 24.07 (iyirmi dörd manat, yeddi qəpik) manat cərimə borcu olmaqla, ümumilikdə 378 (üç yüz yetmiş səkkiz) manat tələb etmişdir. Məhkəmə iddia tələbinin 26 yanvar 2023-cü il tarixli, 04073328 nömrəli müqavilə üzrə 9.35 (doqquz manat, otuz beş qəpik) manat, 26 aprel 2023-cü il tarixli, 04074074 nömrəli müqavilə üzrə 24.07 (iyirmi dörd manat, yeddi qəpik) manat məbləğində cərimə (dəbbə) pulun tutulması hissəsi üzrə qeyd edir ki, həmin tələb qismən təmin edilməli və cərimə məbləği azaldılmalıdır. Belə ki, Azərbaycan Respublikası Mülki Məcəlləsinin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Əgər öhdəliyin məzmununu hərəkətdən çəkinmək təşkil edirsə, dəbbə pulu hərəkətin edildiyi andan tutulmalıdır. Dəbbə pulunun ödənilməsi tələbi üzrə kreditor ona zərər vurulduğunu sübuta yetirməyə borclu deyildir. Həmin Məcəllənin 463.1-ci maddəsinə əsasən dəbbə pulu haqqında razılaşma əsas öhdəliyin formasından asılı olmayaraq yazılı formada bağlanmalıdır. Həmin Məcəllənin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Azərbaycan Respublikası Konstitusiya Məhkəməsi Plenumunun “Azərbaycan Respublikası Mülki Məcəlləsinin 449-cu maddəsinin şərh edilməsinə dair” 09 iyul 2009-cu il tarixli qərarında göstərilir ki, borclu şəxsin mülkiyyət maraqları qorunmalı və onun həddən artıq maliyyə məsuliyyətinə cəlb olunmasının qarşısı alınmalıdır. Bank müştərilərinin depozitləri üzrə öhdəliklərin lazımınca yerinə yetirilməsində ifadə olunan ümumi maraqla borclu şəxsin mülkiyyət hüquqlarının müdafiəsi arasında ədalət tarazlığına riayət olunmalıdır. İstinad edilən maddi hüquq normalarının tələbləri baxımından məhkəmə hesab edir ki, əsas fəaliyyəti kreditlər təqdim etməklə bu kreditlərin faizləri hesabına gəlir əldə edilməsi olan kredit münasibətlərində dəbbə pulu gəlir kimi çıxış edə bilməz. Belə ki, dəbbə pulu (cərimə) öhdəliklərin icrasının təminatı vasitəsidir, öhdəliklərin icra olunmaması halında nəzərdə tutulan maliyyə sanksiyasıdır və bu səbəbdən onun miqdarı tənasübsüz surətdə yüksək ola bilməz. Əks halda, bu öhdəliklərin icrası üçün nəzərdə tutulan tədbirlərin mahiyyətinə zidd olardı. Ona görə də məhkəmə 26 yanvar 2023-cü il tarixli, 04073328 nömrəli müqavilə üzrə 9.35 (doqquz manat, otuz beş qəpik) manat məbləğində cərimənin (dəbbənin) azaldılaraq, 4.78 (dörd manat, yetmiş səkkiz qəpik) manat, 26 aprel 2023-cü il tarixli, 04074074 nömrəli müqavilə üzrə 24.07 (iyirmi dörd manat, yeddi qəpik) manat məbləğində cərimənin (dəbbənin) azaldılaraq, 12.44 (on iki manat, qırx dörd qəpik) manat müəyyən edilməsini qanuni, əsaslı və ədalətli olmaqla, həm də iddiaçının əmlak mənafelərinə, həmçinin cavabdehin maddi, əmlak vəziyyətinə uyğun hesab edir. Azərbaycan Respublikası Mülki-Prosessual Məcəlləsinin 222.2-ci maddəsinə əsasən pul vəsaitlərinin tutulması haqqında iddianı təmin edərkən hakim əsas borcu, faiz borcunu, zərər və dəbbə pulunu (cərimə, penya) ayrı-ayrılıqda müəyyən etməklə, alınmalı olan ümumi məbləği qətnamədə göstərir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, məhkəmə hesab edir ki, kiçik iddia qismən təmin edilərək, Cavabdeh 26 yanvar 2023-cü il tarixli, 04073328 nömrəli müqavilə üzrə 95.65 (doxsan beş manat, altmış beş qəpik) manat əsas və 4.78 (dörd manat, yetmiş səkkiz qəpik) manat cərimə, 26 aprel 2023-cü il tarixli, 04074074 nömrəli müqavilə üzrə 248.93 (iki yüz qırx səkkiz manat, doxsan üç qəpik) manat və 12.44 (on iki manat, qırx dörd qəpik) manat cərimə borcu olmaqla, ümumilikdə 26 yanvar 2023-cü il tarixli, 04073328 nömrəli müqavilə üzrə 100.43 (bir yüz manat qırx üç qəpik) manat, 26 aprel 2023-cü il tarixli, 04074074 nömrəli müqavilə üzrə 261.37 (iki yüz altmış bir manat, otuz yeddi qəpik) manat olmaqla, iki müqavilə üzrə cəmi 361.8 (üç yüz altmış bir manat, səksən qəpik) manat məbləğində borc tutularaq İddiaçı xeyrinə ödənilməli, iddia tələbi qalan hissədə təmin edilməməlidir. Məhkəmə ödənilmiş dövlət rüsumu ilə bağlı məsələni müzakirə edərək belə nəticəyə gəlir ki, Azərbaycan Respublikası Mülki-Prosessual Məcəlləsinin 119.1-ci maddəsinə əsasən, İddiaçı tərəfindən ödənilmiş 30 (otuz) manat miqdarında dövlət rüsumunun iddia tələbinin təmin olunmuş hissəsinə mütənasib olaraq 28,71 (iyirmi səkkiz manat, yetmiş bir qəpik) manat hissəsi Cavabdeh alınaraq iddiaçıya qaytarılmalıdır. Yuxarıda göstərilənlərə əsaslanaraq və Azərbaycan Respublikası Mülki- Prosessual Məcəlləsinin 216-220, 284-6, 358.0.3 və 360-cı maddələrini rəhbər tutaraq, məhkəmə qət etdi: İddia qismən təmin edilsin. Cavabdeh 26 yanvar 2023-cü il tarixli, 04073328 nömrəli müqavilə üzrə 95.65 (doxsan beş manat, altmış beş qəpik) manat əsas və 4.78 (dörd manat, yetmiş səkkiz qəpik) manat cərimə, 26 aprel 2023-cü il tarixli, 04074074 nömrəli müqavilə üzrə 248.93 (iki yüz qırx səkkiz manat, doxsan üç qəpik) manat və 12.44 (on iki manat, qırx dörd qəpik) manat cərimə borcu olmaqla, ümumilikdə 26 yanvar 2023cü il tarixli, 04073328 nömrəli müqavilə üzrə 100.43 (bir yüz manat qırx üç qəpik) manat, 26 aprel 2023-cü il tarixli, 04074074 nömrəli müqavilə üzrə 261.37 (iki yüz altmış bir manat, otuz yeddi qəpik) manat olmaqla, iki müqavilə üzrə cəmi 361.8 (üç yüz altmış bir manat, səksən qəpik) manat məbləğində borc tutularaq İddiaçı xeyrinə ödənilsin. İddiaçı tərəfindən ödənilmiş 30 (otuz) manat miqdarında dövlət rüsumunun iddia tələbinin təmin olunmuş hissəsinə mütənasib olaraq 28,71 (iyirmi səkkiz manat, yetmiş bir qəpik) manat hissəsi Cavabdeh alınaraq iddiaçıya qaytarılsın. İddia tələbi qalmış hissədə təmin edilməsin. Qətnamədən, o, tərəflərə rəsmi qaydada verildiyi gündən 1 (bir) ay müddətində (elektron qaydada) Şahbuz Rayon Məhkəməsi vasitəsilə Naxçıvan Muxtar Respublikası Ali Məhkəməsinin Mülki Kollegiyasına apellyasiya şikayəti verilə bilər. Hakim: Daşqın Səfərov.