Naxçıvan MR Şərur Rayon Məhkəməsi Qətnamə — İş №e-2(110)-148/2024

Azərbaycan Respublikası adından QƏTNAMƏ Şərur şəhəri İş № e-2(110)-148/2024 22.01.2024 NAXÇIVAN MR ŞƏRUR RAYON MƏHKƏMƏSİ Şərur Rayon Məhkəməsinin hakimi Qarayev Seymur Əlfəddin oğlu, İddiaçı "xxxx" MMC-nin Cavabdeh qarşı “borc tələbi” barədə iddia ərizəsinə Şərur Rayon Məhkəməsinin inzibati binasında kiçik iddialara dair işlər üzrə sadələşdirilmiş icraat qaydasında baxaraq, müəyyən etdi : İddiaçı "xxxx" Məhdud Məsuliyyətli Cəmiyyətinin nümayəndəsi iddia ərizəsi ilə məhkəməyə müraciət edərək xx.xx.2023-cü il tarixli müqaviləsinə əsasən, İmei kod **********03542 SAMSUNG GALAXY A53 markalı telefon, VİNİL MAT üçün 1410 (bir min dörd yüz on) manat ödənilməmiş hissə, 141 (bir yüz qırx bir) manat cərimə, xx.xx.2023-cü il tarixli müqaviləsinə əsasən, İmei kod **********11560 İNİFİX ZERO 20 markalı telefon üçün 73.29 (yetmiş üç manat iyirmi doqquz qəpik) manat ödənilməmiş hissə, 7.71 (yeddi manat yetmiş bir qəpik) manat cərimə, ümumilikdə 1632 manat borc, 36.32 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılmasını xahiş etmişdir. İddiaçının nümayəndəsi ərizəsində cavabdeh, "xxxx" MMC ilə xx.xx.2023-cü il, xx.xx.2023-cü il tarixli müqaviləsinə əsasən, İmei kod **********03542 SAMSUNG GALAXY A53 markalı telefon, VİNİL MAT, İmei kod **********11560 İNİFİX ZERO 20 markalı telefon üçün 1632 (bir min altı yüz otuz iki) manat borc yarandığını, cavabdehin müqavilənin şərtlərini pozduğunu və nəticədə xx.xx.2023-cü il tarixli müqaviləsinə əsasən, alqı-satqı qiyməti 1410 (bir min dörd yüz on) manat (12 ay x 117.5 manat + 0 manat ilkin ödəniş) İmei kod **********03542 SAMSUNG GALAXY A53 markalı telefon, VİNİL MAT üçün ümumilikdə, 1551 (bir min beş yüz əlli bir) manat olmaqla ondan, 1410 (bir min dörd yüz on) manat ödənilməmiş hissə, müştəriyə güzəşt olunaraq 141 (bir yüz qırx bir) manat cərimə, xx.xx.2023-cü il, tarixli müqaviləsinə əsasən, alqı-satqı qiyməti 1135.92 (bir min yüz otuz beş manat doxsan iki qəpik) manat (12 ay x 94.66 manat + 0 manat ilkin ödəniş) İmei kod **********11560 İNİFİX ZERO 20 markalı telefon üçün ümumilikdə, 81 (səksən bir) manat olmaqla ondan, 73.29 (yetmiş üç manat iyirmi doqquz qəpik) manat ödənilməmiş hissə, müştəriyə güzəşt olunaraq 7.71 (yeddi manat yetmiş bir qəpik) manat cərimə miqdarında borc yarandığını, cavabdehin xx.xx.2023-cü il tarixli müqaviləsinə əsasən, xx.xx.2021-ci il tarixində İmei kod **********11560 İNFİNİX ZERO 20 markalı telefon və X2 3 il-dən imtina etdiyini və məhsul 1055.96 manat qiymətləndirilib borcundan silinərək geri qaytarıldığını, cavabdehin xx.xx.2023-cü il tarixli müqavilə üzrə cəmi ödədiyi məbləğ 6.67 manat, məhsul qaytarıldıqdan sonra qoyulan qiymət 1055.96 manat, digər müqavilə üzrə cəmi ödədiyi məbləğ 0 manat təşkil etdiyini qeyd etmişdir. Məhkəmə iddia ərizəsinə dair mülki işə Azərbaycan Respublikası Mülki Prosessual Məcəlləsinin 284-1-ci maddəsinə əsasən, kiçik iddialara dair işlər üzrə sadələşdirilmiş icraat qaydasında baxılmasını mümkün hesab etmişdir. Azərbaycan Respublikasının Mülki-Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının Mülki Prosessual Məcəlləsinin 284-5.2-ci maddəsinə əsasən cavabdehin iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri rəsmi qaydada aldığı gündən 10 (on) iş günü müddətində məhkəməyə göndərə biləcəyinin izah edilməsinə dair bildiriş cavabdehin qeydiyyatda olduğu ünvana göndərilsədə, cavabdeh iddiaya qarşı əsaslandırılmış etirazını məhkəməyə göndərməmişdir. Məhkəmə iş materiallarında olan sübutlara qiymət verərək belə nəticəyə gəlir ki, iddia ərizəsi təmin edilməlidir. İş materiallarına əlavə olunmuş "xxxx" MMC ilə Cavabdeh ilə (Müştəri) arasında bağlanmış xx.xx.2023-cü il tarixli, ********* saylı Müqavilənin 1.1-ci bəndinə əsasən, “ABC Telecom“ özünə məxsus olan əşyaları (bu andan etibarən "Mal") "Müştəri"yə müqavilədə qeyd edilən şərtlərlə verir, "Müştəri" isə "Mal"ı göstərilən şərtlərlə qəbul edir. Həmin Müqavilənin 2.1-ci bəndinə əsasən həmin əşya ona məxsus fərdi əlamətləri olan əşya – 3 il ultra qızıl zəmanətli, XL paketli, İmei kod **********11560, **********11578 olan İFİNİX Zero 20 model telefondur Tərəflər arasında bağlanmış, xx.xx.2023-cü il tarixli, ********* saylı Müqaviləyə Əlavədən (ödəniş cədvəlindən) görünür ki, alıcı ümumi dəyəri 1135.92 manat olan 3 il ultra qızıl zəmanətli, XL paketli, İmei kod **********11560, **********11578 olan İFİNİX Zero 20 model telefon üçün ilkin ödəniş etmədən, qalan məbləği 12 ay müddətinə ayda 94.66 manat ödəməyi öhdəsinə götürmüşdür. X1 2-ci bəndinə əsasən, "Ödəniş cədvəli" üzrə ödənişlərdə gecikmələr aşkarlanarsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəyir. İş materiallarına əlavə olunmuş xx.xx.2023-cü il tarixli əşyanın təhvil-təslim aktına əsasən Cavabdeh tərəfindən 3 il ultra qızıl zəmanətli, XL paketli, İmei kod **********11560, **********11578 olan İFİNİX Zero 20 model telefonu tam qüsursuz halda təhvil alınmışdır. İş materiallarına əlavə olunmuş "xxxx" MMC ilə Cavabdeh ilə (Müştəri) arasında bağlanmış xx.xx.2023-cü il tarixli, ********* saylı Müqavilənin 1.1-ci bəndinə əsasən, “ABC Telecom“ özünə məxsus olan əşyaları (bu andan etibarən "Mal") "Müştəri"yə müqavilədə qeyd edilən şərtlərlə verir, "Müştəri" isə "Mal"ı göstərilən şərtlərlə qəbul edir. Həmin Müqavilənin 2.1-ci bəndinə əsasən həmin əşya ona məxsus fərdi əlamətləri olan əşya – 3 il ultra qızıl zəmanətli, XL paketli, İmei kod **********03542, **********03544 olan Samsung galaxy A53 model telefondur. Tərəflər arasında bağlanmış, xx.xx.2023-cü il tarixli, ********* saylı Müqaviləyə Əlavədən (ödəniş cədvəlindən) görünür ki, alıcı qiyməti 1410.2 manat olan 3 il ultra qızıl zəmanətli, XL paketli, İmei kod **********03542, **********03544 olan Samsung galaxy A53 model telfon üçün ilkin ödəniş ödəmədən, həmin məbləği 12 ay müddətinə ayda 117.5 manat ödəməyi öhdəsinə götürmüşdür. X1 2-ci bəndinə əsasən, "Ödəniş cədvəli" üzrə ödənişlərdə gecikmələr aşkarlanarsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəyir. İş materiallarına əlavə olunmuş xx.xx.2023-cü il tarixli Maliyyə və ödəniş cədvəlinə əsasən, halhazırda cavabdehin cəmiyyətə olan borcu xx.xx.2023-cü il tarixli müqaviləsinə əsasən, 1410 (bir min dörd yüz on) manat ödənilməmiş hissə, 141 (bir yüz qırx bir) manat cərimə, xx.xx.2023-cü il, tarixli müqaviləsinə əsasən, 73.29 (yetmiş üç manat iyirmi doqquz qəpik) manat ödənilməmiş hissə, 7.71 (yeddi manat yetmiş bir qəpik) manat cərimə, ümumilikdə 1632 (bir min altı yüz otuz iki) manat təşkil edir. İş materiallarında olan ********** nömrəli, xx.xx.2023-cü il tarixli Mədaxil Qəbzindən görünür ki, "xxxx" MMC tərəfindən məhkəmədə iddia qaldırılması ilə əlaqədar dövlət büdcəsinin AZ60AİİB******************** xəzinə hesabına 36.32 (otuz altı manat otuz iki qəpik) manat dövlət rüsumu ödənilmişdir. İş materiallarına əlavə edilmiş sənədlərdən görünür ki, verilmiş tələb Azərbaycan Respublikasının Mülki Prosessual Məcəlləsinin 284-1-ci maddəsinə uyğun olmaqla yanaşı, tələbi təsdiq edən sənədlər təqdim olunmuşdur və ərizənin əsaslandığı tələbetmə hüququ barədə mübahisə mövcud deyildir. Çünki qeyd olunan sənədlərdən də göründüyü kimi "xxxx" MMC ilə Cavabdeh arasında bağlanmış, xx.xx.2023-cü il tarixli, ********* saylı Müqaviləyə əsasən Müştəri "xxxx" MMC-dən alış qiyməti 1410 manat olan 3 il ultra qızıl zəmanətli, XL paketli, İmei kod **********03542, **********03544 olan Samsung galaxy A53 model telefon üçün ilkin ödəniş etmədən, həmin məbləği 12 ay müddətinə ayda 117.5 manat ödəməyi, xx.xx.2023-cü il tarixli, ********* saylı Müqaviləyə əsasən alıcı Cavabdeh "xxxx" MMC-dən ümumi qiyməti 1135.92 manat olan 3 il ultra qızıl zəmanətli, XL paketli, İmei kod **********11560, **********11578 olan İFİNİX Zero 20 8/256-Grey üçün ilkin ödəniş etmədən, qalan məbləği 12 ay müddətinə ayda 94.66 manat ödəməyi öhdəsinə götürmüşdür. Müştəri xx.xx.2023-cü il tarixli müqaviləsinə əsasən, xx.xx.2021-ci il tarixində İmei kod **********11560 İNFİNİX ZERO 20 markalı telefon imtina etmiş, məhsul 1055.96 manat qiymətləndirilmiş, həmçinin ödədiyi 6.67 manatda ödədiyi məbləğ cəmlənərək onun borcundan 1062.63 manat silinərək geri qaytarıldıqdan sonra onun həmin müqavilə üzrə “ABC”-yə 73.29 manat borcu qalmışdır. Eyni zamanda iş üzrə tərəflər arasında bağlanmış Müqavilələrə əlavələrin 2-ci bəndinə əsasən "Ödəniş cədvəli" üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəməlidir. Lakin Cavabdeh üzərinə götürdüyü öhdəliyi lazımı qaydada icra etməyərək hər iki müqavilə üzrə heç bir ödəniş etmişdir. Ona görə də məhkəmə hesab edir ki, "xxxx" MMC belə bir tələb irəli sürməkdə haqlı olmuş və Müştəri Cavabdeh onun risk dairəsinə daxil olan öhdəlikləri icra etmədiyi bütün hallar üçün cavabdeh olduğundan, öz öhdəliklərinin hər bir təqsirli pozuntusuna görə məsuliyyət daşıyaraq "xxxx" MMC-yə olan borcunu ona ödəməlidir. Azərbaycan Respublikasının Mülki Məcəlləsinin: - 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; - 600.4-cü maddəsinə əsasən, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; “ - 601.1-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun; - 601.2-ci maddəsinə əsasən, hissə-hissə ödəmə şərti ilə malın nisyə satılması haqqında müqaviləyə bu Məcəllənin 600.2-600.5-ci maddələrində nəzərdə tutulan qaydalar tətbiq edilir; - 425.1-ci maddəsinə əsasən, öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir; - 442-ci maddəsinə əsasən, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; - 445.2.1-ci maddəsinə əsasən, öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır; - 448.2-ci maddəsinə əsasən, borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Borclunu təqsirə görə, yəni qərəzə və ya kobud ehtiyatsızlığa görə məsuliyyətdən qabaqcadan azad etmək olmaz; - 462.1-ci maddəsinə əsasən, dəbbə pulu (cərimə, peniya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir; - 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər. Azərbaycan Respublikasının Mülki Prosessual Məcəlləsinin: - 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; - 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Beləliklə də, işin faktiki hallarından və mülki qanunvericiliyin tələblərindən görünür ki, “Müştəri” yazılı formada bağlanmış müqavilənin şərtlərinə əməl etməməklə "xxxx" MMC qarşısında müqavilə üzrə üzərinə götürdüyü öhdəlikləri lazımınca yerinə yetirmədiyindən "xxxx" MMC “Müştəri”yə qarşı borcu alınması ilə bağlı məhkəməyə müraciət etməkdə tam haqlı olmuşdur. Bu səbəbdən də məhkəmə mülki iş materiallarinda olan sübutlara qiymət verərək bu qənaətə gəlir ki, iddiaçının tələbi haqlıdır və buna görə də təmin edilməli, Cavabdeh xx.xx.2023-cü il, tarixli müqaviləsinə əsasən, 3 il ultra qızıl zəmanətli, XL paketli, İmei kod **********03542, **********03544 olan Samsung galaxy A53 model telefon üçün 1410 (bir min dörd yüz on) manat ödənilməmiş hissə, 141 (bir yüz qırx bir) manat cərimə, xx.xx.2023-cü il tarixli müqaviləsinə əsasən, borclu olduğu 73.29 (yetmiş üç manat iyirmi doqquz qəpik) manat ödənilməmiş hissə, 7.71 (yeddi manat yetmiş bir qəpik) manat cərimə olmaqla, ümumilikdə 1632 (bir min altı yüz otuz iki) manat məbləğində pul alınaraq "xxxx" Məhdud Məsuliyyətli Cəmiyyətinə ödənilməlidir. Azərbaycan Respublikasının Mülki-Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İddia tələbi üzrə iddiaçı tərəfindən ödənilmiş 36.32 (otuz altı manat otuz iki qəpik) manat dövlət rüsumunun əvəzidə də cavabdehdən alınaraq iddiaçının xeyrinə ödənilməlidir. Yuxarıda qeyd edilənləri və Azərbaycan Respublikasınin Mülki-Prosessual Məcəlləsinin 284-5, 284- 6, 216-220, 358.0.3 və 360-cı maddələrini rəhbər tutaraq məhkəmə qət etdi : İddia təmin edilsin. Cavabdeh xx.xx.2023-cü il, tarixli müqaviləsinə əsasən, 3 il ultra qızıl zəmanətli, XL paketli, İmei kod **********03542, **********03544 olan Samsung galaxy A53 model telefon üçün 1410 (bir min dörd yüz on) manat ödənilməmiş hissə, 141 (bir yüz qırx bir) manat cərimə, xx.xx.2023-cü il tarixli müqaviləsinə əsasən, borclu olduğu 73.29 (yetmiş üç manat iyirmi doqquz qəpik) manat ödənilməmiş hissə, 7.71 (yeddi manat yetmiş bir qəpik) manat cərimə, cəmi 1632 (bir min altı yüz otuz iki) manat borc və 36.32 (otuz altı manat otuz iki qəpik) manat ödənilmiş dövlət rüsumunun əvəzi olmaqla, ümumilikdə 1668.32 (bir min altı yüz altmış səkkiz manat otuz iki qəpik) manat məbləğində pul alınaraq "xxxx" Məhdud Məsuliyyətli Cəmiyyətə ödənilsin . Qətnamədən, o, rəsmi qaydada verildiyi gündən 1 (bir) ay müddətində Şərur Rayon Məhkəməsi vasitəsi ilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti vermək olar. Hakim: Seymur Qarayev