Naxçıvan MR Şərur Rayon Məhkəməsi Qətnamə — İş №e-2(110)-164/2024

Azərbaycan Respublikası adından QƏTNAMƏ Şərur şəhəri İş № e-2(110)-164/2024 23.01.2024 NAXÇIVAN MR ŞƏRUR RAYON MƏHKƏMƏSİ Şərur Rayon Məhkəməsinin hakimi Qarayev Seymur Əlfəddin oğlu, İddiaçı "xxxx" MMC-nin Cavabdeh qarşı “borc tələbi” barədə iddia ərizəsinə Şərur Rayon Məhkəməsinin inzibati binasında kiçik iddialara dair işlər üzrə sadələşdirilmiş icraat qaydasında baxaraq, müəyyən etdi: İddiaçı "xxxx" Məhdud Məsuliyyətli Cəmiyyətinin nümayəndəsi iddia ərizəsi ilə məhkəməyə müraciət edərək xx.xx.2022-сi il tarixli müqaviləsinə əsasən, İmei kod **********27336 SAMSUNG GALAXY A53 markalı telefon, 2 ədəd VİNİL Şəffaf üçün 579.88 (beş yüz yetmiş doqquz manat səksən səkkiz qəpik) manat ödənilməmiş hissə, 57.12 (əlli yeddi manat on iki qəpik) manat cərimə, xx.xx.2022-ci il tarixli müqaviləsinə əsasən, İmei kod **********83215 SAMSUNG GALAXY A33 markalı telefon, X5, Vinil Şəffaf, Samsung Charger üçün 71 (yetmiş bir) manat ödənilməmiş hissə, 7 (yeddi) manat cərimə, ümumilikdə 715 manat borc, 30 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənməsi barədə qətnamə çıxarılmasını xahiş etmişdir. İddiaçının nümayəndəsi ərizəsində cavabdehin ”ABC Telecom” MMC ilə xx.xx.2022-сi il və xx.xx.2022-ci il tarixli müqavilələrinə əsasən İmei kod **********27336 SAMSUNG GALAXY A53 markalı telefon, 2 ədəd VİNİL Şəffaf, İmei kod **********83215 SAMSUNG GALAXY A33 markalı telefon, X5, Vinil Şəffaf, Samsung Charger almış nəticədə 715 (yeddi yüz on beş) manat borc yarandığını, cavabdehin müqavilənin şərtlərini pozduğunu və nəticədə xx.xx.2022-сi il tarixli müqaviləsinə əsasən, alqı-satqı qiyməti 1419.88 (bir min dörd yüz on doqquz manat səksən səkkiz qəpik) manat (yəni 12 ay x 109.99 manat + 100 manat ilkin ödəniş) olan İmei kod **********27336 SAMSUNG GALAXY A53 markalı telefon, 2 ədəd VİNİL Şəffaf üçün ümumilikdə 637 (altı yüz otuz yeddi) manat olmaqla ondan, 579.88 (beş yüz yetmiş doqquz manat səksən səkkiz qəpik) manat ödənilməmiş hissə, güzəşt olunaraq 57.12 (əlli yeddi manat on iki qəpik) manat cərimə; xx.xx.2022-ci il tarixli müqaviləsinə əsasən, alqı-satqı qiyməti 1194.96 (bir min yüz doxsan dörd manat doxsan altı qəpik) manat (yəni 12 ay x 99.58 manat + 0 manat ilkin ödəniş) olan İmei kod **********83215 SAMSUNG GALAXY A33 markalı telefon, X5, Vinil Şəffaf, Samsung Charger üçün ümumilikdə 78 (yetmiş səkkiz) manat olmaqla ondan, 71 (yetmiş bir) manat ödənilməmiş hissə, güzəşt olunaraq 7 (yeddi) manat cərimə miqdarında boc yarandığını, cavabdehin xx.xx.2022-ci il tarixli müqaviləsinə əsasən, xx.xx.2022-ci il tarixində İmei kod **********83215 SAMSUNG GALAXY A33 markalı telefon və X4 3 il-dən imtina etdiyini, məhsulun 1055.96 manat qiymətləndirilib borcundan silinərək geri qaytarıldığını, cavabdehin xx.xx.2022-ci il tarixli müqavilə üzrə cəmi ödədiyi məbləğ 68 manat, məhsul qaytarıldıqdan sonra qoyulan qiymət 1055.96 manat, digər müqavilə üzrə cəmi ödədiyi məbləğ 840 manat təşkil etdiyini bildirmişdir. Məhkəmə iddia ərizəsinə dair mülki işə Azərbaycan Respublikası Mülki Prosessual Məcəlləsinin 284-1-ci maddəsinə əsasən, kiçik iddialara dair işlər üzrə sadələşdirilmiş icraat qaydasında baxılmasını mümkün hesab etmişdir. Azərbaycan Respublikasının Mülki-Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti beş min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. Azərbaycan Respublikasının Mülki Prosessual Məcəlləsinin 284-5.2-ci maddəsinə əsasən cavabdehin iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri rəsmi qaydada aldığı gündən 10 (on) iş günü müddətində məhkəməyə göndərə biləcəyinin izah edilməsinə dair bildiriş Cavabdeh yaşadığı ünvana göndərilsədə, cavabdeh iddiaya qarşı əsaslandırılmış etirazını məhkəməyə göndərməmişdir. Məhkəmə iş materiallarında olan sübutlara qiymət verərək belə nəticəyə gəlir ki, iddia təmin edilməlidir. İş materiallarına əlavə olunmuş "xxxx" MMC ilə Cavabdeh (Müştəri) arasında bağlanmış xx.xx.2022-сi il tarixli, 03853197 saylı Müqavilənin 1.1-ci bəndinə əsasən, "xxxx" özünə məxsus olan əşyaları (bu andan etibarən "Mal") "Müştəri"yə müqavilədə qeyd edilən şərtlərlə verir, "Müştəri" isə "Mal"ı göstərilən şərtlərlə qəbul edir. Həmin Müqavilənin 2.1-ci bəndinə əsasən həmin əşya ona məxsus fərdi əlamətləri olan əşya – 3 il ultra qızıl zəmanətli, XL paketli, İmei kod **********27336, **********27334 olan Samsung Galaxy A53 model mobil telefondur. Tərəflər arasında bağlanmış, xx.xx.2022-сi il tarixli, 03853197 saylı Müqaviləyə Əlavədən (ödəniş cədvəlindən) görünür ki, alıcı qiyməti 1419.88 manat olan 3 il ultra qızıl zəmanətli, XL paketli, İmei kod **********27336, **********27334 olan Samsung Galaxy A53 model mobil üçün 100 manat ilkin ödəniş ödəyərək, qalan məbləği 12 ay müddətinə ayda 109.99 manat ödəməyi öhdəsinə götürmüşdür. X2 2-ci bəndinə əsasən, "Ödəniş cədvəli" üzrə ödənişlərdə gecikmələr aşkarlanarsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəyir. İş materiallarına əlavə olunmuş xx.xx.2022-сi il tarixli əşyanın təhvil-təslim aktına əsasən Həsənova X1 **********27336, **********27334 olan Samsung Galaxy A53 model mobil telefonu tam qüsursuz halda təhvil almışdır. İş materiallarına əlavə olunmuş "xxxx" MMC ilə Cavabdeh (Müştəri) arasında bağlanmış xx.xx.2022-ci il tarixli, 03853193 saylı Müqavilənin 1.1-ci bəndinə əsasən, “ABC Telecom“ özünə məxsus olan əşyaları (bu andan etibarən "Mal") "Müştəri"yə müqavilədə qeyd edilən şərtlərlə verir, "Müştəri" isə "Mal"ı göstərilən şərtlərlə qəbul edir. Həmin Müqavilənin 2.1-ci bəndinə əsasən həmin əşya ona məxsus fərdi əlamətləri olan əşya – 3 il ultra qızıl zəmanətli, XL paketli, İmei kod **********83215, **********83218 olan Samsung Galax A33 model mobil telefondur. Tərəflər arasında bağlanmış, xx.xx.2022-ci il tarixli, 03853193 3 il ultra qızıl zəmanətli, XL paketli, İmei kod **********83215, **********83218 olan Samsung Galax A33 model mobil telefon üçün ilkin ödəniş etməyərək, həmin məbləği 12 ay müddətinə ayda 99.58 manat ödəməyi öhdəsinə götürmüşdür. X2 2-ci bəndinə əsasən, "Ödəniş cədvəli" üzrə ödənişlərdə gecikmələr aşkarlanarsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəyir. İş materiallarına əlavə olunmuş xx.xx.2022-ci il tarixli əşyanın təhvil-təslim aktına əsasən Həsənova X1 **********83215, **********83218 olan Samsung Galax A33 model mobil telefonu tam qüsursuz halda təhvil almışdır. İş materiallarına əlavə olunmuş xx.xx.2023-cü il tarixli Maliyyə və ödəniş cədvəlinə əsasən, halhazırda cavabdehin cəmiyyətə olan borcu xx.xx.2022-сi il tarixli müqaviləsinə əsasən 579.88 (beş yüz yetmiş doqquz manat səksən səkkiz qəpik) manat ödənilməmiş hissə, 57.12 (əlli yeddi manat on iki qəpik) manat cərimə, xx.xx.2022-ci il tarixli müqaviləsinə əsasən, 71 (yetmiş bir) manat ödənilməmiş hissə, 7 (yeddi) manat cərimə, ümumilikdə 715 (yeddi yüz on beş) manat təşkil edir. İş materiallarında olan ********** nömrəli, xx.xx.2023-cü il tarixli Mədaxil Qəbzindən görünür ki, "xxxx" MMC tərəfindən məhkəmədə iddia qaldırılması ilə əlaqədar dövlət büdcəsinin AZ60AİİB******************** xəzinə hesabına 30 (otuz) manat dövlət rüsumu ödənilmişdir. İş materiallarına əlavə edilmiş sənədlərdən görünür ki, verilmiş tələb Azərbaycan Respublikasının Mülki Prosessual Məcəlləsinin 284-1-ci maddəsinə uyğun olmaqla yanaşı, tələbi təsdiq edən sənədlər təqdim olunmuşdur və ərizənin əsaslandığı tələbetmə hüququ barədə mübahisə mövcud deyildir. Çünki qeyd olunan sənədlərdən də göründüyü kimi "xxxx" MMC ilə Cavabdeh arasında bağlanmış xx.xx.2022-сi il tarixli, 03853197 saylı Müqaviləyə əsasən Alıcı alış qiyməti 1419.88 manat olan 3 il ultra qızıl zəmanətli, XL paketli, İmei kod **********27336, **********27334 olan Samsung Galaxy A53 model telefon üçün 100 manat ilkin ödəniş ödəyərək, qalan məbləği 12 ay müddətinə ayda 109.99 manat, xx.xx.2022-ci il tarixli, 03853193 saylı Müqaviləyə əsasən isə alış qiyməti 1194.96 manat olan 3 il ultra qızıl zəmanətli, XL paketli, İmei kod **********83215, **********83218 olan Samsung Galax A33 model telefon üçün ilkin ödəniş etməyərək, həmin məbləği 12 ay müddətinə ayda 99.58 manat ödəməyi öhdəsinə götürmüşdür. Müştəri xx.xx.2022-ci il tarixli, 03853193 saylı Müqaviləyə əsasən, xx.xx.2022-ci il tarixində İmei kod **********83215, **********83218 olan Samsung Galax A33 model telefondan imtina etmiş, məhsul 1055.96 manat qiymətləndirilmiş, həmçinin müqavilə üzrə ödədiyi 68 manatda məhsulun ümumi qiyməti ilə cəmlənərək onun borcundan 1123.96 manat silinərək geri qaytarıldıqdan sonra onun həmin müqavilə üzrə “ABC”-yə 71 manat borcu qalmışdır. Eyni zamanda iş üzrə tərəflər arasında bağlanmış Müqavilələrə əlavənin 2-ci bəndinə əsasən "Ödəniş cədvəli" üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində "Müştəri" mübahisəsiz olaraq peniya ödəməlidir. Ona görə də məhkəmə hesab edir ki, "xxxx" MMC belə bir tələb irəli sürməkdə haqlı olmuş və Cavabdeh öz öhdəliklərinin hər bir təqsirli pozuntusuna görə məsuliyyət daşıyaraq "xxxx" MMC-yə olan borcunu ona ödəməlidir. Azərbaycan Respublikasının Mülki Məcəlləsinin: - 600.1-ci maddəsinə əsasən, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; - 600.4-cü maddəsinə əsasən, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; “ - 601.1-ci maddəsinə əsasən, əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər. Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun; - 601.2-ci maddəsinə əsasən, hissə-hissə ödəmə şərti ilə malın nisyə satılması haqqında müqaviləyə bu Məcəllənin 600.2-600.5-ci maddələrində nəzərdə tutulan qaydalar tətbiq edilir; - 425.1-ci maddəsinə əsasən, öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir; - 445.2.1-ci maddəsinə əsasən, öhdəliyin onun icrası üçün müəyyənləşdirilmiş müddətdə icra edilməməsi borclunun icranı gecikdirməsi sayılır; - 448.2-ci maddəsinə əsasən, borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Borclunu təqsirə görə, yəni qərəzə və ya kobud ehtiyatsızlığa görə məsuliyyətdən qabaqcadan azad etmək olmaz; - 462.1-ci maddəsinə əsasən, dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir; - 465.2-ci maddəsinə görə, əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödəniməsini və öhdəliyin icrasını tələb edə bilər. Azərbaycan Respublikasının Mülki Prosessual Məcəlləsinin: - 284-5.3-cü maddəsinə əsasən, ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır; - 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. Beləliklə də, işin faktiki hallarından və mülki qanunvericiliyin tələblərindən görünür ki, “Müştəri” yazılı formada bağlanmış müqavilənin şərtlərinə əməl etməməklə "xxxx" MMC qarşısında müqavilə üzrə üzərinə götürdüyü öhdəlikləri lazımınca yerinə yetirmədiyindən "xxxx" MMC “Müştəri”yə qarşı borcu alınması ilə bağlı məhkəməyə müraciət etməkdə tam haqlı olmuşdur. Bu səbəbdən də mülki iş materiallarinda olan sübutlara qiymət verərək məhkəmə bu qənaətə gəlir ki, iddiaçının tələbi haqlıdır və buna görə də təmin edilməli, Cavabdeh xx.xx.2022-сi il tarixli 03853197 saylı Müqaviləyə əsasən İmei kodu **********27336, **********27334 olan Samsung Galaxy A53 model telefon üçün 579.88 (beş yüz yetmiş doqquz manat səksən səkkiz qəpik) manat ödənilməmiş hissə, 57.12 (əlli yeddi manat on iki qəpik) manat cərimə, xx.xx.2022-ci il tarixli 03853193 saylı Müqaviləyə əsasən, borclu olduğu 71 (yetmiş bir) manat ödənilməmiş hissə, 7 (yeddi) manat cərimə olmaqla, ümumilikdə 715 (yeddi yüz on beş) manat məbləğində alınaraq "xxxx" Məhdud Məsuliyyətli Cəmiyyətinə ödənilməlidir. Azərbaycan Respublikasının Mülki-Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İddia təmin olunduğu üçün iddiaçı tərəfindən ödənilmiş 30 (otuz) manat dövlət rüsumunun əvəzidə də cavabdehdən alınaraq iddiaçıya ödənilməlidir. Yuxarıda qeyd edilənləri və Azərbaycan Respublikasınin Mülki-Prosessual Məcəlləsinin 284-5, 284-6, 216-220, 358.0.3 və 360-cı maddələrini rəhbər tutaraq məhkəmə qət etdi: İddia təmin edilsin. Cavabdeh xx.xx.2022-сi il tarixli 03853197 saylı Müqaviləyə əsasən İmei kodu **********27336, **********27334 olan Samsung Galaxy A53 model telefon üçün 579.88 (beş yüz yetmiş doqquz manat səksən səkkiz qəpik) manat ödənilməmiş hissə, 57.12 (əlli yeddi manat on iki qəpik) manat cərimə, xx.xx.2022-ci il tarixli 03853193 saylı Müqaviləyə əsasən, borclu olduğu 71 (yetmiş bir) manat ödənilməmiş hissə, 7 (yeddi) manat cərimə olmaqla, cəmi 715 (yeddi yüz on beş) manat borc və 30 (otuz) manat dövlət rüsumunun əvəzi olmaqla, ümumilikdə 745 (yeddi yüz qırx beş) manat məbləğində pul alınaraq "xxxx" Məhdud Məsuliyyətli Cəmiyyətinə ödənilsin. Qətnamədən, o, rəsmi qaydada verildiyi gündən 1 (bir) ay müddətində Şərur Rayon Məhkəməsi vasitəsi ilə Naxçıvan Muxtar Respublikası Ali Məhkəməsinin mülki kollegiyasına apellyasiya şikayəti vermək olar. Hakim: Seymur Qarayev