Gəncə Şəhər Məhkəməsi Qətnamə — İş №e-2(125)-1167/2023

Azərbaycan Respublikası adından QƏTNAMƏ Gəncə şəhəri İş № e-2(125)-1167/2023 20.02.2023 GƏNCƏ ŞƏHƏR MƏHKƏMƏSİ Gəncə Şəhər Məhkəməsinin hakimi Quliyev Camal Yusifəli oğlu, İddiaçı Cavabdeh qarşı 14 mart 2021-ci il tarixli, 22377507 nömrəli müqavilə üzrə ödənilməmiş əsas borcun əvəzi qismində 414 manat, cərimə qismində 129 manat, 23 avqust 2021-ci il tarixli, 24037275 nömrəli müqavilə üzrə ödənilməmiş əsas borcun əvəzi qismində 2.286 manat, cərimə qismində 652 manat, 06 dekabr 2021-ci il tarixli, ******* nömrəli müqavilə üzrə ödənilməmiş əsas borcun əvəzi qismində 2.099 manat, cərimə qismində 600 manat, cəmi 6.180 manat və ödənilmiş dövlət rüsumunun əvəzi qismində 81 manat 80 qəpik məbləğində pul vəsaitinin cavabdehdən iddiaçının xeyrinə tutulması barədə iddia ərizəsinə dair mülki işə sadələşdirilmiş icraat qaydasında baxaraq, MÜƏYYƏN ETDİ: 12 yanvar 2023-cü il tarixdə İddiaçı Cavabdeh qarşı 14 mart 2021-ci il tarixli, 22377507 nömrəli müqavilə üzrə ödənilməmiş əsas borcun əvəzi qismində 414 manat, cərimə qismində 129 manat, 23 avqust 2021-ci il tarixli, 24037275 nömrəli müqavilə üzrə ödənilməmiş əsas borcun əvəzi qismində 2.286 manat, cərimə qismində 652 manat, 06 dekabr 2021-ci il tarixli, ******* nömrəli müqavilə üzrə ödənilməmiş əsas borcun əvəzi qismində 2.099 manat, cərimə qismində 600 manat, cəmi 6.180 manat və ödənilmiş dövlət rüsumunun əvəzi qismində 81 manat 80 qəpik məbləğində pul vəsaitinin cavabdehdən iddiaçının xeyrinə tutulması barədə kiçik iddialara dair işlər üzrə sadələşdirilmiş icraat qaydasında iddia ərizəsi ilə məhkəməyə müraciət etmişdir. Tərəflərin ünvanına göndərilmiş 17 yanvar 2023-cü il tarixli bildirişlə, iddiaçının tələbinə dair əsaslandırılmış etirazları olduğu halda 10 iş gün müddətində öz dəlillərini və onları təsdiq edən sənədləri təqdim etmək hüquqlarının mövcudluğu cavabdehə izah edilmiş, lakin iddia tələbinə cavabdeh tərəfindən verilmiş etiraz məhkəməyə daxil olmamış və ərizənin əsaslandığı tələbetmə hüququ mübahisələndirilməmişdir. Azərbaycan Respublikası MPM-nin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, «Elektron imza və elektron sənəd haqqında» Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Həmin Məcəllənin 285-5.3-cü maddəsinə görə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iddia ərizəsini və işin faktiki hallarını araşdıraraq, işdə olan sənədləri tədqiq edərək və sübutları qiymətləndirərək hesab edir ki, tərəflərin təqdim etdiyi sənədlər iş üzrə yekun qərarın çıxarılması üçün kifayət edir və iş üzrə əlavə araşdırmanın, o cümlədən tərəfləri çağıraraq izahatlarının alınması, yaxud şahidlərdən ifadələrin və ya ekspertlərdən rəyin alınması zərurəti yoxdur, aşağıda göstərilənlərə əsasən iddia qismən təmin edilməlidir. Belə ki, işdə olan 14 mart 2021-ci il tarixli, 22377507 nömrəli müqavilənin və həmin müqavilənin əlavəsinin surətindən və bildirişdən görünür ki, Cavabdeh «ABC Telecom» məhdud məsuliyyətli cəmiyyəti ilə bağladığı həmin müqaviləyə əsasən ilkin 192 manat ödəniş etmək, digər məbləği isə 12 ay ərzində hissə-hissə ödəmək şərtilə «HP» markalı kompüteri 1.916 manat 40 qəpik məbləğinə «ABC Telecom» məhdud məsuliyyətli cəmiyyətindən almışdır. Həmin əşya 14 mart 2021-ci il tarixdə Cavabdeh təhvil verilmişdir. İş materiallarında olan 23 avqust 2021-ci il tarixli, 24037275 nömrəli müqavilənin və həmin müqavilənin əlavəsinin surətindən və bildirişdən görünür ki, Cavabdeh «ABC Telecom» məhdud məsuliyyətli cəmiyyəti ilə bağladığı həmin müqaviləyə əsasən ilkin 537 manat ödəniş etmək, digər məbləği isə 12 ay ərzində hissə-hissə ödəmək şərtilə İMEİ kodu **********92865 olan «Nokia 8000» markalı telefonu, «Apple Airpods 2» markalı qulaqcığı, «Apple» markalı adapteri, «Huawei» markalı saatı, İMEİ kodu **********1468 olan «İphone 12 Pro» markalı mobil telefonu 486 manat məbləğinə «ABC Telecom» məhdud məsuliyyətli cəmiyyətindən almışdır. Həmin əşyalar 23 avqust 2021-ci il tarixdə Cavabdeh təhvil verilmişdir. İşdə olan 06 dekabr 2021-ci il tarixli, ******* nömrəli müqavilənin və həmin müqavilənin əlavəsinin surətindən və bildirişdən görünür ki, Cavabdeh «ABC Telecom» məhdud məsuliyyətli cəmiyyəti ilə bağladığı həmin müqaviləyə əsasən ilkin 149 manat 06 qəpik ödəniş etmək, digər məbləği isə 12 ay ərzində hissə-hissə ödəmək şərtilə İMEİ kodu **********31554 olan «X1 20 Ultra» markalı mobil telefonu 2.549 manat 06 qəpik məbləğinə «ABC Telecom» məhdud məsuliyyətli cəmiyyətindən almışdır. Həmin əşya 06 dekabr 2021-ci il tarixdə Cavabdeh təhvil verilmişdir. Mülki işdə olan Cavabdeh «ABC Telecom» məhdud məsuliyyətli cəmiyyətinə borcu barədə maliyyə arayışının surətindən görünür ki, Cavabdehnın hal-hazırda iddiaçıya olan borcu 14 mart 2021-ci il tarixli, 22377507 nömrəli müqavilə üzrə ödənilməmiş əsas borc qismində 414 manat, cərimə qismində 129 manat, 23 avqust 2021-ci il tarixli, 24037275 nömrəli müqavilə üzrə 2.286 manat, cərimə qismində 652 manat, 06 dekabr 2021-ci il tarixli, ******* nömrəli müqavilə üzrə 2.099 manat, cərimə qismində 600 manat, cəmi 6.180 manat təşkil edir. Azərbaycan Respublikası Mülki Məcəlləsinin 601.2-ci maddəsinə uyğun olaraq, hissə-hissə ödəmə şərti ilə malın nisyə satılması haqqında müqaviləyə həmin Məcəllənin 600.2-600.5-ci maddələrində nəzərdə tutulan qaydalar tətbiq edilir. Həmin Məcəllənin 600.4-cü maddəsinə əsasən əşyanı təhvil almış alıcı onu alqısatqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Azərbaycan Respublikası Mülki Məcəlləsinin 398.1-ci maddəsinə görə müqavilənin icrası tərəflərin razılaşması ilə müəyyənləşdirilmiş qiymət üzrə ödənilməlidir. Bundan başqa, Azərbaycan Respublikası Mülki Məcəlləsinin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən məhkəmə işin hallarını nəzərə alaraq, tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Məhkəmə işin hallarını, o cümlədən kreditorun həm əmlak mənafeləri, həm də bütün əsaslı mənafelərini, habelə kredit müqaviləsi üzrə faiz dərəcəsini nəzərə alaraq, 14 mart 2021-ci il tarixli, 22377507 nömrəli müqavilə üzrə 129 manat təşkil edən cərimə məbləğinin 15 manat məbləğinə qədər, 23 avqust 2021-ci il tarixli, 24037275 nömrəli müqavilə üzrə 652 manat təşkil edən cərimə məbləğinin 100 manat məbləğinə qədər, 06 dekabr 2021-ci il tarixli, ******* nömrəli müqavilə üzrə 600 manat təşkil edən cərimə mələğinin 50 manat məbləğinə qədər azaldılmasını məqsədəmüvafiq hesab edir. Azərbaycan Respublikası MPM-nin 218.3-cü maddəsinə görə hakim işdə iştirak edən şəxslərin verdikləri tələblər üzrə qətnamə çıxarmalıdır. Məhkəmə qeyd olunanları nəzərə alaraq, hesab edir ki, 14 mart 2021-ci il tarixli, 22377507 nömrəli müqavilə üzrə ödənilməmiş əsas borcun əvəzi qismində 414 manat, cərimə qismində 15 manat, 23 avqust 2021-ci il tarixli, 24037275 nömrəli müqavilə üzrə ödənilməmiş əsas borcun əvəzi qismində 2.286 manat, cərimə qismində 100 manat, 06 dekabr 2021-ci il tarixli, ******* nömrəli müqavilə üzrə 2.099 manat, cərimə qismində 50 manat, cəmi 4.964 manat məbləğində pul vəsaiti cavabdehdən iddiaçının xeyrinə tutulmalıdır. Bundan başqa, Azərbaycan Respublikası MPM-nin 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Azərbaycan Respublikası MPM-nin 119-cu maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Buna görə də məhkəmə hesab edir ki, iddia təmin edildiyinə görə dövlət rüsumunun ödənilməsinə sərf edilmiş vəsaitin əvəzi qismində 81 manat 80 qəpik məbləğində pul vəsaiti cavabdehdən iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikası MPM-nin 216-220, 227, 284-5, 284-6, 358-360 və 362-ci maddələrini rəhbər tutaraq, məhkəmə QƏT ETDİ: İddiaçı iddiası qismən təmin edilsin. Cavabdeh İddiaçı xeyrinə 14 mart 2021-ci il tarixli, 22377507 nömrəli müqavilə üzrə ödənilməmiş əsas borcun əvəzi qismində 414 (dörd yüz on dörd) manat, cərimə qismində 15 (on beş) manat, 23 avqust 2021-ci il tarixli, 24037275 nömrəli müqavilə üzrə ödənilməmiş əsas borcun əvəzi qismində 2.286 (iki min iki yüz səksən altı) manat, cərimə qismində 100 (bir yüz) manat, 06 dekabr 2021-ci il tarixli, ******* nömrəli müqavilə üzrə ödənilməmiş əsas borcun əvəzi qismində 2.099 (iki min doxsan doqquz) manat, cərimə qismində 50 (əlli) manat və ödənilmiş dövlət rüsumunun əvəzi qismində 81 (səksən bir) manat 80 (səksən) qəpik, cəmi 5.045 (beş min qırx beş) manat 80 (səksən) qəpik məbləğində pul vəsaiti tutulsun. İddiaçı iddiası qalan hissədə təmin edilməsin. Qətnamədən onun surətini tərəflər rəsmi qaydada aldıqları gündən bir ay müddətində Gəncə Şəhər Məhkəməsi vasitəsilə Gəncə Apellyasiya Məhkəməsinin Mülki kollegiyasina apellyasiya şikayəti verilə bilər. Qətnamədən apellyasiya qaydasında şikayət verilmədikdə qətnamə həmin müddət başa çatdığı vaxtdan sonrakı gün qanuni qüvvəyə minir. Hakim: Camal Quliyev