Gəncə Şəhər Məhkəməsi Qətnamə — İş №e-2(125)-1245/2023

Azərbaycan Respublikası adından QƏTNAMƏ Gəncə şəhəri İş № e-2(125)-1245/2023 08.02.2023 GƏNCƏ ŞƏHƏR MƏHKƏMƏSİ Gəncə Şəhər Məhkəməsinin hakimi X1, İddiaçı "xxxx" Məhdud Məsuliyyətli Cəmiyyətinin (bundan sonra MMC) Cavabdeh qarşı “pul” tələbinə dair kiçik iddia üzrə sadələşmiş icraat qaydasında ərizəsi üzrə mülki işə məhkəmənin inzibati binasında, məhkəmə iclasından kənar baxaraq, müəyyən etdim: İddiaçı "xxxx" MMC Cavabdeh qarşı «pul» tələbinə dair məhkəmədə iddia qaldıraraq, xx.xx.2019-cu il tarixli müqaviləsinə əsasən, «Samsung» LED TV üçün 135 (bir yüz otuz beş) manat ödənilməmiş hissə, 13 (on üç) manat cərimə; xx.xx.2019-cu il tarixli müqaviləsinə əsasən, «X2», «Milan Termo» üçün 715 (yeddi yüz on beş) manat ödənilməmiş hissə, 71 (yetmiş bir) manat cərimə; xx.xx.2019-cu il tarixli müqaviləsinə əsasən İmei kodu **********39750 olan «Samsung Galaxy A10» markalı telefon üçün 100 (bir yüz) manat ödənilməmiş hissə, 10 (on) manat cərimə pulu olmaqla, ümumilikdə 1044 (bir min qırx dörd) manat borc və 30,44 (otuz manat qırx dörd qəpik) manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, cavabdeh, "xxxx" MMC ilə xx.xx.2019-cu il, xx.xx.2019-cu il və xx.xx.2019-cu il tarixli müqavilələrinə əsasən, «Samsung» LED TV, «X2», «Milan Termo», İmei kodu **********39750 olan «Samsung Galaxy A10» markalı telefon almış və nəticədə ümumilikdə 1044 (bir min qırx dörd) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2019-cu il tarixli müqaviləsinə əsasən, alqı-satqı qiyməti 1244 (bir min iki yüz qırx dörd) manat (18 ay x 68 manat + 20 manat ilkin ödəniş) olan «Samsung» LED TV üçün ümumilikdə, 148 (bir yüz qırx səkkiz) manat olmaqla ondan, 135 (bir yüz otuz beş) manat ödənilməmiş hissə, 13 (on üç) manat cərimə; xx.xx.2019-cu il tarixli müqaviləsinə əsasən, alqı-satqı qiyməti 2086 (iki min səksən altı) manat (24 ay x 86 manat + 22 manat ilkin ödəniş) olan «X2», «Milan Termo» üçün ümumilikdə 786 (yeddi yüz səksən altı) manat olmaqla ondan, 715 (yeddi yüz on beş) manat ödənilməmiş hissə, müştəriyə güzəşt olunaraq 71 (yetmiş bir) manat cərimə; xx.xx.2019-cu il tarixli müqaviləsinə əsasən, alqı-satqı qiyməti 363 (üç yüz altmış üç) manat (12 ay x 30 manat + 3 manat ilkin ödəniş) olan İmei kodu **********39750 olan «Samsung Galaxy A10» markalı telefon üçün ümumilikdə 110 (bir yüz on) manat olmaqla ondan, 100 (bir yüz) manat ödənilməmiş hissə, 10 (on) manat cərimə miqdarında borcu yaranmışdır. Cavabdehin xx.xx.2019-cu il, xx.xx.2019-cu il və xx.xx.2019-cu il tarixli müqavilələrinə son ödəniş tarixləri uyğun olaraq xx.xx.2021-ci il, xx.xx.2021-ci il və xx.xx.2021-ci ildir. Cavabdehin cəmi ödədiyi məbləğ 2743 manat təşkil edir. Cavabdehlə aralarında bağlanılmış xx.xx.2019-cu il, xx.xx.2019-cu il və xx.xx.2019-cu il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri xx.xx.2022-ci il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qayda da, bildirsələrdə, qarşı tərəf müqavilə ilə təsbit olunmuş öhdəlikləri icra etməmişdir. Ödəniş cədvəlinin 2-ci bəndə əsasən ödəniş cədvəli üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1 faizi həcmində mübahisəsiz olaraq penya ödəyir. Odur ki, iddianın təmin olunmasını məhkəmədən xahiş edir. Azərbaycan Respublikası Mülki Prosessual Məcəlləsinin 284-5-ci maddəsinə uyğun olaraq cavabdehə bildiriş göndərilməklə ona iddia tələbinə dair əsaslandırılmış etirazını, dəlillərini və sübutlarını təqdim etmək təklif olunsa da cavabdehdən iddiaya dair etiraz daxil olmamışdır. Məhkəmə iş üzrə sənədləri araşdıraraq hesab edir ki, iddia əsaslı olduğundan təmin edilməlidir. Belə ki, iş materiallarına əlavə edilmiş: "xxxx" MMC ilə alıcı Cavabdeh arasında bağlanmış xx.xx.2019-cu il, xx.xx.2019-cu il və xx.xx.2019-cu il tarixli müqavilələrdən görünür ki, "xxxx" MMC alıcıya dəyəri 1244 (bir min iki yüz qırx dörd) manat olan «Samsung» LED TV, dəyəri 2086 (iki min səksən altı) manat olan «X2», «Milan Termo», dəyəri 363 (üç yüz altmış üç) manat İmei kodu **********39750 olan «Samsung Galaxy A10» markalı telefonun dəyərini hissə-hissə ödəmə şərti ilə satmışdır. Alıcı aldığı malın dəyərini müqavilədə göstərilən ödəmə tarixində şərtsiz ödəyəcəyi və ödəmənin hər gecikdiyi gün üçün ümumi məbləğin 1 faizi miqdarında cərimə ödəməyi barədə üzərinə öhdəlik götürmüşdür. Cavabdeh həmin müqavilə üzrə sonrakı aylar «Samsung» LED TV üçün hər ay 68 manat, «X2», «Milan Termo» üçün hər ay 86 manat və İmei kodu **********39750 olan «Samsung Galaxy A10» markalı telefon üçün hər ay 30 manat ödəniş etmək öhdəliyini üzərinə götürmüşdür. 06 yanvar 2023-cü il tarixli "xxxx" MMC-nin maliyyə və ödəniş cədvəlindən görünür ki, Cavabdeh xx.xx.2019-cu il tarixli müqaviləyə əsasən "xxxx" MMC-dən «Samsung» LED TV üçün 18 ay müddətinə ödəmək şərti ilə dəyəri 1244 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 135 (bir yüz otuz beş) manat borcunu ödəmədiyindən, həmin məbləğə 13 (on üç) manat cərimə hesablanmış; xx.xx.2019-cu il tarixli müqaviləyə əsasən "xxxx" MMC-dən «X2», «Milan Termo» üçün 24 ay müddətinə ödəmək şərti ilə dəyəri 2086 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 715 (yeddi yüz on beş) manat borcunu ödəmədiyindən, həmin məbləğə 71 (yetmiş bir) manat cərimə hesablanmış; xx.xx.2019-cu il tarixli müqaviləyə əsasən "xxxx" MMC-dən İmei kodu **********39750 olan «Samsung Galaxy A10» markalı telefon üçün 12 ay müddətinə ödəmək şərti ilə dəyəri 363 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 100 (bir yüz) manat borcunu ödəmədiyindən, həmin məbləğə 10 (on) manat cərimə hesablanmışdır. İş materiallarına əlavə edilmiş xx.xx.2022-ci il tarixli xəbərdarlıqdan görünür ki, cavabdeh borcun ödənilməyəcəyi təqdirdə məhkəmədə ona qarşı iddia qaldırılacağı barədə xəbərdar edilmişdir. İddia tələbinin qanuni əsası kimi məhkəmə aşağıdakı maddi hüquq normalarına istinad etməyi əsaslı hesab edir. Belə ki, öhdəlik hüququndan bəhs edən Azərbaycan Respublikası Mülki Məcəlləsinin 385.1-ci maddəsində qeyd edilir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin: 567-ci maddəsində qeyd olunur ki, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 600.1-ci maddəsində göstərilir ki, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 600.2-ci maddəsinə görə, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. 600.4-cü maddəsində əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmə tədqiq olunmuş sübutlara tam, hərtərəfli, obyektiv və məcmu halında qiymət verərək hesab edir ki, iddia tələbi əsaslı olduğundan təmin edilməli, "xxxx" MMCnin xeyrinə Cavabdeh «Samsung» LED TV üçün 135 (bir yüz otuz beş) manat ödənilməmiş hissə, 13 (on üç) manat cərimə, «X2», «Milan Termo» üçün 715 (yeddi yüz on beş) manat ödənilməmiş hissə, 71 (yetmiş bir) manat cərimə, İmei kodu **********39750 olan «Samsung Galaxy A10» markalı telefon üçün 100 (bir yüz) manat ödənilməmiş hissə, 10 (on) manat cərimə borcu olmaqla, ümumilikdə 1044 (bir min qırx dörd) manat borc pul tutularaq iddiaçıya qaytarılmalıdır. Bununla yanaşı, MPM-in 107-ci və 119.1-ci maddələrinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Ona görə də, məhkəmə ödənilmiş 30,44 (otuz manat qırx dörd qəpik) manat dövlət rüsumunun da cavabdehdən tutulmasını əsaslı hesab edir. Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 119.1-ci maddəsinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir; 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq, məhkəmə qət etdi: İddia təmin edilsin. "xxxx" MMC-nin xeyrinə Cavabdeh «Samsung» LED TV üçün 135 (bir yüz otuz beş) manat ödənilməmiş hissə, 13 (on üç) manat cərimə, «X2», «Milan Termo» üçün 715 (yeddi yüz on beş) manat ödənilməmiş hissə, 71 (yetmiş bir) manat cərimə, İmei kodu **********39750 olan «Samsung Galaxy A10» markalı telefon üçün 100 (bir yüz) manat ödənilməmiş hissə, 10 (on) manat cərimə borcu olmaqla, ümumilikdə 1044 (bir min qırx dörd) manat borc və məhkəmə xərci qismində 30,44 (otuz manat qırx dörd qəpik) manat dövlət rüsumu tutulsun. Qətnamədən həmin qətnamə rəsmi qaydada verildiyi gündən bir ay müddətində Gəncə Şəhər Məhkəməsi vasitəsi ilə Azərbaycan Respublikası Gəncə Apellyasiya Məhkəməsinə apellyasiya şikayəti verilə bilər. Hakim: Zaman İmanov