Gəncə Şəhər Məhkəməsi Qətnamə — İş №e-2(125)-2499/2023

Azərbaycan Respublikası adından QƏTNAMƏ Gəncə şəhəri İş № e-2(125)-2499/2023 01.05.2023 GƏNCƏ ŞƏHƏR MƏHKƏMƏSİ Gəncə Şəhər Məhkəməsinin hakimi X1, İddiaçı "xxxx" Məhdud Məsuliyyətli Cəmiyyətinin (bundan sonra MMC) Cavabdeh qarşı “pul” tələbinə dair kiçik iddia üzrə sadələşmiş icraat qaydasında ərizəsi üzrə mülki işə məhkəmənin inzibati binasında, məhkəmə iclasından kənar baxaraq, müəyyən etdi: İddiaçı "xxxx" MMC Cavabdeh qarşı «pul» tələbinə dair kiçik iddia üzrə sadələşmiş icraat qaydasında ərizə ilə məhkəməyə müraciət edərək, xx.xx.2020-ci il tarixli müqaviləsinə əsasən İmei kodu **********17508 «Xiaomi Redmi 8A» markalı telefon, «Sonorous Surefix» asqı üçün 398 (üç yüz doxsan səkkiz) manat ödənilməmiş hissə, 39 (otuz doqquz) manat cərimə; xx.xx.2019-cu il tarixli müqaviləsinə əsasən, «X2 Headset» üçün 15 (on beş) manat ödənilməmiş hissə, 1 (bir) manat cərimə; xx.xx.2019-cu il tarixli müqaviləsinə əsasən İmei kodu **********25442 «Xiaomi Redmi 7» markalı telefon üçün 245 (iki yüz qırx beş) manat ödənilməmiş hissə, 24 (iyirmi dörd) manat cərimə pulu; xx.xx.2019-cu il tarixli müqaviləsinə əsasən İmei kodu **********27416 «Xiaomi Redmi 8» markalı telefon üçün 82,4 (səksən iki manat qırx qəpik) manat ödənilməmiş hissə, 8,6 (səkkiz manat altmış qəpik) manat cərimə olmaqla, ümumilikdə 813 (səkkiz yüz on üç) manat borc, 30 (otuz) manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, cavabdeh, "xxxx" MMC ilə xx.xx.2020-ci il, xx.xx.2019-cu il, xx.xx.2019-cu il və xx.xx.2019-cu il tarixli müqavilələrinə əsasən İmei kodu **********17508 «Xiaomi Redmi 8A» markalı telefon, «Sonorous Surefix» asqı, «X2 Headset» , İmei kodu **********25442 «Xiaomi Redmi 7» markalı telefon və İmei kodu **********27416 «Xiaomi Redmi 8» markalı telefon almış və nəticədə ümumilikdə 813 (səkkiz yüz on üç) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2020-ci il tarixli müqaviləsinə əsasən, alqı-satqı qiyməti 421,2 (dörd yüz iyirmi bir manat iyirmi qəpik) manat (18 ay x 23,4 manat + 0 manat ilkin ödəniş) olan İmei kodu **********17508 «Xiaomi Redmi 8A» markalı telefon, «Sonorous Surefix» asqı üçün ümumilikdə, 437( dörd yüz otuz yeddi) manat olmaqla ondan, 398 (üç yüz doxsan səkkiz) manat ödənilməmiş hissə, 39 (otuz doqquz) manat cərimə; xx.xx.2019-cu il tarixli müqaviləsinə əsasən, alqı-satqı qiyməti 50 (əlli) manat (10 ay x 5 manat + 0 manat ilkin ödəniş) olan «X2 Headset» üçün ümumilikdə 16 (on altı) manat olmaqla ondan, 15 (on beş) manat ödənilməmiş hissə, 1 (bir) manat cərimə; xx.xx.2019-cu il tarixli müqaviləsinə əsasən, alqı-satqı qiyməti 504 (beş yüz dörd) manat (18 ay x 28 manat + 0 manat ilkin ödəniş) olan İmei kodu **********25442 «Xiaomi Redmi 7» markalı telefon üçün ümumilikdə 269 (iki yüz altmış doqquz) manat olmaqla ondan, 245 (iki yüz qırx beş) manat ödənilməmiş hissə, 24 (iyirmi dörd) manat cərimə; xx.xx.2019-cu il tarixli müqaviləsinə əsasən, alqı-satqı qiyməti 535 (beş yüz otuz beş) manat (12 ay x 38 manat + 79 manat ilkin ödəniş) olan İmei kodu **********27416 «Xiaomi Redmi 8» markalı telefon üçün ümumilikdə 91 (doxsan bir) manat olmaqla ondan, 82,4 (səksən iki manat qırx qəpik) manat ödənilməmiş hissə, 8,6 (səkkiz manat altmış qəpik) manat cərimə borcu yaranmışdır. Cavabdehin xx.xx.2020-ci il, xx.xx.2019-cu il, xx.xx.2019-cu il və xx.xx.2019cu il tarixlərindəki müqavilələri üzrə son ödəniş tarixi xx.xx.2020-ci il, xx.xx.2020-ci il, xx.xx.2020-ci il, xx.xx.2021-ci il olmaqla, cəmi ödədiyi məbləğ 769,8 manat təşkil edir. Cavabdehlə aralarında bağlanılmış xx.xx.2020-ci il, xx.xx.2019-cu il, xx.xx.2019-cu il və xx.xx.2019-cu il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri xx.xx.2023-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qayda da, bildirsələrdə, qarşı tərəf müqavilə ilə təsbit olunmuş öhdəlikləri icra etməmişdir. Ödəniş cədvəlinin 2-ci bəndə əsasən ödəniş cədvəli üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Odur ki, iddianın təmin olunmasını məhkəmədən xahiş edir. Azərbaycan Respublikası Mülki Prosessual Məcəlləsinin 284-5-ci maddəsinə uyğun olaraq cavabdehə bildiriş göndərilməklə ona iddia tələbinə dair əsaslandırılmış etirazını, dəlillərini və sübutlarını təqdim etmək təklif olunsa da cavabdehdən iddiaya dair etiraz daxil olmamışdır. Məhkəmə iş üzrə sənədləri araşdıraraq hesab edir ki, iddia qismən əsaslı olduğundan qismən təmin edilməlidir. Belə ki, iş materiallarına əlavə edilmiş: "xxxx" MMC ilə alıcı Cavabdeh arasında bağlanmış xx.xx.2020-ci il, xx.xx.2019-cu il, xx.xx.2019-cu il və xx.xx.2019-cu il tarixli müqavilələrdən görünür ki, "xxxx" MMC alıcıya dəyəri 421,2 manat olan İmei kodu **********17508 «Xiaomi Redmi 8A» markalı telefon, «Sonorous Surefix» asqı, dəyəri 50 manat olan «X2 Headset», dəyəri 504 manat olan İmei kodu **********25442 «Xiaomi Redmi 7» markalı telefon və dəyəri 535 manat olan İmei kodu **********27416 «Xiaomi Redmi 8» markalı telefon un dəyərini hissə-hissə ödəmə şərti ilə satmışdır. Alıcı aldığı malın dəyərini müqavilədə göstərilən ödəmə tarixində şərtsiz ödəyəcəyi və ödəmənin hər gecikdiyi gün üçün ümumi məbləğin 1 faizi miqdarında cərimə ödəməyi barədə üzərinə öhdəlik götürmüşdür. Cavabdeh həmin müqavilə üzrə sonrakı aylar İmei kodu **********17508 «Xiaomi Redmi 8A» markalı telefon, «Sonorous Surefix» asqı üçün hər ay 23,4 manat, «X2 Headset» üçün hər ay 5 manat, İmei kodu **********25442 «Xiaomi Redmi 7» markalı telefon üçün hər ay 28 manat və İmei kodu **********27416 «Xiaomi Redmi 8» markalı telefon üçün hər ay 38 manat ödəniş etmək öhdəliyini üzərinə götürmüşdür. 25 fevral 2023-cü il tarixli "xxxx" MMC-nin maliyyə və ödəniş cədvəlindən görünür ki, Cavabdeh xx.xx.2020-ci il tarixli müqaviləyə əsasən "xxxx" MMC-dən İmei kodu **********17508 «Xiaomi Redmi 8A» markalı telefon, «Sonorous Surefix» asqı üçün 18 ay müddətinə ödəmək şərti ilə dəyəri 421,2 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc 398 (üç yüz doxsan səkkiz) manat borcunu ödəmədiyindən, həmin məbləğə 39 (otuz doqquz) manat cərimə hesablanmış; xx.xx.2019-cu il tarixli müqaviləyə əsasən "xxxx" MMC-dən «X2 Headset» üçün 10 ay müddətinə ödəmək şərti ilə dəyəri 50 manat olan mal almış, borcunu hissəhissə ödəməli olduğu halda öhdəliklərini tam yerinə yetirməmiş, əsas borc məbləğindən 15 (on beş) manat borcunu ödəmədiyindən, həmin məbləğə 1 (bir) manat cərimə hesablanmış; xx.xx.2019-cu il tarixli müqaviləyə əsasən "xxxx" MMC-dən İmei kodu **********25442 «Xiaomi Redmi 7» markalı telefon üçün 18 ay müddətinə ödəmək şərti ilə dəyəri 504 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 245 (iki yüz qırx beş) manat borcunu ödəmədiyindən, həmin məbləğə 24 (iyirmi dörd) manat cərimə hesablanmış, xx.xx.2019cu il tarixli müqaviləyə əsasən "xxxx" MMC-dən İmei kodu **********27416 «Xiaomi Redmi 8» markalı telefon üçün 12 ay müddətinə ödəmək şərti ilə dəyəri 535 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 82,4 (səksən iki manat qırx qəpik) manat borcunu ödəmədiyindən, həmin məbləğə 8,6 (səkkiz manat altmış qəpik) manat cərimə hesablanmışdır. İş materiallarına əlavə edilmiş xx.xx.2023-cü il tarixli xəbərdarlıqdan görünür ki, cavabdeh borcun ödənilməyəcəyi təqdirdə məhkəmədə ona qarşı iddia qaldırılacağı barədə xəbərdar edilmişdir. İddia tələbinin qanuni əsası kimi məhkəmə aşağıdakı maddi hüquq normalarına istinad etməyi əsaslı hesab edir. Belə ki, öhdəlik hüququndan bəhs edən Azərbaycan Respublikası Mülki Məcəlləsinin 385.1-ci maddəsində qeyd edilir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin: 567-ci maddəsində qeyd olunur ki, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 600.1-ci maddəsində göstərilir ki, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 600.2-ci maddəsinə görə, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. 600.4-cü maddəsində əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmə eyni zamanda iddianın cərimənin ödənilməsi hissəsini də araşdıraraq hesab edir ki, iddia həmin hissədə qismən təmin edilməlidir. Belə ki, Mülki Məcəllənin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən isə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Qanun normasının mənasına görə, məhkəmə cərimə (dəbbə) pulunun məbləğini cavabdehin belə vəsatət verməsindən asılı olmayaraq azalda bilər. Hər bir konkret iş üzrə dəbbə pulunun azaldılması meyarları kimi dəbbə pulunun qeyri-mütənasib olması, öhdəliyin pozulması nəticəsində yarana biləcək mümkün zərərin həcmindən əhəmiyyətli dərəcədə artıq olması, öhdəliklərin yerinə yetirilməsindən yayınma müddətləri və s. çıxış edə bilər. Məhkəmə nəzərə alır ki, dəbbə pulunun iddiada göstərilən həcmdə tutulması cavabdehin əmlak mənafelərinə ciddi xələl gətirə bilər. Dəbbə pulunun məbləğinin azaldılması kreditorun əmlak mənafelərinə əsaslı təsir etmir. Belə ki, iddiaçı borc verərkən dəbbə pulunu əldə edəcəyi gözlənilən qazanc kimi deyil, öhdəliyin icrasının təminatı üsulu kimi nəzərdə tutmuşdur. Məhkəmə cavabdehin üzərində əsas borcu olaraq icra edilməmiş pul öhdəliyinin olmasını, bununla yanaşı əlavə olaraq yüksək məbləğdə cərimənin tətbiq edilməsinin onların vəziyyətini daha da ağırlaşdırdığını nəzərə alaraq hesab edir ki, 72,6 (yetmiş iki manat altmış qəpik) manat məbləğində dəbbə pulu (cərimə) tənasübsüz surətdə yüksəkdir. Odur ki, dəbbə pulu azaldılaraq 6 (altı) manat məbləğində müəyyən edilməlidir. Məhkəmə tədqiq olunmuş sübutlara tam, hərtərəfli, obyektiv və məcmu halında qiymət verərək hesab edir ki, iddia tələbi qismən əsaslı olduğundan qismən təmin edilməli, "xxxx" MMC-nin xeyrinə Cavabdeh İmei kodu **********17508 «Xiaomi Redmi 8A» markalı telefon, «Sonorous Surefix» asqı üçün 398 (üç yüz doxsan səkkiz) manat ödənilməmiş hissə, 2 (iki) manat cərimə, «X2 Headset» üçün 15 (on beş) manat ödənilməmiş hissə, 1 (bir) manat cərimə, İmei kodu **********25442 «Xiaomi Redmi 7» markalı telefon üçün 245 (iki yüz qırx beş) manat ödənilməmiş hissə, 2 (iki) manat cərimə, İmei kodu **********27416 «Xiaomi Redmi 8» markalı telefon üçün 82,4 (səksən iki manat qırx qəpik) manat ödənilməmiş hissə, 1 (bir) manat cərimə borcu olmaqla, ümumilikdə 746,4 (yeddi yüz qırx altı manat qırx qəpik) manat borc pul tutularaq iddiaçıya qaytarılmalıdır. Bununla yanaşı, MPM-in 107-ci və 119.1-ci maddələrinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Ona görə də, məhkəmə ödənilmiş 30 (otuz) manat dövlət rüsumunun da cavabdehdən iddiaçının xeyrinə tutulmasını əsaslı hesab edir. Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 119.1-ci maddəsinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir; 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq, məhkəmə qət etdi: İddia qismən təmin edilsin. "xxxx" MMC-nin xeyrinə Cavabdeh İmei kodu **********17508 «Xiaomi Redmi 8A» markalı telefon, «Sonorous Surefix» asqı üçün 398 (üç yüz doxsan səkkiz) manat ödənilməmiş hissə, 2 (iki) manat cərimə, «X2 Headset» üçün 15 (on beş) manat ödənilməmiş hissə, 1 (bir) manat cərimə, İmei kodu **********25442 «Xiaomi Redmi 7» markalı telefon üçün 245 (iki yüz qırx beş) manat ödənilməmiş hissə, 2 (iki) manat cərimə, İmei kodu **********27416 «Xiaomi Redmi 8» markalı telefon üçün 82,4 (səksən iki manat qırx qəpik) manat ödənilməmiş hissə, 1 (bir) manat cərimə borcu olmaqla, ümumilikdə 746,4 (yeddi yüz qırx altı manat qırx qəpik) manat borc və məhkəmə xərci qismində 30 (otuz) manat dövlət rüsumu tutulsun. İddia qalan hissədə təmin edilməsin. Qətnamədən həmin qətnamə rəsmi qaydada verildiyi gündən bir ay müddətində Gəncə Şəhər Məhkəməsi vasitəsi ilə Azərbaycan Respublikası Gəncə Apellyasiya Məhkəməsinə apellyasiya şikayəti verilə bilər. Hakim: Zaman İmanov