Gəncə Şəhər Məhkəməsi Qətnamə — İş №e-2(125)-2623/2025

Azərbaycan Respublikası adından QƏTNAMƏ Gəncə şəhəri İş № e-2(125)-2623/2025 26.05.2025 GƏNCƏ ŞƏHƏR MƏHKƏMƏSİ Gəncə Şəhər Məhkəməsinin hakimi X1, İddiaçı "xxxx" Məhdud Məsuliyyətli Cəmiyyətinin (bundan sonra MMC) Cavabdeh qarşı “pul” tələbinə dair kiçik iddia üzrə sadələşmiş icraat qaydasında ərizəsi üzrə mülki işə məhkəmənin inzibati binasında, məhkəmə iclasından kənar baxaraq, müəyyən etdim: İddiaçı "xxxx" MMC Cavabdeh qarşı «pul» tələbinə dair kiçik iddia üzrə sadələşmiş icraat qaydasında ərizə ilə məhkəməyə müraciət edərək, xx.xx.2024-cü il tarixli müqaviləyə əsasən, İmei kod **********92506 XİAOMİ REDMİ 13 markalı telefon, QİZİL ZƏMANƏT ULTRA3 il xidməti üçün, 556.02 (beş yüz əlli altı manat, 02 qəpik) manat ödənilməmiş hissə, 55.60 (əlli beş manat, 60 qəpik) manat cərimə; xx.xx.2024-cü il tarixli müqaviləyə əsasən, İMEİ KOD **********64995 OPPO A38 MARKALİ TELEFON, QİZİL ZƏMANƏT ULTRA3 il xidməti, üçün, 305.46 (üç yüz beş manat, 46 qəpik) manat ödənilməmiş hissə, İnnovativ Layihələr Mərkəzinə ödənilən 23.6 (iyirmi üç manat, 60 qəpik) manat rüsum, 30.55 (otuz manat, 55 qəpik) manat cərimə; xx.xx.2024-ci il tarixli müqaviləyə əsasən, İmei kod **********10187 XİAOMİ REDMİ 14C markalı telefon, QİZİL ZƏMANƏT ULTRA3 il xidməti üçün, 355.3 (üç yüz əlli beş manat, 30 qəpik) manat ödənilməmiş hissə, 35.53 (otuz beş manat, 53 qəpik) manat cərimə olmaqla ümumilikdə 1362.06 manat borc, 33.63 manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, cavabdeh ilə "xxxx" MMC arasında bağlanmış xx.xx.2024-cü il, xx.xx.2024-cü il, xx.xx.2024-cü il tarixli müqavilələrə əsasən, İmei kod **********92506 XİAOMİ REDMİ 13 markalı telefon, QİZİL ZƏMANƏT ULTRA 3 il xidməti, İMEİ KOD **********64995OPPO A38 MARKALİ TELEFON, QİZİL ZƏMANƏT ULTRA3 il xidməti, İmei kod **********10187 XİAOMİ REDMİ 14C markalı telefon, QİZİL ZƏMANƏT ULTRA3 il xidməti almış və nəticədə 1362.06 (min üç yüz altmış iki manat, 06 qəpik) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2024-cü il tarixli müqaviləyə əsasən, alqı-satqı qiyməti 556.02 (beş yüz əlli altı manat, 02 qəpik) manat (18 ay x 30.89 manat + 0 manat ilkin ödəniş) olan İmei kod **********92506 XİAOMİ REDMİ 13 markalı telefon, QİZİL ZƏMANƏT ULTRA3 il xidməti üçün ümumilikdə, 611.62 (altı yüz on bir manat, 62 qəpik) manat olmaqla ondan, 556.02 (beş yüz əlli altı manat, 02 qəpik) manat ödənilməmiş hissə, müştəriyə güzəşt olunaraq 55.60 (əlli beş manat, 60 qəpik) manat cərimə. xx.xx.2024-cü il, tarixli müqaviləyə əsasən, alqı-satqı qiyməti 305.46 (üç yüz beş manat, 46 qəpik) manat (18 ay x 16.97 manat + 0 manat ilkin ödəniş) olan İMEİ KOD **********64995 OPPO A38 MARKALİ TELEFON, QİZİL ZƏMANƏT ULTRA3 il xidməti üçün ümumilikdə, 359.61 (üç yüz əlli doqquz manat, 61 qəpik) manat olmaqla ondan, 305.46 (üç yüz beş manat, 46 qəpik) manat ödənilməmiş hissə, İnnovativ Layihələr Mərkəzinə ödənilən 23.6 (iyirmi üç manat, 60 qəpik) manat rüsum, müştəriyə güzəşt olunaraq 30.55 (otuz manat, 55 qəpik) manat cərimə; xx.xx.2024-ci il tarixli müqaviləyə əsasən, alqı-satqı qiyməti 451.32 (dörd yüz əlli bir manat, 32 qəpik) manat (18 ay x 19.74 manat + 96 manat ilkin ödəniş) olan İmei kod **********10187 XİAOMİ REDMİ 14C markalı telefon, QİZİL ZƏMANƏT ULTRA3 il xidməti üçün ümumilikdə, 390.83 (üç yüz doxsan manat, 83 qəpik) manat olmaqla ondan, 355.3 (üç yüz əlli beş manat, 30 qəpik) manat ödənilməmiş hissə, müştəriyə güzəşt olunaraq 35.53 (otuz beş manat, 53 qəpik) manat cərimə miqdarında borc yaranmışdır. Cavabdehin cəmi ödədiyi məbləğ 96.02 manat təşkil edir. Ödəniş cədvəlinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Cavabdehlə aralarında bağlanılmış xx.xx.2024-cü il, xx.xx.2024-cü il, xx.xx.2024-cü il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri xx.xx.2025-ci il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qaydada bildirsələr də, qarşı tərəf müqavilə ilə təsbit olunmuş öhdəlikləri icra etməmişdir Tələblərinin əsaslığını və əmlakın dəyərini sübut edən sənədlər; tərəflər arasında bağlanılmış Müqavilə, onun əlavəsi, bildirişi, əşyaların təhvil-təslim aktı və ödəniş cədvəlindən ibarətdir. Müştəri “Müqavilə”-nn şərt(lər)ini pozduğu, pul öhdəliyini lazımı qaydada icra etmədiyi hal(lar)da “ABC” “mal”-ın istifadəsini mümkünsüz edə, o cümlədən cihazın İMEİ kodunun deaktiv olunması üsulu ilə əşyanın Azərbaycan Respublikasının rabitə şəbəkələrində istifadəsinə məhdudiyyəti tətbiq edə, məhdudiyyətin aradan qaldırılması üçün müqavilənin 3.5-ci bəndinə əsasən İnnovativ Layihələr Mərkəzinə ödənilən rüsumu tələb edə bilər. “Müştəri”nin adının riskli müştəri siyahısına salınmasını təmin edə, habelə adının riskli müştəri siyahısında olduğuna dair digər satıcılara məlumat ötürə bilər. Azərbaycan Respublikası Mülki Prosessual Məcəlləsinin: 284-1-ci maddəsinə əsasən mülki işlər üzrə iddianın qiyməti beş min manatdan, kommersiya mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir. 284-5.1-ci maddəsinə əsasən ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Cavabdeh yazılı məhkəmə bildirişi və iddia ərizəsi ona əlavə edilmiş sənədlərlə birlikdə göndərilməklə, bildirişdə iddiaçının tələbinə dair əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilmişdir. Lakin, cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədlərini məhkəməyə təqdim etməmişdir. Məhkəmə iş üzrə sənədləri araşdıraraq hesab edir ki, iddia qismən əsaslı olduğundan qismən təmin edilməlidir. Belə ki, iş materiallarına əlavə edilmiş: "xxxx" MMC ilə alıcı Cavabdeh arasında bağlanmış xx.xx.2024-cü il, xx.xx.2024-cü il və xx.xx.2024-cü il tarixli müqavilələrdən görünür ki, "xxxx" MMC alıcıya dəyəri 556,02 manat olan İmei kod **********92506 XİAOMİ REDMİ 13 markalı telefon, QİZİL ZƏMANƏT ULTRA3 il xidməti, dəyəri 305,46 manat olan İMEİ KOD **********64995 OPPO A38 MARKALİ TELEFON, QİZİL ZƏMANƏT ULTRA3 il xidməti, dəyəri 451,32 manat olan İmei kod **********10187 XİAOMİ REDMİ 14C markalı telefon, QİZİL ZƏMANƏT ULTRA3 il xidməti dəyərini hissə-hissə ödəmə şərti ilə satmışdır. Alıcı aldığı malın dəyərini müqavilədə göstərilən ödəmə tarixində şərtsiz ödəyəcəyi və ödəmənin hər gecikdiyi gün üçün ümumi məbləğin 1 faizi miqdarında cərimə ödəməyi barədə üzərinə öhdəlik götürmüşdür. Cavabdeh həmin müqavilə üzrə sonrakı aylar İmei kod **********92506 XİAOMİ REDMİ 13 markalı telefon, QİZİL ZƏMANƏT ULTRA3 il xidməti üçün hər ay 30,89 manat, İMEİ KOD **********64995 OPPO A38 MARKALİ TELEFON, QİZİL ZƏMANƏT ULTRA3 il xidməti üçün hər ay 16,97 manat və İmei kod **********10187 XİAOMİ REDMİ 14C markalı telefon, QİZİL ZƏMANƏT ULTRA3 il xidməti üçün hər ay 19,74 manat ödəniş etmək öhdəliyini üzərinə götürmüşdür. 13 mart 2025-ci tarixli "xxxx" MMC-nin maliyyə və ödəniş cədvəlindən görünür ki, Cavabdeh xx.xx.2024-cü il tarixli müqaviləyə əsasən "xxxx" MMC-dən İmei kod **********92506 XİAOMİ REDMİ 13 markalı telefon, QİZİL ZƏMANƏT ULTRA3 il xidməti üçün 18 ay müddətinə ödəmək şərti ilə dəyəri 556,02 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 556.02 manat borcunu ödəmədiyindən, həmin məbləğə 55,60 manat cərimə hesablanmış; xx.xx.2024-cü il tarixli müqaviləyə əsasən "xxxx" MMC-dən İMEİ KOD **********64995 OPPO A38 MARKALİ TELEFON, QİZİL ZƏMANƏT ULTRA3 il xidməti üçün 18 ay müddətinə ödəmək şərti ilə dəyəri 305,46 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 305,46 manat borcunu ödəmədiyindən, həmin məbləğə 30,55 manat cərimə hesablanmış; xx.xx.2024-cü il tarixli müqaviləyə əsasən "xxxx" MMC-dən İmei kod **********10187 XİAOMİ REDMİ 14C markalı telefon, QİZİL ZƏMANƏT ULTRA3 il xidməti üçün 18 ay müddətinə ödəmək şərti ilə dəyəri 451,32 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 355,3 manat borcunu ödəmədiyindən, həmin məbləğə 35.53 manat cərimə hesablanmışdır. xx.xx.2025-ci il tarixli xəbərdarlıqdan görünür ki, cavabdeh borcun ödənilməyəcəyi təqdirdə məhkəmədə ona qarşı iddia qaldırılacağı barədə xəbərdar edilmişdir. İddia tələbinin qanuni əsası kimi məhkəmə aşağıdakı maddi hüquq normalarına istinad etməyi əsaslı hesab edir. Belə ki, öhdəlik hüququndan bəhs edən Azərbaycan Respublikası Mülki Məcəlləsinin 385.1-ci maddəsində qeyd edilir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin: 567-ci maddəsində qeyd olunur ki, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 600.1-ci maddəsində göstərilir ki, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 600.2-ci maddəsinə görə, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. 600.4-cü maddəsində əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmə eyni zamanda iddianın cərimənin ödənilməsi hissəsini də araşdıraraq hesab edir ki, iddia həmin hissədə qismən təmin edilməlidir. Belə ki, Mülki Məcəllənin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən isə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Qanun normasının mənasına görə, məhkəmə cərimə (dəbbə) pulunun məbləğini cavabdehin belə vəsatət verməsindən asılı olmayaraq azalda bilər. Hər bir konkret iş üzrə dəbbə pulunun azaldılması meyarları kimi dəbbə pulunun qeyri-mütənasib olması, öhdəliyin pozulması nəticəsində yarana biləcək mümkün zərərin həcmindən əhəmiyyətli dərəcədə artıq olması, öhdəliklərin yerinə yetirilməsindən yayınma müddətləri və s. çıxış edə bilər. Məhkəmə nəzərə alır ki, dəbbə pulunun iddiada göstərilən həcmdə tutulması cavabdehin əmlak mənafelərinə ciddi xələl gətirə bilər. Dəbbə pulunun məbləğinin azaldılması kreditorun əmlak mənafelərinə əsaslı təsir etmir. Belə ki, iddiaçı borc verərkən dəbbə pulunu əldə edəcəyi gözlənilən qazanc kimi deyil, öhdəliyin icrasının təminatı üsulu kimi nəzərdə tutmuşdur. Məhkəmə cavabdehin üzərində əsas borcu olaraq icra edilməmiş pul öhdəliyinin olmasını, bununla yanaşı əlavə olaraq yüksək məbləğdə cərimənin tətbiq edilməsinin onların vəziyyətini daha da ağırlaşdırdığını nəzərə alaraq hesab edir ki, hər üç müqavilə üzrə 121,68 manat məbləğində dəbbə pulu (cərimə) tənasübsüz surətdə yüksəkdir. Odur ki, dəbbə pulu azaldılaraq 11 (on bir) manat məbləğində müəyyən edilməlidir. Bundan əlavə, iddia tələbindən görünür ki, iddiaçı tərəfindən xx.xx.2024-cü il müqaviləyə əsasən cavabdehdən İMEİ KOD **********64995 OPPO A38 MARKALİ TELEFON üçün “innovativ layihələr mərkəzi ödənilən rüsum” ilə bağlı 23,6 manat məbləğində pul tələb edilmişdir. İddia ərizəsinin mətnindən görünür ki, iddiaçı bu tələbini onunla əsaslandırır ki, cavabdehlə aralarında bağlanmış müqaviləyə əsasən, müştəri “Müqavilə”nin şərt(lər)ini pozduğu, pul öhdəliyini lazımı qaydada icra etmədiyi hal(lar)da İddiaçı MMC “mal”ın istifadəsini mümkünsüz edə, o cümlədən cihazın İmei kodunun deaktiv olunması üsulu ilə əşyanın İnnovativ Layihələr Mərkəzi tətbiq etdiyi rüsumu tələb edə bilər. Halbuki, iş materiallarında olan tərəflər arasında bağlanmış müqavilənin 3.4-cü bəndində qeyd edilmişdir ki, Müştəri “Müqavilə”nin şərt(lər)ini pozduğu, pul öhdəliyini lazımi qaydada icra etmədiyi hal(lar)da İddiaçı MMC “mal”ın istifadəsini mümkünsüz edə, o cümlədən cihazın İmei kodunun deaktiv olunması üsulu ilə əşyanın Azərbaycan Respublikasının rabitə şəbəkələrində istifadəsinə məhdudiyyət tətbiq edə, “Müştəri”nin adının riskli müştəri siyahısına salınmasını təmin edə, habelə adının riskli müştəri siyahısında olduğuna dair digər satıcılara məlumat ötürə bilər. Müqavilənin 3.14-cü maddəsinə əsasən, ... Müştərinin ümumi borc üzrə “ABC” qarşısında icra edilməmiş hər hansı pul öhdəliyi yaranarsa, bu halda “ABC” dəyəri tam ödənilməmiş istənilən malın istifadəsini mümkünsüz edə, o cümlədən əşyanın AR-nın rabitə şəbəkələrində istifadəsinə məhdudiyyət qoya bilər. Müqavilənin 3.5-ci bəndində isə qeyd edilir ki, Müqavilənin 3.4 və 3.14-cü bəndlərinin icrası ilə əlaqədar “ABC” əlavə ödənişlər tələb edə bilər. Göründüyü kimi, tərəflər arasında bağlanmış müqavilədə borclunun müqavilə öhdəliyini lazımınca icra etmədiyi halda "xxxx" MMC-nin müqavilə predmeti olan əşyanın istifadəsini mümkünsüz etməsi (o cümlədən cihazın İMEİ kodunun deaktiv olunması üsulu ilə) hüququ nəzərdə tutulmuş, bu hüququn həyata keçirilməsi ilə bağlı "xxxx" MMC tərəfindən borcludan əlavə ödənişlər tələb edilməsinin mümkünlüyü müəyyən edilmişdir. Lakin nəzərə alınmalıdır ki, əgər iddiaçı məhz bu təyinatla cavabdehdən hansısa məbləğdə əlavə ödəniş (iddia tələbində qeyd edildiyi şəkli ilə rüsum) tələb edirsə, o, sübut etməlidir ki, cihazın deaktiv edilməsi üçün həmin məbləğdə xərc çəkilmişdir (çəkilməsi zəruridir). Belə ki, Azərbaycan Respublikasının Mülki Prosessual Məcəlləsinin 77.1-ci maddəsinə əsasən, hər bir tərəf öz tələblərinin və etirazlarının əsası kimi istinad etdiyi halları sübut etməlidir. Hazırkı iş materiallarına isə iddiaçının tələbini bu hissədə təsdiq edə biləcək heç bir sübut əlavə edilməmişdir. Həmçinin məhkəmə qeyd edir ki, iddiaçı "xxxx" MMC tərəfindən iş materiallarına Cavabdeh nisyə alqı-satqı müqaviləsi əsasında satılmış, İMEİ KOD **********64995 OPPO A38 MARKALİ mobil telefonun açılıb-bağlanılması xidmətinə görə İnnovativ Layihələr Mərkəzinə 23,60 AZN məbləğində pulun ödənilməsi barədə 13 mart 2025-ci il tarixli arayış əlavə edilsə də, sözügedən məbləğdə pulun ödənilməsi barədə iş materiallarında hər hansı çek, qəbz və s. olmadığından məhkəmə həmin arayışı sübut kimi qəbul etmir, iddia tələbinin həmin hissədə təmin edilməsi üçün əsas hesab etmir və iddia tələbinin bu hissədə təmin edilməməsi qənaətinə gəlir. Məhkəmə tədqiq olunmuş sübutlara tam, hərtərəfli, obyektiv və məcmu halında qiymət verərək hesab edir ki, iddia tələbi qismən əsaslı olduğundan qismən təmin edilməli, "xxxx" MMC-nin xeyrinə Cavabdeh İmei kod **********92506 XİAOMİ REDMİ 13 markalı telefon, QİZİL ZƏMANƏT ULTRA3 il xidməti üçün 556,02 (beş yüz əlli altı manat iki qəpik) manat ödənilməmiş hissə, 5 (beş) manat cərimə, İMEİ KOD **********64995 OPPO A38 MARKALİ TELEFON, QİZİL ZƏMANƏT ULTRA3 il xidməti üçün 305,46 (üç yüz beş manat qırx altı qəpik) manat ödənilməmiş hissə, 3 (üç) manat cərimə, İmei kod **********10187 XİAOMİ REDMİ 14C markalı telefon, QİZİL ZƏMANƏT ULTRA3 il xidməti üçün 355.3 (üç yüz əlli beş manat otuz qəpik) manat ödənilməmiş hissə, 3 (üç) manat cərimə borcu olmaqla, ümumilikdə 1227,78 (bir min iki yüz iyirmi yeddi manat yetmiş səkkiz qəpik) manat borc pul tutularaq iddiaçıya qaytarılmalıdır. Bununla yanaşı, MPM-in 107-ci və 119.1-ci maddələrinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Məhkəmə hesab edir ki, iddia tələbi qismən təmin edildiyindən ödənilmiş 33,63 (otuz üç manat altmış üç qəpik) manat dövlət rüsumunun 32,27 (otuz iki manat iyirmi yeddi qəpik) manatı cavabdehdən tutulmalıdır. Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq, məhkəmə qət etdi: İddia qismən təmin edilsin. "xxxx" MMC-nin xeyrinə Cavabdeh İmei kod **********92506 XİAOMİ REDMİ 13 markalı telefon, QİZİL ZƏMANƏT ULTRA3 il xidməti üçün 556,02 (beş yüz əlli altı manat iki qəpik) manat ödənilməmiş hissə, 5 (beş) manat cərimə, İMEİ KOD **********64995 OPPO A38 MARKALİ TELEFON, QİZİL ZƏMANƏT ULTRA3 il xidməti üçün 305,46 (üç yüz beş manat qırx altı qəpik) manat ödənilməmiş hissə, 3 (üç) manat cərimə, İmei kod **********10187 XİAOMİ REDMİ 14C markalı telefon, QİZİL ZƏMANƏT ULTRA3 il xidməti üçün 355.3 (üç yüz əlli beş manat otuz qəpik) manat ödənilməmiş hissə, 3 (üç) manat cərimə borcu olmaqla, ümumilikdə 1227,78 (bir min iki yüz iyirmi yeddi manat yetmiş səkkiz qəpik) manat borc və məhkəmə xərci qismində ödənilmiş dövlət rüsumunun 32,27 (otuz iki manat iyirmi yeddi qəpik) manatı tutulsun. İddia tələbi qalan hissədə təmin edilməsin. Qətnamədən həmin qətnamə rəsmi qaydada verildiyi gündən 1 (bir) ay müddətində Gəncə Şəhər Məhkəməsi vasitəsi ilə Elektron Məhkəmə İnformasiya Sistemində yaradılmış elektron kabinet üzərindən Azərbaycan Respublikası Gəncə Apellyasiya Məhkəməsinə apellyasiya şikayəti verilə bilər. Qətnamədən apellyasiya şikayəti verilməzsə, o, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim: Zaman İmanov