Gəncə Şəhər Məhkəməsi Qətnamə — İş №e-2(125)-3175/2025

Azərbaycan Respublikası adından QƏTNAMƏ Gəncə şəhəri İş № e-2(125)-3175/2025 05.06.2025 GƏNCƏ ŞƏHƏR MƏHKƏMƏSİ Gəncə Şəhər Məhkəməsinin hakimi X1, İddiaçı cavabdeh Məmmədzadə (Qoşqarova) Leyla Asəf qızına qarşı «pul» tələbinə dair kiçik iddialara dair sadələşdirilmiş icraat qaydasında ərizəsi üzrə mülki işə baxaraq, məhkəmə, müəyyən etdi: İddiaçı cavabdeh Məmmədzadə (Qoşqarova) Leyla Asəf qızına qarşı “pul” tələbinə dair kiçik iddia üzrə sadələşmiş icraat qaydasında ərizə ilə məhkəməyə müraciət edərək, Məmmədzadə - (Qoşqarova) Leyla Asəf qızından xx.xx.2021-ci il tarixli, MPK6111672 nömrəli borc müqaviləsinə (müqavilələrinə) əsasən 1332 (bir min üç yüz otuz iki) manat əsas borc, 34 (otuz dörd) manat məbləğində ödənilmiş dövlət rüsumunun cəmi olan 1366 (bir min üç yüz altmış altı) manat məbləğində pul vəsaitinin alınaraq İddiaçı MMC-yə ödənilməsi barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, iş üzrə cavabdeh Məmmədzadə- (Qoşqarova) Leyla Asəf qızı İddiaçı MMC-dən xx.xx.2021-ci il tarixli, MPK6111672 nömrəli borc müqaviləsi (müqavilələri) əsasında ümumi dəyəri 1679 (bir min altı yüz yetmiş doqquz) manat olan məişət avadanlığı (avadanlıqları) əldə etmişdir. Cavabdehin müqavilə (müqavilələr) üzrə ödənişlər etdikdən sonra iddiaçıya 1332 (bir min üç yüz otuz iki) manat əsas borcu qalmışdır. Yuxarıda göstərilənləri nəzərə alaraq, cavabdeh Məmmədzadə - (Qoşqarova) Leyla Asəf qızından müqavilə (müqavilələr) üzrə 1332 (bir min üç yüz otuz iki) manat əsas borc, 34 (otuz dörd) manat məbləğində ödənilmiş dövlət rüsumunun cəmi olan 1366 (bir min üç yüz altmış altı) manat pulun alınaraq İddiaçı MMC-yə ödənilməsi barədə qətnamə çıxarılması zəruridir. Məhkəmə iş üzrə sənədləri araşdıraraq hesab edir ki, iddia əsaslı olduğundan təmin edilməlidir. Belə ki, iş materiallarına əlavə edilmiş: İddiaçı MMC ilə Məmmədzadə (Qoşqarova) Leyla Asəf qızı arasında bağlanmış xx.xx.2021-ci il tarixli, MPK6111672 nömrəli nisyə alqı-satqı müqaviləsindən görünür ki, Məmmədzadə (Qoşqarova) Leyla Asəf qızı İddiaçı MMC-dən hissə-hissə ödəniş şərti ilə 1679 (bir min altı yüz yetmiş doqquz) AZN məbləğində məişət avadanlığı əldə etmiş və onun 347 (üç yüz qırx yeddi) AZN ilkin ödəmiş və qalan 1332 (bir min üç yüz otuz iki) AZN məbləği 18 ay müddətinə aylıq 74 (yetmiş dörd) AZN olmaqla İddiaçı MMC-yə ödəməyi öhdəsinə götürmüşdür. Bu müqavilə tərəflər onu imzaladığı andan qüvvəyə minir və tərəflərin öz öhdəliklərini tamamilə yerinə yetirənədək qüvvədədir. Qeyd: borcalan borc üzrə əsas borc məbləğini Şirkətə vaxtında qaytarmadıqda, əlavə olaraq Şirkətə vaxtında qaytarılmayan məbləğ üçün hər günə görə 1 faizədək faiz dərəcəsi ilə hesablanan cərimə faizləri ödəyir. xx.xx.2024-cü il tarixli maliyyə arayışından görünür ki, Məmmədzadə (Qoşqarova) Leyla Asəf qızı ilə İddiaçı MMC arasında bağlanan xx.xx.2021-ci il tarixli, MPK6111672 nömrəli müqavilə üzrə Məmmədzadə (Qoşqarova) Leyla Asəf qızının ödənilməmiş 1332 AZN əsas (qalıq) borcu vardır. 10 aprel 2025-ci il tarixli pretenziya məktubunda İddiaçı MMC tərəfindən Məmmədzadə (Qoşqarova) Leyla Asəf qızına ümumilikdə 1332 AZN məbləğində borcu olduğu, tələb olunan pul məbləği ödənilmədiyi təqdirdə məhkəmədə iddia qaldırılacağı və məhkəmə xərclərinində Məmmədzadə (Qoşqarova) Leyla Asəf qızından tutulacağı bildirilmişdir. İddia tələbinin qanuni əsası kimi məhkəmə aşağıdakı maddi hüquq normalarına istinad etməyi əsaslı hesab edir. Belə ki, öhdəlik hüququndan bəhs edən Azərbaycan Respublikası Mülki Məcəlləsinin 385.1-ci maddəsində qeyd edilir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmçinin, Azərbaycan Respublikası Mülki Məcəlləsinin: 567-ci maddəsində qeyd olunur ki, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 600.1-ci maddəsində göstərilir ki, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 600.2-ci maddəsinə görə, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. 600.4-cü maddəsində əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Beləliklə, məhkəmə araşdırması zamanı müəyyən edilmişdir ki, İddiaçı MMC ilə Məmmədzadə (Qoşqarova) Leyla Asəf qızı arasında bağlanmış xx.xx.2021-ci il tarixli, MPK6111672 nömrəli nisyə alqı-satqı müqaviləsinə əsasən Məmmədzadə (Qoşqarova) Leyla Asəf qızı İddiaçı MMC-dən hissə-hissə ödəniş şərti ilə 1679 (bir min altı yüz yetmiş doqquz) AZN məbləğində məişət avadanlığı əldə etmiş və onun 347 (üç yüz qırx yeddi) AZN ilkin ödəmiş və qalan 1332 (bir min üç yüz otuz iki) AZN məbləği 18 ay müddətinə aylıq 74 (yetmiş dörd) AZN olmaqla İddiaçı MMC-yə ödəməyi öhdəsinə götürmüşdür. Lakin cavabdeh üzərinə düşən öhdəlikləri vaxtında yerinə yetirməmiş və nəticədə onun İddiaçı MMC-yə 1332 manat əsas borcu qalmışdır. Məhkəmə tədqiq olunmuş sübutlara tam, hərtərəfli, obyektiv və məcmu halında qiymət verərək hesab edir ki, iddia tələbi təmin edilməli, cavabdeh Məmmədzadə (Qoşqarova) Leyla Asəf qızından xx.xx.2021-ci il tarixli, MPK6111672 nömrəli nisyə alqısatqı müqaviləsinə əsasən 1332 (bir min üç yüz otuz iki) manat tutularaq, İddiaçınə ödənilməlidir. Azərbaycan Respublikası Mülki Prosessual Məcəlləsinin: 115.0.9-cu maddəsinə əsasən məhkəmə tərəfindən zəruri hesab edilən digər xərclər işə baxılması ilə əlaqədar məsrəflərə daxildir. 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Bununla yanaşı, məhkəmə hesab edir ki, iddia tələbi təmin edildiyindən iddiaçı tərəfindən məhkəmədə iddia qaldırmaq üçün ödənilmiş 34 (otuz dörd) manat dövlət rüsumu da cavabdehdən iddiaçının xeyrinə tutulmalıdır. Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 77.1-ci maddəsinə əsasən hər bir tərəf öz tələb və etirazlarının əsası kimi istinad etdiyi halları sübut etməlidir. 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası Mülki Prosessual Məcəlləsinin 216-273-ci maddələrini rəhbər tutaraq, məhkəmə qət etdi: İddia təmin edilsin. Cavabdeh Məmmədzadə (Qoşqarova) Leyla Asəf qızından xx.xx.2021-ci il tarixli, MPK6111672 nömrəli müqaviləyə əsasən 1332 (bir min üç yüz otuz iki) manat ödənilməmiş hissə və ödənilmiş dövlət rüsumunun əvəzi qismində 34 (otuz dörd) manat olmaqla, ümumilikdə 1366 (bir min üç yüz altmış altı) manat pul tutularaq, İddiaçınə ödənilsin. Qətnamədən həmin qətnamə rəsmi qaydada verildiyi gündən 1 (bir) ay müddətində Gəncə Şəhər Məhkəməsi vasitəsi ilə Elektron Məhkəmə İnformasiya Sistemində yaradılmış elektron kabinet üzərindən Azərbaycan Respublikası Gəncə Apellyasiya Məhkəməsinə apellyasiya şikayəti verilə bilər. Qətnamədən apellyasiya şikayəti verilməzsə, o, işdə iştirak edən şəxslərə rəsmi qaydada verildiyi gündən 1 ay keçdikdən sonra qanuni qüvvəyə minir. Hakim: Zaman İmanov