Gəncə Şəhər Məhkəməsi Qətnamə — İş №e-2(125)-3494/2023

Azərbaycan Respublikası adından QƏTNAMƏ Gəncə şəhəri İş № e-2(125)-3494/2023 12.05.2023 GƏNCƏ ŞƏHƏR MƏHKƏMƏSİ Gəncə Şəhər Məhkəməsinin hakimi X1, İddiaçı "xxxx" Məhdud Məsuliyyətli Cəmiyyətinin (bundan sonra MMC) Cavabdeh qarşı “pul” tələbinə dair kiçik iddia üzrə sadələşmiş icraat qaydasında ərizəsi üzrə mülki işə məhkəmənin inzibati binasında, məhkəmə iclasından kənar baxaraq, müəyyən etdi: İddiaçı "xxxx" MMC Cavabdeh qarşı «pul» tələbinə dair kiçik iddia üzrə sadələşmiş icraat qaydasında ərizə ilə məhkəməyə müraciət edərək, xx.xx.2020-ci il tarixli müqaviləsinə əsasən «Marvin-Gənc-Çarpayı», «Matras» üçün 331 (üç yüz otuz bir) manat ödənilməmiş hissə, 33 (otuz üç) manat cərimə; xx.xx.2020-ci il tarixli müqaviləsinə əsasən İmei kodu **********35303 «Samsung Galaxy A10» markalı telefon üçün 175 (bir yüz yetmiş beş) manat ödənilməmiş hissə, 17 (on yeddi) manat cərimə; xx.xx.2020-ci il tarixli müqaviləsinə əsasən Trimmer «Panasonic» üçün 125,6 (bir yüz iyirmi beş manat altmış qəpik) manat ödənilməmiş hissə, 12,4 (on iki manat qırx qəpik) manat cərimə pulu; xx.xx.2020-ci il tarixli müqaviləsinə əsasən Modem «TP-LİNK» üçün 36,78 (otuz altı manat yetmiş səkkiz qəpik) manat ödənilməmiş hissə, 36,22 (otuz altı manat iyirmi iki qəpik) manat cərimə; xx.xx.2020-ci il tarixli müqaviləsinə əsasən «Samsung Geo» qulaqlıq üçün 20,1 (iyirmi manat on qəpik) manat ödənilməmiş hissə, 2,9 (iki manat doxsan qəpik) manat cərimə borcu olmaqla, ümumilikdə 790 (yeddi yüz doxsan) manat borc və 30 (otuz) manat ödənilmiş dövlət rüsumu Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə çıxarılmasını xahiş etmişdir. İddiaçı iddia tələbini onunla əsaslandırmışdır ki, cavabdeh "xxxx" MMC ilə xx.xx.2020-ci il, xx.xx.2020-ci il, xx.xx.2020-ci il, xx.xx.2020-ci il və xx.xx.2020-ci il tarixli müqavilələrinə əsasən «Marvin-Gənc-Çarpayı», «Matras», İmei kodu **********35303 «Samsung Galaxy A10» markalı telefon, Trimmer «Panasonic», Modem «TP-LİNK», «Samsung Geo» qulaqlıq almış və nəticədə ümumilikdə 790 (yeddi yüz doxsan) manat borc yaranmışdır. Cavabdeh müqavilənin şərtlərini pozmuş və nəticədə xx.xx.2020-ci il tarixli müqaviləsinə əsasən, alqı-satqı qiyməti 390 (üç yüz doxsan) manat (20 ay x 19,5 manat + 0 manat ilkin ödəniş) olan «Marvin-Gənc-Çarpayı», «Matras» üçün ümumilikdə, 364(üç yüz altmış dörd) manat olmaqla ondan, 331 (üç yüz otuz bir) manat ödənilməmiş hissə, 33 (otuz üç) manat cərimə; xx.xx.2020-ci il tarixli müqaviləsinə əsasən, alqı-satqı qiyməti 354 (üç yüz əlli dörd) manat (12 ay x 29,5 manat + 0 manat ilkin ödəniş) olan İmei kodu **********35303 «Samsung Galaxy A10» markalı telefon üçün ümumilikdə 192 (bir yüz doxsan iki) manat olmaqla ondan, 175 (bir yüz yetmiş beş) manat ödənilməmiş hissə, 17 (on yeddi) manat cərimə; xx.xx.2020-ci il tarixli müqaviləsinə əsasən, alqı-satqı qiyməti 151,2 (bir yüz əlli bir manat iyirmi qəpik) manat (12 ay x 12,6 manat + 0 manat ilkin ödəniş) olan Trimmer «Panasonic» üçün ümumilikdə 138 (bir yüz otuz səkkiz) manat olmaqla ondan, 125,6 (bir yüz iyirmi beş manat altmış qəpik) manat ödənilməmiş hissə, 12,4 (on iki manat qırx qəpik) manat cərimə; xx.xx.2020-ci il tarixli müqaviləsinə əsasən, alqı-satqı qiyməti 57,2 (əlli yeddi manat iyirmi qəpik) manat (3 ay x 18,4 manat + 2 manat ilkin ödəniş) olan Modem «TP-LİNK» üçün ümumilikdə 73 (yetmiş üç) manat olmaqla ondan, 36,78 (otuz altı manat yetmiş səkkiz qəpik) manat ödənilməmiş hissə, 36,22 (otuz altı manat iyirmi iki qəpik) manat cərimə; xx.xx.2020-ci il tarixli müqaviləsinə əsasən, alqısatqı qiyməti 21,1 (iyirmi bir manat on qəpik) manat (3 ay x 6,7 manat + 1 manat ilkin ödəniş) olan «Samsung Geo» qulaqlıq üçün ümumilikdə 23 (iyirmi üç) manat olmaqla ondan, 20,1 (iyirmi manat on qəpik) manat ödənilməmiş hissə, 2,9 (iki manat doxsan qəpik) manat cərimə borcu yaranmışdır. Cavabdehin cəmi ödədiyi məbləğ 285,02 manat təşkil edir. Cavabdehlə aralarında bağlanılmış xx.xx.2020-ci il, xx.xx.2020-ci il, xx.xx.2020ci il, xx.xx.2020-ci il və xx.xx.2020-ci il tarixli Müqavilənin ayrılmaz tərkib hissəsi olan Əşyaların təhvil-təslim aktından görünür ki, cavabdeh əldə etdiyi məhsulu tam və qüsursuz şəkildə təhvil almışdır. Cavabdehlə aralarında olan telefon danışığı, həmçinin göndərdikləri xx.xx.2023-cü il tarixli xəbərdarlıq məktubunda mübahisənin Məhkəmədən kənar həll olunması, onun üzərinə düşən öhdəlikləri lazımınca icra etməli olduğunu rəsmi qayda da, bildirsələrdə, qarşı tərəf müqavilə ilə təsbit olunmuş öhdəlikləri icra etməmişdir. Ödəniş cədvəlinin 2-ci bəndə əsasən ödəniş cədvəli üzrə ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində mübahisəsiz olaraq penya ödəyir. Odur ki, iddianın təmin olunmasını məhkəmədən xahiş edir. Azərbaycan Respublikası Mülki Prosessual Məcəlləsinin 284-5-ci maddəsinə uyğun olaraq cavabdehə bildiriş göndərilməklə ona iddia tələbinə dair əsaslandırılmış etirazını, dəlillərini və sübutlarını təqdim etmək təklif olunsa da cavabdehdən iddiaya dair etiraz daxil olmamışdır. Məhkəmə iş üzrə sənədləri araşdıraraq hesab edir ki, iddia qismən əsaslı olduğundan qismən təmin edilməlidir. Belə ki, iş materiallarına əlavə edilmiş: "xxxx" MMC ilə alıcı Cavabdeh arasında bağlanmış xx.xx.2020-ci il, xx.xx.2020-ci il, xx.xx.2020-ci il, xx.xx.2020-ci il və xx.xx.2020-ci il tarixli müqavilələrdən görünür ki, "xxxx" MMC alıcıya dəyəri 390 (üç yüz doxsan) manat olan «Marvin-Gənc-Çarpayı», «Matras», dəyəri 354 (üç yüz əlli dörd) manat olan İmei kodu **********35303 «Samsung Galaxy A10» markalı telefon, dəyəri 151,2 (bir yüz əlli bir manat iyirmi qəpik) manat olan Trimmer «Panasonic», dəyəri 57,2 (əlli yeddi manat iyirmi qəpik) manat olan Modem «TP-LİNK» və dəyəri 21,1 (iyirmi bir manat on qəpik) manat olan «Samsung Geo» qulaqlıq dəyərini hissə-hissə ödəmə şərti ilə satmışdır. Alıcı aldığı malın dəyərini müqavilədə göstərilən ödəmə tarixində şərtsiz ödəyəcəyi və ödəmənin hər gecikdiyi gün üçün ümumi məbləğin 1 faizi miqdarında cərimə ödəməyi barədə üzərinə öhdəlik götürmüşdür. Cavabdeh həmin müqavilə üzrə sonrakı aylar «Marvin-Gənc-Çarpayı», «Matras» üçün hər ay 19,5 manat, İmei kodu **********35303 «Samsung Galaxy A10» markalı telefon üçün hər ay 29,5 manat, Trimmer «Panasonic» üçün hər ay 12,6 manat, Modem «TP-LİNK» üçün hər ay 18,4 manat və «Samsung Geo» qulaqlıq üçün hər ay 6,7 manat ödəniş etmək öhdəliyini üzərinə götürmüşdür. 05 aprel 2023-cü il tarixli "xxxx" MMC-nin maliyyə və ödəniş cədvəlindən görünür ki, Cavabdeh xx.xx.2020-ci il tarixli müqaviləyə əsasən "xxxx" MMC-dən «Marvin-Gənc- Çarpayı», «Matras» üçün 20 ay müddətinə ödəmək şərti ilə dəyəri 390 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc 331 (üç yüz otuz bir) manat borcunu ödəmədiyindən, həmin məbləğə 33 (otuz üç) manat cərimə hesablanmış; xx.xx.2020-ci il tarixli müqaviləyə əsasən "xxxx" MMC-dən İmei kodu **********35303 «Samsung Galaxy A10» markalı telefon üçün 12 ay müddətinə ödəmək şərti ilə dəyəri 354 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 175 (bir yüz yetmiş beş) manat borcunu ödəmədiyindən, həmin məbləğə 17 (on yeddi) manat cərimə hesablanmış; xx.xx.2020-ci il tarixli müqaviləyə əsasən "xxxx" MMC-dən Trimmer «Panasonic» üçün 12 ay müddətinə ödəmək şərti ilə dəyəri 151,2 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 125,6 (bir yüz iyirmi beş manat altmış qəpik) manat borcunu ödəmədiyindən, həmin məbləğə 12,4 (on iki manat qırx qəpik) manat cərimə hesablanmış, xx.xx.2020-ci il tarixli müqaviləyə əsasən "xxxx" MMC-dən Modem «TP-LİNK» üçün 3 ay müddətinə ödəmək şərti ilə dəyəri 57,2 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 36,78 (otuz altı manat yetmiş səkkiz qəpik) manat borcunu ödəmədiyindən, həmin məbləğə 36,22 (otuz altı manat iyirmi iki qəpik) manat cərimə hesablanmış; xx.xx.2020-ci il tarixli müqaviləyə əsasən "xxxx" MMC-dən «Samsung Geo» qulaqlıq üçün 3 ay müddətinə ödəmək şərti ilə dəyəri 21,1 manat olan mal almış, borcunu hissə-hissə ödəməli olduğu halda öhdəliklərini tam yerinə yetirməmiş, əsas borc məbləğindən 20,1 (iyirmi manat on qəpik) manat borcunu ödəmədiyindən, həmin məbləğə 2,9 (iki manat doxsan qəpik) manat cərimə hesablanmışdır. İş materiallarına əlavə edilmiş xx.xx.2023-cü il tarixli xəbərdarlıqdan görünür ki, cavabdeh borcun ödənilməyəcəyi təqdirdə məhkəmədə ona qarşı iddia qaldırılacağı barədə xəbərdar edilmişdir. İddia tələbinin qanuni əsası kimi məhkəmə aşağıdakı maddi hüquq normalarına istinad etməyi əsaslı hesab edir. Belə ki, öhdəlik hüququndan bəhs edən Azərbaycan Respublikası Mülki Məcəlləsinin 385.1-ci maddəsində qeyd edilir ki, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin: 567-ci maddəsində qeyd olunur ki, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 600.1-ci maddəsində göstərilir ki, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. 600.2-ci maddəsinə görə, əşyaların nisyə satışı satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. 600.4-cü maddəsində əsasən, əşyanı təhvil almış alıcı onu alğı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Məhkəmə eyni zamanda iddianın cərimənin ödənilməsi hissəsini də araşdıraraq hesab edir ki, iddia həmin hissədə qismən təmin edilməlidir. Belə ki, Mülki Məcəllənin 462.1-ci maddəsinə əsasən dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. Həmin Məcəllənin 467-ci maddəsinə əsasən isə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Qanun normasının mənasına görə, məhkəmə cərimə (dəbbə) pulunun məbləğini cavabdehin belə vəsatət verməsindən asılı olmayaraq azalda bilər. Hər bir konkret iş üzrə dəbbə pulunun azaldılması meyarları kimi dəbbə pulunun qeyri-mütənasib olması, öhdəliyin pozulması nəticəsində yarana biləcək mümkün zərərin həcmindən əhəmiyyətli dərəcədə artıq olması, öhdəliklərin yerinə yetirilməsindən yayınma müddətləri və s. çıxış edə bilər. Məhkəmə nəzərə alır ki, dəbbə pulunun iddiada göstərilən həcmdə tutulması cavabdehin əmlak mənafelərinə ciddi xələl gətirə bilər. Dəbbə pulunun məbləğinin azaldılması kreditorun əmlak mənafelərinə əsaslı təsir etmir. Belə ki, iddiaçı borc verərkən dəbbə pulunu əldə edəcəyi gözlənilən qazanc kimi deyil, öhdəliyin icrasının təminatı üsulu kimi nəzərdə tutmuşdur. Məhkəmə cavabdehin üzərində əsas borcu olaraq icra edilməmiş pul öhdəliyinin olmasını, bununla yanaşı əlavə olaraq yüksək məbləğdə cərimənin tətbiq edilməsinin onların vəziyyətini daha da ağırlaşdırdığını nəzərə alaraq hesab edir ki, 68,52 (altmış səkkiz manat əlli iki qəpik) manat məbləğində dəbbə pulu (cərimə) tənasübsüz surətdə yüksəkdir. Odur ki, dəbbə pulu azaldılaraq 7 (yeddi) manat məbləğində müəyyən edilməlidir. Məhkəmə tədqiq olunmuş sübutlara tam, hərtərəfli, obyektiv və məcmu halında qiymət verərək hesab edir ki, iddia tələbi qismən əsaslı olduğundan qismən təmin edilməli, "xxxx" MMC-nin xeyrinə Cavabdeh «Marvin-Gənc-Çarpayı», «Matras» üçün 331 (üç yüz otuz bir) manat ödənilməmiş hissə, 2 (iki) manat cərimə, İmei kodu **********35303 «Samsung Galaxy A10» markalı telefon üçün 175 (bir yüz yetmiş beş) manat ödənilməmiş hissə, 1 (bir) manat cərimə, Trimmer «Panasonic» üçün 125,6 (bir yüz iyirmi beş manat altmış qəpik) manat ödənilməmiş hissə, 1 (bir) manat cərimə, Modem «TP-LİNK» üçün 36,78 (otuz altı manat yetmiş səkkiz qəpik) manat ödənilməmiş hissə, 2 (iki) manat cərimə, «Samsung Geo» qulaqlıq üçün 20,1 (iyirmi manat on qəpik) manat ödənilməmiş hissə, 1 (bir) manat cərimə borcu olmaqla, ümumilikdə 695,48 (altı yüz doxsan beş manat qırx səkkiz qəpik) manat borc pul tutularaq iddiaçıya qaytarılmalıdır. Bununla yanaşı, MPM-in 107-ci və 119.1-ci maddələrinə əsasən, məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. Məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Ona görə də, məhkəmə ödənilmiş 30 (otuz) manat dövlət rüsumunun da cavabdehdən iddiaçının xeyrinə tutulmasını əsaslı hesab edir. Azərbaycan Respublikası Mülki Prosessual Məcəlləsinin: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 119.1-ci maddəsinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir; 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Göstərilənlərə əsasən və Azərbaycan Respublikası Mülki Prosessual Məcəlləsinin 216-220-ci maddələrini rəhbər tutaraq, məhkəmə qət etdi: İddia qismən təmin edilsin. "xxxx" MMC-nin xeyrinə Cavabdeh «Marvin-Gənc-Çarpayı», «Matras» üçün 331 (üç yüz otuz bir) manat ödənilməmiş hissə, 2 (iki) manat cərimə, İmei kodu **********35303 «Samsung Galaxy A10» markalı telefon üçün 175 (bir yüz yetmiş beş) manat ödənilməmiş hissə, 1 (bir) manat cərimə, Trimmer «Panasonic» üçün 125,6 (bir yüz iyirmi beş manat altmış qəpik) manat ödənilməmiş hissə, 1 (bir) manat cərimə, Modem «TP-LİNK» üçün 36,78 (otuz altı manat yetmiş səkkiz qəpik) manat ödənilməmiş hissə, 2 (iki) manat cərimə, «Samsung Geo» qulaqlıq üçün 20,1 (iyirmi manat on qəpik) manat ödənilməmiş hissə, 1 (bir) manat cərimə borcu olmaqla, ümumilikdə 695,48 (altı yüz doxsan beş manat qırx səkkiz qəpik) manat borc və məhkəmə xərci qismində 30 (otuz) manat dövlət rüsumu tutulsun. İddia qalan hissədə təmin edilməsin. Qətnamədən həmin qətnamə rəsmi qaydada verildiyi gündən bir ay müddətində Gəncə Şəhər Məhkəməsi vasitəsi ilə Azərbaycan Respublikası Gəncə Apellyasiya Məhkəməsinə apellyasiya şikayəti verilə bilər. Hakim: Zaman İmanov