Bakı Kommersiya Məhkəməsi Qərardad — İş №e-2-2(113)-1464/2023

Azərbaycan Respublikası adından QƏRARDAD Bakı şəhəri İş № e-2-2(113)-1464/2023 15.02.2023 BAKİ KOMMERSİYA MƏHKƏMƏSİ Hakim Əliyev Emin Zöhrab oğlunun sədrliyi, X10 qızının katibliyi ilə, İddiaçı MMC-nin cavabdeh X3 qarşı pul tələbinə dair iddia ərizəsini və ona əlavə edilmiş sənədləri nəzərdən keçirərək, məhkəmə M Ü Ə Y Y Ə N E T D İ: İddiaçı MMC iddia ərizəsi ilə məhkəməyə müraciət edərək, Cavabdeh X2 əvəzsiz istifadəyə verilmiş soyuducunun dəyərinin iki misli həcmində, yəni 5000 manat , 400 manat əsas borc və 204 manat cərimə borcu, 260 manat (110 manat vəkil xidmət haqqı, 150manat mediasiya işlərinin aparılmasına görə xidmət haqqı) və 100 manat ödənilmiş Mediasiya rüsumunun ümumilikdə 5964 manat tutularaq iddiaçı "xxxx" MMC-nin xeyrinə ödənilməsi haqqında qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin: 35.1-ci maddəsinə qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə, hakim iddia ərizəsini və ona əlavə olunmuş sənədləri geri qaytarır. 152.1.3-cü maddəsinə əsasən, əgər iş ərazi və ya məhkəmə aidiyyəti üzrə həmin məhkəmədə baxılmalı deyilsə, hakim iddia ərizəsini və ona əlavə olunmuş sənədləri geri qaytarır. İddiaçı MMC-nin iddia ərizəsini və ona əlavə edilmiş sənədləri nəzərdən keçirən məhkəmə hesab edir ki, ərizə və ona əlavə edilmiş sənədlər geri qaytarılmalıdır, belə ki, iş materiallarına əlavə edilmiş Qaçqınların və X7 üzrə Dövlət Komitəsinin arayışından görünür ki, X1 rayonu, Masazır kəndi, Ş.Niyazi Əsgərov küçəsində müvəqqəti məskunlaşmışdır (Sumqayıt Kommersiya Məhkəməsi). Göründüyü kimi iddiaçı hazırki ərizə ilə Bakı Kommersiya Məhkəməsinə müraciət edərkən X3 qarşı iddia irəli sürsə də və iddia ərizəsinə əlavə edilmiş sənədlər məhz sonuncuya aid olsa da, iddia ərizəsinin mətnində və xahiş edirəm hissəsində cavabdeh kimi X5 qeyd edilmişdir. Məhkəmə qeyd olunanları nəzərə alaraq hesab edir ki, İddiaçı MMC-nin iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası MPM-nin 263 və 264-cü maddələrinə əsasən, məhkəmə Q Ə R A R A A L D İ: İddiaçı MMC-nin cavabdeh X3 qarşı pul tələbinə dair iddia ərizəsi və ona əlavə edilmiş sənədlər geri qaytarılsın. Qərardad tərəfə rəsmi qaydada verildikdən sonra 10 gün müddətində Bakı Kommersiya Məhkəməsinə şikayət verilə bilər. Hakim: Emin Əliyev