Bakı Kommersiya Məhkəməsi Qərardad — İş №e-2-2(113)-149/2023

Azərbaycan Respublikası adından QƏRARDAD Bakı şəhəri İş № e-2-2(113)-149/2023 10.02.2023 BAKİ KOMMERSİYA MƏHKƏMƏSİ Hakim Hüseynov Kənan Hüseyn oğlunun sədrliyi, İmrani Fəridə Fərhad qızının katibliyi ilə, İddiaçı Açıq Səhmdar Cəmiyyətinin cavabdeh “Makro 2000 X1 Taahhüt İç ve Dış Ticaret Anonim Şirketinin” Azərbaycan Respublikasındakı Filialına qarşı “borcun ödənilməsi” tələbinə dair kommersiya mübahisəsinə məhkəmənin inzibati binasında açıq məhkəmə iclasında baxaraq MÜƏYYƏN ETDİ: İddiaçı Açıq Səhmdar Cəmiyyəti cavabdeh “Makro 2000 X1 Taahhüt İç ve Dış Ticaret Anonim Şirketinin” Azərbaycan Respublikasındakı Filialına qarşı iddia və iddianın dəyişdirilməsi barədə ərizə ilə məhkəməyə müraciət edərək, Makro 2000 X2 Taahhüt İç və Dış Ticarət Anonim Şirkətinin Azərbaycan Respublikasındakı Filialından nəqliyyat xidmətinə görə 3.243,63 (üç min iki yüz qırx üç manat altmış üç qəpik) manat borcun, çatdırılmış mala dair ödənişin gecikdirilməsinə görə 1.568,23 (bir min beş yüz altmış səkkiz manat iyirmi üç qəpik) manat cərimənin, 160 (yüz altmış) manat vəkil xərcinin, 200 manat mediator xərcinin, cəmi 5.171,86 (beş min yüz yetmiş bir manat səksən altı qəpik) manat pulun birdəfəlik tutularaq İddiaçı Açıq Səhmdar Cəmiyyətinə ödənilməsi barədə qətnamə qəbul edilməsini xahiş etmişdir. İddiaçının nümayəndəsi 09 fevral 2023-cü il tarixdə “Elektron məhkəmə” informasiya sistemi vasitəsilə məhkəməyə təqdim etdiyi ərizəsində İddiaçı cavabdeh "MAKRO 2000 X1 TAAHHÜT İÇ VE DİŞ TİCARET ANONİM ŞİRKETİ"NİN Azərbaycan Respublikasındakı Filialına qarşı "pul tələbi"nə dair işin baxılmamış saxlanılması barədə qərardad qəbul edilməsini xahiş etmişdir. Məhkəmə iclasının yeri və vaxtı barədə lazımı qaydada məlumatlandırılmış tərəflər məhkəmə iclasına gəlməmiş və gəlməməyinin səbəbi barədə məlumat verməmişdir. Məhkəmə işə tərəflərin iştirakı olmadan baxılmasını mümkün hesab etmişdir. Məhkəmə hesab edir ki, iddiaçının nümayəndəsi iddia ərizəsinin geri qaytarılması barədə ərizə verdiyindən, cavabdeh isə məhkəmə iclasına gəlmədiyindən və işə onun iştirakı olmadan mahiyyəti üzrə baxılmasının tələb edilməsinə dair məhkəməyə heç bir vəsatət təqdim etmədiyindən Azərbaycan Respublikası MPM-nin 259.0.11-ci maddəsinə əsasən, iddia ərizəsi baxılmamış saxlanılmalıdır. Belə ki, Azərbaycan Respublikası MPM-nin 259.0.11-ci maddəsinə əsasən, iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə, məhkəmə ərizəni baxılmamış saxlayır. Şərh olunanlara əsasən və Azərbaycan Respublikası MPM-nin 259, 263-264, 268-ci maddələrini rəhbər tutaraq, məhkəmə QƏRARA ALDİ: İddiaçı Açıq Səhmdar Cəmiyyətinin “Makro 2000 X1 Taahhüt İç ve Dış Ticaret Anonim Şirketinin” Azərbaycan Respublikasındakı Filialına qarşı “borcun ödənilməsi” tələbinə dair iddia ərizəsi baxılmamış saxlanılsın. Qərardad rəsmi qaydada verildikdən (elektron kabinetə yerləşdirildikdən) sonra 10 gün müddətində ondan elektron kabinet vasitəsi ilə Bakı Kommersiya Məhkəməsinə şikayət verilə bilər. Hakim Kənan Hüseynov