Bakı Kommersiya Məhkəməsi Qərardad — İş №e-2-2(113)-2737/2021

Azərbaycan Respublikası adından QƏRARDAD Bakı şəhəri İş № e-2-2(113)-2737/2021 31.05.2021 BAKİ KOMMERSİYA MƏHKƏMƏSİ Bakı Kommersiya Məhkəməsinin hakimi Qasımov Fərrux Hüseynağa oğlu, İmrani Fəridə Fərhad qızının katibliyi ilə, İddiaçı “xxxx” Məhdud Məsuliyyətli Cəmiyyətinə qarşı pul tələbi barədə ərizəsinə Bakı Kommersiya Məhkəməsinin inzibati binasında açıq məhkəmə iclasında baxaraq, MÜƏYYƏN ETDİ: İddiaçı MMC kiçik iddialara dair işlər üzrə sadələşdirilmiş icraat qaydasında iddia ərizəsi ilə məhkəməyə müraciət edərək tərəflər arasında bağlanmış 01.12.2020-ci il tarixli 199/2020 saylı “Laborator xidmətlərin göstərilməsi haqqında” müqavilə üzrə yaranmış olan 6300 manat məbəğində olan əsas borcun, eləcə də gecikdirmə nəticəsində vurduğu zərərin 105 manat məbləğində olan əvəzinin, 30 manat məbləğində dövlət rüsumu və 500 manat məbləğində vəkillə müqavilə xərcləri olmaqla 530 manat olan məhkəmə xərclərinin, ümumilikdə 6935 manat məbləğində pul vəsaitinin cavabdehdən tutularaq iddiaçıya ödənilməsi barədə qətnamə çıxarılmasını xahiş etmişdir. İddiaçını nümayəndəsi X2 ərizə ilə məhkəməyə müraciət edərək cavabdeh tərəfindən yaranmış borc ödənildiyindən məhkəmə icraatının davam etməsinə ehtiyac qalmadığından iş üzrə icraata xitam verilməsi barədə qərardad qəbul edilməsini xahiş etmişdir. Ərizədə iş üzrə icraata xitam verilməsi xahiş edilsə də, xitamın hansı əsasla (iddiadan imtina, barışıq sazişi və s.) verilməli olduğu qeyd edilməmişdir. Azərbaycan Respublikası Mülki Prosessual Məcəlləsinin 170.1-ci maddəsinə əsasən həmin Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Buna görə də məhkəmə hesab edir ki, ərizədə qeyd olunanlar nəzərə alınaraq iddia ərizəsi geri qaytarılmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 259, 263, 264, 267 və 268-ci maddələrini rəhbər tutaraq, məhkəmə QƏRARA ALDİ: İddiaçı “xxxx” Məhdud Məsuliyyətli Cəmiyyətinə qarşı pul tələbi barədə ərizəsi və ona əlavə olunmuş sənədlər geri qaytarılsın. Qərardad rəsmi qaydada verildikdən sonra 10 gün müddətində ondan Bakı şəhəri Binəqədi Rayon Məhkəməsinə şikayət verilə bilər. Hakim Fərrux Qasımov