Bakı Kommersiya Məhkəməsi Qərardad — İş №e-2-2(113)-3261/2021

Azərbaycan Respublikası adından QƏRARDAD Bakı şəhəri İş № e-2-2(113)-3261/2021 25.06.2021 BAKİ KOMMERSİYA MƏHKƏMƏSİ Məhkəmənin hakimi Əliyev Emin Zöhrab oğlu, İddiaçı “İddiaçı”nin Cavabdeh MMC-yə qarşı pul tələbinə dair kiçik iddialar üzrə sadələşdirilmiş qaydada verdiyi ərizəsini və ona əlavə edilmiş sənədləri nəzərdən keçirərək, MÜƏYYƏN E T D İ M: İddiaçı “İddiaçı” iddia ərizəsi ilə məhkəməyə müraciət edərək, müqavilə öhdəliklərinin pozulmasına görə Cavabdeh MMC-dən 5276,96 manat məbləğində borc pulun və 30 manat dövlət rüsumunun tutularaq iddiaçı “İddiaçı” MMC-yə ödənilməsi barədə qətnamə qəbul edilməsini xahiş etmişdir. Kiçik iddia üzrə sadələşdirilmiş qaydada ərizəni və ona əlavə olunmuş sənədləri nəzərdən keçirərək, hesab edirəm ki, ərizənin qəbul edilməsindən imtina edilməlidir. Belə ki, iddiaçı “İddiaçı” tərəfindən həm pretenziya həm də iddia tələbini təsdiq edən sənədlər məhkəməyə təqdim olunmamışdır, yəni, iddiaçı “Elektron məhkəmə” informasiya sisteminə yükləmiş sənədi (pretenziya və müqavilə) Elektron məhkəmə” informasiya sistemindən istifadə qaydalarına uyğun olaraq həyata keçirməmişdir (“Elektron məhkəmə” informasiya sistemində pretenziya və müqaviləninin yerləşdirildiyi elektron fayl açılmır və sözügedən sənədləri əldə etmək mümkün olmur). Bundan başqa iddiaçı verilmiş tələbi təsdiq edən sənədləri məhkəməyə təqdim etməmişdir (elektron qaimə, təhvil-təslim və ya üzləşmə aktları və s.) Azərbaycan Respublikası Mülki Prosessual Məcəlləsinin: 284-4.1.3-cü maddəsinə görə verilmiş tələbi təsdiq edən sənədlər təqdim olunmamışdırsa məhkəmə kiçik iddialara dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. 284-4.2-ci maddəsinə görə bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Beləliklə, qeyd olunanları nəzərə alaraq hesab edirəm ki, verilmiş tələbi təsdiq edən sənədlər iddiaçı tərəfindən məhkəməyə təqdim olunmadığından iddiaçı “İddiaçı”nin Cavabdeh MMC-yə qarşı pul tələbinə dair kiçik iddialar üzrə sadələşdirilmiş qaydada verdiyi ərizəsinin icraata qəbul edilməsindən imtina edilməlidir. Azərbaycan Respublikası MPM-nin 263-264-cü maddələrinə əsasən, QƏRARA A L D İ M: İddiaçı “İddiaçı”nin Cavabdeh MMC-yə qarşı pul tələbinə dair kiçik iddialar üzrə sadələşdirilmiş qaydada verdiyi ərizənin icraata qəbul edilməsindən imtina edilsin. İddia ərizəsi və ona əlavə edilmiş sənədlər, həmçinin 30 manat məbləğində dövlət rüsumunun ödənilməsini təsdiq edən ********* nömrəli, 21.06.2021-ci il tarixli qəbz geri qaytarılsın. “İddiaçı”nə izah edilsin ki, kiçik iddialar üzrə sadələşdirilmiş icraat barədə ərizənin qəbul edilməsindən imtina olunması onun həmin tələb üzrə iddia icraatı qaydasında iddia verilməsinə mane olmur. Qərardaddan şikayət verilə bilməz. Hakim Emin Əliyev