Bakı Kommersiya Məhkəməsi Qərardad — İş №e-2-2(113)-3372/2022

Azərbaycan Respublikası adından QƏRARDAD Bakı şəhəri İş № e-2-2(113)-3372/2022 29.09.2022 BAKİ KOMMERSİYA MƏHKƏMƏSİ hakim Qasımov Fərrux Hüseynağa oğlunun sədrliyi, Kərimov İlkin Camal oğlunun katibliyi ilə, İddiaçı "xxxx" Məhdud Məsuliyyətli Cəmiyyətinə qarşı pul tələbi barədə işə Bakı Kommersiya Məhkəməsinin inzibati binasında açıq məhkəmə iclasında baxaraq MÜƏYYƏN ETDİ: İddiaçı MMC iddia ərizəsi ilə məhkəməyə müraciət edərək 2491079,90 manat məbləğində pul vəsaitinin "xxxx" MMC-dən tutularaq ona ödənilməsi barədə qətnamə çıxarılmasını xahiş etmişdir. İddia ərizəsinin məzmunundan görünür ki, tələbin əsasını tərəflər arasında bağlanmış 29 sentyabr 2020-ci il tarixli, 1 №-li və 20 dekabr 2020-ci il tarixli, 1/21 №-li alqı – satqı müqavilələri təşkil edir. İddiaçı MMC ilə "xxxx" MMC arasında bağlanmış 29 sentyabr 2020-ci il tarixli, 1 №-li alqı – satqı müqaviləsinin 4.1-ci bəndində qeyd olunmuşdur ki, “Tərəflər müqavilə ilə bağlı meydana gələn bütün mübahisələri və fikir ayrılıqlarını mümkün olduğu təqdirdə danışıqlar yolu ilə həll edirlər. Əks halda mübahisələr Azərbaycan Respublikasının qanunvericiliyinə əsasən Azərbaycan Respublikasının müvafiq məhkəmələrində həll edilir.” Qeyd olunan bəndin məzmunundan görünür ki, müqaviləyə əsasən tərəflər arasında məhkəməyə qədər nizamlama (pretenziya) qaydası müəyyən olunmuşdur. Azərbaycan Respublikası Mülki Prosessual Məcəlləsinin: - 4.3-cü maddəsinə əsasən əgər qanunla müəyyən kateqoriya kommersiya mübahisələri üçün məhkəməyə qədər nizamlama (pretenziya) qaydası müəyyən olunarsa və yaxud bu, tərəflər arasında müqavilə ilə nəzərdə tutularsa, mübahisə həmin qaydaya riayət edildikdən sonra kommersiya məhkəməsinin həllinə verilə bilər; - 149.2 və 149.2.4-cü maddəsinə əsasən ərizədə müqavilə ilə və ya həmin kateqoriya işlər üçün qanunla bu nəzərdə tutulmuşsa, cavabdehlə mübahisənin məhkəməyə qədər (pretenziya) qaydada nizama salınmasına riayət edilməsinə dair məlumat göstərilməlidir. - 150.1 və 150.1.6-ci maddəsinə əsasən iddia ərizəsinə müqavilə ilə və ya həmin kateqoriya mübahisələr üçün qanunda bu nəzərdə tutulmuşsa, cavabdehlə mübahisənin məhkəməyə qədər və ya pretenziya qaydasında nizama salınmasına riayət edilməsini təsdiq edən sənəd (kommersiya mübahisələri üzrə həmin sənədlər bu Məcəllənin 150.2-ci maddəsinə uyğun olaraq verilir) əlavə edilir. Müqavilədə nəzərdə tutulsa da, "xxxx" MMC tərəfindən borcun ödənilməsi ilə bağlı "xxxx" MMC-yə təklif göndərməsi ilə iddia ərizəsinə hər hansı bir sübut əlavə olunmamışdır. Tərəflər 04 iyul 2022-ci il, 25 iyul 2022-ci il tarixli hazırlıq, 09 avqust 2022-ci il və 29 sentyabr 2022-ci il tarixli məhkəmə baxışı iclaslarının vaxtı və yeri barəsində lazımi qaydada məlumatlandırılmalarına baxmayaraq cavabdeh məhkəmə iclaslarına gəlməmiş, iddiaçı isə işə onun iştirakı oladan məhkəmə iclasının keçirilməsini xahiş etmiş, buna görə də iddia ərizəsi ilə məhkəməyə müraciət edilənə kimi məhkəməyə qədər nizamlama (pretenziya) qaydasına riayət olunmasını təsdiq edən sübutun mövcud olub – olmadığını aydınlaşdırmaq mümkün olmamışdır. Azərbaycan Respublikası Mülki Prosessual Məcəlləsinin 259.0.1-ci maddəsinə əsasən məhkəməyə müraciət etmiş iddiaçı mübahisənin qabaqcadan məhkəmədən kənar (pretenziya qaydasında) həll edilməsi barəsində müəyyən kateqoriyadan olan işlər üçün qanunla müəyyən edilmiş, yaxud tərəflər arasında müqavilə ilə nəzərdə tutulmuş qaydaya əməl etməmişsə və bu qaydanı tətbiq etmək imkanı itirilməmişsə məhkəmə ərizəni baxılmamış saxlayır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 259, 263, 264, 267 və 268-ci maddələrini rəhbər tutaraq, məhkəmə QƏRARA ALDİ: İddiaçı "xxxx" Məhdud Məsuliyyətli Cəmiyyətinə qarşı pul tələbi barədə iddia ərizəsi baxılmamış saxlanılsın. Qərardad rəsmi qaydada verildikdən (elektron kabinetə yerləşdirildikdən) sonra 10 gün müddətində ondan elektron kabinet vasitəsi ilə Bakı Kommersiya Məhkəməsinə şikayət verilə bilər. Hakim Fərrux Qasımov