Bakı Kommersiya Məhkəməsi Qətnamə — İş №e-2-2(113)-3659/2022

Azərbaycan Respublikası adından QƏTNAMƏ Bakı şəhəri İş № e-2-2(113)-3659/2022 14.07.2022 BAKİ KOMMERSİYA MƏHKƏMƏSİ Hakim Əliyev Emin Zöhrab oğlunun sədrliyi, X1 qızının katibliyi ilə, Ərizəçi İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinin Maraqlı şəxs ölkədən getmək hüququnun müvəqqəti məhdudlaşdırılması tələbi barədə xüsusi icraat qaydasında ərizəsi üzrə kommersiya mübahisəsinə dair işə açıq məhkəmə iclasında baxaraq, məhkəmə M Ü Ə Y Y Ə N E T D İ: Ərizəçi İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi ərizə ilə məhkəməyə müraciət edərək, vergi ödəyicisi olan hüquqi şəxs "xxxx" Mənzil-Tikinti Kooperativi və "xxxx" MMC tərəfindən dövlət büdcəsinə olan ümumilikdə 12942,64 manat, dövlət sosial müdafiə fonduna olan 14048,71 manat, işsizlikdən sığorta fonduna olan 39,72 manat, icbari tibbi sığorta fonduna olan 77,22 manat məbləğində borcun ödənilməsini təmin etmək üçün həmin şəxslərin icra orqanının rəhbəri olan, Maraqlı şəxs barəsində ölkədən getmək hüququnun müvəqqəti məhdudlaşdırılması barədə qətnamə çıxarılmasını xahiş etmişdir. Ərizəçi ərizəsini onunla əsaslandırmışdır ki, vergi öhdəliklərini Azərbaycan Respublikasının Vergi Məcəlləsi ilə müəyyən edilmiş müddətdə yerinə yetirmədiyi üçün xx.xx.2022-ci il tarixə vergi ödəyicisi olan "xxxx" Mənzil-Tikinti Kooperativinin (VÖEN: **********) dövlət büdcəsinə 811,12 manat məbləğində (o cümlədən, vergilər üzrə 520,7 manat, faizlər üzrə 190,42 manat, maliyyə sanksiyası üzrə 100 manat) , Xəzərə Mənzərə- 2015" Məhdud Məsuliyyətli Cəmiyyətinin (VÖEN: **********) işsizlikdən sığorta fonduna 39,72 manat, icbari tibbi sığorta fonduna 77,22 manat, dövlət sosial müdafiə fonduna 14048,71 manat, dövlət büdcəsinə 12131,52 manat məbləğində (o cümlədən, vergilər üzrə 8648,92 manat, faizlər üzrə 3302,6 manat, maliyyə sanksiyası üzrə 180 manat) olmaqla, ümumilikdə 27108,29 manat borcu vardır. Məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, Maraqlı şəxs məhkəmə iclasına gəlməmiş və gəlməməsinin səbəbi barədə məhkəməyə rəsmi məlumat verməmiş, ərizəçi İqtisadiyyat Nazirliyi yanında Dövlət Vergi Xidməti Bakı şəhəri Lokal Gəlirlər Baş İdarəsinin nümayəndəsi isə məhkəməyə ərizə ilə müraciət edərək, maraqlı şəxsin ölkədən getmək hüququnun müvəqqəti məhdudlaşdırılması tələbi barədə ərizənin təmin edilməsini və məhkəmə iclasını vergi orqanının səlahiyyətli nümayəndəsinin iştirakı olmadan keçirilməsini xahiş etmişdir. Məhkəmə işə maraqlı şəxsin və ərizəçinin nümayəndəsinin iştirakı olmadan baxılmasını mümkün hesab etmişdir. İş materiallarına əlavə edilmiş İnternet Vergi İdarəsinin vergi uçotuna alınmış vergi ödəyicilərinin vergi borcu barədə məlumatın verilməsi barədə xx.xx.2022-ci il tarixli çıxarışlardan görünür ki, "xxxx" Mənzil-Tikinti Kooperativinin borcu yoxdur, “Xəzərə Mənzərə-2015" Məhdud Məsuliyyətli Cəmiyyətinin isə 27108,29 manat borcdan cəmi 3,05 manat borcu vardır. Azərbaycan Respublikası Mülki Prosessual Məcəlləsinin 355-5.1-ci maddəsinə əsasən vergi ödəyicisi və ya sığortaedən vergi, məcburi dövlət sosial sığorta, icbari tibbi sığorta və işsizlikdən sığorta haqları üzrə öhdəliyini qanunla müəyyən edilmiş hallarda və müddətlərdə yerinə yetirmədikdə, hesablanmış vergilər, məcburi dövlət sosial sığorta, icbari tibbi sığorta və işsizlikdən sığorta haqları üzrə borcların və faizlərin, vergilər və məcburi dövlət sosial sığorta haqları üzrə tətbiq edilmiş maliyyə sanksiyalarının ödənilməsini təmin etmək üçün müvafiq icra hakimiyyəti orqanının müəyyən etdiyi orqan (qurum) fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması barədə məhkəməyə müraciət etmək hüququna malikdir. Göründüyü kimi, ərizəçi İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsi ərizədə "xxxx"xxxx" Məhdud Məsuliyyətli Cəmiyyətinin işsizlikdən sığorta fonduna 39,72 manat, icbari tibbi sığorta fonduna 77,22 manat, dövlət sosial müdafiə fonduna 14048,71 manat, dövlət büdcəsinə 12131,52 manat məbləğində borcunun olduğunu qeyd etsə də, İnternet Vergi Xidmətinin vergi uçotuna alınmış vergi ödəyicilərinin vergi borcu barədə məlumatın verilməsi barədə xx.xx.2022-ci il tarixli çıxarışdan görünür ki, "xxxx" Mənzil-Tikinti Kooperativinin borcu yoxdur, “Xəzərə Mənzərə- 2015" Məhdud Məsuliyyətli Cəmiyyətinin isə cəmi 3,05 manat borcu vardır. Odur ki, "xxxx" Mənzil-Tikinti Kooperativinin borcunun qalmadığını, “Xəzərə Mənzərə- 2015" Məhdud Məsuliyyətli Cəmiyyətinin isə 27108,29 manat borcdan cəmi 3,05 manat borcun olduğunu nəzərə alan məhkəmə hesab edir ki, hüquqi şəxsin icra orqanının rəhbəri Maraqlı şəxs ölkədən getmək hüququnun müvəqqəti məhdudlaşdırılması barədə İqtisadiyyat Nazirliyi yanında Dövlət Vergi Xidməti Bakı şəhəri Lokal Gəlirlər Baş İdarəsinin ərizəsi rədd edilməlidir. Azərbaycan Respublikası MPM-nin 216-220-ci maddələrinə əsasən, məhkəmə Q Ə T E T D İ: "xxxx" Mənzil-Tikinti Kooperativinin və “Xəzərə Mənzərə-2015" Məhdud Məsuliyyətli Cəmiyyətinin rəhbəri Maraqlı şəxs ölkədən getmək hüququnun müvəqqəti məhdudlaşdırılması tələbi barədə İqtisadiyyat Nazirliyi yanında Dövlət Vergi Xidməti Bakı şəhəri Lokal Gəlirlər Baş İdarəsinin ərizəsi rədd edilsin. Qətnamədən rəsmi qaydada verildiyi gündən 1 ay müddətində Bakı Kommersiya Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim:Emin Əliyev