Bakı Kommersiya Məhkəməsi Qərardad — İş №e-2-2(113)-3750/2021

Azərbaycan Respublikası adından QƏRARDAD Bakı şəhəri İş № e-2-2(113)-3750/2021 26.07.2021 BAKİ KOMMERSİYA MƏHKƏMƏSİ Hakim Nuriyeva Səbinə Vidadi qızı, İddiaçı MMC-nin cavabdeh TOO “ZiraEt”-ə qarşı “pul” tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİ: İddiaçı MMC cavabdeh TOO “ZiraEt”-ə qarşı iddia ərizəsi ilə məhkəməyə müraciət edərək, cavabdehdən 227295 ABŞ dolları, 7250 ABŞ dolları məbləğində cərimə borcu və ümumilikdə 234545 ABŞ dolları borcun və ödənilmiş 30 manat dövlət rüsum tutulması barədə qətnamə qəbul edilməsini xahiş etmişdir. Məhkəmə iddia ərizəsini və ona əlavə olunmuş sənədləri nəzərdən keçirərək hesab edir ki, iddia ərizəsinin icraata qəbulundan imtina edilməlidir. Azərbaycan Respublikası Mülki Prosessual Məcəlləsinin 153.2.1-ci maddəsinə əsasən imtina olunmalıdır. Belə ki, iddia ərizəsində olan 14/07/19 nömrəli 14 iyul 2019-cu il tarixdə Kazaxıstan Respublikasında tərəflər arasında bağlanmış müqavilənin 14-cü bəndindən görünür ki, tərəflər arasında yaranmış mübahisələrin iki tərəfli razılaşma əsasında həll olunacaği nəzərdə tutulmuşdur. Göründüyü kimi tərəflər, aralarındakı qarşılıqlı öhdəlikləri müəyyən edilməsinə dair müqavilədə gələcəkdə yarana biləcək mübahisələrin həlli iki tərəfli qaydada həll edilməsini seçmişlər. Belə olan halda məhkəmə hesab edir ki, hazırki mübahisəyə Bakı Kommersiya Məhkəməsində baxıla bilməz. Azərbaycan Respublikası Mülki Prosessual Məcəlləsinin 153.2 və 153.2.1-ci maddələrinə əsasən ərizəyə məhkəmə qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. 153.3-cü maddəsinə əsasən hakim ərizəni qəbul etməkdən imtina barədə əsaslandırılmış qərardad çıxarır. İşə məhkəmə qaydasında baxılmalı deyildirsə, iddiaçının hansı orqana müraciət etməli olmasını orada göstərir. Qeyd olunanlara əsasən məhkəmə hesab edir ki, hazırki iddia ərizəsinin icraata qəbul edilməsindən imtina edilməli və iddiaçıya hazırki iddia tələbi ilə bağlı tərəflər arasında bağlanmış müqaviləyə uyğun mübahisənin həll edilməli olduğu izah edilməlidir. Belə olan halda məhkəmə hesab edir ki, iddia ərizəsi geri qaytarılmalı, iddiaçıya qeyd edilən nöqsan aradan qaldırıldıqdan sonra məhkəməyə müraciət etmək hüququ izah edilməli və iddiaçı tərəfindən ödənilmiş 30 manat dövlət rüsumu geri qaytarılmalıdır Göstərilənlərə əsasən və Azərbaycan Respublikası Mülki Prosessual Məcəlləsinin 153, 263 və 264-cü maddələrini rəhbər tutaraq, QƏRARA ALDİ: İddiaçı MMC-nin cavabdeh TOO “ZiraEt”-ə qarşı “pul” tələbinə dair iddia ərizəsinin icraata qəbul edilməsindən imtina edilsin. İddia ərizəsinin qaytarılması nöqsanlar aradan qaldırıldıqdan sonra ümumi qaydada təkrar səlahiyyətli məhkəməyə müraciət etməyə mane olmur. İddiaçı tərəfindən ödənilmiş 30 manat dövlət rüsumu geri qaytarılsın. Qərardaddan, onun rəsmi qaydada verildiyi gündən 10 (on) gün müddətində Bakı Kommersiya Məhkəməsinə şikayət verilə bilər. Hakim Səbinə Nuriyeva