Bakı Kommersiya Məhkəməsi Qətnamə — İş №e-2-2(113)-3789/2022

Azərbaycan Respublikası adından QƏTNAMƏ Bakı şəhəri İş № e-2-2(113)-3789/2022 25.08.2022 BAKİ KOMMERSİYA MƏHKƏMƏSİ Hakim Əliyev Emin Zöhrab oğlunun sədrliyi, X1 qızının katibliyi, iddiaçı "xxxx" MMCnin nümayəndəsi Vəkil iştirakı ilə, İddiaçı "xxxx" MMC-nin Cavabdeh qarşı pul tələbi barədə kommersiya mübahisəsinə dair işə məhkəmənin inzibati binasında baxaraq, məhkəmə MÜƏYYƏN ETDİ: İddiaçı "xxxx" MMC iddia ərizəsi ilə məhkəməyə müraciət edərək, Cavabdeh 24390 manat məbləğində borc pulun və ödənilmiş 200 manat mediasiya xərcinin tutularaq iddiaçı "xxxx" Məhdud Məsuliyyətli Cəmiyyətinə ödənilməsi barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, "xxxx" MMC ilə Cavabdeh arasında xx.xx.2019-cu il tarixdə yataq, qonaq, uşaq, yumşaq və digər mebellərin satışı ilə əlaqədar № NO-0001 saylı satış müqaviləsi imzalanmışdır. Həmin müqaviləyə əsasən sifarişçi Cavabdeh istənilən üsulla sifariş edilmiş mebelləri müqavilə şərtləri ilə son istehlakçılara satmaq məqsədilə sifarişçinin mülkiyyətinə verməyi, sifarişçi isə bu müqavilə ilə razılaşdırılmış şərtlərlə qiymətləri ona ödəməyi öhdəsinə götürür. Cavabdeh "xxxx" MMCdən götürdüyü malların dəyərini tam ödəməmiş və nəticədə "xxxx" MMC-yə 24 390 manat məbləğində borcu əmələ gəlmişdir. Bununla əlaqədar Cavabdeh ilə 01 noyabr 2021-ci il tarixdə üzləşmə aktı tərtib edilmişdir. Hal-hazırda Cavabdeh "xxxx" Məhdud Məsuliyyətli Cəmiyyətinə 24390 manat məbləğində borcu vardır. Məhkəmə iclasında iştirak edən iddiaçı "xxxx" MMC-nin nümayəndəsi Vəkil iddianı müdafiə edərək, iddia ərizəsinə uyğun izahat vermiş və tələbinin tam təmin edilməsini məhkəmədən xahiş etmişdir. Məhkəmə iclasının yeri və vaxtı barədə lazımi qaydada xəbərdar edilməsinə baxmayaraq, Cavabdeh məhkəmə iclasına gəlməmiş və gəlməməsinin üzrlü səbəbləri barədə məhkəməyə qabaqcadan rəsmi məlumat verməmişdir. Azərbaycan Respublikası MPM-nin 185.5-ci maddəsinə əsasən, məhkəmə, işə cavabdehin iştirakı olmadan baxılmasını mümkün hesab etmişdir. İş materiallarına əlavə edilmiş və məhkəmə iclasında tədqiq edilmiş: 18 yanvar 2019-cu il tarixli iddiaçı "xxxx" MMC ilə Cavabdeh arasında bağlanmış NO-0001 nömrəli alğı-satqı müqaviləsindən görünür ki, "xxxx" MMC istənilən üsulla sifariş edilmiş yataq, qonaq, uşaq, yumşaq və digər mebelləri müqavilə şərtləri ilə son istehlakçılara satmaq məqsədilə Cavabdeh mülkiyyətinə verməyi, Cavabdeh isə bu müqavilə razılaşdırılmış şərtlərlə qiymətləri ona ödəməyi öhdəsinə götürür. 14 mart 2020-ci il tarixli malların satışı qaimədən görünür ki, alıcı Cavabdeh 3460 manat dəyərində mal almış, əvvəlki borcu 29250,42 manat, yekun borcu isə 32710,42 manat olduğu qeyd edilmişdir. 01 noyabr 2021-ci il tarixli iddiaçı "xxxx" MMC ilə Cavabdeh arasında bağlanmış üzləşdirmə aktından görünür ki, Cavabdeh iddiaçıya 24390 manat məbləğində borcu vardır. 17 mart 2022-ci il tarixli ödəniş tapşırığından görünür ki, iddiaçı "xxxx" MMC ilkin mediasiya sessiyasının keçirilməsi üçün 200 manat mediasiya xərcini ödəmişdir. Azərbaycan Respublikası Mülki Məcəlləsinin 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. “Mediasiya haqqında” Qanunun 36.5-ci maddəsinə əsasən “mediasiya prosesinin tətbiqi barədə müqavilə”də və mediasiyaya dair qeyd-şərtdə başqa şərt nəzərdə tutulmayıbsa, həmçinin ilkin mediasiya sessiyasında tərəfin üzrsüz səbəbdən iştirak etməməsi halında digər tərəfin bütün mediasiya xərclərini ödədiyi hallar istisna olmaqla, mediasiyaya çəkilən xərclər tərəflər arasında bərabər şəkildə bölüşdürülür. Mediasiyaya dair qeyd-şərtə və ya “mediasiya prosesinin tətbiqi barədə müqavilə”nin şərtlərinə zidd olaraq mediasiyada, həmçinin ilkin mediasiya sessiyasında üzrsüz səbəbdən iştirak etməyən tərəf mediasiya ilə bağlı digər tərəfin çəkdiyi bütün mediasiya xərclərini ona ödəməlidir. Göründüyü kimi iddiaçı satıcı "xxxx" MMC ilə cavabdeh alıcı Cavabdeh arasında alqı-satqı müqaviləsi bağlanmış, satıcı öz üzərinə düşən öhdəlikləri yerinə yetirərək malları alıcıya satsa da, alıcı öz üzərinə düşən öhdəlikləri yerinə yetirməyərək alınan mallara görə satıcıya 24390 manat məbləğində pulu ödəməmişdir. Odur ki, məhkəmə qeyd olunanları nəzərə alaraq hesab edir ki, iddia əsaslı olduğundan təmin edilməli, Cavabdeh 24390 manat əsas borc və 200 manat mediasiya xərci, cəmi 24590 manat məbləğində pul tutularaq iddiaçı "xxxx" MMC-yə ödənilməlidir. Azərbaycan Respublikası MPM-in 216-220-ci maddələrinə əsasən, məhkəmə QƏTETDİ: İddia təmin edilsin. Cavabdeh 24390 manat əsas borc və 200 manat mediasiya xərci cəmi 24590 manat məbləğində pul tutularaq iddiaçı "xxxx" MMC-yə ödənilsin. Qətnamədən rəsmi qaydada verildiyi gündən 1 ay müddətində Bakı Kommersiya Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Hakim: Emin Əliyev