Azərbaycan Respublikası adından QİYABİ QƏTNAMƏ Bakı şəhəri İş № e-2-2(113)-3857/2024 17.10.2024 BAKİ KOMMERSİYA MƏHKƏMƏSİ İddiaçı MMC-nin Cavabdeh MMC-yə qarşı pul tələbinə dair kommersiya mübahisəsi üzrə iş (açar sözlər: müqavilə üzrə pulun tutulması) X3 Rövşən qızının sədrliyi, Rüstəmova Mülayim Akif qızının katibliyi, İddiaçının nümayəndəsi və vəkili X1 iştirakı ilə, İdddiaçı İddiaçı MMC-nin Cavabdeh MMC-yə qarşı pul tələbinə dair kommersiya mübahisəsi üzrə işə məhkəmənin inzibati binasında açıq məhkəmə iclasında baxıldı. I. Kommersiya mübahisəsinin mahiyyəti:
1. İddiaçı MMC (bundan sonra – iddiaçı) Cavabdeh MMC-yə (bundan sonra – cavabdeh) qarşı “pul” tələbinə dair iddia ərizəsi ilə məhkəməyə müraciət edərək, cavabdeh "xxxx" QSC-dən İddiaçı MMC-nin xeyrinə xx.xx.2021-ci il tarixli PM 59/21 saylıalqısatqımüqaviləsinə əsasən 3938,06 manat məbləğində borcun və ödənilmiş 60 manat dövlət rüsumunun cavabdehdən tutulub iddiaçıya ödənilməsi barədə qətnamə qəbul edilməsini xahiş etmişdir.
2. İddia tələbi onunla əsaslandırılmışdır ki, İddiaçı MMC ilə "xxxx" MMC arasında xx.xx.2021-ci il tarixli PM 59/21 saylıalqı-satqımüqaviləsi imzalanmışdır. Sözügedən müqaviləyə əsasən İddiaçı MMC tərəfindən ümumilikdə 9054,54 manat (ƏDV daxil) məbləğində mallar təhvil verilmişdir. Lakin "xxxx" MMC tərəfindən təhvil verilmiş mallarla dair təqdim olunmuş elektron qaimələr "xxxx" QSC tərəfindən təsdiq edilsə də, təhvil verilmiş malların dəyərindən 5.116,48 manat (ƏDV daxil) ödənilmiş, bü günə kimi 3938,06 (ƏDV daxil) manat məbləğində malların dəyərinin ödənilməsi təmin edilməmişdir. Cavabdehə borcun qaytarılması haqqında tərəfimizdən bildiriş göndərilsə də,cavabdeh tərəfindən öhdəliyin icrası təmin etməmişdir. Beləliklə, cavabdeh "xxxx" QSC tərəfindən xx.xx.2021-ci il tarixli PM 59/21 saylı müqavilə üzrə öhdəliklər razılaşdırılmış qaydada icra edilmədiyi üçün məhkəmə qaydasında pulun tələb edilməsizərurəti yaranmışdır.
3. Cavabdehin nümayəndəsi iddia ərizəsinə etiraz edərək, İddiaçı MMC -nin Cavabdeh QSC-ə qarşı pul tələbinə dair iddia tələbinin rədd edilməsi haqqında qətnamə qəbul edilməsini xahiş etmişdir.
4. Etiraz onunla əsaslandırılmışdır ki, iddia ərizəsinin giriş hissəsinə nəzər yetirdikdə orada iddia tələbinin qisa məzmunu olaraq xx.xx.2021-ci il tarixli PM 59/21 saylıalqısatqı müqaviləsinə əsasən İddiaçı MMC tərəfindən ümumilikdə 9054,54 manat (ƏDV daxil) məbləğində mallar təhvil verilmişdir. Belə ki, İddiaçı MMC tərəfindən müqavilə öhdəliklərinə əməl edilməmişdir. Cavabdeh QSC tərəfindən isə müqavilə üzrə ödənişlər mütəmadi olaraq həyata keçirilmişdir. Müqavilədə nəzərdə tutulmuş mallar Polimart” MMC tərəfindən tam şəkil təhvil verilməmiş .Həmçinin təhvil verilmiş mallar qüsurlu olmuşdur. Həmin mallar tərəfimizdən utilizasiya edilmiş və buna dair xərclər çəkilmişdir. Göründüyü kimi İddiaçı MMC və Cavabdeh QSC arasında bağlanmış müqavilədə iddiaçı öhdəliklərini tam yerinə yetirməmişdir.
II. Tərəflərin mövqeləri:
5. Məhkəmə iclasında iddiaçının nümayəndəsi və vəkili iddia tələbini müdafiə edib, iddia ərizəsində göstərilənlərə uyğun izahat verərək, iddia tələbinin təmin olunmasına dair qətnamə qəbul edilməsini xahiş etdi.
6. Cavabdehə məhkəmə iclasının yeri və vaxtı barədə lazımi qaydada məlumat verilməsinə baxmayaraq, məhkəmə iclasına gəlməmiş və gəlməməsinin səbəbləri barədə məhkəməyə məlumat verməmişdir.
7. Azərbaycan Respublikası Mülki Prosessual Məcəllənin 238-ci maddəsinə əsasən, iclasın vaxtı və yeri haqqında lazımi qaydada xəbərdar edilmiş cavabdeh məhkəmə iclasına gəlmədikdə və gəlməməsinin səbəbləri barədə məlumat vermədikdə, iddiaçı buna etiraz etmədikdə, işə qiyabi icraat qaydasında baxıla bilər.
8. Məhkəmə iddiaçının nümayəndəsi və vəkilinin razılığını nəzərə alaraq, işə mahiyyəti üzrə cavabdehin iştirakı olmadan qiyabi icraat qaydasında baxılmasını mümkün hesab etmişdir.
III. Məhkəmə baxışının hədləri:
9. Məhkəmə həqiqətə nail olmaq üçün işin hərtərəfli, tam və obyektiv tədqiqinə lazımi şərait yaradır. Bunun üçün məhkəmə: işdə iştirak edən şəxslərə onların prosessual hüquq və vəzifələrini izah edir, görüləcək, yaxud görülməyəcək hərəkətlərin nəticələri barədə onları xəbərdar edir, onların prosessual hüquqlarının həyata keçməsinə kömək göstərir. Məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir (MPM-in 14.1 və 14.2-ci maddələri).
10. Hakim işdə iştirak edən şəxslərin verdiyi tələblər üzrə qətnamə çıxarır. Lakin hakim qanunda göstərilən müstəsna hallarda iddia tələblərindən kənara çıxa bilər (MPM-in 218.3-cü maddəsi).
IV. Sübutların tədqiqi:
11. İddiaçı MMC (satıcı) ilə Cavabdeh MMC (alıcı) arasında xx.xx.2022-ci il tarixli PM 059/21 saylı alqı-satqı müqaviləsi bağlanmışdır. Həmin müqavilənin: - 1.1-ci bəndinə əsasən satıcı Alıcı tərəfindən sifariş edilən miqdara əsasən, həmin müqavilədə müəyyən edilmiş formada Alıcıya təhvil verməyi. Alıcı isə təhvil alan malların dəyərini bu müqavilənin ayrılmaz hissəsi olan qiymət razılaşdırma protokoluna, əlavə(lər)də əsasən Satıcıya ödəməyi öhdəsinə götürür. - 2.1-ci bəndinə əsasən malın qiyməti və ödəmə şərtləri bu müqavilənin ayrılmaz tərkib hissəsi olan əlavə(lər)-də tərəflər arasında razılaşdırılaraq əks olunur. - 2.2-ci bəndinə əsasən ödəmə Satıcının hesabına köçürmə yolu ilə elektron qaiməyə əsasən 30 gündən gec olmayaraq həyata keçirilir. Müqavilə hər iki tərəfin imzası və satıcının möhürü ilə təsdiq edilmişdir.
12. İddiaçı tərəfindən cavabdehə EBBF 044255 nömrəli xx.xx.2021-ci il tarixli 2286,84 manat,EBBG 781796 nömrəli xx.xx.2021-ci il tarixli 60,75 manat,EBBD 168338 nömrəli xx.xx.2021-ci il tarixli 3044,40 manat,EBBG 756129 nömrəli xx.xx.2021-ci il tarixli 643,42 manat,EBBE 290197 nömrəli xx.xx.2021-ci il tarixli 670,42 manat,EBBE 799676 nömrəli 1989,48 manat,EBBF 038703 nömrəli xx.xx.2021-ci il tarixli 182,24 manat,EBBK 728488 nömrəli xx.xx.2021-ci il tarixli 177 manat məbləğində elektron qaimələr göndərilmişdir.
13. Cavabdeh MMC-nin xx.xx.2021-ci il tarixli ödəniş tapşırığı ilə təsdiq edilir ki, Cavabdeh MMC tərəfindən (boru alınması üçün) İddiaçı MMC-nin hesabına 27 manat məbləğində pul vəsaiti köçürülmüşdür.
14. Cavabdeh MMC-nin xx.xx.2022-ci il tarixli ödəniş tapşırığı ilə təsdiq edilir ki, Cavabdeh MMC tərəfindən (EBBD 168338 elektron qaimə üzrə) İddiaçı MMC-nin hesabına 180 manat məbləğində pul vəsaiti köçürülmüşdür.
15. Cavabdeh MMC-nin xx.xx.2022-ci il tarixli ödəniş tapşırığı ilə təsdiq edilir ki, Cavabdeh MMC tərəfindən (EBBD 168338 elektron qaimə üzrə) İddiaçı MMC-nin hesabına 270 manat məbləğində pul vəsaiti köçürülmüşdür.
16. 17.05.2024-cü il tarixli maliyyə arayışından görünür ki, iddiaçı tərəfindən cavabdehə 9054,55 manat (ƏDV daxil) məbləğində mal verilmiş,həmin məbləğdən 5116,49 manat ödənilmiş,3938,06 manat məbləğində qalıq borc qalmışdır.
17. İddiaçı tərəfindən verilmiş ödənişlər barədə arayışdan görünür ki,EBBK 728488 nömrəli xx.xx.2021-ci il tarixli 177 manat və EBBE 799676 nömrəli xx.xx.2021-ci il tarixli1989,48 manat məbləğində elektron qaimələr üzrə tam ödəniş olmuş,digər elektron qaimələr üzrə isə ödəniş olmamışdır.
Tətbiq edilən hüquq:
18. Azərbaycan Respublikası Mülki Məcəlləsinin: 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. 386.1-ci maddəsinə əsasən öhdəliyin zərər vurulması, əsassız varlanma və ya Mülki Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. 598.1-ci maddəsinə əsasən əgər alqı-satqı müqaviləsində ayrı qayda nəzərdə tutulmayıbsa və öhdəliyin mahiyyətindən ayrı qayda irəli gəlmirsə, alıcı əşyanı satıcıdan bilavasitə təhvil almazdan əvvəl və ya təhvil aldıqdan sonra ödəməlidir. 598.2-ci maddəsinə əsasən əgər alqı-satqı müqaviləsində əşyanın hissə-hissə ödənilməsi nəzərdə tutulmayıbsa, alıcı verilmiş əşyanın qiymətini satıcıya tam ödəməyə borcludur. 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. 462.1-ci maddəsinə görə dəbbə pulu (cərimə, penya) müqavilə ilə müəyyənləşdirilən, öhdəliyin icra edilmədiyi və ya lazımınca icra edilmədiyi, o cümlədən icranın gecikdirildiyi halda borclunun kreditora ödəməli olduğu pul məbləğidir. 467-ci maddəsinə görə məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır.
19. Azərbaycan Respublikası Mülki Prosessual Məcəlləsinin: 107-ci maddəsinə əsasən məhkəmə xərcləri dövlət rüsumundan və işə baxılması ilə əlaqədar olan məsrəflərdən ibarətdir. 115.0.1-ci maddəsinə əsasən şahidlərə, ekspertlərə, mütəxəssislərə, tərcüməçilərə verilməli olan məbləğlər işə baxılması ilə əlaqədar məsrəflərə daxildir. 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. 121.1-ci maddəsinə əsasən məhkəmə nümayəndənin və ya vəkilin göstərdiyi yardıma görə xərclərin, konkret hallar və təqdim edilmiş məlumatlar qiymətləndirilməklə, digər tərəfdən ağlabatan məbləğdə alınıb xeyrinə qətnamə çıxarılan tərəfə verilməsini qərara alır.
20. “Dövlət rüsumu haqqında” AR Qanununun 9.1-1-ci maddəsinə görə “Mediasiya haqqında” Azərbaycan Respublikasının Qanununa uyğun olaraq mediasiya prosesinin nəticəsinə dair barışıq sazişi bağlanmadıqda məhkəməyə müraciət edərkən mediasiya prosesi ilə bağlı xərclərin öz üzərinə düşən hissəsini ödəmiş tərəf və ya həmin Qanunun 36.2-ci maddəsinə uyğun olaraq mediasiya xərclərini ödəmiş tərəf dövlət rüsumunu ödəməkdən azad olunur. Bu Qanunda nəzərdə tutulmuş dövlət rüsumunun məbləği çəkilmiş xərclərdən artıq olduqda, tərəf çəkdiyi xərc həddində dövlət rüsumundan azad edilir.
V. Məhkəmənin mövqeyi:
21.Məhkəmə hesab edir ki, iddia tələbi təmin edilməlidir. 22.Belə ki, məhkəmə araşdırması zamanı müəyyən edilmişdir ki, müqavilə azadlığı prinsipinə uyğun olaraq tərəflər arasında alqı-satqı müqaviləsi bağlanmış, müqaviləyə əsasən iddiaçı üzərinə düşən öhdəlikləri tam icra edərək, tələb edilən malları cavabdehə satsa da, cavabdeh təqdim edilmiş malın dəyərini tam ödəməmiş, bununla da müqavilə öhdəliklərini pozmuşdur. Nəticədə cavabdehin iddiaçıya 3938,06 manat məbləğində borcu yaranmışdır. Məhkəmə cavabdeh tərəfindən təqdim edilmiş etirazı əsassız hesab edərək qedy edir ki, cavabdeh iddiaçı tərəfindən təqdim edilmiş malların qüsurlu olmasını, buna göre onlara ziyan dəydiyini qeyd etsə də, qeyd edilən fakta dair heç bir sübut məhkəməyə təqdim etməmişdir. 23.Məhkəmə sadalanan qanunvericilik normalarını, eyni zamanda cavabdehin müqaviləyə əsasən verilmiş malların dəyərindən – 3938,06 manat məbləğində pul vəsaitini - ödəməməklə müqavilə öhdəliklərini lazımi qaydada icra etmədiyini, belə olan halda isə iddiaçının göstərilən öhdəliyin icrasını tələb etmək hüququna malik olmasını, eləcə də iddiaçı cavabdehdən 3938,06 manat məbləğində pul vəsaitini tələb etdiyini nəzərə alaraq hesab edir ki, cavabdehdən 3938,06 manat borc tutularaq iddiaçıya ödənilməlidir.
24. Dövlət rüsumunun hesablanması kalkulyatorundan çıxarışdan görünür ki, hazırkı iddia tələbi üzrə dövlət rüsumunun məbləği 60 manat təşkil edir.
25. Hazırkı qətnamə ilə iddia təmin edildiyindən iddiaçı tərəfindən ödənilmiş 60 manat dövlət rüsumu cavabdehdən tutularaq iddiaçıya ödənilməlidir.
26. Məhkəmə MPM-in 121.1-ci maddəsinin tələblərini nəzərə alaraq vəkil yardımına çəkilmiş xərclərə görə cavabdehdən 141 manat məbləğində pulun tutulmasını ağlabatan hesab edir.
27. Şərh olunanlara əsasən və Azərbaycan Respublikası Mülki Prosessual Məcəllənin 242, 244, 252, 253.3, 216-220, 227, 233, 360-cı maddələrini rəhbər tutaraq, məhkəmə
QƏTETDİ:
İddia təmin edilsin. Cavabdeh MMC-dən xx.xx.2021-ci il tarixli 59/21 saylı alqı-satqı müqaviləsinə əsasən 3938,06 (üç min otuz səkkiz mnat altı qəpik) manat məbləğində borcun və çəkilmiş dövlət rüsumunun əvəzi olaraq 60 manat məbləğində pul vəsaiti tutularaq İddiaçı MMC-yə ödənilsin. Cavabdeh, qiyabi qətnamənin ona rəsmi qaydada verilməsindən sonra 10 (on) gün müddətində həmin qətnamənin ləğvi barədə Bakı Kommersiya Məhkəməsinə ərizə verməyə haqlıdır. Qiyabi qətnamədən bu qətnamənin ləğvi üçün ərizə verilməsi və ona baxılması müddəti bitdikdən sonra bir ay müddətində Bakı Kommersiya Məhkəməsi vasitəsilə Bakı Apellyasiya Məhkəməsinin Kommersiya Kollegiyasına apellyasiya şikayəti verilə bilər. . Hakim Günay Həşimova