Bakı Kommersiya Məhkəməsi Qətnamə — İş №e-2-2(113)-4022/2022

Azərbaycan Respublikası adından QƏTNAMƏ Bakı şəhəri İş № e-2-2(113)-4022/2022 06.09.2022 BAKİ KOMMERSİYA MƏHKƏMƏSİ Hakim Əliyev Emin Zöhrab oğlunun sədrliyi, X2 qızının katibliyi, İddiaçı MMC-nin nümayəndəsi X1 və Cavabdeh iştirakı ilə, İddiaçı MMC-nin Cavabdeh qarşı pul tələbi barədə kommersiya mübahisəsinə dair işə məhkəmənin inzibati binasında baxaraq, məhkəmə MÜƏYYƏN ETDİ: İddiaçı MMC iddia ərizəsi ilə məhkəməyə müraciət edərək, müqavilə üzrə ödənilməmiş 5639,84 manat məbləğində pul vəsaitinin Cavabdeh alınaraq İddiaçı MMCyə ödənilməsi barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, İddiaçı MMC ilə Cavabdeh arasında qarşılıqlı razılaşma əsasında bağlanmış “məhsulların nisyə alqı-satqısı barədə” xx.xx.2020-ci il tarixli, 011/2020 saylı müqavilənin 1-ci bəndinə əsasən, İddiaçı MMC cavabdehə ümumi dəyəri 5639,84 manat məbləğində olan müxtəlif çeşidli məhsulları satmış, cavabdeh isə, müqavilənin 2-ci bəndinə əsasən, həmin məhsulları qəbul etmiş və 3-cü bəndinə əsasən, malların dəyərini pul şəklində 3 ay müddətində ödəməyi öhdəsinə götürmüşdür. Daha sonra cavabdeh İddiaçı MMC-nin rəhbərliyinə yazdığı xx.xx.2020-ci il tarixli ərizədə borcunu etiraf etmiş və 3 ay ərzində borcunu tam şəkildə ödəyəcəyini bildirmişdir. Buna baxmayaraq, Cavabdeh müqavilə üzrə öhdəliklərini lazımi qaydada yerinə yetirməmiş və İddiaçı MMC-yə olan borcunun 5639,84 manat hissəsini bu günədək ödəməmişdir. Məhkəmə iclasında iştirak edən İddiaçı MMC-nin nümayəndəsi X1 iddianı müdafiə edərək, iddia ərizəsinə uyğun izahat vermiş və iddia tələbinin tam təmin edilməsini məhkəmədən xahiş etmişdir. Məhkəmə iclasında iştirak edən Cavabdeh iddianı qəbul etməyərək izahatında bildirmişdir ki, İddiaçı MMC-də işlədiyi dövrdə ona həmin şirkətdə işləməyi davam etdirmək üçün sənədlərin imzalanması təklif edilmiş və o, bununla razılaşaraq borcla bağlı sənədlərə imza atmış, məhkəməyə təqdim edilmiş ərizədə, müqavilədə və təhvim-təslim aktında imzalar ona məxsus olsa da, 5639,84 manat məbləğində mallar ona təhvil verilməmişdir. Odur ki, məhkəmədən təhvim-təslim aktında göstərilən malların ona təhvil verilmədiyini və borcun olmadığını nəzərə alaraq iddiaçının tələbinin rədd edilməsini xahiş etmişdir. İş materiallarına əlavə edilmiş və məhkəmə iclasında tədqiq edilmiş: xx.xx.2020-ci il tarixli, 011/2020 nömrəli İddiaçı MMC ilə Cavabdeh arasında bağlanmış məhsulların nisyə alqı-satqısı barədə müqavilədən görünür ki, İddiaçı MMC Cavabdeh nisyə borc olaraq ümumi dəyəri 5639,84 manat məbləğində olan müxtəlif çeşidli məhsulları (və ya taranı) satır və Cavabdeh 5639,84 manat məbləğində olan borcunu 3 ay ərzində pul şəklində ödəməyi öhdəsinə götürür. xx.xx.2020-ci il tarixli təhvil-təslim aktından görünür ki, İddiaçı MMC müqavilə ilə müəyyən edilmiş məhsulları Cavabdeh təhvil vermişdir. xx.xx.2020-ci il tarixli Cavabdeh İddiaçı MMC-yə yazdığı ərizədən görünür ki, Cavabdeh 5639,84 manat məbləğində olan borcunu etiraf etmiş və qeyd olunan borcu 24 aya qədər tam şəkildə ödəməyi öhdəsinə götürmüşdür. Azərbaycan Respublikası Mülki Məcəlləsinin 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Göründüyü kimi İddiaçı MMC ilə Cavabdeh arasında alqı-satqı müqaviləsi bağlanmış, iddiaçı öz üzərinə düşən öhdəlikləri yerinə yetirsə də, cavabdeh alınan mallara görə 5639,84 manat məbləğində borcunu ödəməmişdir. Cavabdeh izahatında 5639,84 manat məbləğində malların almadığını və həmin borcun olmadığını bildirsə də, iddiaçının məhkəməyə təqdim etdiyi, cavabdehin imza atdığı ərizə və təhvim-təslim aktı ilə sözügedən borcun mövcudluğu təsdiqlənmişdir. Məhkəmə qeyd olunanları nəzərə alaraq hesab edir ki, iddia təmin edilməli, Cavabdeh 5639,84 manat məbləğində pul tutularaq İddiaçı MMC-yə ödənilməlidir. Azərbaycan Respublikası MPM-in 216-220-ci maddələrinə əsasən, məhkəmə QƏTETDİ: İddia təmin edilsin. Cavabdeh 5639,84 manat məbləğində pul tutularaq İddiaçı MMC-yə ödənilsin. Qətnamədən rəsmi qaydada verildiyi gündən 1 ay müddətində Bakı Kommersiya Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Hakim: Emin Əliyev