Bakı Kommersiya Məhkəməsi Qiyabi qətnamə — İş №e-2-2(113)-5202/2022

Azərbaycan Respublikası adından QİYABİ QƏTNAMƏ Bakı şəhəri İş № e-2-2(113)-5202/2022 07.12.2022 BAKİ KOMMERSİYA MƏHKƏMƏSİ Hakim Əliyev Emin Zöhrab oğlunun sədrliyi, X1 qızının katibliyi, İddiaçı MMC-nin nümayəndəsi Vəkil iştirakı ilə, İddiaçı MMC-nin Cavabdeh MMC-yə qarşı pul tələbi barədə kommersiya mübahisəsinə dair işə məhkəmənin inzibati binasında baxaraq, məhkəmə MÜƏYYƏN ETDİ: İddiaçı MMC iddia ərizəsi ilə məhkəməyə müraciət edərək, cavabdeh "xxxx" MMCdən (hazırki Cavabdeh MMC) xx.xx.2021-ci il tarixli 017 №-li alqı-satqı müqaviləsi üzrə yaranmış 20664,24 manat borc məbləğinin və mediasiya xərcləri üçün ödənilmiş 210 manat məbləğində pulun tutularaq İddiaçı MMC -yə ödənilməsi barədə qətnamə qəbul edilməsini xahiş etmişdir. İddia tələbi onunla əsaslandırılmışdır ki, İddiaçı MMC ilə cavabdeh "xxxx" MMC-dən (hazırki Cavabdeh MMC) xx.xx.2021-ci il tarixdə 017 №-li alqı-satqı müqaviləsi bağlanmış, həmin müqaviləyə əsasən Cavabdeh MMC-yə 20664,24 manat məbləğində mallar satılmış və həmin borcu əks etdirən 598948 nömrəli elektron qaimənin vurulmasına baxmayaraq, sözügedən borc ödənilməmişdir. Məhkəmə iclasında iştirak edən İddiaçı MMC-nin nümayəndəsi Vəkil iddia ərizəsinə uyğun izahat vermiş, həmçinin ərizə ilə məhkəməyə müraciət edərək iddianın tam təmin edilməsi barədə qiyabi qətnamənin çıxarılmasını xahiş etmişdir. Məhkəmə iclasının yeri və vaxtı barədə lazımi qaydada xəbərdar edilməsinə baxmayaraq, Cavabdeh MMC-nin nümayəndəsi məhkəmə iclasına gəlməmiş və gəlməməsinin üzrlü səbəbləri barədə məhkəməyə qabaqcadan rəsmi məlumat verməmişdir. Azərbaycan Respublikası MPM-nin 185.5-ci maddəsinə əsasən, məhkəmə, işə cavabdehin nümayəndəsinin iştirakı olmadan baxılmasını mümkün hesab etmişdir. Azərbaycan Respublikası Mülki-Prosessual Məcəlləsinin 238-ci maddəsinə əsasən, məhkəmə işə cavabdehin nümayəndəsinin iştirakı olmadan qiyabi icraat qaydasında baxılmasını mümkün hesab etmişdir. İş materiallarına əlavə edilmiş və məhkəmə iclasında tədqiq edilmiş: 29 may 2021-ci il tarixli 017 nömrəli İddiaçı MMC ilə cavabdeh "xxxx" MMC (bundan sonra Cavabdeh MMC) arasında bağlanmış alqı-satqı müqaviləsindən görünür ki, İddiaçı MMC Cavabdeh MMC-nin həyata keçirdiyi layihələrdə istifadəsi üçün nəzərdə tutulan, hidroizolyasiya məhsullarını Cavabdeh MMC-yə satmağı, Cavabdeh MMC isə razılaşdırılmış qiymətə əsasən hesablanmış məbləği İddiaçı MMC-yə ödəməyi öhdəsinə götürür. xx.xx.2021-ci il tarixli EBBC seriyalı 598948 nömrəli elektron qaimədən görünür ki, İddiaçı MMC Cavabdeh MMC-yə ümumilikdə 20664,24 manat məbləğində satmışdır. xx.xx.2022-ci il tarixli 280386 nömrəli EBCB seriyalı elektron qaimədən görünür ki, iddiaçı ilkin mediasiya sessiyasının keçirilməsi üçün ümumilikdə 210 manat məbləğində pul ödəmişdir. Azərbaycan Respublikası Mülki Məcəlləsinin 567-ci maddəsnə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. “Mediasiya haqqında” Qanunun 36.5-ci maddəsinə əsasən “mediasiya prosesinin tətbiqi barədə müqavilə”də və mediasiyaya dair qeyd-şərtdə başqa şərt nəzərdə tutulmayıbsa, həmçinin ilkin mediasiya sessiyasında tərəfin üzrsüz səbəbdən iştirak etməməsi halında digər tərəfin bütün mediasiya xərclərini ödədiyi hallar istisna olmaqla, mediasiyaya çəkilən xərclər tərəflər arasında bərabər şəkildə bölüşdürülür. Mediasiyaya dair qeyd-şərtə və ya “mediasiya prosesinin tətbiqi barədə müqavilə”nin şərtlərinə zidd olaraq mediasiyada, həmçinin ilkin mediasiya sessiyasında üzrsüz səbəbdən iştirak etməyən tərəf mediasiya ilə bağlı digər tərəfin çəkdiyi bütün mediasiya xərclərini ona ödəməlidir. Göründüyü kimi İddiaçı MMC ilə Cavabdeh MMC arasında alqı-satqı müqaviləsi bağlanmış, iddiaçı öz üzərinə düşən öhdəlikləri yerinə yetirsə də, cavabdeh alınan mallara görə 20664,24 manat məbləğində borcunu ödəməmişdir. Odur ki, məhkəmə qeyd olunanları nəzərə alaraq hesab edir ki, iddia əsaslı olduğundan təmin edilməli və Cavabdeh MMC-dən 20664,24 manat borc və 210 manat mediasiya xərci tutularaq İddiaçı MMC-yə ödənilməlidir. Azərbaycan Respublikası MPM-in 216-220-ci maddələrinə əsasən, məhkəmə QƏTETDİ: İddia təmin edilsin. Cavabdeh MMC-dən 20664,24 manat borc və 210 manat mediasiya xərci tutularaq İddiaçı MMC-yə ödənilsin. Cavabdeh qətnamənin ona rəsmi qaydada verilməsindən sonra 10 gün müddətində həmin qətnamənin ləğvi üçün Bakı Kommersiya Məhkəməsinə ərizə verməyə haqlıdır. Qiyabi qətnamədən onun tərəflərə rəsmi qaydada təqdim edildiyi gündən 1 (bir) ay müddətində Bakı Kommersiya Məhkəməsi vasitəsi ilə Bakı Apelyasiya Məhkəməsinə apelyasiya şikayəti verilə bilər. Hakim: Emin Əliyev